Malayalam UK

Spiritual

കേംബ്രിഡ്ജ് റീജണൽ ബൈബിൾ കൺവെൻഷന് നോർവിച്ചോരുങ്ങി; പനക്കലച്ചൻ നയിക്കുന്ന കൺവെൻഷൻ 22 ന്.

നോർവിച്ച്: ഗ്രേറ്റ് ബ്രിട്ടൻ സീറോ മലബാർ രൂപതയുടെ നേതൃത്വത്തിൽ നടത്തപ്പെടുന്ന മൂന്നാമത് റീജണൽ ബൈബിൾ കൺവെൻഷനുകൾക്ക് ആരംഭം കുറിച്ചുകൊണ്ടുള്ള തിരുവചന ശുശ്രുഷക്ക് നോർവിച്ചൊരുങ്ങി. ഒക്ടോബർ 22 നു ചൊവ്വാഴ്ച രാവിലെ ഒമ്പതു മണിക്ക് പരിശുദ്ധ ജപമാല സമർപ്പിച്ചു തുടക്കം കുറിക്കുന്ന കേംബ്രിഡ്ജ് റീജണൽ കൺവെൻഷനിൽ അഭിവന്ദ്യ പിതാവ് മാർ ജോസഫ് സ്രാമ്പിക്കൽ അനുഗ്രഹ പ്രഭാഷണം നടത്തും. റീജണൽ കൺവെൻഷൻ കൺവീനറും, പ്രീസ്റ്റ് ഇൻ ചാർജ്ജുമായ ഫാ.തോമസ് പാറക്കണ്ടത്തിൽ സ്വാഗതമരുളി കൺവെൻഷൻ നടത്തിപ്പുകൾക്ക് നേതൃത്വം വഹിക്കും. സെന്റ് ജോൺ ദി ബാപ്റ്റിസ്റ്റ് കത്തീഡ്രൽ പള്ളിയിൽ വെച്ചാണ് കൺവെൻഷൻ നടക്കുക.

ആഗോളതലത്തിൽ തിരുവചന ശുശ്രുഷകളിൽ പ്രശസ്തരായ വിൻസൻഷ്യൽ കോൺഗ്രിഗേഷന്റെ ഡിവൈൻ റിട്രീറ്റ് സെന്ററിന്റെ ഡയറക്ടറും, പ്രമുഖ ധ്യാനഗുരുവുമായ ഫാ.ജോർജ്ജ് പണക്കലച്ചനാണ് റീജണൽ കൺവെൻഷനുകളിൽ തിരുവചന ശുശ്രുഷ നയിക്കുന്നത്. ഫാ. ജോസഫ് എടാട്ട്, ഫാ. ആൻറണി പറങ്കിമാലിൽ എന്നിവർ ശുശ്രുഷകളിൽ പങ്കുചേരും. നോർവിച്ചിൽ കുട്ടികൾക്കും, യുവജനങ്ങൾക്കുമായി പ്രത്യേകം ശുശ്രുഷകളും ക്രമീകരിച്ചിട്ടുണ്ട്.

പരിശുദ്ധ ജപമാല മാസത്തിന്റെ പ്രാർത്ഥനാ നിറവിലും, തിരുപ്പിറവിയുടെ നോമ്പുകാലത്തിനു മുന്നോടിയായും നടത്തപ്പെടുന്ന ഈ കൺവെൻഷൻ നവീകരണത്തിനും, ആല്മീയയോർജ്ജം പകരുവാനും അനുഗ്രഹീത നിമിഷങ്ങളാണ് പ്രദാനം ചെയ്യുന്നതെന്നും തിരുവചന ശുശ്രുഷയിൽ പങ്കു ചേരുവാൻ ഏവരെയും സസ്നേഹം സ്വാഗതം ചെയ്യുന്നുവെന്നും ഫാ.തോമസ് പാറക്കണ്ടത്തിൽ പറഞ്ഞു.

കൂടുതൽ വിവരങ്ങൾക്ക് ഫാ.തോമസ് പാറക്കണ്ടത്തിൽ- 07512402607,

ഷാജി തോമസ് -07888695823, സാബു കൊച്ചുപൂവത്തുമൂട്ടിൽ -07095703447

Convention Venue: St.John The Baptist Cathedral Church, Unthank Road,NR2 2PA,

Children’s Ministry Venue: City Academy 299 Bluebell Road NR4 7LP, Norwich.

പനക്കലച്ചൻ നയിക്കുന്ന ലണ്ടൻ റീജനൽ കൺവെൻഷൻ വേദിക്ക് ‘എലുടെക് അക്കാദമി’യിലേക്ക് മാറ്റം.

ലണ്ടൻ: ജപമാലമാസത്തിന്റെ മാതൃ വണക്ക നിറവിൽ, തിരുപ്പിറവിക്കാമുഖമായി ഗ്രേറ്റ് ബ്രിട്ടൻ രൂപത ഒരുക്കുന്ന അനുഗ്രഹീത തിരുവചന ശുശ്രുഷകൾക്ക് ലണ്ടൻ റീജനിൽ റെയിൻഹാം ‘എലുടെക് അക്കാദമി’ വേദിയാകും. ലണ്ടൻ റീജനൽ ബൈബിൾ കൺവെൻഷനിൽ രൂപതയുടെ അഭിവന്ദ്യ അദ്ധ്യക്ഷൻ മാർ ജോസഫ് സ്രാമ്പിക്കൽ അനുഗ്രഹ പ്രഭാഷണം നടത്തുന്നതാണ്.

ആയിരങ്ങൾക്ക് സാക്ഷ്യമേകാൻ ‘എലുടെക് അക്കാദമി’ വേദിയാവുമ്പോൾ പതിറ്റാണ്ടുകളിലൂടെ ലോകമെമ്പാടും തിരുവചനം പ്രഘോഷിച്ചു കൊണ്ട് ജനതകളെ വിശ്വാസത്തിലേക്ക് അടുപ്പിച്ച അഭിഷിക്ത ശുശ്രുഷകൻ ജോർജ്ജ് പനക്കലച്ചനാണ് ലണ്ടൻ കൺവെൻഷന് നേതൃത്വം അരുളുന്നത്. തിരുവചന ശുശ്രുഷകരായ ഫാ.ജോസഫ് എടാട്ട്, ഫാ.ആൻറണി പറങ്കിമാലിൽ എന്നിവർ വിവിധ ശുശ്രുഷകളിൽ പങ്കു ചേരും.

ഒക്ടോബർ 24 നു വ്യാഴാഴ്ച രാവിലെ 9:00 നു ജപമാല സമർപ്പണത്തോടെ ആരംഭിക്കുന്ന ബൈബിൾ കൺവെൻഷനിൽ തിരുവചന ശുശ്രുഷകളും, വിശുദ്ധ കുർബ്ബാനയും, ആരാധനയും, അത്ഭുത സാക്ഷ്യങ്ങളും, ഗാന ശുശ്രുഷകളും ഉണ്ടാവും. വൈകുന്നേരം അഞ്ചു മണിയോടെ കൺവെൻഷൻ സമാപിക്കും.

കുട്ടികൾക്കും യുവജനങ്ങൾക്കുമായി ഒരുക്കുന്ന പ്രത്യേക ശുശ്രുഷകൾക്കു ഡിവൈൻ ടീം നേതൃത്വം നൽകുന്നതാണ്. കുമ്പസാരത്തിനും കൗൺസിലിംഗിനും സൗകര്യമുണ്ടായിരിക്കുന്നതാണ്.

ലണ്ടൻ കൺവെൻഷൻ എലുടെക് അക്കാദമിയിൽ വലിയ അത്ഭുതങ്ങൾക്കു സാക്ഷ്യം വഹിക്കുമ്പോൾ അതിനു നേർസാക്ഷികളാവാനും, അനുഗ്രഹങ്ങൾ പ്രാപിക്കുവാനും ഏവരെയും സസ്നേഹം ക്ഷണിക്കുന്നതായി കൺവീനർ ഫാ. ജോസ് അന്ത്യാംകുളം അറിയിച്ചു.

Contact: Fr. Jose Anthyamkulam MCBS – 07472801507

Venue: ELUTEC, Yew Tree Avenue, Rainham Road South,Dagenham East, RM10 7FN

പീറ്റർബറോ മാർ ഗ്രിഗോറിയോസ് യാക്കോബായ സുറിയാനി പള്ളിയിൽ പരിശുദ്ധ ഗ്രിഗോറിയോസ് തിരുമേനിയുടെ ഓർമ്മപ്പെരുന്നാൾ നവംബർ 1, 2 (വെള്ളി , ശനി ) തീയതികളിൽ.

മലങ്കരയുടെ മഹാപരിശുദ്ധനായ ഗീവർഗീസ് മോർ ഗ്രിഗോറിയോസ് തിരുമേനിയുടെ നാമത്തിൽ സ്ഥാപിതമായിരിക്കുന്ന മിഡ് ലാന്റെസിലെ പുരാതന ഇടവകയായ പീറ്റർബറോ യാക്കോബായ സുറിയാനി പള്ളിയിലെ പ്രധാന പെരുന്നാൾ 2019 നവംബർ 1 ,2 വെള്ളി , ശനി തീയതികളിൽ നടത്തപ്പെടുന്നു.

നവംബർ 1ന് വെള്ളിയാഴ്ച 5.30ന് പെരുന്നാൾ കൊടിയേറ്റ്.തുടർന്ന് സന്ധ്യാ നമസ്ക്കാരം , വചന ശ്രുശ്രുഷ , സൺഡേ സ്കൂൾ , ഭക്ത സംഘടനകളുടെ വാർഷികം , പ്രദക്ഷിണം ,നേർച്ച സദ്യ.

പ്രധാന പെരുന്നാൾ ദിവസമായ നവംബർ 2ന് രാവിലെ 9 മണിക്ക് പ്രഭാത പ്രാർത്ഥന , തുടർന്ന് വി. മൂന്നിമ്മേൽ കുർബാന , പരിശുദ്ധ പരുമല തിരുമേനിയോടുള്ള പ്രത്യേക മദ്ധ്യസ്ഥപ്രാർത്ഥന, പെരുന്നാൾ സന്ദേശം , ധൂപപ്രാർത്ഥന , പ്രദക്ഷിണം , ആശീർവാദം , ആദ്യഫല ലേലം , സ്നേഹ വിരുന്ന് എന്നിവയോടു കൂടി പെരുന്നാൾ സമാപിക്കും. വിശ്വാസികൾ ഏവരും , പ്രാർത്ഥനയോടും നേർച്ചകാഴ്ചകളോടും പെരുന്നാളിൽ സംബന്ധിച്ച് അനുഗ്രഹീതരാകുവാൻ ക്ഷണിക്കുന്നു.

കൂടുതൽ വിവരങ്ങൾക്ക് :

സെക്രട്ടറി : മത്തായി കുര്യാക്കോസ്
ഫോൺ : 07701071520

ട്രഷറർ : ദീബു ഫിലിപ്പ് , ഫോൺ :07590803335

ദേവാലയത്തിന്റെ വിലാസം : ക്രൈസ്റ്റ് ചർച്ച് ,
benstead ,
orton goldhay,
peterborough
PE 25JJ

ഗ്ലോസ്റ്റർ ഒരുങ്ങി , ബ്രിസ്റ്റോൾ കാർഡിഫ് റീജിയണൽ ബൈബിൾ കലോത്സവം ഒക്ടോബർ 19 ശനിയാഴ്‌ച

ഗ്ലോസ്റ്റർ : ഗ്ലോസ്റ്ററിലെ ദ് ക്രിപ്റ്റ്‌ സ്കൂൾ ഹാളിൽ വെച്ച് ഗ്രീറ്റ് ബ്രിട്ടൻ സീറോ മലബാർ ബ്രിസ്റ്റോൾ കാർഡിഫ് റീജിയണിന്റെ ബൈബിൾ കലോത്സവം ഒക്ടോബർ 19 ശനിയാഴ്ച നടക്കും. പ്രത്യേകം തയ്യാറാക്കിയിരിക്കുന്ന 9 സ്റ്റേജുകളിലായി 21 ഇനം മത്സരങ്ങൾ ആണ് ക്രമീകരിച്ചിരിക്കുന്നത്. ഇതിൽ വിജയികളായിട്ടുള്ളവരെയാണ് നവംബർ 16ന് ലിവർപൂളിൽ വച്ച് നടക്കുന്ന എപ്പാർക്കിയൽ കലോൽസവത്തിലേയ്ക്ക് തിരഞ്ഞെടുക്കുന്നത്.

തിരുവചനങ്ങൾ കലാരൂപങ്ങളിലൂടെ ഏവരുടെയും മനസിന്റെ ആഴങ്ങളിലേക്ക് എത്തിക്കുന്ന മനോഹര നിമിഷങ്ങളാണ് ബൈബിൾ കലോത്സവങ്ങൾ. ബ്രിസ്റ്റോൾ കാർഡിഫ് റീജിയണന്റെ കീഴിലുള്ള 8 മിഷനിൽ നിന്നുള്ള പ്രതിഭാശാലികൾ മാറ്റുരയ്ക്കുന്ന വേദിയാണിത്. മത്സരത്തിന്റെ നിയമങ്ങളും നിർദ്ദേശങ്ങളും മറ്റു വിവരങ്ങളും www.smegbiblekalolsavam.comൽ ലഭ്യമാണ്.
ക്രിപ്റ്റ്‌ സ്കൂൾ മൈതാനത്ത് വാഹനങ്ങൾ പാർക്ക് ചെയ്യുന്നതിനുള്ള സൗകര്യവും മിതമായ നിരക്കിൽ പ്രഭാത ഭക്ഷണം മുതൽ അത്താഴം വരെ ലഭിക്കുന്നതിനുള്ള സൗകര്യവും ഒരിക്കിയിരിക്കുന്നതായി സംഘാടകർ അറിയിച്ചു.

ദൈവ വചനത്തെ ഉൾക്കൊള്ളുവാനും സ്വായത്തമാക്കുവാനും പുതുതലമുറയിലേക്ക് കൈമാറുവാനുമുള്ള ഒരവസരമായി കലോത്സവത്തെക്കണ്ട്‌ ബൈബിൾ കലോത്സവം വിജയമാക്കി തീർക്കണമെന്ന് ബ്രിസ്റ്റോൾ കാർഡിഫ് റീജിയണൽ ഡയറക്ടർ റവ . ഫാ. പോൾ വെട്ടിക്കാട്ട് CSTയും, റീജിയണിലെ മറ്റു വൈദികരും, റീജിയണൽ ട്രസ്റ്റിമാരായ ഫിലിപ്പ് കണ്ടോത്തും, റോയി സെബാസ്റ്റ്യനും ആഹ്വാനം ചെയ്യുന്നു.

കൂടുതൽ വിവരങ്ങൾക്ക് ബന്ധപ്പെടുക :

ഫിലിപ്പ് കണ്ടോത്ത് – റീജിയണൽ ട്രസ്റ്റി – 07703063836.

റോയി സെബാസ്റ്റ്യൻ – കലോൽസവം കോർഡിനേറ്റർ -07862701046

ഡോ. ജോസി മാത്യു (കാർഡിഫ്) -കലോൽസവം കോർഡിനേറ്റർ.

ഷാജി ജോസഫ് (ഗ്ലോസ്റ്റർ) -കലോൽസവം കോർഡിനേറ്റർ

venue address : The crypt scholl hall
Podsmead
Gloucester
GL 25AE

കാന്റർബറിയിൽ 600 ഓളം കലാകാരന്മാർ മാറ്റുരക്കുന്ന വചനോത്സവം; ലണ്ടൻ റീജണൽ ബൈബിൾ കലോത്സവം 19 ന് ശനിയാഴ്ച.

കാന്റർബറി: ഗ്രെയ്റ്റ് ബ്രിട്ടൻ സീറോ മലബാർ രൂപതയുടെ നേതൃത്വത്തിൽ സംഘടിപ്പിക്കുന്ന മൂന്നാമത് രൂപതാ ബൈബിൾ കലോത്സവ ഗ്രാൻഡ് ഫിനാലേക്കുള്ള യോഗ്യത തേടിയുള്ള ലണ്ടൻ റീജണൽ മത്സരങ്ങൾക്ക് കാന്റർബറി അക്കാദമി ഒരുങ്ങി. ലണ്ടൻ റീജണിലെ പതിനാറു മിഷനുകളിൽ/പ്രൊപോസ്ഡ് മിഷനുകളിൽ നിന്നായി അറുന്നൂറോളം കലാകാരന്മാർ തിരുവചനങ്ങൾക്ക് ദൃശ്യ, ശ്രവണ, നടന, നൃത്ത ആവിഷ്ക്കാരങ്ങളിലൂടെ തങ്ങളുടെ കലാവൈഭവം പുറത്തെടുക്കുമ്പോൾ 7 വേദികളിലായി ജീവൻ ത്രസിക്കുന്ന വചനാധിഷ്‌ഠിത കലാ വിസ്മയങ്ങൾ
അരങ്ങു വാഴും. വ്യക്തികളും, മിഷനുകളും ആവേശകരമായ തീ പാറുന്ന മത്സരങ്ങളാവും വേദിയിൽ പുറത്തെടുക്കുക.

ഫാ.ഹാൻസ് പുതിയാകുളങ്ങര MST ജനറൽ കോ-ഓർഡിനേറ്ററായും, ഡീക്കൻ. ജോയ്‌സ് പള്ളിക്കാമ്യാലിൽ ജോയിന്റ് കോ-ഓർഡിനേറ്ററായും ആയി വൈദികരുടെയും അത്മായരുടെയും നേതൃത്വത്തിൽ ലണ്ടൻ റീജണൽ ബൈബിൾ കലോത്സവത്തിന് വിപുലമായ സംഘാടക സമിതി രൂപീകരിച്ച് സജീവമായ പ്രവർത്തനങ്ങളിലാണ്. മത്സരങ്ങൾക്കുള്ള ഒരുക്കങ്ങൾ പൂർത്തിയായതായി സംഘാടകർ അറിയിച്ചു.

ബൈബിൾ കലോത്സവ മത്സരങ്ങളിൽ ബൈബിൾ വായന, പ്രസംഗം, ബൈബിൾ ക്വിസ്, സംഗീതം, പ്രസംഗം, മാർഗ്ഗംകളി, നൃത്തം, അഭിനയം, ചിത്രരചന, പെയിന്റിംഗ്, വിവിധരചനകൾ തുടങ്ങിയ ഇനങ്ങൾ വിവിധ പ്രായ വിഭാഗങ്ങളിലായി ഉൾപ്പെടുത്തിയിട്ടുണ്ട്.

ഒക്ടോബർ 19 ന് ശനിയാഴ്ച രാവിലെ ഒമ്പതു മണിക്ക് രജിസ്ട്രേഷൻ നടപടികൾ ആരംഭിക്കും. 9:30 ന് ബൈബിൾ കലോൽത്സവത്തിന്റെ ഔപചാരിക ഉദ്ഘാടനം നിർവ്വഹിക്കപ്പെടുന്നതാണ്. തുടർന്ന് 10:00 മണിക്ക് 7 വേദികളിലായി മത്സരങ്ങൾ ആരംഭിക്കും.

മത്സരാർത്ഥികൾ സമയ ക്രമം കൃത്യമായി പാലിക്കേണ്ടതാണ്. ഏവരുടെയും സഹകരണവും, പ്രോത്സാഹനവും അഭ്യർത്ഥിക്കുന്നതായി കമ്മിറ്റി അറിയിച്ചു.

കലോത്സവ വേദിയിൽ പ്രഭാത ഭക്ഷണം അടക്കമുള്ള ഭക്ഷണങ്ങൾ ലഭ്യമായിരിക്കും.

ഗ്രേറ്റ് ബ്രിട്ടൺ സീറോ മലബാർ രൂപതയുടെപ്രഥമമെത്രാനായി മാർ ജോസഫ് സ്രാമ്പിക്കൽ അഭിഷിക്തനായതിന്റേ മൂന്നാം വാർഷികവും കൃതജ്ഞതാബലിയും എയ്‌ഞ്ചൽസ് മീറ്റും ഒക്ടോബർ 26 ന് പ്രെസ്റ്റൺ കത്തീഡ്രലിൽ

ഫാ. ബിജു കുന്നയ്ക്കാട്ട് PRO

പ്രെസ്റ്റൺ: ഗ്രേറ്റ് ബ്രിട്ടൺ സീറോ മലബാർ രൂപതയുടെ ഔദ്യോഗിക ഉദ്ഘാടനത്തിൻറെയും രൂപതയുടെ പ്രഥമമെത്രാനായി മാർ ജോസഫ് സ്രാമ്പിക്കൽ അഭിഷിക്തനായതിന്റേയും മൂന്നാം വാർഷികം ഒക്ടോബര് 26 ശനിയാഴ്ച ഉച്ചകഴിഞ്ഞു 3: 00 മണിക്ക് പ്രെസ്റ്റണിലുള്ള സെന്റ് അൽഫോൻസാ കത്തീഡ്രൽ ദേവാലയത്തിൽ നടക്കും. രൂപതാധ്യക്ഷൻ മാർ ജോസഫ് സ്രാമ്പിക്കൽ മുഖ്യകാർമ്മികനാകുന്ന ദിവ്യബലിയിൽ രൂപതയിലെ വൈദികരും സന്യാസി-സന്യാസിനികളും അല്മായ പ്രതിനിധികളും പങ്കെടുക്കും.

ഈ വർഷത്തെ രൂപതാവാർഷികത്തിൽ മറ്റു രണ്ടു സവിശേഷതകൾ കൂടി ഉൾപ്പെടുത്തിയിട്ടുണ്ട്: കഴിഞ്ഞ ഞായറാഴ്ച വിശുദ്ധ പദവിയിലേക്കുയർത്തപ്പെട്ട വി. ജോൺ ഹെൻറി ന്യൂമാൻറെയും വി. മറിയം ത്രേസ്യായുടെയും വിശുദ്ധപദവി പ്രഖ്യാപനത്തിനുള്ള നന്ദിസൂചകമായും ഈ വര്ഷം ഗ്രേറ്റ് ബ്രിട്ടൺ രൂപതയിൽ ആദ്യകുർബ്ബാന സ്വീകരിച്ച എല്ലാ കുട്ടികളുടെയും സമ്മേളനമായ ഏയ്ഞ്ചൽസ് മീറ്റും രൂപതാവാർഷികദിനത്തിൽ ഒരുമിച്ചു ആഘോഷിക്കപ്പെടും. വി. ജോൺ ഹെൻറി ന്യൂമാന്റെയും വി. മറിയം ത്രേസ്യായുടെയും പ്രാധാന്യം ഗ്രേറ്റ് ബ്രിട്ടൺ രൂപതയിൽ പ്രധാനമാണെന്ന് മാർ ജോസഫ് സ്രാമ്പിക്കൽ പറഞ്ഞു.

ഓരോ സ്ഥലത്തും വി. കുർബാനക്ക് നേതൃത്വം നൽകുന്ന വൈദികരും വേദപാഠ അധ്യാപകരും ഏയ്ഞ്ചൽസ് മീറ്റിനു കുട്ടികളെ കൊണ്ടുവരുന്നതിൽ ഉത്സാഹിക്കണമെന്നു മാർ സ്രാമ്പിക്കൽ ഓർമ്മിപ്പിച്ചു. വി. കുർബാനയിൽ പങ്കെടുക്കാൻ എത്തുന്ന വൈദികർ തങ്ങളുടെ തിരുവസ്ത്രം കൊണ്ടുവരണമെന്ന് വികാരി ജനറാളും വാർഷികആഘോഷങ്ങളുടെ ജനറൽ കോ ഓർഡിനേറ്ററുമായ വെരി റെവ. ഫാ. ജിനോ അരീക്കാട്ട് അറിയിച്ചു. പ്രെസ്റ്റൺ സെന്റ് അൽഫോൻസാ കത്തീഡ്രൽ ദൈവാലയത്തിന്റെ അഡ്രസ്: St. Alphonsa Syro Malabar Cathedral, St Ignatius Squire, PR1 1TT, Preston.

റവ.ഫാ.സേവ്യർ ഖാൻ വട്ടായിൽ,ഫാ.സോജി ഓലിക്കൽ എന്നിവർ നയിക്കുന്ന മലയാളം റെസിഡൻഷ്യൽ റിട്രീറ്റ് “എഫാത്ത കോൺഫറൻസ് ” ഡിസംബർ 12 മുതൽ 15 വരെ ഡെർബിയിൽ.

ബർമിങ്ഹാം : യൂറോപ്പിൽ ആദ്യമായി റവ.ഫാ.സേവ്യർ ഖാൻ വട്ടായിൽ, ഫാ. സോജി ഓലിക്കൽ എന്നിവർ നയിക്കുന്ന മലയാളം റെസിഡൻഷ്യൽ റിട്രീറ്റ് “എഫാത്ത കോൺഫറൻസ് ” യുകെ യിലെ ഡെർബിഷെയറിൽ നടക്കുന്നു. ഡിസംബർ 12 മുതൽ 15 വരെ ഡാർബിഷെയറിലെ നയനമനോഹരമായ ഹേയസ് കോൺഫറൻസ് സെന്റർ യൂറോപ്പിന്റെ അഭിഷേകാഗ്നി മലയായി മാറും .

ഇതിലേക്കുള്ള ബുക്കിങ് നടന്നുകൊണ്ടിരിക്കുന്നു.
കൺവെൻഷന്റെ പ്രോമോ വീഡിയോ കാണാൻ താഴെയുള്ള ലിങ്കിൽ ക്ലിക്ക്‌ ചെയ്യുക.

ഗ്രേറ്റ് ബ്രിട്ടൻ രൂപത ബിഷപ്പ് മാർ.ജോസഫ് സ്രാമ്പിക്കലും ധ്യാനത്തിൽ പങ്കെടുക്കും .
നവസുവിശേഷവത്ക്കരണരംഗത്ത്‌ അഭിഷേകാഗ്നിയുടെ പരിശുദ്ധാത്മ കൃപയിൽ, യേശുനാമത്തിൽ അത്ഭുതങ്ങളും അടയാളങ്ങളും ,പ്രകടമായ വിടുതലുകളും രോഗശാന്തിയും വഴിയായി, അനേകർക്ക്‌ ക്രിസ്തുമാർഗ്ഗത്തിലേക്കുള്ള മനഃപരിവർത്തനത്തിന്റെ നേർ ഉപകരണമായിക്കൊണ്ട് ലോകമെമ്പാടും ശുശ്രൂഷകൾ നയിച്ചുകൊണ്ടിരിക്കുന്ന സെഹിയോൻ , അഭിഷേകാഗ്നി ശുശ്രൂഷകളുടെ സ്ഥാപകൻ റവ.ഫാ.സേവ്യർ ഖാൻ വട്ടായിൽ, സെഹിയോൻ യുകെ ഡയറക്ടർ റവ.ഫാ.സോജി ഓലിക്കൽ എന്നിവർ നയിക്കുന്ന അഭിഷേകാഗ്നി കാത്തലിക് മിനിസ്ട്രിയുടെ മലയാളം റെസിഡൻഷ്യൽ റിട്രീറ്റ് ” എഫാത്ത കോൺഫറൻസിനായി
അഭിഷേകാഗ്നി മിനിസ്ട്രിയുടെ പ്രമുഖ വചനശുശ്രൂഷകനായ ഫാ.ഷൈജു നടുവത്താനിയിൽ, ഇന്റർ നാഷണൽ കോ ഓർഡിനേറ്റർ ബ്രദർ ഷിബു കുര്യൻ , യുകെ കോ ഓർഡിനേറ്റർ ബ്രദർ സാജു വർഗീസ് എന്നിവരുടെ നേതൃത്വത്തിൽ ഒരുക്കങ്ങൾ നടന്നുവരുന്നു.

യേശുനാമത്തിൽ ദൈവ മഹത്വത്തിനായി ലോകമെമ്പാടും ഉപയോഗിക്കപ്പെട്ടുകൊണ്ടിരിക്കുന്ന വട്ടായിലച്ചനും സോജിയച്ചനും നയിക്കുന്ന അഭിഷേകാഗ്നി കാത്തലിക് മിനിസ്ട്രിയുടെ നാല് ദിവസത്തെ താമസിച്ചുള്ള ഈ ധ്യാനത്തിലേക്ക് താഴെ കാണുന്ന വെബ്‌സൈറ്റിൽ നേരിട്ട് സീറ്റുകൾ ബുക്ക്ചെയ്യാവുന്നതാണ്.

www.afcmuk.org

അഡ്രസ്സ് ;
THE HAYES ,
SWANWICK
DERBYSHIRE
DE55 1AU
കൂടുതൽ വിവരങ്ങൾക്ക്

അനീഷ് തോമസ് – 07760254700
ബാബു ജോസഫ് – 07702061948

ലേഡി ക്വീൻ ഓഫ് റോസറി മിഷനിൽ ജപമാലരാജ്ഞിയുടെ ദ്വിദിന തിരുന്നാൾ 19 ന് ശനിയാഴ്ച തുടങ്ങും.

ഹെയർഫീൽഡ്: ഗ്രേറ്റ് ബ്രിട്ടൻ സീറോ മലബാർ രൂപതയിൽ ലണ്ടൻ കേന്ദ്രീകരിച്ച് ആരംഭിച്ച ലേഡി ക്വീൻ ഓഫ് റോസറി മിഷൻ അതിന്റെ സ്ഥാപനത്തിന് ശേഷം നടത്തുന്ന പ്രഥമ ജപമാല രാജ്ഞിയുടെ തിരുന്നാൾ ഹെയർഫീൽഡ് സെന്റ് പോൾസ് കത്തോലിക്കാ ദേവാലയത്തിൽ വെച്ച് ഒക്ടോബർ 19, 20 തീയതികളിൽ വിപുലവും ആഘോഷവുമായി കൊണ്ടാടുന്നതാണ്.

വാറ്റ്‌ഫോർഡ്, ഹെയർഫീൽഡ്, ഹൈവയ്‌കോംബ് എന്നീ കുർബ്ബാന കേന്ദ്രങ്ങൾ ചേർന്ന് രൂപീകരിക്കപ്പെട്ട ലേഡി ക്വീൻ ഓഫ് റോസറി മിഷൻ സംയുക്തമായി ഈ തിരുന്നാളിന് നേതൃത്വം നൽകും. ഫാ. ജിൽസൺ മുട്ടത്തുകുന്നേൽ കപ്പൂച്ചിൻ , ഫാ. ടെബിൻ പുത്തൻപുരയിൽ സിഎംഐ എന്നിവർ തിരുന്നാൾ തിരുകർമ്മങ്ങളിൽ കാർമ്മികത്വം വഹിക്കും.

ഒക്ടോബർ 19ന് ശനിയാഴ്ച ടെൻഹാം മോസ്റ്റ് ഹോളി നെയിം കത്തോലിക്ക ദേവാലയത്തിൽ വെച്ച് പരിശുദ്ധ ജപമാല സമർപ്പണത്തോടെ തിരുന്നാൾ തിരുക്കർമ്മങ്ങൾക്ക് നാന്ദി കുറിക്കും. തുടർന്ന് ആഘോഷമായ കുർബ്ബാന നടത്തപ്പെടുന്നതാണ്.

ഒക്ടോബർ 20 ന് ഞായറാഴ്ച ഹെർഫീൽഡ് സെന്റ്. പോൾസ് ചർച്ചിൽ ഉച്ചകഴിഞ്ഞു 2.30 ന് ജപമാല സമർപ്പണം, ആഘോഷമായ തിരുന്നാൾ പാട്ടുകുർബാന, ലദീഞ്, പ്രദക്ഷിണം, സമാപന ആശിർവാദം തുടർന്ന് സ്നേഹവിരുന്നോടുകൂടി തിരുന്നാൾ തിരുക്കർമ്മങ്ങൾ സമാപിക്കും.

ഒക്ടോബർ മാസത്തിലെ ജപമാല ഭക്തിയുടെ നിറവിൽ പരിശുദ്ധ അമ്മയുടെ മാദ്ധ്യസ്ഥത്തിൽ അനുഗ്രഹങ്ങളും, കൃപകളും പ്രാപിക്കുവാൻ ഏവരെയും സസ്നേഹം ക്ഷണിക്കുന്നതായി തിരുന്നാൾ കമ്മിറ്റി അറിയിച്ചു. മിഷന്റെ പ്രീസ്റ്റ് ഇൻ ചാർജ്ജ് ഫാ.സെബാസ്റ്റ്യൻ ചാമക്കാലയുടെ നേതൃത്വത്തിലുള്ള തിരുന്നാൾ സംഘാടക കമ്മിറ്റിയാണ് ജപമാലരാജ്ഞിയുടെ തിരുന്നാളിന് നേതൃത്വം നൽകുന്നത്.

കൂടുതൽ വിവരങ്ങൾക്ക് ജോമോൻ-07804691069, ഷാജി-07737702264, ജിനോബിൻ-07785188272, ജോമി-07828708861 എന്നിവരുമായി ബന്ധപ്പെടുക.

ഗ്രേറ്റ് ബ്രിട്ടൺ രൂപതയിൽ ഇനി തിരുവചനമഴയുടെ നാളുകൾ; എട്ടു റീജിയണുകളിലെ വാർഷിക ബൈബിൾ കൺവെൻഷന് ഒക്ടോബർ 22 മുതൽ തുടക്കം

പ്രെസ്റ്റൺ: ഗ്രേറ്റ് ബ്രിട്ടൺ സീറോ മലബാർ രൂപതയുടെ മൂന്നാം വാർഷിക ഏകദിന ബൈബിൾ കൺവെൻഷന് ഒക്ടോബർ 22 ന് കേംബ്രിഡ്ജ് റീജിയണിൽ തുടക്കമാവും. സുപ്രസിദ്ധ ബൈബിൾ പ്രഭാഷകനും ധ്യാനഗുരുവുമായ റെവ. ഫാ. ജോർജ്ജ് പനക്കൽ V. C യാണ് മുഖ്യ പ്രഭാഷകൻ. ഒക്ടോബർ 22 മുതൽ 30 വരെ രൂപതയുടെ എട്ടു റീജിയനുകളിലായി നടക്കുന്ന ഈ ഏകദിന കൺവെൻഷനുകളിലെ എല്ലാ ദിവസങ്ങളിലും രൂപതാധ്യക്ഷൻ മാർ ജോസഫ് സ്രാമ്പിക്കൽ ദിവ്യബലിയർപ്പിച്ചു വചനസന്ദേശം നൽകും.

കേരളത്തിലെ കരിസ്മാറ്റിക് നവീകരണത്തിൻറെ മുഖ്യതുടക്കക്കാരിൽ ഒരാളും അനേകരെ മാനസാന്തരത്തിലേക്കും ജീവിതനവീകരണത്തിലേക്കും നയിക്കുന്നതിൽ പ്രധാന പങ്കു വഹിച്ചയാളുമായ റെവ. ഫാ. ജോർജ്ജ് പനക്കൽ V C യുടെ ധ്യാനചിന്തകൾ വിശ്വാസികൾക്ക് പുതിയ ആത്മീയ വെളിച്ചം പകരും. റെവ. ഫാ. ജോർജ്ജ് പനക്കലിനൊപ്പം റെവ. ഫാ. ആൻ്റണി പറങ്കിമാലിൽ V C, റെവ. ഫാ. ജോസഫ് എടാട്ട് V C എന്നിവരും ഓരോ റീജിയനുകളിലെയും സീറോ മലബാർ വൈദികരും കൺവെൻഷൻ വോളണ്ടിയേഴ്‌സ്‌സും മറ്റ് അല്മായ ശുശ്രുഷകരും ശുശ്രുഷകൾക്കു നേതൃത്വം നൽകും.

രാവിലെ ഒൻപതു മണിക്ക് ജപമാലയോടും ആരാധനാസ്തുതിഗീതങ്ങളോടുംകൂടി ആരംഭിക്കുന്ന പ്രാർത്ഥനാശുശ്രഷകൾ വൈകിട്ട് നാലുമണിയോടുകൂടി സമാപിക്കും. രൂപതാധ്യക്ഷൻ മാർ ജോസഫ് സ്രാമ്പിക്കലിൻറെ മുഖ്യകാർമ്മികത്വത്തിൽ വി. കുർബാന, സുവിശേഷപ്രഘോഷണം, ദിവ്യകാരുണ്യ ആരാധന എന്നിവയും ഓരോ ദിവസത്തെ ശുശ്രുഷകളെ സമ്പന്നമാക്കും. കുട്ടികൾക്കായി പ്രത്യേക ശുശ്രുഷകൾ ഉണ്ടായിരിക്കും. കൺവെൻഷൻ ദിവസങ്ങളിൽ വി. കുമ്പസാരത്തിന് പ്രത്യേക സൗകര്യമുണ്ടായിരിക്കും.

എട്ടു റീജിയനുകളിലും കോ ഓർഡിനേറ്ററുടെ നേതൃത്വത്തിൽ പ്രവർത്തിക്കുന്ന കമ്മറ്റിയുടെയും വോളണ്ടിയേഴ്സ്സിന്റെയും സഹകരണത്തോടെ കൺവെൻഷനുള്ള ഒരുക്കങ്ങൾ പൂർത്തിയായിവരുന്നു. രൂപതയുടെ ആത്മീയയാത്രയിലെ ഏറ്റവും സുപ്രധാനമായ ഈ ദിവസങ്ങളിൽ നമ്മെക്കുറിച്ചുള്ള ദൈവഹിതം മനസ്സിലാക്കുന്നതിനായി എല്ലാ വിശ്വാസികളും ഈ കൺവെൻഷനിൽ പങ്കെടുക്കാൻ ഉത്സാഹിക്കണമെന്നു രൂപതാധ്യക്ഷൻ മാർ ജോസഫ് സ്രാമ്പിക്കൽ അഭ്യർത്ഥിച്ചു. ഓരോ റീജിയനിലെയും കൺവെൻഷൻറെ ക്രമീകരങ്ങളെക്കുറിച്ചുള്ള വിശദവിവരങ്ങൾ ചുവടെ:

Schedule of the 3rd Bible Convention of the Syro-Malabar Eparchy of Great Britain

Date: Tuesday, 22nd October 2019; Region: Cambridge; Venue: St. John the Baptist Cathedral, Unthank Road, Norwich, NR2 2PA; Contact: Rev. Fr. Thomas Parakandathil (Mob: 07512402607).

Date: Thursday, 24th October 2019; Region: London; Venue: Our Lady of La Salette Catholic Church, 1 Rainham Road, Rainham, Essex, RM13 8SP; Contact: Rev. Fr. Jose Anthiamkulam MCBS (Mob: 07472801507).

Date: Friday, 25th October 2019; Region: Manchester; Venue: St. Anthony’s Church Wythenshawe, M22 0WR; Contact: Rev. Fr. Jose Anchanickal (Mob: 07534967966).

Date: Saturday, 26th October 2019; Region: Preston; Venue: St. Alphonsa of the Immaculate Conception Cathedral, Preston, St. Ignatius Square, Preston, Lancashire, PR1 1TT; Contact: Rev. Fr. Babu Puthenpurackal (Mob: 07703422395).

Date: Sunday, 27th October 2019; Region: Glasgow; Venue: St. Cuthbert’s Church, 98 High Blantyre Road, Hamilton, ML3 9HW; Contact: Rev. Fr. Joseph Vembadamthara VC (Mob: 07865997974).

Date: Monday, 28th October 2019; Region: Coventry; Venue: The New Bingley Hall, 11 Hockley Circus, Hockley, Birmingham, B18 5BE; Contact: Rev. Fr. Terin Mullakara (Mob: 07985695056).

Date: Tuesday, 29th October 2019; Region: Bristol-Cardiff; Venue: Clifton Cathedral, Clifton Park, BS8 3BX; Contact: Rev. Fr. Paul Vettikattu CST (Mob: 07450243223).

Date: Wednesday, 30th October 2019; Region: Southampton: Venue: St. John’s Cathedral, Bishop Crispian Way, Portsmouth, Hampshire, PO1 3HG; Contact: Rev. Fr. Tomy Chirackalmanavalan (Mob: 07480730503).

ലണ്ടനിലെ മരിയന്‍ തീര്‍ഥാടന കേന്ദ്രമായ വല്‍താംസ്റ്റോയിലെ ഔവര്‍ ലേഡി ആന്‍ഡ് സെന്റ് ജോര്‍ജ് പള്ളിയില്‍ ഒക്ടോബർ മാസം 16 -ാം തീയതി ബുധനാഴ്ച മരിയന്‍ ദിനശുശ്രൂഷയും മിഷന്റെ മദ്ധ്യസ്ഥനായ ബ്ലസ്സഡ് കുഞ്ഞച്ചന്റെ തിരുനാളും.

പരിശുദ്ധ അമ്മയോടുള്ള സ്‌നേഹ ബഹുമാനങ്ങള്‍ പ്രകടിപ്പിക്കുന്നതിനും അതുപോലെ അമ്മയുടെ മാദ്ധ്യസ്ഥം തേടിയും എല്ലാ മാസവും മൂന്നാമത്തെ മരിയന്‍ ദിനത്തില്‍ നേർച്ച നേർന്ന് എത്തുന്ന വിശ്വാസികൾ പരിശുദ്ധ അമ്മയുടെ തിരുസ്വരൂപവും വഹിച്ച് കത്തിച്ച മെഴുകുതിരികളും കൈകളിലേന്തി നടത്തുന്ന മരിയൻ, പ്രദക്ഷിണവും ഉണ്ടായിരിക്കുന്നതാണ്.

തിരുക്കര്‍മ്മങ്ങളൂടെ വിശദവിവരം താഴെ ചേര്‍ക്കുന്നു.

6.15 pm ജപമാല , 6.45 pm വിശൂദ്ധ കുര്‍ബ്ബാന, തുടര്‍ന്നു് നിത്യ സഹായമാതാവിന്റെ നൊവേന പ്രാര്‍ത്ഥന, എണ്ണ നേര്‍ച്ച, വചന സന്ദേശം, മരിയൻ പ്രദക്ഷിണവും , പരി.പരമ ദിവ്യകാരുണ്യ ആരാധനയും.

പള്ളിയുടെ വിലാസം:

Our Lady and St.George
Church,132 Shernhall Street, Walthamstow, E17. 9HU

കുറിപ്പ് :- സ്പിരിച് വൽ ഷെയറിങ്ങിന് ആഗ്രഹിക്കുന്നവർക്ക് അതിനുള്ള സൗകര്യം 6 pm മുതൽ ഉണ്ടായിരിക്കുന്നതാണ്‌.

തിരുക്കര്‍മ്മളില്‍ പങ്കെടുത്ത് ആത്മീയവും, ഭൗതീകവും, ശാരീരികവുമായ അനവധി അനുഗ്രഹങ്ങള്‍ പ്രാപിക്കുന്നതിനായി ഈ മരിയന്‍ ദിന ശുശ്രൂഷകളിലേക്ക് ഒത്തിരി സ്‌നേഹത്തോടെ സ്വാഗതം ചെയ്യുന്നതായി സെ.മേരീസ് & ബ്ലസ്സഡ് കുഞ്ഞച്ചൻ മിഷന്റെ പ്രീസ്റ്റ് ഇൻചാർജ് ഫാ.ജോസ് അന്ത്യാംകുളം MCBS അറിയിച്ചു.