ന്യൂസ് ഡെസ്ക്, മലയാളം യുകെ

വെസ്റ്റ് മിഡ് ലാൻഡിൽ 10 വയസ്സുകാരിയായ പെൺകുട്ടിയെ മരിച്ച നിലയിൽ കണ്ടെത്തിയ സംഭവത്തിൽ ഒരു സ്ത്രീയെ അറസ്റ്റ് ചെയ്തതായി പോലീസ് അറിയിച്ചു . ഇന്നലെ ഉച്ചയ്ക്ക് 12 . 10 – നാണ് പോലീസ് പെൺകുട്ടിയെ പരിക്കുകളോടെ കണ്ടെത്തിയത്. പെൺകുട്ടി സംഭവ സ്ഥലത്തു വച്ചു തന്നെ മരണമടഞ്ഞിരുന്നു.

സംശയത്തെ തുടർന്ന് മരണമടഞ്ഞ പെൺകുട്ടിയുമായി പരിചയമുള്ള 33 വയസ്സുകാരിയായ ഒരു സ്ത്രീയെ പോലീസ് കസ്റ്റഡിയിൽ എടുത്തിരുന്നു. അറസ്റ്റിലായ സ്ത്രീയ്ക്ക് പെൺകുട്ടിയുമായുള്ള ബന്ധം ഏത് രീതിയിലാണെന്നതിനെ കുറിച്ച് കൂടുതൽ വിവരങ്ങൾ പോലീസ് പുറത്തു വിട്ടിട്ടില്ല. അന്വേഷണം അതിന്റെ പ്രാരംഭഘട്ടത്തിലാണെന്നും കൂടുതൽ വിവരങ്ങൾ ഇപ്പോൾ പറയാറായിട്ടില്ലെന്നും വെസ്റ്റ് മിഡ് ലാൻഡ് പോലീസ് അറിയിച്ചു.

ന്യൂസ് ഡെസ്ക്, മലയാളം യുകെ

ഗ്രേറ്റർ മാഞ്ചസ്റ്റർ പോലീസ് ഭവനരഹിതനായ ഒരാളെ നിലത്തൂടെ വലിച്ചിഴയ്ക്കുന്ന ദൃശ്യങ്ങൾ പുറത്തുവന്നു. മാഞ്ചസ്റ്റർ ടൗൺഹാളിന് സമീപം പോലീസ് മന:പ്പൂർവ്വം ഇയാളുടെ വയറ്റിൽ ചവിട്ടുന്നതും ദൃശ്യങ്ങളിലുണ്ട് . ദൃശ്യങ്ങൾ പുറത്ത് വന്നതിന് പിന്നാലെ സംഭവത്തെ കുറിച്ച് വ്യാപകമായ പ്രതിഷേധമാണ് ഉയർന്നു വന്നിരിക്കുന്നത് .

ബിബിസി ന്യൂസിന് ലഭിച്ച വീഡിയോ അവർ പുറത്തുവിട്ടതാണ് സംഭവം ലോകം അറിഞ്ഞതും വ്യാപകമായ പ്രതിഷേധങ്ങൾക്ക് ഇടയാകുന്നതിന് കാരണമാവുകയും ചെയ്തത്. സംഭവം ഭയാനകമാണെന്നും പരിഷ്കൃത സമൂഹത്തിന് തന്നെ അപമാനകരമാണെന്നും ഭവനരഹിതരുടെ അവകാശങ്ങൾക്കായി പ്രവർത്തിക്കുന്ന ഹോം ലെസ് ചാരിറ്റി ക്രൈസിസ് പറഞ്ഞു. ഇങ്ങനെ ഒരു സംഭവം പോലീസിന്റെ ഭാഗത്തുനിന്നും ഉണ്ടാവാൻ പാടില്ലായിരുന്നു എന്ന് ഗ്രേറ്റർ മാഞ്ചസ്റ്റർ പോലീസ് പറഞ്ഞു.

സുഡാനിൽ നിന്നുള്ള അഭയാർത്ഥിയാണ് പോലീസിന്റെ ക്രൂരതയ്ക്ക് ഇരയായത് എന്നാണ് റിപ്പോർട്ടുകൾ. ഇയാൾ മറ്റ് ഭവന രഹിതരായ അഭയാർത്ഥികൾക്ക് ഒപ്പം ഉറങ്ങുകയായിരുന്നു. പോലീസ് ഉദ്യോഗസ്ഥൻ്റെ പ്രവർത്തിയെ തുടർന്ന് തനിക്ക് പരിക്കേറ്റതായി പേര് വെളിപ്പെടുത്താൻ താത്പര്യമില്ലാത്ത 31 വയസ്സുകാരനായ ആക്രമത്തിന് ഇരയായ ആൾ ബിബിസി ന്യൂസിനോട് പറഞ്ഞു.

വനിതാ പോലീസ് ഉദ്യോഗസ്ഥയാണ് ഇയാളെ ക്രൂരമായ മർദ്ദനത്തിന് ഇരയാക്കിയതെന്നാണ് റിപ്പോർട്ടുകൾ. തനിക്ക് കടുത്ത പനി ഉണ്ടായിരുന്നു എന്നും ഉറങ്ങണമെന്ന് പോലീസിനോട് പറഞ്ഞെങ്കിലും അവർ തൻ്റെ വയറ്റിൽ ശക്തമായി ചവിട്ടിയതായാണ് ഇയാൾ പറഞ്ഞത്. ചവിട്ടുകൊണ്ടതിനെ തുടർന്ന് മണിക്കൂറുകളോളം തന്റെ മൂത്രത്തിൽ രക്തത്തിൻറെ അംശം ഉണ്ടായിരുന്നതായി അയാൾ പറഞ്ഞു. അഭയാർത്ഥി എന്ന നിലയിൽ മൂന്നര വർഷം യുകെയിൽ തുടരാൻ അനുവാദം ലഭിച്ചയാളാണ് അക്രമത്തിന് ഇരയായത്. പോലീസിൻറെ പ്രവർത്തിയെ കുറിച്ച് വൻ പ്രതിഷേധമാണ് വിവിധ തലങ്ങളിൽ ഉയർന്നു വന്നിരിക്കുന്നത്.

ന്യൂസ് ഡെസ്ക്, മലയാളം യുകെ

ലിവർപൂളിൽ അന്തരിച്ച ജോമോൾ ജോസിന് നാളെ യു കെ യിലെ മലയാളി സമൂഹം അവസാന യാത്രാ മൊഴി ചൊല്ലുമ്പോൾ, അന്ത്യയാത്രയ്ക്കായി ഒരുക്കിയിരിക്കുന്ന ക്രമീകരണങ്ങൾ ഇപ്രകാരമാണ്. നാളെ (05/03/2024 ചൊവ്വാ) രാവിലെ കൃത്യം 10.30 am ന് ലിവർപൂളിനടുത്തുള്ള വിസ്റ്റനിലെ St. Luke’s കത്തോലിക്കാ ദൈവാലയത്തിൽ വച്ച് മൃതസംസ്കാര ശുശ്രൂഷയുടെ ആദ്യ ഭാഗം ദിവ്യ ബലിയോടു കൂടി ആരംഭിക്കും. ദിവ്യ ബലിക്കു ശേഷം മൃതസംസ്കാര ശുശ്രൂഷയിൽ പങ്കെടുക്കുന്നവർക്ക് ജോമോളുടെ ഭൗതികശരീരം കാണുന്നതിനും അന്തിമോപചാരങ്ങൾ അർപ്പിക്കുന്നതിനും അവസരമുണ്ടായിരിക്കുന്നതാണ്. തുടർന്ന് 2pm ന് വിസ്റ്റനിൽ തന്നെയുള്ള Knowsley Cemetery യിലായിരിക്കും മൃതസംസ്കാര ശുശ്രൂഷയുടെ അവസാന ഭാഗവും തുടർന്ന് കബറടക്കവും നടക്കുക.

ദൂരെ നിന്നും വാഹനങ്ങളിൽ വരുന്നവരുടെ പ്രത്യേക ശ്രദ്ധക്ക് – മൃതസംസ്കാര ശുശ്രൂഷ നടക്കുന്ന ദൈവാലയത്തിൽ വളരെ കുറച്ചു വാഹനങ്ങൾ മാത്രമേ പാർക്കു ചെയ്യുവാൻ സാധിക്കുകയുള്ളു. ദൈവാലയത്തിനടുത്തുള്ള Whiston Hospital Staff കാർ പാർക്കിൽ കുറച്ചു വാഹനങ്ങൾ പാർക്കു ചെയ്യുവാൻ അനുവദിച്ചിട്ടുണ്ട്. Dragon Lane ൽ ഉള്ള William Hill Betfred Shop നടുത്തുള്ള Staff Car park ആണ് അതിനായി ഉപയോഗിക്കേണ്ടത്. ( William Hill, Dragon Lane, Prescot, L353QX) അതിനോട് തൊട്ടടുത്തു തന്നെ Whiston Hospital Visitor and Staff Low Cost Parking സൗകര്യവും ലഭ്യമാണ്. കൂടുതലായി വരുന്ന വാഹനങ്ങൾ St.Luke’s ദൈവാലയത്തിന് എതിർവശത്തായിട്ടുള്ള സ്ട്രീറ്റുകളിൽ പാർക്കു ചെയ്യാവുന്നതാണ്. Whiston Hospital നടുത്തുള്ള ചില സ്ട്രീറ്റുകളിൽ പാർക്കിംഗ് നിയന്ത്രണങ്ങൾ ഉണ്ട്. കൗൺസിലിൽ നിന്നും പ്രത്യേക അനുവാദമുള്ളതിനാൽ മൃതസംസ്കാര ശുശ്രൂഷ കഴിയുന്നതു വരെ അവിടെയും വാഹനങ്ങൾ പാർക്കു ചെയ്യാവുന്നതാണ്. പാർക്കിംഗ് നിയന്ത്രണത്തിന് Hi Vis ധരിച്ച വോളണ്ടിയേഴ്സിൻ്റെ സഹായം ഉണ്ടായിരിക്കുന്നതാണ്. ദയവായി അവരുടെ നിർദ്ദേശങ്ങൾ പാലിക്കുക. ഏവരുടേയും സഹകരണത്തോടും, സ്നേഹത്തോടും കൂടി ജോമോൾക്ക് നാളെ നല്ലൊരു യാത്ര അയപ്പ് നല്കുവാൻ ഒരുങ്ങാം.

Address of St.Luke’s Catholic Church

137 Shaw Lane
Prescot
L35 5AT
England

Address of Knowsley cemetery

73 Fox’s Bank Lane
Whiston
Prescot
L353SS
England.

Hospital Car Park

William Hill, Dragon Lane, Prescot, L353QX

ഒട്ടേറെ യുകെ മലയാളികൾ ആണ് ജോലിക്കായി യുകെയിൽ എത്തി കൊണ്ടിരിക്കുന്നത്. ഭൂരിഭാഗം മലയാളികളും എൻഎച്ച്എസിലാണ് ജോലി ചെയ്യുന്നത്. സ്വകാര്യ കെയർ മേഖലയിൽ ജോലി ചെയ്യുന്നവരുടെ എണ്ണവും കുറവല്ല. ഭാര്യയും ഭർത്താവും കൂടി ജോലിക്ക് പോകുമ്പോൾ ഉണ്ടാകുന്ന പ്രതിസന്ധികൾ വളരെയേറെയാണ്. എങ്ങനെ വീട്ടിലെയും കുട്ടികളുടെയും കാര്യങ്ങൾ മുടക്കം ഇല്ലാതെ കൊണ്ടുപോകാം സാധിക്കും എന്നുള്ളത് എല്ലാവരെയും അലട്ടുന്ന പ്രശ്നമാണ്.

എന്നാൽ ഏപ്രിൽ മാസം മുതൽ തൊഴിലിടങ്ങളിൽ ഒട്ടേറെ നിയമങ്ങളിൽ മാറ്റങ്ങൾ വരുകയാണ്. ഈ മാറ്റങ്ങളിൽ പലതും ജീവനക്കാർക്ക് അനുകൂലമായുള്ളവയാണ് . ഭാര്യയും ഭർത്താവും ജോലിക്ക് പോകുന്നവരാണെങ്കിൽ ഫ്ലെക്സിബിൾ ഷിഫ്റ്റ് ലഭിക്കും എന്നത് ഒരു അനുഗ്രഹമാണ്. നേരത്തെ ഫ്ലെക്സിബിൾ ഷിഫ്റ്റ് എന്നത് ഒരു ആനുകൂല്യം ആയിരുന്നെങ്കിൽ ഏപ്രിൽ മുതൽ ഇത് ഒരു അവകാശമായി മാറുകയാണ് എന്ന പ്രത്യേകതയുമുണ്ട്. നിലവിൽ ജോലിസ്ഥലത്ത് 26 ആഴ്ചയെങ്കിലും തികച്ചവർക്കായിരുന്നു ഫ്ലെക്സിബിൾ ഷിഫ്റ്റിൻ്റെ ആനുകൂല്യം ലഭിച്ചിരുന്നത്. എന്നാൽ പുതിയ നിയമപ്രകാരം ഒരു ജീവനക്കാരന് ജോലി ആരംഭിക്കുമ്പോൾ തന്നെ ഫ്ലെക്സിബിൾ ഷിഫ്റ്റ് ലഭിക്കുന്നതിനുള്ള അവകാശം ഉണ്ട്. അതുപോലെതന്നെ ഫ്ലെക്സിബിൾ ഷിഫ്റ്റിനുള്ള അപേക്ഷ ലഭിച്ച്‌ രണ്ടു മാസത്തിനുള്ളിൽ തൊഴിലുടമ തീരുമാനം അറിയിച്ചിരിക്കണം എന്ന നിയമവും ഏപ്രിൽ മാസം മുതൽ നടപ്പിലാക്കും. നിലവിൽ ഇത് മൂന്നുമാസമാണ്.

അതുപോലെ തന്നെ ഗർഭിണിയായതിന്റെ പേരിൽ ജോലി നഷ്ടമാകുന്നത് ഇനി യുകെയിൽ പഴങ്കഥയാവുകയാണ്. പുതിയ നിയമം ഗർഭിണികളോട് അനുഭാവപൂർണ്ണമായ സമീപനമാണ് പുലർത്തുന്നത്. 24 ആഴ്ച പ്രായമായ ഗർഭിണിക്ക് പൂർണ്ണമായും മറ്റേർണിറ്റി ലീവ് അടക്കമുള്ള ആനുകൂല്യങ്ങൾക്ക് അർഹതയുണ്ടെന്ന് പുതിയ നിയമം പറയുന്നു. അബോർഷൻ നടത്തിയത് മൂലം ശാരീരികമായ ബുദ്ധിമുട്ടുകൾ അനുഭവിക്കുന്നവർക്കും ഒട്ടേറെ പരിഗണനയാണ് പുതിയ നിയമത്തിലുള്ളത്.

ഭാര്യ, ഭർത്താവ്, കുട്ടികൾ, മാതാപിതാക്കൾ തുടങ്ങിയ ഉറ്റ ബന്ധത്തിലുള്ളവർക്ക് അസുഖം ബാധിച്ചാൽ എടുക്കുന്ന കെയർ ലീവിലും ഉദാരമായ സമീപനമാണ് പുതിയ നിയമത്തിലുള്ളത്. ശമ്പളം വാങ്ങാതെ വർഷത്തിൽ ഒരാഴ്ച വരെ ഇങ്ങനെ ലീവ് എടുക്കാൻ സാധിക്കും.

ന്യൂസ് ഡെസ്ക്, മലയാളം യുകെ

യു കെ :- മെയിൽ പത്രം നടത്തിയ അന്വേഷണത്തിൽ ബ്രിട്ടന്റെ ആരോഗ്യരംഗത്ത് നടക്കുന്ന വൻ അഴിമതികളാണ് പുറത്തുവന്നിരിക്കുന്നത്. ഹോം ഓഫീസിന്റെ നിയമങ്ങളിലെ പഴുതുകൾ മുതലെടുത്ത്, യോഗ്യതയില്ലാത്ത കുടിയേറ്റക്കാർ ബ്രിട്ടനിൽ കെയർ ഹോമുകളിൽ നിയമനം നേടുകയാണെന്ന് മെയിൽ പത്രം നടത്തിയ അന്വേഷണത്തിൽ വ്യക്തമായിരിക്കുകയാണ്. ഇത്തരത്തിൽ യോഗ്യതയില്ലാത്ത ആരോഗ്യ പ്രവർത്തകരാണ് ബ്രിട്ടനിൽ അപകടവസ്ഥയിലുള്ള രോഗികളെ ശുശ്രൂഷിക്കുന്നത് എന്നത് തികച്ചും ആശങ്കയുളവാക്കുന്ന വസ്തുതയാണ്. വൻതോതിലുള്ള ഒഴിവുകൾ നികത്താനുള്ള പ്രവർത്തനങ്ങൾക്കിടെ, കെയർ ഹോമുകളിൽ തികച്ചും യോഗ്യതയില്ലാത്ത, ഇംഗ്ലീഷ് ഭാഷ കൈകാര്യം ചെയ്യുവാൻ പോലും അറിയാത്തവരാണ് നിയമനം നേടുന്നത്. വിദേശത്തുള്ള ഇടനിലക്കാർ ഇത്തരത്തിലുള്ള കുടിയേറ്റക്കാർക്ക് ബ്രിട്ടനിൽ ജോലി നേടാൻ സഹായിക്കുന്നതിനായി 20,000 പൗണ്ട് വരെ ഈടാക്കുന്നുമുണ്ട്. 9000 പൗണ്ട് നൽകിയാൽ മൂന്ന് ദിവസത്തിനുള്ളിൽ ബ്രിട്ടനിൽ ജോലി ശരിയാക്കി തരാമെന്ന് ഒരു ബാപ്ടിസ്റ്റ് പ്രവർത്തകൻ മെയിൽ പത്രം നടത്തിയ രഹസ്യന്വേഷണത്തിൽ വെളിപ്പെടുത്തി. 2022 തുടക്കത്തിൽ ഇമിഗ്രേഷൻ നിയമങ്ങളിൽ നടത്തിയ ഇളവുകൾ മൂലം അന്ന് മുതൽ തന്നെ ഇത്തരത്തിലുള്ള ചൂഷണങ്ങൾ നടന്നുവരികയാണെന്ന റിപ്പോർട്ടുകളാണ് ഇപ്പോൾ പുറത്തു വരുന്നത്.

2021-22 കാലഘട്ടത്തിൽ മുതിർന്നവരുടെ പരിചരണ വിഭാഗത്തിൽ റെക്കോർഡ് ഒഴിവുകളാണ് രേഖപ്പെടുത്തിയിരുന്നത്. ഏകദേശം 164,000 ത്തോളം ഒഴിവുകൾ ഈ വിഭാഗത്തിൽ അന്ന് ബ്രിട്ടനിൽ ഉണ്ടായിരുന്നു. ഈ ഒഴിവുകൾ നികത്തുന്നത് മുൻഗണന നൽകിയതിനാൽ ഇത്തരം ജീവനക്കാർക്ക് ബ്രിട്ടനിലേക്ക് എത്തുന്നതിനുള്ള നിയമ തടസ്സങ്ങൾ സർക്കാർ ലഘൂകരിച്ചിരുന്നു. ഇതോടെ ബ്രിട്ടനിലേക്ക് എത്തുന്ന ജീവനക്കാരുടെ എണ്ണത്തിൽ റെക്കോർഡ് വർദ്ധനവാണ് കഴിഞ്ഞവർഷം ഉണ്ടായത്. കഴിഞ്ഞവർഷം മാത്രം 89,000 ത്തോളം കെയർ വർക്കർ വിസകളാണ് ഇഷ്യൂ ചെയ്തിരിക്കുന്നത് എന്ന് കണക്കുകൾ വ്യക്തമാക്കുന്നു. ഇന്ത്യ, നൈജീരിയ, സിംബാവേ തുടങ്ങിയ രാജ്യങ്ങളിൽ നിന്നാണ് ഏറ്റവും കൂടുതൽ പേർ ബ്രിട്ടനിൽ എത്തിയിരിക്കുന്നത്. എന്നാൽ ഇത്തരത്തിൽ നിയമങ്ങൾ ലഘൂകരിച്ചത്, അത് ചൂഷണം ചെയ്യുന്നവർ ഒരു എളുപ്പമാർഗമായി കണ്ടിരിക്കുകയാണ് എന്നാണ് പുതിയ റിപ്പോർട്ടുകൾ വ്യക്തമാക്കുന്നത്. ഇതോടെ വേണ്ടത്ര യോഗ്യതയില്ലാത്തവർ ബ്രിട്ടന്റെ ആരോഗ്യ ഇടങ്ങളിൽ സ്ഥാനം പിടിച്ചതായി വാർത്തകൾ വ്യക്തമാക്കുന്നു. ഈ സംഭവത്തിൽ ആഭ്യന്തര ഓഫീസ് അടിയന്തരമായി ഇടപെടണമെന്ന ആവശ്യം ഉയർന്നു കഴിഞ്ഞിട്ടുണ്ട്.

ന്യൂസ് ഡെസ്ക്, മലയാളം യുകെ

ബുധനാഴ്ച അവതരിപ്പിക്കുന്ന ബഡ്ജറ്റിൽ നികുതി കുറയ്ക്കുന്നത് ദീർഘകാല വളർച്ചയെ മുൻനിർത്തി ഉത്തരവാദിത്വത്തോടെ മാത്രമേ ചെയ്യുകയുള്ളൂ എന്ന് ചാൻസിലർ ജെറമി ഹണ്ട് സൂചന നൽകി. വരാൻ പോകുന്ന തെരഞ്ഞെടുപ്പിനെ മുന്നിൽകണ്ട് ബഡ്ജറ്റിനെ കുറിച്ച് പ്രവചനം നടത്തുന്ന തിരക്കിലാണ് രാജ്യത്തെ മാധ്യമങ്ങൾ എല്ലാം തന്നെ. ഈ സാഹചര്യത്തിലാണ് ജെറമി ഹണ്ടിന്റെ പ്രഖ്യാപനം ഉണ്ടായത്. നികുതി കുറയ്ക്കാൻ ആഗ്രഹിക്കുന്നതായും പക്ഷേ അത് രാജ്യത്തിൻറെ സാമ്പത്തിക നില തകരാറിലാക്കുന്ന രീതിയിലല്ലാതെ ഉത്തരവാദിത്വത്തോടെ മാത്രമേ ചെയ്യുകയുള്ളൂ എന്നാണ് ചാൻസിലർ പറഞ്ഞത് .

കടം വാങ്ങുന്നത് വർദ്ധിപ്പിച്ച് നികുതി കുറയ്ക്കുമെന്നത് ഒരിക്കലും നീതീകരിക്കാനാവില്ലെന്നും അദ്ദേഹം പറഞ്ഞു. ദേശീയ ഇൻഷുറൻസിൽ കൂടുതൽ വെട്ടിക്കുറയ്ക്കലുകൾ ഉണ്ടാകുമെന്നാണ് പുറത്തുവരുന്ന വിവരങ്ങൾ സൂചിപ്പിക്കുന്നത്. രാജ്യത്തിൻറെ ദീർഘകാല ഉന്നമനത്തെ ലക്ഷ്യമിട്ടായിരിക്കും തൻറെ ബഡ്ജറ്റ് എന്ന് ബിബിസിക്ക് നൽകിയ ഒരു അഭിമുഖത്തിൽ ചാൻസിലർ ജെറമി ഹണ്ട് എടുത്തു പറഞ്ഞു. ബഡ്ജറ്റിൽ എന്ത് പ്രസ്താവനകൾ നടത്തിയാലും ടോറികളുടെ ഭരണപരാജയത്തിന് അതിനെ മറികടക്കാനാവില്ലെന്നാണ് പ്രതിപക്ഷം പറയുന്നത്. നികുതി കുറയ്ക്കണമെന്ന് ചാൻസിലർ പറയുമ്പോഴും ടോറികളാണ് കഴിഞ്ഞ 70 വർഷത്തെ ഏറ്റവും ഉയർന്ന നിരക്കിലുള്ള നികുതി നടപ്പിലാക്കിയതെന്ന് ലേബറിൻ്റെ ഷാഡോ ചീഫ് സെക്രട്ടറി സാരൻ ജോൺസ് പറഞ്ഞു.

ബഡ്ജറ്റിൽ ആരോഗ്യ മേഖലയെയും പോലീസിനെയും ആധുനിക വത്കരിക്കാനായി തുക വകയിരുത്തുന്നതിനുള്ള സാധ്യതയുണ്ടെന്ന റിപ്പോർട്ടുകൾ നേരത്തെ പുറത്തു വന്നിരുന്നു.

ഏകദേശം 800 മില്യൺ പൗണ്ടിന്റെ സാങ്കേതിക പരിഷ്കാരങ്ങൾ എൻഎച്ച്എസിലും നിയമപരിപാലനത്തിലും നടപ്പിലാക്കാൻ ബഡ്ജറ്റിൽ നിർദ്ദേശം ഉണ്ടെന്നാണ് റിപ്പോർട്ടുകൾ. വിവരസാങ്കേതികവിദ്യയുടെ സഹായത്തോടെ എൻഎച്ച്എസിലെ നടപടിക്രമങ്ങൾ ലഘൂകരിക്കുന്നതിനുള്ള വിപുലമായ പദ്ധതികൾക്കുള്ള സാമ്പത്തിക സഹായം ബഡ്ജറ്റിൽ ഉണ്ടാകും. ആർട്ടിഫിഷ്യൽ ഇന്റലിജൻസിന്റെ സഹായത്തോടെയുള്ള ആധുനികവത്കരണമാണ് നടപ്പിലാക്കുക. നിർമ്മിത ബുദ്ധിയുടെ സഹായത്തോടെ എൻഎച്ച്എസിലെ സ്കാൻ ടൈം മൂന്നിലൊന്നായി കുറയ്ക്കാമെന്നാണ് കണക്കാക്കുന്നത് .

ഇതോടൊപ്പം ക്രമസമാധാന നില മെച്ചപ്പെടുത്തുന്നതിനും ട്രാഫിക് നിയന്ത്രണങ്ങൾക്കും മറ്റുമായി വിവരസാങ്കേതികവിദ്യയുടെ സഹായത്തോടെയുള്ള വൻ ആധുനികവത്കരണം ആണ് സർക്കാർ ലക്ഷ്യം വയ്ക്കുന്നത്. നിർമ്മിത ബുദ്ധിയുടെ സഹായത്തോടെയുള്ള പരിഷ്കരണം ഉപകാരപ്രദമായിരിക്കും എന്നാണ് പൊതുവെ നിരീക്ഷിക്കപ്പെടുന്നത്. റോഡ് അപകടങ്ങൾ കുറയ്ക്കുന്നതിനും ട്രാഫിക് ജാമുകൾ ഒഴിവാക്കുന്നതിനും പുതിയ പരിഷ്കാരങ്ങൾ സഹായിക്കും. പരിഷ്കാരങ്ങൾ നടപ്പിലാക്കുന്നതിലൂടെ ഓരോ വർഷവും 38 ദേശലക്ഷം മണിക്കൂർ സമയം ലാഭിക്കാൻ പോലീസ് ഡിപ്പാർട്ട്മെൻ്റിന് സാധിക്കും.

ഇംഗ്ലണ്ടിലെ 100 എംആർഐ സ്കാനറുകൾ എങ്കിലും നിർമ്മിത ബുദ്ധി ഉപയോഗിച്ച് അപ്ഗ്രേഡ് ചെയ്യുന്നതിന്റെ ഫലമായി 130,000 രോഗികൾക്ക് എങ്കിലും പരിശോധന ഫലങ്ങൾ നേരത്തെ ലഭിക്കുന്നതിന് കാരണമാവും. ഈ വർഷം നടക്കാനിരിക്കുന്ന പൊതു തിരഞ്ഞെടുപ്പിന് മുന്നോടിയായി സമ്മതിദായകരെ കൈയ്യിലെടുക്കാനുള്ള പൊടിക്കൈകൾ ബഡ്ജറ്റിൽ ഉണ്ടാകുമെന്നാണ് പൊതുവെ വിലയിരുത്തപ്പെടുന്നത്.

ന്യൂസ് ഡെസ്ക്, മലയാളം യുകെ

യു കെ :- ജോയ് ആലുക്കാസ് ഗ്രൂപ്പിന്റെ യുകെയിലെ രണ്ടാമത്തെ ഷോറൂം ലണ്ടനിലെ ഗ്രീൻ സ്ട്രീറ്റിലെ 1-2 കാൾട്ടൺ ടെറസിൽ തുറന്നിരിക്കുകയാണ്. യുകെയിലെ ഏറ്റവും വലിയ ജ്വല്ലറി ഷോറൂമാണ് ഇത്. തങ്ങളുടെ ഉപഭോക്തൃ അടിത്തറ ഇവിടെ വളരുകയാണെന്നും, അതിനാൽ ഇവിടെ ഒരു പുതിയ ഷോറൂം തുറക്കുന്നത് മികച്ച സേവനം നൽകുവാൻ തങ്ങൾക്ക് സഹായകമാകുമെന്നും മാനേജിംഗ് ഡയറക്ടർ ജോൺ പോൾ ആലുക്കാസ് പറഞ്ഞു. ഉദ്ഘാടന ചടങ്ങിൽ ന്യൂഹാം കൗൺസിൽ ഡെപ്യൂട്ടി മേയർ ജെയിംസ് എസർ മുഖ്യാതിഥിയായി പങ്കെടുത്തു. ജോയ് ആലൂക്കാസ് ഗ്രൂപ്പ് മാനേജിങ് ഡയറക്ടർ ജോൺ പോൾ ആലുക്കാസ്, ജോയ് ആലുക്കാസ് ഗ്രൂപ്പ് ഡയറക്ടർ സോണിയ ആലുക്കാസ് എന്നിവരും ചടങ്ങിൽ പങ്കെടുത്തു.

സ്വർണ്ണം, ഡയമണ്ട്, വിലയേറിയ രത്നാഭരണങ്ങൾ എന്നിവയിലുള്ള വൈവിധ്യമാർന്ന കളക്ഷനുകളാണ് ലണ്ടൻ ഷോറൂമിന്റെ മുഖമുദ്ര. ഇവിടെ പ്രദർശിപ്പിച്ചിരിക്കുന്ന ഓരോ ആഭരണവും പാരമ്പര്യത്തെയും പുതുമയെയും സമന്വയിപ്പിക്കുന്ന തരത്തിലുള്ളവയാണ്. കാലാതീതമായ മനോഹാരിതയും സൗന്ദര്യവും, അതോടൊപ്പം തന്നെ സമാനതകളില്ലാത്ത വൈദഗ്ധ്യവും നിറഞ്ഞ പുതിയ കളക്ഷനുകൾ ഉപഭോക്താക്കളെ ഷോപ്പിങ്ങിന്റെ ഒരു പുതിയ വിസ്മയത്തിലേക്ക് നയിക്കുന്നവയാണ്. ജോയ് ആലുക്കാസ് ഗ്രൂപ്പിന്റെ ലോകമെമ്പാടുമുള്ള മുന്നേറ്റത്തിൽ ഒരു പുതിയ പൊൻതൂവൽ കൂടിയാണ് ഈ ഷോപ്പിന്റെ ഉദ്ഘാടനം.

ആഭരണപ്രിയരായ മലയാളികളിൽ ആകാംക്ഷ ഉണർത്തിയാണ് ജോയ് ആലൂക്കാസിന്റെ രണ്ടാമത്തെ ഷോറൂം ലണ്ടനിൽ തുറന്നിരിക്കുന്നത്. കേരളത്തിലെ ജോയ് ആലുക്കാസിന്റെ ഷോറൂമുകളിൽ ചെല്ലുന്ന അതേ അനുഭൂതിയും കളക്ഷനും ഉണ്ടെന്നുള്ളത് ലണ്ടൻ ഷോറൂമിന്റെ മേന്മയാണ്. സ്വർണ്ണത്തിലുള്ള നിക്ഷേപങ്ങൾ എല്ലാകാലത്തും ലാഭകരമാണ്. കറൻസിയിലും റിയൽ എസ്റ്റേറ്റിലുമുള്ള നിക്ഷേപങ്ങൾക്ക് മൂല്യം കുറഞ്ഞപ്പോഴും സ്വർണ്ണത്തിലുള്ള നിക്ഷേപം തകരാതെ പിടിച്ചു നിന്നിട്ടുണ്ട്. ലോകത്തിൻറെ പല ഭാഗങ്ങളിലും പ്രത്യേകിച്ച് മധ്യേഷ്യയിലും മറ്റുമുള്ള സംഘർഷങ്ങളെ തുടർന്ന് ക്രൂഡ് ഓയിലിൻ്റെ വിലക്കയറ്റവും കറൻസിയുടെ ചാഞ്ചാട്ടവും മൂലം ഡോളറിന്റെ വിനിമയ നിരക്ക് താഴുമ്പോഴെല്ലാം സ്വർണ്ണമാണ് നിക്ഷേപകരുടെ രക്ഷക്ക് എത്തുന്നത്. ഇന്ത്യയുൾപ്പെടെയുള്ള പ്രമുഖ രാജ്യങ്ങളുടെയെല്ലാം കറൻസി വാല്യു നിശ്ചയിക്കുന്നത് സ്വർണ്ണത്തിലുള്ള നിക്ഷേപത്തിന്റെ ആനുപാതികമായിട്ടാണെന്നുള്ളത് സ്വർണ്ണത്തിന്റെ മൂല്യത്തിന്റെ തെളിവാണ്.

ന്യൂസ് ഡെസ്ക്, മലയാളം യുകെ

ഫ്രാൻസിലെ ഡൺകിർക്കിന് സമീപം ബോട്ട് മറിഞ്ഞ് 7 വയസ്സുകാരിയായ പെൺകുട്ടി ദാരുണമായി കൊല്ലപ്പെട്ടു. ഇംഗ്ലീഷ് ചാനലിലൂടെ അനധികൃത കുടിയേറ്റത്തിനുള്ള ശ്രമത്തിനിടെയാണ് പെൺകുട്ടിക്ക് ദാരുണാന്ത്യം സംഭവിച്ചത്. ഡൺകിർക്കിൽ നിന്ന് ഏതാനും കിലോമീറ്റർ അകലെ മുങ്ങുമ്പോൾ ബോട്ടിൽ 16 കുടിയേറ്റക്കാർ ഉണ്ടായിരുന്നതായാണ് റിപ്പോർട്ടുകൾ.

ഇത്രയും യാത്രക്കാരെ വഹിക്കാനുള്ള ശേഷി ബോട്ടിനില്ലായിരുന്നു എന്നാണ് പുറത്തുവരുന്ന വിവരങ്ങൾ സൂചിപ്പിക്കുന്നത് . മൂന്ന് കുട്ടികളുമായി യാത്ര ചെയ്യുകയായിരുന്ന പെൺകുട്ടിയുടെ മാതാപിതാക്കളെ ഡൺകിർക്കിലെ ആശുപത്രിയിൽ പ്രവേശിപ്പിച്ചിരിക്കുകയാണ്. അനധികൃത കുടിയേറ്റത്തിനായി ഉപയോഗിച്ച കപ്പൽ മോഷ്ടിക്കപ്പെട്ടതാണെന്നാണ് പ്രാഥമിക വിവരങ്ങൾ ചൂണ്ടിക്കാട്ടി അധികൃതർ അറിയിച്ചിരിക്കുന്നത്. അപകടത്തെ തുടർന്ന് ആശുപത്രിയിൽ പ്രവേശിപ്പിക്കപ്പെട്ട മറ്റുള്ളവരുടെ ആരോഗ്യസ്ഥിതി തൃപ്തികരമാണെന്നാണ് റിപ്പോർട്ടുകൾ. സംഭവത്തെ തുടർന്ന് അനധികൃതരുടെ കുടിയേറ്റത്തിന് നേതൃത്വം നൽകിയ നിരവധി പേരെ കസ്റ്റഡിയിൽ എടുത്തതായി ഡൺകിർക്കിലെ പ്രോസിക്യൂട്ടർമാർ പറഞ്ഞതായി വാർത്ത ഏജൻസി റിപ്പോർട്ട് ചെയ്തു.

ബോട്ട് അപകടത്തെ തുടർന്ന് അനധികൃത കുടിയേറ്റത്തിന് ശ്രമിച്ച മൂന്ന് കുടിയേറ്റക്കാർ ബുധനാഴ്ച മരണമടഞ്ഞിരുന്നു. രണ്ട് മാസം പിന്നിടുമ്പോൾ ഈ വർഷം ഇതുവരെ 2000- ത്തിലധികം കുടിയേറ്റക്കാർ യുകെയിൽ എത്തിയതായാണ് ഹോം ഓഫീസിൻ്റെ കണക്കുകൾ ചൂണ്ടി കാണിക്കുന്നത് . 2023 വർഷത്തിൽ 52,530 അനധികൃത കുടിയേറ്റക്കാർ ചെറിയ ബോട്ടുകളിലായി യുകെയിൽ എത്തിയതായാണ് കണക്കുകൾ . 2022 നെ അപേക്ഷിച്ച് ഇത് 17 % കൂടുതലാണ്.

ന്യൂസ് ഡെസ്ക്, മലയാളം യുകെ

എല്ലാ കണ്ണുകളും ജെറമി ഹണ്ടിലേയ്ക്കാണ്. മാർച്ച് 6-ാം തീയതി അദ്ദേഹം 2024 – 25 സാമ്പത്തിക വർഷത്തിലേയ്ക്കുള്ള ബഡ്ജറ്റ് അവതരിപ്പിക്കും. അടുത്ത പൊതു തെരഞ്ഞെടുപ്പിന് മുന്നോടിയായുള്ള ബഡ്ജറ്റ് ഒട്ടേറെ ജനപ്രിയമായിരിക്കും എന്നാണ് പൊതുവെ വിലയിരുത്തപ്പെടുന്നത്. യുകെ മലയാളികളും ബഡ്ജറ്റിനെ പ്രതീക്ഷയോടെയാണ് ഉറ്റുനോക്കുന്നത്.

ഏകദേശം 800 മില്യൺ പൗണ്ടിന്റെ സാങ്കേതിക പരിഷ്കാരങ്ങൾ എൻഎച്ച്എസിലും നിയമപരിപാലനത്തിലും നടപ്പിലാക്കാൻ ബഡ്ജറ്റിൽ നിർദ്ദേശം ഉണ്ടെന്നാണ് റിപ്പോർട്ടുകൾ. വിവരസാങ്കേതികവിദ്യയുടെ സഹായത്തോടെ എൻഎച്ച്എസിലെ നടപടിക്രമങ്ങൾ ലഘൂകരിക്കുന്നതിനുള്ള വിപുലമായ പദ്ധതികൾക്കുള്ള സാമ്പത്തിക സഹായം ബഡ്ജറ്റിൽ ഉണ്ടാകും. ആർട്ടിഫിഷ്യൽ ഇന്റലിജൻസിന്റെ സഹായത്തോടെയുള്ള ആധുനികവത്കരണമാണ് നടപ്പിലാക്കുക. നിർമ്മിത ബുദ്ധിയുടെ സഹായത്തോടെ എൻഎച്ച്എസിലെ സ്കാൻ ടൈം മൂന്നിലൊന്നായി കുറയ്ക്കാമെന്നാണ് കണകാക്കുന്നത് .

ഇതോടൊപ്പം ക്രമസമാധാന നില മെച്ചപ്പെടുത്തുന്നതിനും ട്രാഫിക് നിയന്ത്രണങ്ങൾക്കും മറ്റുമായി വിവരസാങ്കേതികവിദ്യയുടെ സഹായത്തോടെയുള്ള വൻ ആധുനികവത്കരണം ആണ് സർക്കാർ ലക്ഷ്യം വയ്ക്കുന്നത്. നിർമ്മിത ബുദ്ധിയുടെ സഹായത്തോടെയുള്ള പരിഷ്കരണം ഉപകാരപ്രദമായിരിക്കും എന്നാണ് പൊതുവെ നിരീക്ഷിക്കപ്പെടുന്നത്. റോഡ് അപകടങ്ങൾ കുറയ്ക്കുന്നതിനും ട്രാഫിക് ജാമുകൾ ഒഴിവാക്കുന്നതിനും പുതിയ പരിഷ്കാരങ്ങൾ സഹായിക്കും. പരിഷ്കാരങ്ങൾ നടപ്പിലാക്കുന്നതിലൂടെ ഓരോ വർഷവും 38 ദേശലക്ഷം മണിക്കൂർ സമയം ലാഭിക്കാൻ പോലീസ് ഡിപ്പാർട്ട്മെൻ്റിന് സാധിക്കും.

യുകെ മലയാളികളിൽ ഭൂരിഭാഗവും ആരോഗ്യമേഖലയുമായി ബന്ധപ്പെട്ട് ജോലി ചെയ്യുന്നവരാണ്. അതുകൊണ്ടു തന്നെ എൻഎച്ച്എസിലെ ആധുനിക വത്കരണം നല്ലൊരു ശതമാനം യുകെ മലയാളികൾക്കും പ്രത്യക്ഷമായോ പരോക്ഷമായോ ഉപകാരപ്പെടും. ഇംഗ്ലണ്ടിലെ 100 എംആർഐ സ്കാനറുകൾ എങ്കിലും നിർമ്മിത ബുദ്ധി ഉപയോഗിച്ച് അപ്ഗ്രേഡ് ചെയ്യുന്നതിന്റെ ഫലമായി 130,000 രോഗികൾക്ക് എങ്കിലും പരിശോധന ഫലങ്ങൾ നേരത്തെ ലഭിക്കുന്നതിന് കാരണമാവും.

ഈ വർഷം നടക്കാനിരിക്കുന്ന പൊതു തിരഞ്ഞെടുപ്പിന് മുന്നോടിയായി സമ്മതിദായകരെ കൈയ്യിലെടുക്കാനുള്ള പൊടിക്കൈകൾ ബഡ്ജറ്റിൽ ഉണ്ടാകുമെന്നാണ് പൊതുവെ വിലയിരുത്തപ്പെടുന്നത്

ന്യൂസ് ഡെസ്ക്, മലയാളം യുകെ

ഗാസാ ഇസ്രായേൽ യുദ്ധത്തിന് പിന്നാലെ യുകെയിലെ ഭീകരാക്രമണ ഭീഷണി കുത്തനെ ഉയരുന്നതായി മുന്നറിയിപ്പ് നൽകി മുതിർന്ന സുരക്ഷാ ഉദ്യോഗസ്ഥർ. ആസൂത്രിതമായ തീവ്രവാദ പ്രവർത്തനത്തിൻ്റെ അപകടസാധ്യത ചൂണ്ടിക്കാട്ടിയ രഹസ്യാന്വേഷണ വിഭാഗം ഒറ്റപ്പെട്ട ആക്രമണം നടത്താൻ സാധ്യത ഉള്ള സ്ഥലങ്ങളുടെയും വ്യക്തികളുടെയും വിവരങ്ങൾ നൽകിയതായിട്ടാണ് റിപ്പോർട്ടുകൾ.

ഗാസാ ഇസ്രയേൽ യുദ്ധം ആഗോള ഭീകരവാദ സംഘടനകൾ തങ്ങളുടെ ആശയങ്ങൾ പ്രചരിപ്പിക്കാനും സംഘടനകളിലേയ്ക്ക് ആളുകളെ ആകർഷിക്കാനും ഉപയോഗിക്കുന്നതായി കണ്ടെത്തിയിട്ടുണ്ട്. അടുത്ത ഞായറാഴ്ച ആരംഭിക്കുന്ന മുസ്ലീം പുണ്യമാസമായ റമദാനിൽ തീവ്രവാദ പ്രവർത്തനങ്ങൾ വർദ്ധിക്കാനുള്ള സാധ്യതകൾ ഉണ്ടെന്ന് സുരക്ഷാ ഉദ്യോഗസ്ഥർ പറയുന്നു. കഴിഞ്ഞയാഴ്ച റോച്ച്‌ഡെയ്‌ലിലെ ജോർജ്ജ് ഗാലോവേയുടെ ഉപതെരഞ്ഞെടുപ്പ് വിജയത്തെ തുടർന്ന് നടത്തിയ പ്രസംഗത്തിൽ പ്രധാനമന്ത്രി ഋഷി സുനക് ഉയർന്ന് വരുന്ന തീവ്രവാദ ഭീഷണികളെ കുറിച്ച് സംസാരിച്ചിരുന്നു. ഇതിന് പിന്നാലെയാണ് ഇൻ്റലിജൻസിൻെറ മുന്നറിയിപ്പ് പുറത്ത് വരുന്നത്.

ഒക്‌ടോബർ ഏഴിലെ ഹമാസ് ആക്രമണത്തിനും ഇസ്രയേലിൻ്റെ പ്രതികരണത്തിനും ശേഷം ബ്രിട്ടീഷ് മുസ്ലിം യുവാക്കൾ തീവ്രവാദത്തിലേയ്ക്ക് ആകർഷിക്കപ്പെടാൻ സാധ്യതയുണ്ടെന്ന് സുരക്ഷാ ഉദ്യോഗസ്ഥർ മുന്നറിയിപ്പ് നൽകി. ഗാസാ യുദ്ധം കാരണം തീവ്രവാദ ഗ്രൂപ്പുകൾക്ക് ഫണ്ട് ശേഖരിക്കാനും റിക്രൂട്ട് ചെയ്യാനും ഇനി എളുപ്പമായിരിക്കുമെന്ന് ഒരു മുതിർന്ന കൺസർവേറ്റീവ് അംഗം പറഞ്ഞു.