അമ്മു മറിയം തോമസ്, മലയാളം യുകെ ന്യൂസ് ടീം

കൊറോണ വൈറസ് വ്യാപനം തടയാൻ യുകെയിൽ ആദ്യത്തെ ലോക് ഡൗൺ പ്രഖ്യാപിച്ചതിൻ്റെ ഒന്നാം വാർഷിക ദിനമായ ഇന്നലെ രാജ്യം മഹാമാരി കവർന്നെടുത്ത തങ്ങളുടെ പ്രിയപ്പെട്ടവർക്ക് ആദരാഞ്ജലികൾ അർപ്പിച്ചു. രാജ്യത്തെ ജനങ്ങൾ വാതിൽപ്പടിയിൽ മെഴുകുതിരികൾ തെളിയിച്ച്‌ ഒത്തുചേർന്നത് കോവിഡിനെതിരെയുള്ള പോരാട്ടത്തിൽ പുതുചരിത്രമായി. തങ്ങളുടെ ഉറ്റവരെയും ബന്ധുക്കളെയും നഷ്ടപ്പെട്ടവരോടുള്ള അനുശോചനം പ്രധാനമന്ത്രി ബോറിസ് ജോൺസൺ അറിയിച്ചു . അപൂർവ്വമായ പരസ്യ പ്രസ്താവനയിലൂടെ എലിസബത്ത് രാജ്ഞി ഉറ്റവരെ നഷ്ടപ്പെട്ട ജനങ്ങളുടെ ദു:ഖത്തിൽ പങ്കുചേർന്നു. ഇന്നലെ രാത്രി 8 മണിക്ക് മെഴുകുതിരി തെളിയിക്കുന്നതിനായി ആയിരക്കണക്കിന് ആൾക്കാരാണ് തങ്ങളുടെ വീടു വാതിൽക്കൽ എത്തിയത്. ഔദ്യോഗിക കണക്കുകൾ പ്രകാരം 126,000 പേരുടെ ജീവനാണ് മഹാമാരി കവർന്നെടുത്തത്.

ലോകത്തിലെതന്നെ അഞ്ചാമത്തെ ഏറ്റവും കൂടുതൽ മരണനിരക്ക് രേഖപ്പെടുത്തിയ രാജ്യം ബ്രിട്ടനായിരുന്നു. യൂറോപ്പിൽ ഏറ്റവും കൂടുതൽ കോവിഡ് മരണങ്ങൾ രേഖപ്പെടുത്തിയതും ബ്രിട്ടനിലായിരുന്നു. എന്നാൽ ലോക് ഡൗൺ നിയന്ത്രണങ്ങളാലും യുദ്ധകാലടിസ്ഥാനത്തിൽ പ്രതിരോധ കുത്തിവെയ്പ്പുകൾ നൽകിയും രോഗവ്യാപനവും മരണനിരക്കും കുറച്ചതിൻ്റെ ‘ ആശ്വാസത്തിലാണ് രാജ്യം. യുകെയിലെ മരണനിരക്ക് 5 വർഷത്തെ ശരാശരി മരണ നിരക്കിലും താഴെയാണെന്ന ശുഭവാർത്ത രാജ്യത്തെ കോവിഡ് പ്രതിരോധ പ്രവർത്തനങ്ങളുടെ വിജയത്തെയാണ് കാണിക്കുന്നതെന്ന് വിലയിരുത്തപ്പെടുന്നു. കോവിഡിൻ്റെ രണ്ടാം തരംഗത്തെ രാജ്യം കീഴടക്കിയതിലും ലോക് ഡൗണും പ്രതിരോധ കുത്തിവെയ്പ്പും രാജ്യത്തെ ജനങ്ങളുടെ ജീവൻ രക്ഷിക്കാൻ സഹായിച്ചതിലുള്ള സന്തോഷത്തിലാണ് കോവിഡിൻെറ മുന്നണി പോരാളികളായ ആരോഗ്യപ്രവർത്തകർ.

ന്യൂസ് ഡെസ്ക് മലയാളം യുകെ

ലണ്ടൻ : മാര്‍ച്ച് 28 ഞായര്‍ പുലര്‍ച്ചെ 1 മണിക്ക് ക്ലോക്കുകളിലെ സൂചി ഒരു മണിക്കൂര്‍ മുന്നോട്ട് തിരിച്ചുവെയ്ക്കും. വിന്റര്‍ സീസണിന്റെ അവസാനം ഒരു മണിക്കൂര്‍ മുന്നോട്ടും ഫാള്‍ സീസണില്‍ ഒരു മണിക്കൂര്‍ പിറകോട്ടും തിരിച്ചുവെക്കുന്ന സമയം മാറ്റം ആദ്യമായി നിലവില്‍ വന്നത് ഒന്നാം ലോകമഹായുദ്ധ കാലഘട്ടത്തിലായിരുന്നു. സൂര്യപ്രകാശം ധാരാളമായി ലഭിക്കുന്ന സ്പ്രിങ്ങ് (Spring), വിന്റര്‍ (Winter) സീസണുകളില്‍ പകലിന്റെ ദൈര്‍ഘ്യം വര്‍ദ്ധിപ്പിച്ചു. വൈദ്യുതി ഉപയോഗം കുറയ്ക്കുന്നതിനും ഇതില്‍ നിന്നും ലഭിക്കുന്ന മിച്ച വൈദ്യുതി യുദ്ധമേഖലയില്‍ പ്രയോജനപ്പെടുത്താനും ലക്ഷ്യമിട്ടാണ് ഈ സമയമാറ്റം ആരംഭിച്ചത്. എന്നാൽ ഈ മാറ്റം നമ്മുടെ ബയോളജിക്കൽ ക്ലോക്കിനെയും ആരോഗ്യത്തെയും ബാധിച്ചേക്കാം എന്നതിന് കൂടുതൽ തെളിവുകൾ ഉണ്ട്. ഇത് ജനങ്ങളുടെ ജീവിതത്തിൽ നേരിട്ട് സ്വാധീനം ചെലുത്തുന്നുവെന്ന് ലിവർപൂൾ ജോൺ മൂർസ് സർവകലാശാല നടത്തിയ പഠനങ്ങളുടെ അവലോകനത്തിൽ കാണുന്നു.

2009 ലെ ഒരു പഠനത്തിൽ, ക്ഷീണം കാരണം ജോലിസ്ഥലത്തെ അപകടങ്ങൾ കൂടുതലാണെന്ന് കണ്ടെത്തി. കഴിഞ്ഞ വർഷം പ്രസിദ്ധീകരിച്ച യുഎസ് ഗവേഷണത്തിൽ, സമയമാറ്റത്തെത്തുടർന്ന് കാർ അപകടങ്ങളിൽ ആഴ്ചയിൽ 6 ശതമാനം വർദ്ധനവ് കണ്ടെത്തി. ഒരു മണിക്കൂർ മുന്നോട്ട് പോകുന്നത് ജനങ്ങളുടെ രോഗപ്രതിരോധ ശേഷി കുറയ്ക്കുന്നതുമായും ബന്ധപ്പെട്ടിരിക്കുന്നു. ഒരു മണിക്കൂർ ഉറക്കം നഷ്ടപ്പെടുന്നത് സ്ട്രെസ് ഹോർമോണായ കോർട്ടിസോൾ ഉയർന്ന ലെവലിലേക്ക് നീങ്ങാൻ കാരണമാകുന്നു. ഇത് രക്തസമ്മർദ്ദം ഉയരുന്നതിനും കാരണമാകും. 2014-ൽ കൊളറാഡോ സർവകലാശാലയിൽ നടത്തിയ ഒരു പഠനത്തിൽ, സ്പ്രിംഗ് ക്ലോക്ക് മാറ്റത്തിനുശേഷം തിങ്കളാഴ്ചദിവസം ഹൃദയാഘാതത്തിൽ 25 ശതമാനം വർധനയുണ്ടായി.

ഇതിനെല്ലാം ഒപ്പം ഉയരുന്ന ഒരു പ്രധാനപ്പെട്ട ചോദ്യമുണ്ട് ; “ക്ലോക്കുകൾ മാറ്റുന്നത് അവസാനിപ്പിക്കേണ്ട സമയമായില്ലേ?” എന്നാൽ ആ ബുദ്ധിമുട്ടുകൾ മറികടക്കാനുള്ള വഴികൾ ആരോഗ്യവിദഗ്ദർ നിർദേശിച്ചിട്ടുണ്ട്. ശരിയായി വെളിച്ചം നേടുക എന്നതാണ് പ്രധാനം. ക്ലോക്കുകൾ മാറിയതിനുശേഷം ആദ്യത്തെ കുറച്ച് പ്രഭാതങ്ങളിൽ നിങ്ങൾ ഉണരുമ്പോൾ തന്നെ ധാരാളം വെളിച്ചം നേടുക. തിരശ്ശീലകൾ തുറക്കുക, നടക്കാൻ പോകുക തുടങ്ങിയവയാണ് പ്രധാന മാർഗങ്ങൾ. നല്ലൊരു കോഫി കുടിക്കുന്നത് ഗുണം ചെയ്യും. ജിഎസ് ടിയിലേക്ക് മാറിയതിനുശേഷം ആദ്യ ആഴ്ച നിങ്ങൾക്ക് മന്ദത തോന്നുന്നുവെങ്കിൽ, കൂടുതൽ ശക്തമായ ഒരു കപ്പ് കോഫി കുടിക്കുക. നിങ്ങൾക്ക് ഒരു പ്രഭാത യാത്ര ഉണ്ടെങ്കിൽ, സമയ മാറ്റത്തിനുശേഷം ആദ്യത്തെ കുറച്ച് ദിവസത്തേക്ക് നടക്കുകയോ പൊതുഗതാഗതം ഉപയോഗിക്കുകയോ ചെയ്യുക. വാഹനമോടിക്കുകയാണെങ്കിൽ കൂടുതൽ ജാഗ്രത പാലിക്കുക. “ക്ലോക്കുകൾ തിരികെ എത്തുമ്പോൾ ആളുകൾ നേരത്തെ ഉറങ്ങാൻ പോകുന്നത് തെറ്റാണ്. നഷ്ടപ്പെട്ട മണിക്കൂർ പരിഹരിക്കാൻ ശ്രമിക്കുന്നു. ഇത് തെറ്റാണ്. ” എക്സ്റ്റെറ്ററിലെ സ്ലീപ്പിഹെഡ് ക്ലിനിക്കിലെ സ്ലീപ് ഫിസിയോളജിസ്റ്റ് സ്റ്റെഫാനി റോമിസ്വെസ് കി പറഞ്ഞു.

ആന്റണി ജോസഫ്.
ഓ.. രാ..
അല്ല. നമ്മുടെ രാജേട്ടന്‍ എന്തൊക്കെയോ പറഞ്ഞു തുടങ്ങി.
പറഞ്ഞത് സത്യമാണെങ്കിലും ഇങ്ങനെ പച്ചയ്ക്ക് പറയാന്‍ പാടുണ്ടോ രാജേട്ടാ.??? കൂടപ്പിറപ്പുകളുടെ ചോദ്യമാണ്.
അര്‍ഹതയ്ക്കുള്ള അംഗീകാരം കിട്ടാത്തതു കൊണ്ട് എഴുപത് കഴിഞ്ഞ ചാക്കോച്ചനും റോസക്കുട്ടിയും പിന്നെ ചില നേതാക്കളും പടിയിറങ്ങി.
നന്നായി.
കൊച്ചു മക്കള്‍ക്ക് ആസ്വദിക്കാന്‍ കിട്ടുമല്ലോ!
ട്രോളര്‍മ്മാരിലധികവും വലത്തെയ്ക്കാണ് ഇന്ന് ചാഞ്ഞത്.
തോണ്ടുന്നത് ഇടത്തോട്ടായതുകൊണ്ട് പറഞ്ഞതാണ്.
ഇതിനിടയില്‍
ജീ സുധാകരന്‍ ജീ ബെല്ലും ബ്രെയ്ക്കുമില്ലാതെയുള്ളൊരു പോക്കാണ്.
ഈ പോക്ക് താമരയില്‍ തട്ടി നില്‍ക്കുമെന്ന് വിശ്വസിക്കാം..
പൂഞ്ഞാറശാനെ ഈരാറ്റുപേട്ട ഇന്നലെ കൈയ്യിലെടുത്തപ്പോള്‍ സോഷ്യല്‍ മീഡിയക്ക് ഇന്നാണ് കൈയ്യില്‍ കിട്ടിയത്. അവര്‍ അത് നന്നായി ഉപയോഗിച്ചു. ആശാന്‍ വിജയം ഉറപ്പിച്ചു. മെയ് ആറിന് നിന്റെയൊക്കെ മുമ്പില്‍ MLA ആയി ഞാന്‍ വരും തെണ്ടികളെ എന്നും പ്രസ്താവനയിറക്കിയിട്ടുണ്ട്. തെണ്ടികള്‍ക്ക് ബലം ഉണ്ടോ എന്ന് മെയ് ആറിനറിയാം.
കള്ളവോട്ട് പിടിക്കാന്‍ വലയുമായി രമേശന്‍സാറ് ഇറങ്ങിയിട്ടുണ്ട്.
വലയില്‍പ്പെടാതെ എല്ലാവരും സൂക്ഷിച്ചോ..

ഇതേ കളറില്‍ സുന്ദരി പറഞ്ഞു.

ന്യൂസ് ഡെസ്ക് മലയാളം യുകെ

ലണ്ടൻ : ന്യായമായ കാരണങ്ങൾ ഇല്ലാതെ തിങ്കളാഴ്ച മുതൽ യുകെ വിടുന്നവർ 5000 പൗണ്ട് പിഴ നൽകേണ്ടി വരും. കൊറോണ വൈറസ് നിയന്ത്രണങ്ങൾ ശക്തമാക്കുന്നത്തോടെ വേനലവധിക്കാലവും ഭീഷണിയിൽ ആയിരിക്കുകയാണ്. ജൂൺ അവസാനം വരെയാണ് ഈ നിയന്ത്രണങ്ങൾ നിലനിൽക്കുക. ചാനൽ ദ്വീപുകൾ, ഐൽ ഓഫ് മാൻ, അയർലൻഡ് എന്നിവിടങ്ങളിലെ പ്രദേശങ്ങളിലേക്ക് പോകുന്നവർക്ക് യാത്രാ നിരോധനം ബാധകമല്ല. ജോലി, പഠനം, നിയമപരമായ ബാധ്യതകൾ അല്ലെങ്കിൽ വോട്ടുചെയ്യാൻ യാത്ര ചെയ്യേണ്ടവർ, അടുത്ത ബന്ധുവിന്റെയോ സുഹൃത്തിന്റെയോ ശവസംസ്കാര ചടങ്ങിൽ പങ്കെടുക്കുവാൻ പോകുന്നവർ, വീട് മാറി താമസിക്കുന്നവർ തുടങ്ങിയ ന്യായമായ ആവശ്യങ്ങൾക്ക് ഇളവുകൾ അനുവദിച്ചിട്ടുണ്ട്. കൊറോണ വൈറസിന്റെ മൂന്നാമത്തെ തരംഗം യൂറോപ്പിലുടനീളം വ്യാപിക്കുന്നതിനാൽ വിദേശ വേനൽക്കാല അവധിദിനങ്ങൾ ആശങ്കയിലാണ്.

ആഴ്ചാവസാനത്തോടെ ഹോട്ടൽ ക്വാറന്റീൻ ആവശ്യമുള്ള രാജ്യങ്ങളുടെ ‘റെഡ് ലിസ്റ്റിൽ’ ഫ്രാൻസിനെ ഉൾപ്പെടുത്താൻ സാധ്യതയുണ്ട്. ദക്ഷിണാഫ്രിക്കൻ കോവിഡ് വകഭേദ കേസുകളുടെ വർദ്ധനവ് ആരോഗ്യ ഉദ്യോഗസ്ഥരെ കൂടുതൽ ആശങ്കപ്പെടുത്തുന്നുണ്ട്. ഇപ്പോഴത്തെ സാഹചര്യം കണക്കിലെടുത്താൽ വേനൽക്കാലത്തിന്റെ അവസാനം വരെ വിദേശയാത്രകൾ സാധ്യമായേക്കില്ല. യാത്രാ വിലക്ക് എങ്ങനെ, എപ്പോൾ നീക്കംചെയ്യാമെന്ന് ഏപ്രിൽ 12 നകം ചർച്ച ചെയ്ത് തീരുമാനിക്കുമെന്ന് ഗതാഗത സെക്രട്ടറി ഗ്രാന്റ് ഷാപ്പ്സ് അറിയിച്ചു.

യാത്രാ നിയന്ത്രണങ്ങൾ നീട്ടുന്നത് ടൂറിസമേഖലയിൽ ജോലി ചെയ്യുന്ന ദശലക്ഷക്കണക്കിന് ആളുകളെ രൂക്ഷമായി ബാധിക്കുമെന്ന് ടോറി എംപിമാരുടെ കമ്മിറ്റി ചെയർമാൻ സർ എബ്രഹാം ബ്രാഡി പറഞ്ഞു. നിലവിൽ യൂറോപ്പിലുടനീളം വ്യാപിച്ചുകൊണ്ടിരിക്കുന്ന കൊറോണ വൈറസിന്റെ മൂന്നാമത്തെ ബ്രിട്ടനിലും ആശങ്ക സൃഷ്ടിക്കുന്നുണ്ട്. ഫ്രാൻസിനെ റെഡ് ലിസ്റ്റിൽ ഉൾപ്പെടുത്തുന്നതോടെ മടങ്ങിവരുന്ന ബ്രിട്ടീഷ് പൗരന്മാർ അവരുടെ സ്വന്തം ചെലവിൽ അംഗീകൃത ഹോട്ടലിൽ ഒറ്റപ്പെടേണ്ടി വരും. മാത്രമല്ല നേരിട്ടുള്ള ഫ്ലൈറ്റുകളും നിർത്തലാക്കും. പലവിധ നിയന്ത്രണങ്ങളിലൂടെ കടന്നുപോയ ഒരു വർഷത്തിന് ശേഷവും വൈറസ് വ്യാപനത്തിൽ വലിയ മാറ്റം ഉണ്ടാവാത്തത് കൂടുതൽ പ്രതിസന്ധി സൃഷ്ടിക്കുന്നു.

ന്യൂസ് ഡെസ്ക് മലയാളം യുകെ

കോവിഡ് 19 മഹാമാരിയുടെ വ്യാപനം തടയാൻ രാജ്യത്തെ ആദ്യ ലോക് ഡൗൺ പ്രഖ്യാപിച്ചിട്ട് ഇന്ന് ഒരു വർഷം തികയുന്നു. 2020 മാർച്ച് 23 -നാണ് ലോക് ഡൗൺ ഉൾപ്പെടെയുള്ള നിയന്ത്രണങ്ങൾ രാജ്യത്ത് ഏർപ്പെടുത്തിയത്. സ്കൂളുകൾ, പബ്ബുകൾ, ഷോപ്പുകൾ എന്നിവ അടച്ചുപൂട്ടിയിരുന്നു. കോവിഡ് മൂലമുള്ള മരണസംഖ്യ 364 ആയിരുന്നു ലോക് ഡൗൺ പ്രഖ്യാപിക്കുമ്പോഴെങ്കിൽ പിന്നീട് 126,172 പേരുടെ ജീവനാണ് മഹാമാരി കവർന്നെടുത്തത്. എങ്കിലും ഒരു വർഷം കഴിയുമ്പോൾ പ്രതിരോധകുത്തിവെയ്പ്പുകളാലും ലോക് ഡൗൺ നിയന്ത്രണങ്ങൾ കൊണ്ടും രോഗ വ്യാപനവും മരണനിരക്കും കുറഞ്ഞതിന്റെ ആശ്വാസത്തിലാണ് രാജ്യം.

രോഗവ്യാപനം തടയുന്നതിനായി ജാഗ്രത പാലിക്കുകയും കർശനമായ നിയന്ത്രണങ്ങളോട് സഹകരിക്കുകയും ചെയ്തതിന് പ്രധാനമന്ത്രി ബോറിസ് ജോൺസൺ ജനങ്ങളോട് നന്ദി പറഞ്ഞു. കോവിഡ് ജീവൻ കവർന്നെടുത്തവരുടെ ഉറ്റവർക്കും ബന്ധുക്കൾക്കും പ്രധാനമന്ത്രി അനുശോചനം രേഖപ്പെടുത്തി. ഇന്ന് രാത്രി എട്ടുമണിക്ക് കോവിഡിനെതിരെ ആരംഭിച്ച ലോക് ഡൗൺ ഉൾപ്പെടെയുള്ള പ്രതിരോധ പ്രവർത്തനങ്ങളുടെ ഓർമ്മയ്ക്കായി രാജ്യം ഒരു മിനിറ്റ് മൗനം ആചരിക്കും . ജനങ്ങൾ ഫോണുകളോ, ടോർച്ചുകളോ, മെഴുകുതിരികളോ പ്രകാശിപ്പിച്ച് ഇതിൽ പങ്കുചേരാനുള്ള നിർദ്ദേശമാണ് നല്കിയിരിക്കുന്നത്.

ന്യൂസ് ഡെസ്ക് മലയാളം യുകെ

ലണ്ടൻ : ഗൂഗിളും ആപ്പിളും സജീവമായി സഹകരിച്ച് പ്രവർത്തിക്കുന്നുവെന്ന ആശങ്കകൾ നിലനിൽക്കേ അത് അന്വേഷിക്കാൻ യുകെയുടെ കോംപറ്റീഷൻ ആന്റ് മാർക്കറ്റ്സ് അതോറിറ്റിയോട് അഭ്യർത്ഥിച്ചു. ആപ്പിളിന്റെ ആപ്പ് സ്റ്റോറിലെ ഡാറ്റയുടെ മാറ്റത്തെക്കുറിച്ചുള്ള പരാതിയിൽ, ഓൺലൈൻ കാമ്പെയ്ൻ ഗ്രൂപ്പ് മാർക്കറ്റേഴ്സ് ഫോർ എ ഓപ്പൺ വെബ് (MOW) കഴിഞ്ഞ ഒക്ടോബറിൽ യുഎസ് ഡിപ്പാർട്ട്‌മെന്റ് ഓഫ് ജസ്റ്റിസ് ലോസ്യൂട്ടിൽ നിന്ന് 11 സംസ്ഥാനങ്ങളുടെ പിന്തുണയോടെ രേഖകൾ കണ്ടെടുത്തിരുന്നു. തിരയൽ വരുമാനം (search Income) നോക്കുമ്പോൾ മുതിർന്ന ഗൂഗിൾ, ആപ്പിൾ സ്റ്റാഫുകൾ ‘ഞങ്ങൾ ഒരു കമ്പനിയാണെന്ന പോലെയാണ് പ്രവർത്തിക്കുന്നതെന്ന ചിന്ത’ പങ്കുവച്ചതായി ഒരു ഇമെയിൽ വ്യക്തമാക്കുന്നു. റെഗുലേറ്റർമാർ, ചെറിയ സെർച്ച് എഞ്ചിനുകളായ ഡക്ക്ഡക്ക്ഗോ തുടങ്ങിയവരുടെ വലിയ സമ്മർദ്ദമാണ് യുഎസ് കേസിൽ ഉള്ളത്. കാലിഫോർണിയൻ കമ്പനികൾ തമ്മിലുള്ള കരാറുകളെക്കുറിച്ചുള്ള യുഎസ് റെഗുലേറ്ററി ഫയലിംഗുകൾ ഗ്രൂപ്പ് ഉദ്ധരിച്ചു.

ഞങ്ങൾ ഒരു കമ്പനിയെന്ന പോലെ പ്രവർത്തിക്കുന്നു എന്നതാണ് ഞങ്ങളുടെ കാഴ്ചപ്പാടെന്ന് 2018 ലെ ഒരു മീറ്റിംഗിനെത്തുടർന്ന് ഒരു മുതിർന്ന ആപ്പിൾ ജീവനക്കാരൻ എഴുതുകയുണ്ടായി. ഉപകരണങ്ങൾ വിൽക്കുന്നതിലൂടെ ആപ്പിളിന്റെ വരുമാനത്തിന്റെ ഭൂരിഭാഗവും സമ്പാദിക്കുന്നുവെന്ന് ഗ്രൂപ്പ് അവകാശപ്പെടുന്നു. എന്നാൽ തിരയലുമായി ബന്ധപ്പെട്ട് ഗൂഗിളിൽ നിന്ന് പ്രതിവർഷം ഏകദേശം 9 ബില്യൺ പൗണ്ട് (12 ബില്യൺ ഡോളർ) ലഭിക്കുന്നുണ്ട്.

ഉപയോക്താക്കളുടെ ഡേറ്റയുടെ ഒരു പ്രധാന ഉറവിടം ചേർക്കുന്നത് എല്ലാ ഉപയോക്താക്കളെയും സംബന്ധിച്ച് ഗൂഗിൾ സ്വീകരിക്കുന്ന ടച്ച് പോയിന്റുകൾ വർദ്ധിപ്പിക്കുകയും വെബിൽ പ്രവേശിക്കുന്ന എല്ലാ ഉപകരണങ്ങളുടെയും മൊത്തം ഉപയോക്ത അടിത്തറയെക്കാൾ അതിന്റെ വിപണി ശക്തിപ്പെടുത്തുകയും ചെയ്യുന്നു. ആപ്പിളിന്റെ സഫാരി ബ്രൗസറിലും മറ്റ് സെർച്ച്‌ ആക്സസ് പോയിന്റുകളിലും ഗൂഗിൾ സെർച്ച് എഞ്ചിൻ ഡിഫോൾട്ട് എഞ്ചിനാകാൻ കരാർ ഉണ്ട്. ആപ്ലിക്കേഷൻ ഡവലപ്പർമാർക്കുള്ള നിബന്ധനകളും വ്യവസ്ഥകളും അന്യായവും മത്സരവിരുദ്ധവുമാണെന്ന പരാതിയിൽ സി‌എം‌എ ആപ്പിളിനെക്കുറിച്ച് അന്വേഷണം ആരംഭിച്ചതിന് ശേഷമാണ് ഇത്. ഡവലപ്പർമാർക്ക് അതിന്റെ സിസ്റ്റത്തിലേക്ക് അപ്ലിക്കേഷനുകൾ വിതരണം ചെയ്യുന്നതിനുള്ള ഏക മാർഗ്ഗം ആപ്പിളിന്റെ ആപ്പ് സ്റ്റോർ ആണ്. ആപ്പ് സ്റ്റോറുമായി ബന്ധപ്പെട്ട യൂറോപ്യൻ കമ്മീഷന്റെ അന്വേഷണവും ആപ്പിൾ ഇപ്പോൾ നേരിടുന്നുണ്ട്.

ന്യൂസ് ഡെസ്ക് മലയാളം യുകെ

ലോക ചരിത്രം തന്നെ മാറ്റിയെഴുതിയ കൊറോണവൈറസിനെതിരെയുള്ള യുദ്ധത്തിനൊപ്പം തന്നെ കോവിഡ് -19 നെതിരെയുള്ള പ്രതിരോധ മരുന്നിനായുള്ള രാജ്യങ്ങൾ തമ്മിലുള്ള ശീതസമരവും തന്ത്രങ്ങളൊരുക്കലും അണിയറയിൽ തകൃതിയായി മുന്നേറുകയാണ്. ഫൈസർ, ഓക്സ്ഫോർഡ് അസ്ട്രസെനെക്ക വാക്സിനുകൾക്ക് യുകെയിലേയ്ക്ക് കയറ്റുമതി ചെയ്യുന്നത് തടയാനായി യൂറോപ്യൻ യൂണിയൻ രാജ്യങ്ങൾ നടത്തുന്ന ചരടുവലികൾ വൻ വാർത്താ പ്രാധാന്യമാണ് നേടിയിരിക്കുന്നത്. ബ്രിട്ടനിലേയ്ക്കുള്ള വാക്സിൻ കയറ്റുമതിയിലെ നിരോധനം അവസാനിപ്പിക്കാൻ പ്രധാനമന്ത്രി ബോറിസ് ജോൺസൺ യൂറോപ്യൻ യൂണിയൻ രാജ്യതലവൻമാരുമായി ബന്ധപ്പെടുമെന്നുള്ള റിപ്പോർട്ടുകൾ പുറത്തുവന്നു.

ലോകരാജ്യങ്ങളിൽ ഏറ്റവും ആദ്യം ജനങ്ങൾക്ക് വാക്സിൻ വിതരണം ആരംഭിച്ചത് ബ്രിട്ടനായിരുന്നു. പ്രതിരോധ കുത്തിവെയ്പ്പ് നൽകിയും ലോക്ഡൗൺ നിയന്ത്രണങ്ങളാലും രോഗവ്യാപനവും മരണനിരക്കും കുറച്ച് നേട്ടം കൈവരിക്കാൻ രാജ്യത്തിന് സാധിക്കുകയും ചെയ്തു. പല യൂറോപ്യൻ യൂണിയൻ രാജ്യങ്ങളെക്കാളും മുൻപ് യുകെയ്ക്ക് വാക്‌സിൻ നിർമ്മാതാക്കളുമായി കരാറിലേർപ്പെടാൻ സാധിച്ചതാണ് രാജ്യത്ത് യുദ്ധകാലാടിസ്ഥാനത്തിൽ വാക്സിൻ വിതരണം നടത്താൻ ബ്രിട്ടനെ സഹായിച്ചത്. യൂറോപ്യൻ യൂണിയൻ കരാറിലൊപ്പിടുന്നതിന് മാസങ്ങൾക്ക് മുമ്പ് തന്നെ ഡച്ച് നഗരമായ ലൈഡനിലെ ഹാലിക്സ് പ്ലാന്റിൽ നിന്നുള്ള 100 ദശലക്ഷം ഡോസുകൾക്കാണ് ബ്രിട്ടൻ ധാരണയിലേർപ്പെട്ടത്. വാക്‌സിൻ ലഭ്യതയിലും വിതരണത്തിലും കൈവരിച്ച ഈ നേട്ടങ്ങളെ പിന്നോട്ടടിക്കാനുള്ള മറ്റു രാജ്യങ്ങളുടെ നീക്കങ്ങളാണ് രാജ്യം അഭിമുഖീകരിച്ചുകൊണ്ടിരിക്കുന്നത്. ഇതിനിടെ ഇന്ത്യയിൽനിന്നുള്ള വാക്സിൻ ലഭ്യതയിലെ കുറവും ബ്രിട്ടൻെറ പ്രതിരോധകുത്തിവെയ്പ്പ് മുന്നോട്ടുകുതിക്കുന്നതിൻെറ താളം തെറ്റിക്കുമോ എന്ന ആശങ്ക കഴിഞ്ഞ ദിവസങ്ങളിൽ വാർത്തകളിൽ ഇടംപിടിച്ചിരുന്നു.

ആന്റണി ജോസഫ്.
സ്വന്തം അപ്പച്ചന് വേണ്ടി ബക്കറ്റ് പിരിവ് നടത്തി ആത്മാര്‍ത്ഥമായി സഹായിച്ച സഖാവ് ജെയ്കിനെ യാതൊരു ഉളിപ്പുമില്ലാതെ ജോസ്‌മോന്‍ അഭിനന്ദിക്കുന്ന ട്രോള്‍ മലയാളം യുകെയുടെ ട്രോളും തള്ളും എന്ന ഇലക്ഷന്‍ പംക്തിയില്‍ സ്ഥാനം പിടിച്ചു. നോട്ടെണ്ണുന്ന മിഷീനും വീട്ടിലുണ്ടെന്ന് രാഷ്ട്രീയഭേതമെന്യേ പല നേതാക്കളും വികാരഭരിതരായി ഒരേ സ്വരത്തില്‍ വിളിച്ചു പറയുമ്പോള്‍ അതിശയോക്തിക്ക് വകയൊന്നുമില്ല. ബക്കറ്റ് പിരിവാണല്ലോ ഇടതന്റെ റിസേര്‍വ് ബാങ്ക് ! ഒരു പിരിവ് കാലം നെറ്റിയില്‍ കുരിശു വരച്ച് ഇടതന്‍ വലതന്റെ ബക്കറ്റില്‍ ഇട്ടു. അതോടെ വലത് ഇടത്തോട്ട് താന്നു. ഇടതു വശത്ത് കുരിശില്‍ തറച്ച കള്ളന് സ്വര്‍ഗ്ഗരാജ്യവും കിട്ടി. ട്രോളര്‍മാര്‍ക്ക് ആഘോഷിക്കാന്‍ ഇതില്‍ക്കൂടുതല്‍ എന്ത് വേണം.

ഇതുകൊണ്ടൊന്നും തീര്‍ന്നില്ല മല്ലൂസ്! ആഴക്കടല്‍ പൊക്കി രാഹുല്‍ കേരളത്തില്‍..
അക്ഷരാഭ്യാസമില്ലാതെ വിരിയാതെ പോകുന്ന താമര ഗുരുവായൂരിലും ദേവികുളത്തും പിന്നെ വേറെ ഒരിടത്തും..
ഇടതന്റെ പെന്‍ഷന്‍ തള്ള് എല്ലാ മണ്ഡലത്തിലും പതിവിലും ശക്തിയോടെ..
ഇതിനിടയില്‍ ഒരു വിരുതന്റെ ഓട്ടോയുടെ പിറകില്‍ മുഖ്യന്റെ ചിത്രം. ചോദിച്ചപ്പോള്‍ പറയുകയാ.. പെട്രോളിനു വില കൂടി. കയറ്റം പിടിക്കാന്‍ ഇതു മതി. തള്ളായിരിക്കും ഉദ്ദേശിച്ചത് !!
ഇട്ടേച്ച് പോയ റോസക്കുട്ടിയും തൊടുപുഴ മുഴുവനും ട്രാക്ടറോടിച്ച ഔസേപ്പച്ചനും പ്രവാസി മലയാളികള്‍ക്ക് തിങ്കളാഴ്ച്ച ആനന്ദദായകമാക്കി.
ഇതിനിടയില്‍ ഒരു പ്രാധാനപ്പെട്ടത് പറയാന്‍ വിട്ടു. പൂഞ്ഞാറാശാന് ഇലക്ഷന്‍ പ്രചാരണത്തിനിടയില്‍ കണക്കിന് കിട്ടിയെന്ന് ഈരാറ്റുപേട്ടയില്‍ നിന്ന് പിള്ളേര്‍ പറഞ്ഞു. എടാ പോടാ വിളിയും പച്ചക്കറിയും സോറീ.. പച്ച തെറിയും വിളിച്ചു എന്നാണ് ഒടുവില്‍ കിട്ടിയ വിവരം. ആര് ആരേ വിളിച്ചു എന്ന് അവര്‍ പറഞ്ഞില്ല. ഊഹിക്കാമല്ലോ..
അവസാന കാലം കുടുംബമായി ജീവിച്ച് തീര്‍ക്കാമെന്ന് ആശാനും തെളിയ്ച്ചു.

ട്രോളും തള്ളുമാണല്ലോ നമ്മുടെ വിഷയം. അതിലേയ്ക്ക് പോകാം..

കുര്യാക്കോസിന്റ സ്വപ്നങ്ങള്‍..

മികവ് കുറയാതെ മൂവാറ്റുപുഴയെ നോക്കുന്നു..

ബി ജെ പിയില്‍ എത്തുന്നതിന് മുമ്പ് ഒന്നും പറയാതിരുന്ന ഏട്ടന് എന്തു പറ്റി പെട്ടന്ന്??

ഇടയ്ക്ക് കിട്ടിയത് ചേര്‍ത്തു. അത്രയേയുള്ളൂ.

മറുപടി ഇല്ല.

ഈ സൗന്ദര്യത്തിന് ഒരു സ്മാര്‍ട്ട് ഫോണ്‍ തീര്‍ച്ചയായും അത്യാവശ്യമാണ്. ഇനിയും കൊടുക്കാം..

മറുപടി ഉണ്ട്.

വിജയ കിരൺ

ജനങ്ങൾക്ക് ആവശ്യമായ ശുദ്ധ ജലം ഉറപ്പാക്കുക എന്നത് ലോകത്തിലെ എല്ലാ രാജ്യങ്ങളും നേരിടുന്ന വെല്ലുവിളിയാണ്. ലോകത്തിലെ മൊത്തം ജല സ്രോതസ്സുകളുടെ കണക്കു പരിശോധിച്ചാൽ 2.5% മാത്രമാണ് ശുദ്ധ ജലത്തിന്റെ അളവ്. എന്നാൽ ഉയർന്നു വരുന്ന ജനസംഖ്യ, ആഗോള താപനം, കാലാവസ്ഥാ വ്യതിയാനം, നഗര വൽക്കരണം എന്നിവയുടെ ഭാഗമായി ശുദ്ധജലത്തിന്റെ അളവും ലഭ്യതയും കുറയുന്നു. ഈ സാഹചര്യത്തിൽ 2030 ഓടെ എല്ലാവർക്കും ശുദ്ധജലം, ശുചിത്വം എന്ന ആഗോള സുസ്ഥിര വികസന ലക്ഷ്യം കൈവരിക്കുക അപ്രായോഗികമായിരിക്കും. ആഗോളതലത്തിൽ എല്ലാ രാജ്യങ്ങളും ഈ ലക്ഷ്യത്തിൽ ഊന്നിയ പ്രവർത്തനങ്ങൾക്ക് തുടക്കം കുറിച്ചിട്ടുണ്ടെങ്കിലും വേണ്ട രീതിയിലുള്ള ജനപങ്കാളിത്തവും ജനസ്വീകാര്യതയും, ലഭിക്കുന്നില്ല എന്നത് പരിശേധനയ്ക്ക് വിധേയമാക്കേണ്ടതാണ്.

ലോകാരോഗ്യ സംഘടനയുടെ 2019 ലെ കണക്കു പ്രകാരം, ആഗോളതലത്തിൽ 220 കോടി ആളുകൾക്ക് സുരക്ഷിതമായ കുടിവെള്ളo ലഭിക്കുന്നില്ല. അതിന്റെ ഭാഗമായി 420 കോടി ജനങ്ങൾക്ക് സുരക്ഷിതമായ ദൈനംദിന ശുചിത്വ പ്രവർത്തനങ്ങളിൽ ഏർപ്പെടുവാൻ കഴിയുന്നില്ല. 20.7 കോടി ആളുകൾ ഒരു കുടം ജലത്തിനായി ദിനം പ്രതി 30 മിനിറ്റ് നടക്കുന്ന സാഹചര്യം നിലനിൽക്കുന്നു. ശുചിത്വവും സുരക്ഷിതവുമല്ലാത്ത കുടിവെള്ളം മൂലം പ്രതിദിനം 800-ൽ കൂടുതൽ കുട്ടികൾ ( 5 വയസ്സിന് താഴെ) വയറിളക്കരോഗങ്ങൾ മൂലം മരിക്കുന്നു. ഇന്ത്യയിലും സ്ഥിതി വ്യത്യസ്ഥമല്ല. 2ലക്ഷം ആളുകൾ പ്രതിവർഷം ശുദ്ധജലത്തിന്റെ അഭാവം മൂലം മരിക്കുന്നു. കൂടാതെ രാജ്യത്തിലെ 21% രോഗങ്ങളും ശുദ്ധജലത്തിന്റെ കുറവ് മൂലം ഉണ്ടാവുന്നു എന്നാണ് പഠനങ്ങൾ വ്യക്തമാക്കുന്നത്. 2050 ആവുമ്പോഴേക്കും ഡൽഹി, കേരളത്തിലെ കോഴിക്കോട്, കൊച്ചി ഉൾപ്പെടെ 20 നഗര പ്രദേശങ്ങളിൽ ജലക്ഷാമം അതിരൂക്ഷമാവാനുള്ള സാധ്യതയും വിദഗദ്ർ ചൂണ്ടികാട്ടുന്നു.

ഇന്ത്യയിൽ 51 % ആളുകൾക്ക് സുരക്ഷിതമായ കുടി വെള്ളം ലഭിക്കുമ്പോൾ കേരളത്തിൽ 29.1 % ആളുകൾക്ക് മാത്രമാണ് ആവശ്യമായ ശുദ്ധജലം ലഭിക്കുന്നത്. നീതി ആയോഗിൻ്റെ 2019 ലെ കോപോസിറ്റ് വാട്ടർ ഇൻഡക്സ് അനുസരിച്ച് ജലവിഭവങ്ങളുടെ മാനേജ്മെൻ്റിൽ കേരളം താഴ്ന്ന നിലവാരം പുലർത്തുന്ന സംസ്ഥാനങ്ങളുടെ കൂട്ടത്തിലാണ്. ഇതിൽ കേരളത്തിൻ്റെ സ്കോർ 50 ആയപ്പോൾ ഗുജറാത്ത് അന്ധ്രാപ്രദേശ് മദ്ധ്യപ്രദേശ് തുടങ്ങിയ സംസ്ഥാനങ്ങൾ യഥാക്രമം 75, 74, 70 നേടി ഉയർന്ന നിലവാരത്തിൽ എത്തി. ഈ സാഹചര്യത്തിൽ എല്ലാവർക്കും ആവശ്യമായ ജലം ലഭ്യമാക്കുന്നതിനും, പാരിസ്ഥിതിക സന്തുലനവസ്ഥാ കൈവരിക്കുന്നതിനും സുസ്ഥിര ജല വിഭവ മാനേജ്മെന്റിന്റെ പ്രാധാന്യം ഏറുന്നത്. ജല സ്രേതസ്സുകളുടെ ആവശ്യകതയും വിതരണവും സന്തുലിതമാക്കുന്നതിന് വിവിധ സംസ്ഥാനങ്ങൾ ജല നികുതി, മലിനീകരണ നിയന്ത്രണ നികുതി, ജലസാക്ഷരത, മഴവെള്ളസംഭരണം തുടങ്ങിയ വിവിധ ജലസംരക്ഷണ രീതികൾ നടപ്പിലാക്കുന്നു. ജലം ഒരു സംസ്ഥാന വിഷയവും, മാനുഷികവിഷയവും ആയതിനാൽ നിലവിലെ നിയന്ത്രണങ്ങൾക്കൊപ്പം അറിവിലുടെയും അവബോധത്തിലുടെയും ജനങ്ങളെ ശാക്തികരിക്കുക എന്നത് പ്രധാനമാണ്. ഇവിടെയാണ് ജല സാക്ഷരതയുടെ പ്രസക്തി.

“ജല സാക്ഷരത” ജലത്തിന്റെ ഉപയോഗം, ജലവുമായി ബന്ധപ്പെട്ട വിഷയങ്ങളെ കുറിച്ചും , അവ പാരിസ്ഥിതിയിൽ ഉണ്ടാക്കുന്ന പ്രശ്നങ്ങളെ കുറിച്ചും ഒരു വ്യക്തിക്കുള്ള അറിവ്, അവബാധം , ഉൽക്കണ്ഠ എന്നിവയുടെ ഉൾക്കാഴ്ചയെ കുറിച്ചുള്ള പ്രവർത്തന ക്ഷമമായ ധാരണ നൽകുന്നു. ഇത്‌ ജല സംരക്ഷണ പ്രവർത്തന നയരൂപികരണത്തിന് സഹായകമാകുന്നു.

ലേഖകൻ പാലക്കാട് ജില്ലയിൽ ജല സാക്ഷരതയുടെ ഘടകങ്ങളായ അറിവ് , അവബോധം, ജലസംരക്ഷണ പ്രവർത്തനങ്ങളോടുള്ള മനോഭാവം ,ജല സംരക്ഷണ പ്രവർത്തനങ്ങൾ എന്നിവ പരിശോധിച്ചപ്പോൾ ഉയർന്ന അറിവും അവബോധവും ഉണ്ടായിട്ടും മാതൃകാപരമായ ജലസംരക്ഷണ പ്രവർത്തനങ്ങൾ ഉണ്ടാകുന്നില്ലെന്ന് കണ്ടെത്തി. ജല സംരക്ഷണ പ്രവർത്തനങ്ങളിൽ ജനപങ്കാളിത്ത കുറവ് മേഖലയിലെ ജലക്ഷാമത്തിനു പ്രധാന കാരണമാണെന്നും കണ്ടെത്തി.

ഈ സാഹചര്യത്തിൽ ഈ വർഷത്തെ ആഗോള ജല ദിനത്തിൻറെ പ്രധാന ആശയമായ “ജലത്തെ വിലമതിക്കുക ” എന്ന ലക്ഷ്യം കൈവരിക്കണമെങ്കിൽ ജനങ്ങളിൽ ജലത്തിൻറെ മൂല്യത്തെ കുറിച്ചുള്ള അറിവും അവബോധവും ഉണ്ടാക്കിയെടുക്കണം. ഇതിന് 2018 ൽ കേരളത്തിൽ സാക്ഷരതാ മിഷന്റെ നേതൃത്വത്തിൽ വിദ്യാർത്ഥികൾക്കിടയിൽ ആരംഭിച്ച ജലസാക്ഷരത ശക്തിപ്പെടുത്തേണ്ടതും വ്യാപിപ്പിക്കേണ്ടതും അത്യന്താപേക്ഷിതമാണ്.

വിജയകിരൺ : റിസർച്ച് സ്കോളർ , ഡിപ്പാർട്മെൻറ് ഓഫ് എക്കണോമിക്സ്, യൂണിവേഴ്സിറ്റി ഓഫ് കേരള

ന്യൂസ് ഡെസ്ക് മലയാളം യുകെ

ബ്രിസ്റ്റലിൽ കിൽ ദി ബിൽ പ്രതിഷേധങ്ങൾക്കിടയിൽ വൻ അക്രമം പൊട്ടിപ്പുറപ്പെട്ടു. നെൽസൺ സ്ട്രീറ്റിലെ പോലീസ് സ്റ്റേഷനിലേക്ക് മാർച്ച് ചെയ്തതിന് തടിച്ചുകൂടിയ നൂറുകണക്കിനാളുകൾ പോലീസ് വാനുകൾക്ക് മുകളിൽ കയറുന്നതും പടക്കങ്ങൾ എറിയുന്നതും തീവെയ്പ്പ് ആരംഭിക്കുന്നതിൻെറയും ദൃശ്യങ്ങൾ പുറത്തുവന്നു. നിരവധി പോലീസ് ഉദ്യോഗസ്ഥർക്ക് ഗുരുതരമായി പരിക്കേറ്റു എന്നാണ് റിപ്പോർട്ടുകൾ. രാത്രി വൈകിയും സ്ഥിതി നിയന്ത്രണാതീതമായി തുടരുന്നതിനാൽ നെൽസൺ സ്ട്രീറ്റ് വഴിയുള്ള യാത്ര ഒഴിവാക്കണമെന്ന് പൊതുജനങ്ങളോട് പോലീസ് വക്താവ് അഭ്യർത്ഥിച്ചു.

കിൽ ദി ബിൽ പ്രതിഷേധത്തിനിടെ പോലീസിനെതിരെയുള്ള ആക്രമണത്തെ അപലപിച്ചു കൊണ്ട് പ്രീതി പട്ടേൽ രംഗത്ത് വന്നു. ഇത് പ്രതിഷേധമല്ല, ബുദ്ധിശൂന്യമായ ആക്രമണമാണെന്നായിരുന്നു ആഭ്യന്തര സെക്രട്ടറിയുടെ പ്രതികരണം. സമാധാനപരമായി പ്രതിഷേധിക്കുന്നവരെ നേരിടാൻ പോലീസിന് കൂടുതൽ അധികാരം നൽകുന്ന സർക്കാർ നടപടിക്കെതിരെയാണ് കിൽ ദി ബിൽ പ്രതിഷേധം. പാർലമെന്റിൽ സഭയുടെ ഇരുവശത്തും എതിർപ്പുകൾ ഉണ്ടായിരുന്നെങ്കിലും മാർച്ച് പതിനാറാം തീയതി 263 നെതിരെ 359 വോട്ടുകൾക്ക് ബിൽ പാസാക്കിയത്. ഈയിടെ സാറാ എവറാർഡിൻെറ സ്മരണയ്ക്കായി ഒത്തുകൂടിയവർക്കെതിരെ പോലീസ് നടത്തിയ ആക്രമണം കിൽ ദി ബിൽ പ്രതിഷേധക്കാർക്ക് ഊർജ്ജം പകർന്നു എന്നാണ് രാഷ്ട്രീയ നിരീക്ഷകർ വിലയിരുത്തുന്നത്.