യു കെ :- പ്രമുഖ മാസ്റ്റർഷെഫ് അവതാരകൻ ഗ്രെഗ് വാലസ് തന്നെ ലൈംഗികമായി ഉപദ്രവിച്ചതായി വെളിപ്പെടുത്തിയിരിക്കുകയാണ് അദ്ദേഹത്തിന്റെ ആത്മകഥ എഴുതി നൽകിയ ഗോസ്റ്റ്റൈറ്റർ ഷാനൻ കൈൽ. മറ്റൊരാൾക്ക് വേണ്ടി പുസ്തകമോ ലേഖനമോ മറ്റും എഴുതി നൽകുന്നവരാണ് സാധാരണയായി ഗോസ്റ്റ്റൈറ്റേഴ്സ് എന്ന പേരിൽ അറിയപ്പെടുന്നത്. 2012 ൽ അദ്ദേഹത്തിന്റെ ആത്മകഥയായ “ലൈഫ് ഓൺ എ പ്ലേറ്റിന്റെ ” രചനയ്ക്കിടെ ആണ് നിരവധിതവണ അദ്ദേഹം മോശമായ രീതിയിൽ തന്നോട് പെരുമാറിയതെന്ന് ഷാനൻ വ്യക്തമാക്കിയിരിക്കുന്നത്. താൻ വാതിലിൽ മുട്ടിയപ്പോൾ ഒരു ടവൽ മാത്രം ധരിച്ച് തനിക്ക് മുൻപിൽ എത്തുകയും, പിന്നീട് അതും നീക്കി തനിക്ക് മുൻപിൽ നഗ്നത പ്രദർശിപ്പിച്ചതായി ഷാനൻ ബിബിസി ന്യൂസിന് നൽകിയ അഭിമുഖത്തിൽ വ്യക്തമാക്കി. എന്നാൽ അത്തരമൊരു മോശമായ പ്രവർത്തനം നടത്തിയിട്ടില്ലെന്ന് ഗ്രെഗ് വാലസിനെ പ്രതിനിധീകരിച്ച് അദ്ദേഹത്തിന്റെ അഭിഭാഷകർ വ്യക്തമാക്കി. അദ്ദേഹത്തിന്റെ ആത്മകഥ എഴുതിയിരുന്ന 2012 മെയ് മുതൽ ഓഗസ്റ്റ് വരെയുള്ള കാലയളവിൽ, വാലസ് തൻ്റെ ലൈംഗിക ജീവിതത്തിൻ്റെ വ്യക്തമായ വിശദാംശങ്ങൾ പങ്കുവെച്ചതായി കൈൽ അവകാശപ്പെടുന്നു. അദ്ദേഹത്തോടൊപ്പം സ്പോർട്സ് യാത്ര ചെയ്ത സമയത്ത് പാസഞ്ചർ സീറ്റിൽ ഇരിക്കുമ്പോൾ, വാലസ് അനുചിതമായി തന്റെ ശരീരത്തിൽ സ്പർശിച്ചതായും കൈൽ വ്യക്തമാക്കുന്നു. ബിർമിങ്ഹാമിൽ നടന്ന ‘ഗുഡ് ഫുഡ്‌ ഷോ’യിൽ പങ്കെടുത്ത സമയത്തും അദ്ദേഹത്തിന്റെ ഭാഗത്ത് നിന്നും മോശമായ അനുഭവം ഉണ്ടായതായി എഴുത്തുകാരി വ്യക്തമാക്കി കഴിഞ്ഞു.

എന്നാൽ തങ്ങളുടെ ക്ലൈന്റിന്റെ ഭാഗത്ത് നിന്നും ഇത്തരത്തിലുള്ള യാതൊരു പെരുമാറ്റവും ഉണ്ടായിട്ടില്ലെന്ന് ശക്തമായ വാദമാണ് വാലസിന്റെ അഭിഭാഷകർ മുന്നോട്ടുവച്ചിരിക്കുന്നത്. വാലസ് മോശമായ രീതിയിൽ പെരുമാറിയെന്ന് ആരോപിച്ച് നിരവധി സ്ത്രീകൾ മുന്നോട്ടുവന്ന സാഹചര്യത്തിൽ, കഴിഞ്ഞയാഴ്ച മാസ്റ്റർഷെഫിൽ നിന്നും അദ്ദേഹം മാറിനിൽക്കുകയാണെന്ന് ഷോ അധികൃതർ പ്രഖ്യാപിച്ചിരുന്നു. ബിബിസി ന്യൂസ് നടത്തിയ അന്വേഷണത്തിലാണ് ഇത്തരത്തിൽ നിരവധിപേർ അദ്ദേഹത്തിനെതിരെ മുന്നോട്ട് വന്നിരിക്കുന്നത്. കഴിഞ്ഞ വ്യാഴാഴ്ച വാലസിൻ്റെ പെരുമാറ്റത്തെ കുറിച്ചുള്ള ആരോപണങ്ങൾ പുറത്തുവന്നതിന് ശേഷം ബിബിസി തങ്ങളുടെ മാസ്റ്റർഷെഫ് ക്രിസ്മസ് സ്പെഷ്യലുകൾ പിൻവലിച്ചു. വാലസിനെതിരെയുള്ള ആരോപണങ്ങൾ തുറന്നു പറയുവാൻ ധൈര്യം കാണിച്ചവരെ അഭിനന്ദിക്കുന്നതായി ബിബിസി വക്താവ് വ്യക്തമാക്കി. ഇദ്ദേഹത്തിനെതിരെയുള്ള സ്വതന്ത്ര അന്വേഷണത്തിന് പ്രൊഡക്ഷൻ കമ്പനിയും ഉത്തരവിട്ടിട്ടുണ്ട്.

ന്യൂസ് ഡെസ്ക്, മലയാളം യുകെ

ബിസിനസിലെ നഷ്ടം പരിഹരിക്കുന്നതിനായി കടുത്ത നടപടികൾ സ്വീകരിക്കാൻ എയർബസ് നിർബന്ധിതരാകുന്നതായുള്ള വാർത്തകൾ പുറത്തു വന്നു. ചെലവ് ചുരുക്കലിൻ്റെ ഭാഗമായി ആഗോള തലത്തിൽ ജീവനക്കാരുടെ എണ്ണം വെട്ടികുറയ്ക്കാനുള്ള നടപടികൾ കമ്പനിയുടെ ഭാഗത്തു നിന്നും ആരംഭിച്ചതായുള്ള വിവരങ്ങൾ ആണ് പുറത്തു വരുന്നത്.

യുകെയിൽ മാത്രം 500 എയർബസ് ജീവനക്കാർക്ക് തൊഴിൽ നഷ്ടമാകും എന്നാണ് പുറത്തു വരുന്ന വിവരങ്ങൾ സൂചിപ്പിക്കുന്നത്. 2026 പകുതിയോടെ ആഗോളതലത്തിൽ 2000 ത്തിലധികം എയർബസ് ജീവനക്കാർക്ക് തൊഴിൽ നഷ്ടപ്പെടും. എയർബസ് കമ്പനിയുടെ മൊത്തം ജീവനക്കാരുടെ 5 ശതമാനം വരും ഇത്. കമ്പനിയുടെ വിൽപന ഉയരുമ്പോഴും ലാഭം കുറയുന്ന സാഹചര്യത്തിലാണ് ജീവനക്കാരുടെ എണ്ണം കുറയ്ക്കാനുള്ള തീരുമാനം എടുത്തത് എന്നാണ് പുറത്തു വരുന്ന വിവരങ്ങൾ സൂചിപ്പിക്കുന്നത്. യുകെയെ കൂടാതെ ജർമ്മനി, ഫ്രാൻസ്, സ്പെയിൻ എന്നീ രാജ്യങ്ങളിൽ നിന്നുള്ളവരും തൊഴിൽ നഷ്ടപ്പെടുന്നവരുടെ പട്ടികയിൽ ഇടം പിടിച്ചിട്ടുണ്ട് .

ഏറ്റവും പുതിയ കണക്കുകൾ അനുസരിച്ച് എയർബസിന്റെ ലാഭം 22 ശതമാനം ഇടിഞ്ഞ് 1.8 ബില്യൺ പൗണ്ടിലെത്തി. എന്നാൽ വിൽപന കൂടുകയും ചെയ്തു. നിലവിൽ കഴിഞ്ഞ വർഷത്തെ അപേക്ഷിച്ച് 7 % വളർച്ചയാണ് വിൽപനയിൽ ഉണ്ടായത്. ഒക്ടോബർ 30 വരെയുള്ള കണക്കുകൾ പ്രകാരം 44 . 5 ബില്യൺ പൗണ്ടിൻറെ ബിസിനസ് ആണ് കമ്പനി നടത്തിയത്. വിൽപന കൂടുകയും ലാഭം കുറയുകയും ചെയ്തതിന്റെ വെളിച്ചത്തിലാണ് ചിലവ് ചുരുക്കൽ നടപടികളുമായി കമ്പനി മുന്നോട്ടു പോകുന്നത്. ഇത് ആദ്യമായിട്ടല്ല കമ്പനി ജീവനക്കാരുടെ എണ്ണം വെട്ടി കുറയ്ക്കുന്നത്. 2020 – ൽ കമ്പനി ആഗോളതലത്തിൽ 15,000 ജോലികൾ വെട്ടി കുറച്ചിരുന്നു. അന്ന് യുകെയിൽ മാത്രം 1700 പേർക്കാണ് തൊഴിൽ നഷ്ടമായത്.

ന്യൂസ് ഡെസ്ക്, മലയാളം യുകെ

ട്രെയിൻ കമ്പനികളുടെ ദേശസാത്കരണം ഉടനെ നടപ്പാക്കുമെന്ന വാർത്തകൾ നേരത്തെ പുറത്തു വന്നിരുന്നു . എന്നാൽ ദേശസാത്കരണവുമായി ബന്ധപ്പെട്ട് നിരക്കുകളിൽ കുറവ് ഉണ്ടാകുമോ എന്നതാണ് സാധാരണ ജനങ്ങളുടെ മനസ്സിൽ ഉയർന്നു വരുന്ന ചോദ്യം. ദേശസാത്ക്കരണം നടപ്പിലാക്കിയാലും ട്രെയിൻ നിരക്കുകളിൽ കാര്യമായ കുറവുണ്ടാകാനുള്ള സാധ്യതയില്ലെന്നാണ് ഗതാഗത സെക്രട്ടറി പറഞ്ഞു. ലൂയിസ് ഹൈയുടെ രാജിക്ക് ശേഷം ഒരാഴ്ച മുമ്പ് ഗതാഗത വകുപ്പിൽ ചുമതലയേറ്റ ഹെയ്ഡി അലക്സാണ്ടർ പറഞ്ഞത് കടുത്ത നിരാശയാണ് സാധാരണക്കാർക്ക് സമ്മാനിച്ചിരിക്കുന്നത് .

എന്നാൽ ട്രെയിൻ കമ്പനികളുടെ ദേശസാത്കരണത്തിലൂടെ ജനങ്ങൾക്ക് നൽകുന്ന സേവനത്തിന്റെ കാര്യത്തിൽ കൂടുതൽ മികവ് പുലർത്താൻ സാധിക്കുമെന്ന് മന്ത്രി പറഞ്ഞു. ട്രെയിൻ റദ്ദാക്കുന്നതും വൈകി ഓടുന്നതും മൂലമുള്ള പ്രശ്നങ്ങൾ കുറയ്ക്കാൻ സാധിക്കുന്നതിലൂടെ ജനങ്ങൾക്ക് കൂടുതൽ മെച്ചപ്പെട്ട സേവനം ചെയ്യാൻ സാധിക്കും. കഴിഞ്ഞ കുറെ നാളുകളായി രാജ്യത്ത് പ്രവർത്തിക്കുന്ന സ്വകാര്യ ട്രെയിൻ ഓപ്പറേറ്റിങ് കമ്പനികളെ കുറിച്ച് വ്യാപകമായ പരാതി ഉയർന്നതിൻ്റെ വെളിച്ചത്തിലാണ് ദേശസാത്കരണവുമായി സർക്കാർ മുന്നോട്ടു പോകുന്നത്.

ട്രെയിൻ ഓപ്പറേറ്റർമാരെ പൊതു ഉടമസ്ഥതയിലേയ്ക്ക് കൊണ്ടുവരുന്നത് കൂടുതൽ ഏകീകൃതമായ റെയിൽവെ സംവിധാനം രാജ്യത്ത് നടപ്പിലാക്കുന്നതിൻ്റെ ആദ്യപടിയാണെന്ന് ട്രാൻസ്പോർട്ട് സെക്രട്ടറി പറഞ്ഞു. എന്നാൽ ദേശസാത്കരണത്തിന് എത്ര തുക ചിലവഴിക്കേണ്ടതായി വരും എന്നതിനെ കുറിച്ച് കൃത്യമായ മറുപടി മന്ത്രി നൽകിയില്ല. വിവിധ ട്രെയിൻ സർവീസുകൾ ദേശസാത്ക്കരിക്കാനുള്ള നടപടിയുടെ ഭാഗമായി സൗത്ത് വെസ്റ്റേൺ റെയിൽവെ ആയിരിക്കും ആദ്യമായി ദേശസാത്കരിക്കപ്പെടുന്നത്. ലണ്ടൻ വാട്ടർ ലൂവിൽ നിന്ന് പ്രവർത്തിക്കുന്ന യുകെയിലെ ഏറ്റവും വലിയ യാത്രാ സേവനങ്ങളിലൊന്നാണ് സൗത്ത് വെസ്റ്റേൺ റെയിൽവെ . ഫസ്റ്റ് ഗ്രൂപ്പും ഹോങ്കോംഗ് റെയിൽ ഓപ്പറേറ്ററായ എംടിആറും തമ്മിലുള്ള സംയുക്ത സംരംഭമായാണ് സൗത്ത് വെസ്റ്റേൺ റെയിൽവെ പ്രവർത്തിക്കുന്നത്.

ന്യൂസ് ഡെസ്ക്, മലയാളം യുകെ

നിരവധി മലയാളി വിദ്യാർത്ഥി വിദ്യാർത്ഥിനികളാണ് യുകെയിലെ വിവിധ സർവകലാശാലകളിൽ ബിരുദ ബിരുദാനന്തര കോഴ്സുകൾ പഠിക്കാനായി ദിനംപ്രതി യുകെയിൽ എത്തി കൊണ്ടിരിക്കുന്നത്. ഇവരിൽ പലരും ലക്ഷക്കണക്കിന് രൂപ വിദ്യാഭ്യാസ വായ്പ എടുത്താണ് നല്ലൊരു ഭാവി സ്വപ്നം കണ്ട് യുകെയിൽ എത്തുന്നത്. പഠനത്തോടൊപ്പം ജോലി ചെയ്യാമെന്നതും അത് കഴിഞ്ഞുള്ള സ്റ്റേ ബായ്ക്കും പിന്നെ യുകെയിൽ പെർമനന്റ് വിസയും സംഘടിപ്പിക്കുക എന്ന സ്വപ്നമാണ് എല്ലാവരെയും മുന്നോട്ട് നയിക്കുന്നത്.

എന്നാൽ മലയാളികൾ ഉൾപ്പെടെയുള്ള വിദേശ വിദ്യാർഥികൾ പഠിക്കുന്ന പല സർവ്വകലാശാലകളിലും സ്ഥിതി പരമ ദയനീയമാണെന്ന റിപ്പോർട്ടുകൾ ബിബിസി ന്യൂസ് പുറത്തുവിട്ടു. ബിരുദാനന്തര ബിരുദം ഉൾപ്പെടെയുള്ള കോഴ്സുകൾക്ക് പഠിക്കുന്ന വിദ്യാർത്ഥികൾക്ക് ഇംഗ്ലീഷ് ഭാഷ പരിജ്ഞാനം വളരെ കുറവാണ്. ഇറാനിൽ നിന്ന് വളരെ പ്രതീക്ഷയോടെ യുകെയിൽ പഠിക്കാൻ എത്തിയ ഒരു പെൺകുട്ടിയുടെ അനുഭവം ബിബിസി റിപ്പോർട്ട് ചെയ്തു. തൻറെ സഹ വിദ്യാർത്ഥികളിൽ ഇംഗ്ലീഷ് വളരെ പരിമിതമാണെന്നും തന്റെ ക്ലാസിൽ ഒന്നോ രണ്ടോ ബ്രിട്ടീഷുകാർ മാത്രമേ ഉള്ളൂവെന്നും കണ്ട് താൻ ഞെട്ടിയതായും ഇറാനിയൻ പെൺകുട്ടി പറഞ്ഞു.

ലാഭം മാത്രം നോക്കി വിദേശ വിദ്യാർത്ഥികൾക്കായി വല വിരിച്ചിരിക്കുന്ന യുകെയിലെ പല സർവകലാശാലകളുടെയും സ്ഥിതി വ്യത്യസ്തമല്ല . മിക്ക വിദ്യാർഥികളും തങ്ങളുടെ കോഴ്സ് വർക്കുകളും അസൈൻ്റ് ‘മെന്റുകളും പണം കൊടുത്ത് പുറത്ത് ചെയ്യിക്കുകയാണെന്ന ഞെട്ടിക്കുന്ന വിവരങ്ങളാണ് ഇപ്പോൾ പുറത്തുവന്നിരിക്കുന്നത് . ക്ലാസുകളിൽ അറ്റൻഡൻസ് രേഖപ്പെടുത്താൻ പണം നൽകി മറ്റുള്ളവരെ ചുമതലപ്പെടുത്തുന്ന വിദ്യാർത്ഥികളും ഉണ്ട്.

വിദേശ വിദ്യാർഥികളിൽ നിന്ന് ഫീസ് മേടിക്കുന്നതിന് പരുധിയില്ലെന്നതാണ് ഈ ദുരവസ്ഥയ്ക്ക് പ്രധാന കാരണമായി ചൂണ്ടി കാണിക്കപ്പെടുന്നത്. ലാഭം കൊയ്യാൻ ഒരു യോഗ്യതയും ഇല്ലാത്ത വിദ്യാർഥികൾക്ക് യൂണിവേഴ്സിറ്റികളിൽ അഡ്മിഷൻ കൊടുക്കുകയാണ്. തൻറെ ബിരുദാനന്തര വിദ്യാർഥികളിൽ 70 ശതമാനം പേർക്കും ഇംഗ്ലീഷ് ഭാഷ പരിജ്ഞാനം ഇല്ലായിരുന്നുവെന്ന് പേര് വെളിപ്പെടുത്താൻ ആഗ്രഹിക്കാത്ത ഒരു പ്രൊഫസർ വെളിപ്പെടുത്തിയാതായി ബിബിസി റിപ്പോർട്ട് ചെയ്തു . പല വിദ്യാർത്ഥികളും തങ്ങളുടെ ഭാഷാ പരിജ്ഞാനത്തിലെ പരിമിതികൾ മറച്ചുവെച്ച് വളഞ്ഞ വഴികളിലൂടെയാണ് അഡ്മിഷൻ തരപ്പെടുത്തുന്നത്. പല സർവകലാശാലകളിലും ബിരുദാനന്തര ബിരുദത്തിന് പഠിക്കുന്ന 10 വിദ്യാർത്ഥികളിൽ ഏഴ് പേരും വിദേശത്തു നിന്നുള്ളവരാണെന്ന സ്ഥിതിവിശേഷമാണ് ഉള്ളത് . ഇംഗ്ലണ്ടിൽ, ബിരുദാനന്തര ഗാർഹിക വിദ്യാർത്ഥികൾക്കുള്ള യൂണിവേഴ്സിറ്റി ട്യൂഷൻ ഫീസ് £9,250 ആയി നിജപ്പെടുത്തിയിട്ടുണ്ട്. 2025-26 ൽ ഇത് പ്രതിവർഷം £9,535 ആയി ഉയരും. എന്നാൽ ഇംഗ്ലണ്ടിൽ പഠിക്കുന്ന വിദേശ വിദ്യാർത്ഥികൾക്കുള്ള ഫീസിന് ഉയർന്ന പരിധിയില്ല. ഇതാണ് വിദ്യാർത്ഥികളെ യാതൊരു യോഗ്യതയും പരിഗണിക്കാതെ അഡ്മിഷൻ കൊടുക്കുന്നതിന് യൂണിവേഴ്സിറ്റികളെ പ്രേരിപ്പിക്കുന്നത്

ന്യൂസ് ഡെസ്ക്, മലയാളം യുകെ

വിവിധ ട്രെയിൻ സർവീസുകൾ ദേശസാത്ക്കരിക്കാനുള്ള നടപടികൾക്ക് തുടക്കമായി. ഇതിന്റെ ഭാഗമായി സൗത്ത് വെസ്റ്റേൺ റെയിൽവെ ആയിരിക്കും ആദ്യമായി ദേശസാത്കരിക്കപ്പെടുന്നത്. ഇതിനോട് അനുബന്ധിച്ചുള്ള സർക്കാർ തല പ്രഖ്യാപനം ഈ ആഴ്ച തന്നെ ഉണ്ടാവും എന്നാണ് പുറത്തു വരുന്ന റിപ്പോർട്ടുകൾ സൂചിപ്പിക്കുന്നത്. ലണ്ടൻ വാട്ടർ ലൂവിൽ നിന്ന് പ്രവർത്തിക്കുന്ന യുകെയിലെ ഏറ്റവും വലിയ യാത്രാ സേവനങ്ങളിലൊന്നാണ് സൗത്ത് വെസ്റ്റേൺ റെയിൽവെ . ഫസ്റ്റ് ഗ്രൂപ്പും ഹോങ്കോംഗ് റെയിൽ ഓപ്പറേറ്ററായ എംടിആറും തമ്മിലുള്ള സംയുക്ത സംരംഭമായാണ് സൗത്ത് വെസ്റ്റേൺ റെയിൽവെ പ്രവർത്തിക്കുന്നത്.

പുതിയ ഗതാഗത സെക്രട്ടറി ഹെയ്‌ഡി അലക്‌സാണ്ടറിൻ്റെ കീഴിലുള്ള പുനർദേശീയവൽക്കരണത്തിന് കഴിഞ്ഞയാഴ്ച രാജിവച്ച മുൻഗാമിയായ ലൂയിസ് ഹെയ്‌ഗ് വിഭാവനം ചെയ്തതിനേക്കാൾ കൂടുതൽ ജാഗ്രതയോടെയുള്ള നടപടികൾ ഉണ്ടാകുമെന്നാണ് രാഷ്ട്രീയ നിരീക്ഷകർ വിലയിരുത്തുന്നത്. മെയ് മാസത്തിൽ കരാർ അവസാനിക്കുമ്പോൾ, ഡിപ്പാർട്ട്‌മെൻ്റ് ഫോർ ട്രാൻസ്‌പോർട്ട് ഓപ്പറേറ്ററായ ഡി ഒ എച്ച് എല്ലിൻ്റെ നിയന്ത്രണത്തിൽ ആദ്യം കൊണ്ടുവരുന്നത് സൗത്ത് വെസ്റ്റേൺ റെയിൽവെ ആയിരിക്കും. യുകെയിലെ എല്ലാ റെയിൽ സർവീസുകളും കഴിഞ്ഞയാഴ്ച നിയമമായി മാറിയ ഒരു പൊതു ഉടമസ്ഥാവകാശ നിയമത്തിന്റെ കീഴിൽ ദേശസാത്ക്കരിക്കപ്പെടും.

ന്യൂസ് ഡെസ്ക്, മലയാളം യുകെ

കെൻ്റ് രാജകുമാരൻ്റെയും മിഖയേൽ രാജകുമാരിയുടെയും മരുമകൻ തോമസ് കിംഗ്സ്റ്റൺ ആത്മഹത്യ ചെയ്‌ത സംഭവം ആൻ്റീഡിപ്രസൻ്റുകൾ കഴിക്കാൻ തുടങ്ങിയതിന് പിന്നാലെ എന്ന് കണ്ടെത്തി. ഫെബ്രുവരിയിൽ ബക്കിംഗ്ഹാം കൊട്ടാരത്തിലെ ഡോക്ടർ നിർദ്ദേശിച്ച ആൻ്റീഡിപ്രസൻ്റുകളുടെ പാർശ്വഫലങ്ങൾക്ക് പിന്നാലെയായിരുന്നു ആത്മഹത്യ. ഗ്ലൗസെസ്റ്റർഷെയർ കോറോണേഴ്സ് കോടതിയിൽ നടന്ന അന്വേഷണത്തിൽ സ്വയം ശരീരത്തിൽ വരുത്തിയ മുറിവിൽ നിന്നാണ് മരണം സംഭവിച്ചതെന്ന് കണ്ടെത്തി. 2019 ലാണ് തോമസ് കിംഗ്സ്റ്റൺ ലേഡി ഗബ്രിയേല വിൻഡ്‌സറിനെ വിവാഹം കഴിച്ചത്.

ഭർത്താവിൻെറ മരണത്തിന് പിന്നാലെ മാനസികാരോഗ്യ മരുന്നുകളുടെ അപകടസാധ്യതകളെ കുറിച്ച് പൊതുജനങ്ങൾക്ക് കൂടുതൽ അവബോധം നൽകണമെന്ന് ആവശ്യപ്പെട്ടുകൊണ്ട് ലേഡി ഗബ്രിയേല രംഗത്ത് വന്നിരിക്കുകയാണ്. 45 കാരനായ തോമസ് കിംഗ്സ്റ്റൺ, ജോലി സംബന്ധമായ സമ്മർദ്ദവും ഉറക്ക ബുദ്ധിമുട്ടുകളും അനുഭവിച്ചതിനെ തുടർന്നാണ് ബക്കിംഗ്ഹാം കൊട്ടാരത്തിനുള്ളിൽ സ്ഥിതി ചെയ്യുന്ന റോയൽ മ്യൂസ് സർജറിയിലെ ഡോക്ടറിൻെറ നിർദ്ദേശപ്രകാരം ആൻ്റീഡിപ്രസൻ്റുകൾ കഴിക്കാൻ തുടങ്ങിയത്. പ്രതികൂല പാർശ്വഫലങ്ങൾ കാരണം അദ്ദേഹം പിന്നീട് മരുന്ന് നിർത്തുകയായിരുന്നു.

അന്വേഷണത്തിൽ ഗ്ലൗസെസ്റ്റർഷെയർ സീനിയർ കോറോണർ കാറ്റി സ്‌കെറെറ്റ് തോമസ് കിംഗ്‌സ്റ്റണിൻ്റെ മരണം സ്വയം ഉണ്ടാക്കിയ മുറിവിനെ തുടർന്നാണെന്ന് കണ്ടെത്തി. ഇത് മരുന്നിനോടുള്ള പ്രതികൂല പ്രതികരണങ്ങളുടെ പാർശ്വഫലമാണെന്നും അവർ ചൂണ്ടിക്കാട്ടി. തോമസിൻെറ ജോലി വെല്ലുവിളി നിറഞ്ഞതാണെങ്കിലും കഴിഞ്ഞ കുറച്ച് നാളുകളായി ഇത് മെച്ചപ്പെട്ടിരുന്നു. ജോലി സമ്മർദ്ദമാകാം അദ്ദേഹത്തിൻെറ ജീവനെടുക്കാൻ കാരണമായതെന്ന് അവർ കൂട്ടിച്ചേർത്തു. പെട്ടെന്ന് ജീവനെടുക്കാനുള്ള തീരുമാനം മരുന്നിൻെറ പാർശ്വഫലമായിരിക്കും എന്നും അവർ പറഞ്ഞു.

ന്യൂസ് ഡെസ്ക്, മലയാളം യുകെ

എട്ട് മാസം മുമ്പ് ഭർത്താവിന്റെ കൈപിടിച്ച് യുകെയിലേയ്ക്ക് അയച്ച പ്രിയ പുത്രിയുടെ നിശ്ചലമായ ശരീരത്തിനു മുന്നിൽ നിറകണ്ണുകളോടെ അച്ഛനും അമ്മയും സഹോദരിയും ബന്ധുക്കളും. നവംബർ 10 – ന് നോർത്താംപ്ടൺഷെയറിലെ കോർബിയിൽ വെച്ച് ദാരുണമായി കൊലചെയ്യപ്പെട്ട ഹർഷിത ബ്രെല്ലവിൻ്റെ ഡൽഹിയിലെ വസതിയിലെ രംഗങ്ങൾ ആരുടെയും കണ്ണ് നനയിക്കുന്നതായിരുന്നു. അന്ത്യയാത്രാമൊഴിയേ കാൻ നൂറുകണക്കിനാളുകളാണ് ഡൽഹിയിലെ വസതിക്ക് മുന്നിൽ തടിച്ചു കൂടിയത്.

ഹർഷിത ബ്രെല്ലയുടെ ദാരുണമായ കൊലപാതകത്തിൽ ഭർത്താവ് പങ്കജ് ലാംബയെ പോലീസ് പ്രതിചേർത്തിരുന്നു. എന്നാൽ 23 വയസ്സുകാരനായ അയാൾ ഇപ്പോഴും കാണാമറയത്താണ്. ഞങ്ങൾക്ക് നീതി വേണമെന്നും കൊലപാതകിക്ക് പരമാവധി ശിക്ഷ ലഭിക്കണമെന്ന് ഞങ്ങൾ ആഗ്രഹിക്കുന്നതായും മിസ് ബ്രെല്ലയുടെ അമ്മാവൻ നരേന്ദർ സിംഗ് പറഞ്ഞു. അന്വേഷണത്തിന്റെ പുരോഗതിയിലും കുടുംബത്തിന് ലഭിക്കുന്ന വിവരങ്ങളുടെയും അഭാവത്തിലും തങ്ങൾ കടുത്ത നിരാശരാണെന്ന് അദ്ദേഹം പറയുമ്പോൾ വിമർശനങ്ങളിൽ വിരൽ ചൂണ്ടുന്നത് അന്വേഷണ ഉദ്യോഗസ്ഥർക്ക് എതിരെയാണ് . ഞങ്ങൾ പോരാടുമെന്നും
അവൾക്ക് നീതി ലഭിക്കുന്നിടം വരെ ആ പോരാട്ടം അവസാനിപ്പിക്കാൻ ഞങ്ങൾക്ക് കഴിയില്ലെന്നും ബ്രെല്ലയുടെ മൂത്ത സഹോദരി സോണിയ ദബാസ് പറഞ്ഞു. പ്രതി പങ്കജ് ലാംബയെ യുകെ വിട്ടതായാണ് പോലീസ് കരുതുന്നത്.

ഈസ്റ്റ് ലണ്ടനിൽ കാറിന്റെ ഡിക്കിയിൽ യുവതിയെ കൊല്ലപ്പെട്ട നിലയിൽ കണ്ടെത്തിയ സംഭവം ബ്രിട്ടനിലാകെ കടുത്ത ഞെട്ടലുളവാക്കിയിരുന്നു.പോസ്റ്റ്‌മോർട്ടം പരിശോധനയിൽ ഹർഷിത ബ്രെല്ലയെ കഴുത്ത് ഞെരിച്ച് കൊലപ്പെടുത്തിയതായി കണ്ടെത്തിയിരുന്നു . മൃതദേഹം കണ്ടെത്തുന്നതിന് നാല് ദിവസം മുമ്പ് നവംബർ 10 ന് വൈകുന്നേരം അവൾ കൊല്ലപ്പെട്ടുവെന്ന് ആണ് പോലീസ് കരുതുന്നത് . യുവതിയെ കൊലപ്പെടുത്തിയതിനു ശേഷം കാറിന്റെ ഡിക്കിയിൽ ഈസ്റ്റ് ലണ്ടനിലെ ഇൽഫോർഡിലേക്ക് കൊണ്ടു വരുകയായിരുന്നു. പങ്കജ് ലാംബയുമായുള്ള വിവാഹശേഷം കഴിഞ്ഞ ഏപ്രിൽ മാസത്തിലാണ് ഹർഷിത ബ്രെല്ല യുകെയിൽ എത്തിയത്.

ന്യൂസ് ഡെസ്ക്, മലയാളം യുകെ

വാഹന പ്രേമികൾക്ക് പുതിയ പ്രതീക്ഷകൾ നൽകി ഇന്ത്യൻ കമ്പനിയായ ടാറ്റാ മോട്ടോഴ്സിന്റെ ഉടമസ്ഥതയിലുള്ള ജാഗ്വാർ പുതിയ ഇലക്ട്രിക് കാറിൻറെ മോഡൽ അവതരിപ്പിച്ചു. ജാഗ്വാറിൻ്റെ പുതിയ ഹൈബ്രിഡ് മോഡൽ കാറിനെ കുറിച്ച് ഉള്ള വാർത്തകൾ വളരെ നാളുകളായി കളം പിടിച്ചിരുന്നു. ഇതിനിടെ കഴിഞ്ഞദിവസം കാറിൻറെ ഡിസൈൻ ചിത്രങ്ങൾ ഓൺലൈനിൽ ചോർന്നതും വാർത്തകളിൽ ഇടം പിടിച്ചിരുന്നു . ഇതിനെ തുടർന്നാണ് കാറിന്റെ പുതിയ ചിത്രങ്ങളും വിശേഷങ്ങളും പങ്കിടുവാൻ ജാഗ്വാർ നിർബന്ധിതരായത്.

പുറത്തു വരുന്ന വിവരങ്ങൾ അനുസരിച്ച് പുതിയ ഡിസൈനിൽ ഒട്ടേറെ സവിശേഷതകൾ ഉണ്ടെന്നാണ് വാഹന രംഗത്തെ വിദഗ്ധർ അഭിപ്രായപ്പെടുന്നത്. ഒരു സമ്പൂർണ്ണ ഇലക്ട്രിക് കാർ നിർമ്മാതാവായി മാറുന്നതിന്റെ മുന്നോടിയായി ആണ് പുതിയ ഡിസൈനും ലോഗോയും ഉൾപ്പെടെയുള്ള കാര്യങ്ങൾ പുറത്തുവിട്ടത്. പുതിയ ഡിസൈൻ പുറത്തു വന്നതോടെ ചോർന്ന ചിത്രങ്ങളും യഥാർത്ഥമാണെന്ന് തെളിഞ്ഞു.

2025 ഓടെ പുതിയ കാർ നിരത്തിലിറങ്ങാൻ സജ്ജമാകുമെന്നാണ് റിപ്പോർട്ടുകൾ സൂചിപ്പിക്കുന്നത്. പൂർണമായും ചാർജ് ചെയ്തു കഴിഞ്ഞാൽ 478 മൈൽ വരെ യാത്ര ചെയ്യാൻ കഴിയുമെന്നാണ് നിർമ്മാതാക്കൾ അവകാശപ്പെടുന്നത്. വേഗത്തിലുള്ള ചാർജിങ് സംവിധാനത്തിലൂടെ 15 മിനിറ്റിനുള്ളിൽ 200 മൈൽ വേണ്ട ചാർജ് സംഭരിക്കാൻ കഴിവുള്ള ബാറ്ററിയാണ് കാറിൻറെ മറ്റൊരു പ്രത്യേകത. യഥാർത്ഥ വില ഇതുവരെ കമ്പനി വെളിപ്പെടുത്തിയിട്ടില്ല. 100,000 പൗണ്ടിലധികം വില വരുമെന്നാണ് പൊതുവെ പ്രതീക്ഷിക്കുന്നത്. 2026 ഓടെ പുതിയ മൂന്നു കാറുകളും വിപണിയിൽ ഇറക്കാനുള്ള പദ്ധതി കമ്പനി തയ്യാറാക്കുന്നുണ്ട്.

ന്യൂസ് ഡെസ്ക്, മലയാളം യുകെ

കോവിഡ് കാലത്ത് നടന്ന വിവിധ തരത്തിലുള്ള അഴിമതി ആരോപണങ്ങളെ കുറിച്ച് അന്വേഷിക്കാൻ ചാൻസലർ റേച്ചൽ റീവ്സ് കമ്മീഷനെ നിയമിച്ചു. കൺസർവേറ്റീവ് പാർട്ടി ക്യാബിനറ്റിൻ്റെ മുൻ ഉപദേഷ്ടാവ് ആയിരുന്ന ടോം ഹേഹോ ആണ് കോവിഡ് അഴിമതി കമ്മീഷണർ. ഇതു കൂടാതെ വഞ്ചനാപരമെന്ന് കണ്ടെത്തിയ നിരവധി കരാറുകൾ അവസാനിപ്പിക്കുകയും ചെയ്തിട്ടുണ്ട്. മഹാമാരിയുടെ സമയത്ത് ഒപ്പുവെച്ച വിവിധ കരാറുകളുടെ പുനഃപരിശോധനയിലൂടെ ഖജനാവിന് ഏകദേശം 2.6 ബില്യൺ പൗണ്ട് തിരിച്ചുപിടിക്കാൻ കഴിയുമെന്നാണ് ചാൻസിലർ വിശ്വസിക്കുന്നത്. 7.6 ബില്യൺ പൗണ്ട് മൂല്യമുള്ള കോവിഡുമായി ബന്ധപ്പെട്ട തട്ടിപ്പ് പരിശോധിക്കാൻ എച്ച്എംആർസി, സീരിയസ് ഫ്രോഡ് ഓഫീസ്, നാഷണൽ ക്രൈം ഏജൻസി എന്നിവയുമായി ചേർന്ന് കമ്മീഷണർ പ്രവർത്തിക്കുമെന്ന് ട്രഷറി മുമ്പ് പറഞ്ഞിരുന്നു.

ടോം ഹേഹോ ഇന്ന് തന്നെ കോവിഡ് കമ്മീഷൻ ആയുള്ള പ്രവർത്തനം ആരംഭിക്കുമെന്നാണ് പുറത്തു വരുന്ന വിവരങ്ങൾ സൂചിപ്പിക്കുന്നത്. കൺസർവേറ്റീവ് സർക്കാർ എഴുതി തള്ളിയ കരാറുകളിൽ 674 മില്യൺ പൗണ്ട് ഉടൻ അവലോകനം ചെയ്യുന്നതിന് വിധേയമാകുമെന്ന മാധ്യമ വാർത്തകൾ പുറത്തു വന്നു കഴിഞ്ഞു. മാർഗരറ്റ് താച്ചറുടെ കീഴിൽ ടോറി കാബിനറ്റ് മന്ത്രി പീറ്റർ വാക്കറുടെ ഉപദേശകനായി ജോലി ആരംഭിച്ച ടോം ഹേഹോ ആരോഗ്യ സംരക്ഷണം തുടങ്ങിയ വിവിധ മേഖലകളിൽ വിദഗ്ധനായിട്ടാണ് അറിയപ്പെടുന്നത്.

മഹാമാരിയുടെ സമയത്ത് നടന്ന പല കരാർ ഇടപാടുകളും കടുത്ത വിമർശനങ്ങൾക്ക് വഴി വെച്ചിരുന്നു. പി പി ഇ കിറ്റുകൾക്കായി ചെലവഴിച്ച തുകയെ കുറിച്ച് വൻ വിവാദങ്ങൾ ഉടലെടുത്തിരുന്നു. ഇത്തരം വിവാദ ഇടപെടലിലൂടെ ഖജനാവിന് നഷ്ടമായ മുഴുവൻ തുകയും തിരിച്ചു പിടിക്കാനുള്ള നീക്കമാണ് ചാൻസിലറിന്റെ ഭാഗത്തു നിന്നും ആരംഭിച്ചിരിക്കുന്നത്. കോവിഡ് കാലത്ത് നടന്ന അഴിമതിയിലൂടെ നഷ്ടമായ പൊതു പണം തിരിച്ചുപിടിക്കാൻ വേണ്ട നടപടികൾ സ്വീകരിക്കുമെന്ന് ലേബർ പാർട്ടി തിരഞ്ഞെടുപ്പ് പ്രകടനപത്രികയിൽ വ്യക്തമാക്കിയിരുന്നു. ഇതിൻറെ അടിസ്ഥാനത്തിലാണ് ടോം ഹേഹോവിൻ്റെ നിയമനം. പുതിയ കമ്മീഷൻ ഒരു വർഷത്തിനകം ഗവൺമെന്റിന് റിപ്പോർട്ട് നൽകണം.

ന്യൂസ് ഡെസ്ക്, മലയാളം യുകെ

യുകെയിലേയ്ക്കുള്ള പുതിയ അമേരിക്കൻ അംബാസഡറെ ഡൊണാൾഡ് ട്രംപ് തിങ്കളാഴ്ച പ്രഖ്യാപിച്ചു. ഇൻവെസ്റ്റ്മെൻറ് ബാങ്കറും റിപ്പബ്ലിക്കൽ പാർട്ടിക്ക് വൻതോതിൽ ഫണ്ടുകൾ സംഭാവന ചെയ്യുകയും ചെയ്ത വാറൻ സ്റ്റീഫൻസിനെ ആണ് പുതിയ അംബാസിഡർ. അമേരിക്കയെ മുഴുവൻ സമയവും സേവിക്കണമെന്ന് വാറൻ സ്റ്റീഫൻസ് ആഗ്രഹിച്ചിരുന്നതായും ഏറ്റവും പ്രധാനപ്പെട്ട സഖ്യകക്ഷിയായ യു കെ യിലേയ്ക്ക് അദ്ദേഹത്തെ അംബാസിഡറായി അയക്കുന്നതിന് സന്തോഷമുണ്ടെന്നും ട്രംപ് പറഞ്ഞു.

അർക്കൻസാസിലെ ലിറ്റിൽ റോക്ക് ആസ്ഥാനമായി പ്രവർത്തിക്കുന്ന സ്വകാര്യ ഉടമസ്ഥതയിലുള്ള സാമ്പത്തിക സേവന സ്ഥാപനമായ സ്റ്റീഫൻസ് ഇങ്കിൻ്റെ ചെയർമാനും പ്രസിഡൻ്റും സിഇഒയുമാണ് സ്റ്റീഫൻസ്. 2016 -ൽ ട്രംപ് ആദ്യമായി മത്സരിച്ചപ്പോൾ അദ്ദേഹം എതിർ ചേരിയിലായിരുന്നു. എന്നാൽ 2020 ലും 2024ലും വാറൻ സ്റ്റീഫൻസ് റൊണാൾഡ് ട്രംപിന് പൂർണ്ണ പിന്തുണ നൽകിയിരുന്നു. 2024ലെ ഫെഡറൽ ഇലക്ഷൻ കമ്മീഷന്റെ കണക്കുകൾ പ്രകാരം 2 മില്യൺ ഡോളർ ആണ് അദ്ദേഹം തിരഞ്ഞെടുപ്പ് ഫണ്ടിലേക്ക് സംഭാവന നൽകിയത്.