ബര്മിങ്ഹാം: മാനവരക്ഷയ്ക്ക് സ്വയം ബലിയായിത്തീര്ന്ന യേശു ക്രിസ്തുവിന്റെ പീഡാനുഭവ നാള്വഴികള് കുട്ടികളുടെ ഭാഷയില് പങ്കുവച്ച് അവര്ക്കായി വലിയനോമ്പിന്റെ പ്രാധാന്യവും ഒരുക്കവും വിവരിക്കുന്ന ലിറ്റല് ഇവാഞ്ചലിസ്റ് ഈസ്റ്റര് ലക്കം പുറത്തിറങ്ങി. ആശയടക്കവും സ്വയം ത്യജിക്കലും ജീവിത വിശുദ്ധിയും നോമ്പിന്റെ ഭാഗമായിക്കണ്ടുള്ള പ്രാര്ത്ഥനകളും കുട്ടികള്ക്കുള്ള കുരിശിന്റെ വഴിയും അടങ്ങുന്ന ലിറ്റല് ഇവാഞ്ചലിസ്റ്റിന്റെ നാലാം പതിപ്പ് ഈസ്റ്റര് ലക്കം മറ്റന്നാള് രണ്ടാം ശനിയാഴ്ച കണ്വെന്ഷനിലെ പ്രത്യേക കൗണ്ടറില് ലഭ്യമാണ്.
റവ. ഫാ. സോജി ഓലിക്കല് നയിക്കുന്ന രണ്ടാം ശനിയാഴ്ച കണ്വെന്ഷനില് ഇത്തവണ ബ്രദര് ജോര്ജ് പട്ടേരില്, ഡീക്കന് ഡേവിഡ് പാമര് എന്നിവരും ശുശ്രൂഷകള് നയിക്കും.
നന്മതിന്മകളുടെ തിരിച്ചറിവിന്റെയും ആശയ സംഘര്ഷങ്ങളുടെയും കാലഘട്ടത്തില് യേശുക്രിസ്തുവിനെ രക്ഷകനും നാഥനുമായി സ്വീകരിച്ചുകൊണ്ട് യഥാര്ത്ഥ ക്രിസ്തീയ ജീവിതം നയിക്കുവാന് ഉതകുന്ന രണ്ടാം ശനിയാഴ്ച്ച കണ്വെന്ഷനിലെ വിവിധ ശുശ്രൂഷകളും പ്രോഗ്രാമുകളും അനേകം കുട്ടികളെയും ടീനേജുകാരെയും യുവതീ യുവാക്കളെയും ദിനംതോറും അവരായിരിക്കുന്ന മേഖലകളില് ക്രിസ്തീയ മൂല്യങ്ങളാല് നന്മയുടെ പാതയില് നയിച്ചുകൊണ്ടിരിക്കുന്നു.
മാനസികവും ആത്മീയവുമായ നവോന്മേഷമേകിക്കൊണ്ട്, അത്ഭുതങ്ങളും അടയാളങ്ങളും പ്രകടമായ വിടുതലുകളും സംഭവിക്കുന്ന പ്രത്യേക ദിവ്യകാരുണ്യ ആരാധനയും, ഷെയറിങ് വേഡ് ഓഫ് ഗോഡ്, ഇന്ററാക്റ്റീവ് സെഷന്സ്, കുമ്പസാരം, സ്പിരിച്വല് ഷെയറിങ് എന്നിവയും ഉള്പ്പെടുന്ന രണ്ടാം ശനിയാഴ്ച്ച കണ്വെന്ഷനോടോപ്പമുള്ള കുട്ടികള്ക്കും ടീനേജുകാര്ക്കുമായുള്ള പ്രത്യേക ബൈബിള് കണ്വെന്ഷനിലേക്ക് നിരവധി കുട്ടികളും കൗമാരക്കാരുമാണ് യു.കെയുടെ വിവിധ ഭാഗങ്ങളില് നിന്നും കോച്ചുകളിലും മറ്റ് വാഹനങ്ങളിലുമായി മാതാപിതാക്കളോടോ മറ്റ് മുതിര്ന്നവര്ക്കൊപ്പമോ ഓരോതവണയും എത്തിക്കൊണ്ടിരിക്കുന്നത്.
കിങ്ഡം റെവലേറ്റര് എന്ന ഇംഗ്ലീഷിലുള്ള കുട്ടികള്ക്കായുള്ള മാസിക കണ്വെന്ഷനില് സൗജന്യമായി വിതരണം ചെയ്തുവരുന്നു.
ആത്മാഭിഷേകം പകരുന്ന ദൈവിക ശുശ്രൂഷകളിലൂടെ ദേശഭാഷാ വ്യത്യാസമില്ലാതെ അനേകര്ക്ക് ജീവിത നവീകരണം പകര്ന്നു നല്കുന്ന കണ്വെന്ഷനായുള്ള പ്രത്യേക ഒരുക്ക ശുശ്രൂഷ ബര്മിങ്ഹാമില് നടന്നു. കണ്വെന്ഷന്റെ ആത്മീയ വിജയത്തിനായി പ്രാര്ത്ഥനാസഹായം അപേക്ഷിക്കുന്ന ഫാ.സോജി ഓലിക്കലും സെഹിയോന് കുടുംബവും യേശുനാമത്തില് മുഴുവനാളുകളെയും 9ന് രണ്ടാം ശനിയാഴ്ച ബര്മിംങ്ഹാം ബഥേല് സെന്ററിലേക്ക് ക്ഷണിക്കുന്നു.
വിലാസം
ബഥേല് കണ്വെന്ഷന് സെന്റര്
കെല്വിന് വേ
വെസ്റ്റ് ബ്രോംവിച്ച്
ബര്മിംങ്ഹാം.( Near J1 of the M5)
B70 7JW.
കൂടുതല് വിവരങ്ങള്ക്ക്;
ജോണ്സന്: 07506 810177
ഷാജി: 07878149670.
അനീഷ്: 07760254700
ബിജുമോന്മാത്യു: 07515368239
Sandwell and Dudley ട്രെയിന് സ്റ്റേഷന്റെ തൊട്ടടുത്തായിട്ടുള്ള കണ്വെന്ഷന് സെന്ററിലേക്ക് യു.കെയുടെ വിവിധ പ്രദേശങ്ങളില് നിന്നും ഏര്പ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയുംപറ്റിയുള്ള പൊതുവിവരങ്ങള്ക്ക്,
ടോമി ചെമ്പോട്ടിക്കല്: 07737935424.
ബിജു അബ്രഹാം: 07859890267
ലണ്ടനിലെ മരിയന് തീര്ഥാടന കേന്ദ്രമായ വല്താംസ്റ്റോയിലെ (ഔവര് ലേഡി ആന്ഡ് സെന്റ് ജോര്ജ് പള്ളിയില്) മാര്ച്ച് മാസം 6-ാം തീയതി ബുധനാഴ്ച മരിയന് ദിനശുശ്രൂഷയും വിഭൂതി തിരുനാളും ഭക്ത്യാദരപൂര്വ്വം കൊണ്ടാടുന്നതാണ്. വലിയ നോമ്പിലെ ആദ്യ മരിയന് ദിന ശുശ്രൂഷയില് പങ്കെടുത്ത് പരിശുദ്ധ അമ്മയുടെ കരം പിടിച്ച് കാല്വരിയില് നമുക്കായി വിശുദ്ധ കുര്ബ്ബാനയായി തീര്ന്ന ഈശോയെ അനുഭവിച്ചറിയാം.
തിരുക്കര്മ്മങ്ങളൂടെ വിശദവിവരം താഴെ ചേര്ക്കുന്നു.
6.00pm വിശൂദ്ധ കുര്ബ്ബാന, തുടര്ന്ന് നിത്യ സഹായമാതാവിന്റെ നൊവേന പ്രാര്ത്ഥന, എണ്ണ നേര്ച്ച, വചന സന്ദേശം, പരി.പരമ ദിവ്യകാരുണ്യ ആരാധന.
തിരുക്കര്മ്മങ്ങളില് പങ്കെടുത്ത് ആത്മീയവും, ഭൗതീകവും, ശാരീരികവുമായ അനവധി അനുഗ്രഹങ്ങള് പ്രാപിക്കുന്നതിനായി ഈ മരിയന് ദിന ശുശ്രൂഷകളിലേക്ക് ഒത്തിരി സ്നേഹത്തോടെ സ്വാഗതം ചെയ്യുന്നതായി സെ.മേരീസ് & ബ്ലസ്സഡ് കുഞ്ഞച്ചന് മിഷന്റെ പ്രീസ്റ്റ് ഇന്ചാര്ജ് ഫാ.ജോസ് അന്ത്യാംകുളം MCBS അറിയിച്ചു.
പള്ളിയുടെ വിലാസം:
Our Lady and St.George Church,
132 Shernhall Street,
Walthamstow, E17. 9HU
ഫാ. ബിജു കുന്നയ്ക്കാട്ട് പി.ആര്.ഒ
ലിതെര്ലാന്ഡ്/ലിവര്പൂള്: ലോകമെമ്പാടുമുള്ള ക്രൈസ്തവ വിശ്വാസികള് വലിയ നോമ്പിലേക്കു പ്രവേശിക്കുന്ന ഈ ആഴ്ചയില്, സീറോ മലബാര് ക്രമത്തില് ‘വിഭൂതി തിങ്കള്’ ആചരണം ഇന്നലെ ഗ്രേറ്റ് ബ്രിട്ടണ് സീറോ മലബാര് രൂപതയുടെ വിവിധ ഇടവക/മിഷന്/പ്രോപോസ്ഡ് മിഷന് സ്ഥലങ്ങളില് ഭക്തിനിര്ഭരമായി ആചരിച്ചു. ഔര് ലേഡി ഓഫ് പീസ് ലിതെര്ലാന്ഡ് ഇടവകയില് രൂപതാധ്യക്ഷന് മാര് ജോസഫ് സ്രാമ്പിക്കല് തിരുക്കര്മ്മങ്ങള്ക്ക് മുഖ്യകാര്മ്മികത്വം വഹിച്ചു. ദിവ്യബലിക്കിടയില് സുവിശേഷ സന്ദേശത്തിനു ശേഷം, അനുതാപത്തിന്റെയും പശ്ചാത്താപത്തിന്റെയും അടയാളമായി നെറ്റിയില് ചാരം പൂശല് തിരുക്കര്മ്മം നടന്നു.
ഇടവക വികാരി റവ. ഫാ. ജിനോ അരീക്കാട്ട് MCBS, റവ. ഫാ. ആന്റണി പങ്കിമാലില് വി.സി, റവ. ഫാ. ജോസ് പള്ളിയില് വി.സി, റവ. ഫാ. ഫാന്സ്വാ പത്തില് എന്നിവര് സഹകാര്മ്മികരരായിരുന്നു. വൈകിട്ട് 6.30ന് ആരംഭിച്ച തിരുക്കര്മ്മങ്ങളില് നിരവധി വിശ്വാസികള് പങ്കുചേരാനെത്തി. ഈശോ നല്കുന്ന പ്രചോദനങ്ങളോട് അതെ എന്നും ആമേന് എന്നും പറയാനും പിശാചിന്റെ പ്രലോഭനങ്ങളോട് വേണ്ട എന്നും ഇല്ല എന്നും പറയാനുള്ള ക്ഷണമാണ് നോമ്പുകാലം നല്കുന്നതെന്ന് വചനസന്ദേശത്തില് മാര് ജോസഫ് സ്രാമ്പിക്കല് പറഞ്ഞു. ഈശോയുടെ അമ്മയായ പരി. മറിയം ജീവിതകാലം മുഴുവന് ദൈവത്തോട് ആമേന് പറഞ്ഞ വ്യക്തിയാണന്നും ആദ്ദേഹം അനുസ്മരിച്ചു.
അതേസമയം, രൂപതയുടെ വിവിധ ഭാഗങ്ങളില് ബഹു. വൈദികരുടെയും കമ്മറ്റി അംഗങ്ങളുടെയും നേതൃത്വത്തില് ഭക്തിപൂര്വ്വം വിഭൂതി തിരുനാള് ആചരിച്ചു. പ്രെസ്റ്റണ് കത്തീഡ്രലില് വൈകിട്ട് ആറു മണിക്കും ലീഡ്സില് 6.30നും ഇപ്സ്വിച്ചില് ആറു മണിക്കും ലിവര്പൂളിലെ വിസ്റ്റണില് 6.30നും കാര്ഡിഫില് 7 മണിക്കുമായിരുന്നു തിരുക്കര്മ്മങ്ങള്. പീറ്റര്ബറോയില് റവ. ഫാ. ഫിലിപ്പ് പന്തമാക്കലും ഡെര്ബിയില് റവ. ഫാ. വില്ഫ്രഡ് പെരേപ്പാടനും നോട്ടിംഗ്ഹാമില് റവ. ഫാ. ബിജു കുന്നയ്ക്കാട്ടും തിരുക്കര്മ്മങ്ങളില് മുഖ്യകാര്മ്മികരായി.
കുട്ടികളുള്പ്പെടെയുള്ളവര്ക്കു പങ്കെടുക്കാനുള്ള സൗകര്യത്തിനായി മിക്കയിടങ്ങളിലും വൈകിട്ടായിരുന്നു തിരുക്കര്മ്മങ്ങള്. സ്കൂളുകളും ജോലിത്തിരക്കുമുള്ള ദിവസമായിരുന്നങ്കിലും കുട്ടികളുള്പ്പെടെ നിരവധി വിശ്വാസികള് തിരുക്കര്മ്മങ്ങളില് പങ്കുചേര്ന്നു.
‘പെതുര്ത്ത’ ഞായറാഴ്ചയുടെ പിറ്റേദിവസം (വിഭൂതി തിങ്കള് ) മുതല് ദുഃഖശനി വരെ നീളുന്ന അമ്പതു ദിവസങ്ങളാണ് സീറോ മലബാര് വിശ്വാസികള് വലിയ നോമ്പായി ആചരിക്കുന്നത്. ലത്തീന് ക്രമത്തില് വിഭൂതി ബുധനാഴ്ചയാണ് വലിയ നോമ്പ് ഔദ്യോഗികമായി ആരംഭിക്കുന്നത്. പരസ്യ ജീവിതത്തിനു മുന്പായി നാല്പതു രാവും നാല്പതു പകലും ഈശോ മരുഭൂമിയില് ഉപവസിച്ചതിനെ അടിസ്ഥാനപ്പെടുത്തിയാണ് അമ്പതു നോമ്പ് ആരംഭിച്ചത്. ബൈബിളിലെ പഴയ നിയമത്തില്, നിനിവേ രാജ്യത്തിലെ ജനങ്ങള്, യോനാ പ്രവാചകന്റെ മാനസാന്തരാഹ്വാനം ശ്രവിച്ചു ചാക്കുടുത്തു ചാരം പൂശി അനുതപിച്ചതിനെ മാതൃകയാക്കിയാണ് ഇന്ന് വിഭൂതിത്തിരുനാളില് വിശ്വാസികള് നെറ്റിയില് ചാരം പൂശി അനുതാപം പ്രകടിപ്പിക്കുന്നത്. അമ്പതുനോമ്പിന്റെ ദിവസങ്ങളില് ഉപവാസം, ദാനധര്മ്മം, പ്രാര്ത്ഥന എന്നിവയ്ക്കാണ് വിശ്വാസികള് പ്രാമുഖ്യം കല്പ്പിക്കുന്നത്.
ഹെയര്ഫീല്ഡ്: ഗ്രേറ്റ് ബ്രിട്ടന് സീറോ മലബാര് രൂപതയുടെ നേതൃത്വത്തില് വിവിധ മിഷന് സെന്ററുകളും റീജണുകളും കേന്ദ്രീകരിച്ച് നടത്തപ്പെടുന്ന വാര്ഷിക ധ്യാനങ്ങളുടെ ഭാഗമായി ഹെയര്ഫീല്ഡ് സെന്റ് പോള് കത്തോലിക്കാ ദേവാലയത്തില് വെച്ച് ത്രിദിന ധ്യാനം സംഘടിപ്പിക്കുന്നു. പ്രശസ്ത ധ്യാന ഗുരുവും, തൃശൂര് അതിരൂപതയുടെ കീഴില് സുവിശേഷവല്ക്കരണ പ്രേഷിതമുന്നേറ്റമായ ‘ഷെക്കിന’ മിഷന് ടീമംഗമായ ബ്രദര് സന്തോഷ് കരുമാത്രയാണ് ഹെയര്ഫീല്ഡില് തിരുവചന ശുശ്രുഷ നയിക്കുന്നത്.
കുട്ടികള്ക്കായും പ്രത്യേക ആത്മീയ ശുശ്രുഷകള് തദവസരത്തിലേക്കായി ക്രമീകരിച്ചിട്ടുണ്ട്. പ്രീസ്റ്റ് ഇന് ചാര്ജ്ജ് ഫാ.സെബാസ്റ്റ്യന് ചാമക്കാല കുട്ടികളുടെ ശുശ്രുഷകള്ക്കു നേതൃത്വം നല്കും. ടെന്ഹാം കത്തോലിക്ക ദേവാലയത്തില് വെച്ചാണ് കുട്ടികള്ക്കായുള്ള ധ്യാനം സംഘടിപ്പിക്കുന്നത്.
വലിയ നോമ്പിന്റെ ചൈതന്യത്തില് ഉദ്ധിതനായ ക്രിസ്തുവിലൂടെ വ്യക്തിപരമായും, കുടുംബപരമായും ദൈവ കൃപകള് ആര്ജ്ജിക്കുവാന് ലഭിക്കുന്ന ഈ സുവര്ണ്ണാവസരം വിനിയോഗിക്കുവാന് ഏവരെയും സസ്നേഹം ക്ഷണിച്ചു കൊള്ളുന്നു.
വാറ്റ്ഫോര്ഡ്, ഹെയ്സ്, സ്ലോ, ഹെയര്ഫീല്ഡ്, ഹൈവെകോംബ്, ഹോണ്സ്ലോ, എയ്ല്സ്ബറി തുടങ്ങിയ കുര്ബാന സെന്ററുകളില് നിന്നുമുള്ളവരാണ് ഹെയര്ഫീല്ഡിലെ ധ്യാനത്തില് പങ്കുചേരുക. വാര്ഷിക ധ്യാനത്തിന്റെ വിജയത്തിനായി മാദ്ധ്യസ്ഥ പ്രാര്ത്ഥനകള് നടന്നു വരുന്നു.
കൂടുതല് വിവരങ്ങള്ക്ക് അതാതു സെന്ററുകളിലെ ട്രസ്റ്റിമാരായോ അല്ലങ്കില് ജോമോന് ഹെയര്ഫീല്ഡുമായോ (07804691069 ) ബന്ധപ്പെടാവുന്നതാണ്.
ധ്യാന സമയക്രമം.
മാര്ച്ച് 8 വെള്ളിയാഴ്ച്ച- 16:00-20:00
9 ശനിയാഴ്ച്ച- 10:30 to 17:00
10 ഞാറാഴ്ച- 13:00 to 19:30
വിലാസം.
St. Paul’s Church, 2 Merele Avenue, Harefield , UB9 6DG.
The Most Holyname church, Oldmill Road, UB9 5AR , Denham.
ബര്മിങ്ഹാം: യേശുനാമത്തില് പ്രകടമായ അത്ഭുതങ്ങളുടെയും അടയാളങ്ങളുടെയും നേര്സാക്ഷ്യവുമായി പ്രതിമാസ രണ്ടാം ശനിയാഴ്ച്ച ബൈബിള് കണ്വെന്ഷന് 9ന് ബര്മിങ്ഹാം ബെഥേല് സെന്ററില് നടക്കും. കുട്ടികള്ക്കും ടീനേജുകാര്ക്കും പതിവുപോലെ ഇംഗ്ലീഷില് പ്രത്യേക ശുശ്രൂഷകള് ഉണ്ടായിരിക്കും. യു.കെ കേന്ദ്രമാക്കി ലോകത്തിലെ വിവിധ രാജ്യങ്ങളില് നവസുവിശേഷവത്ക്കരണം സാധ്യമാക്കുവാന് ദൈവം തെരഞ്ഞെടുത്ത് ഉപയോഗിച്ചു കൊണ്ടിരിക്കുന്ന അനുഗ്രഹീത വചന പ്രഘോഷകനും സെഹിയോന് യൂറോപ്പ് ഡയറക്ടറുമായ റവ.ഫാ. സോജി ഓലിക്കല് നയിക്കുന്ന കണ്വെന്ഷനില് ഇത്തവണ പ്രമുഖ വചന പ്രഘോഷകന് ബ്രദര് ജോര്ജ് പട്ടേരി, ഡീക്കന് ഡേവിഡ് പാമര് എന്നിവര് വചനവേദിയിലെത്തും.
കിഡ്സ് ഫോര് കിങ്ഡം നയിക്കുന്ന പ്രത്യേക ക്ലാസുകള് കുട്ടികള്ക്കും ടീനേജുകാര്ക്കും പ്രത്യേകം ഉണ്ടായിരിക്കും. അനേകം അത്ഭുതങ്ങളും രോഗ ശാന്തിയുമായിക്കൊണ്ട് ജീവിക്കുന്ന അടയാളങ്ങളിലൂടെ അനേകര്ക്ക് ജീവിത നവീകരണം സാധ്യമാകുവാന് ഈ കണ്വെന്ഷന് ദൈവം ഉപയോഗിക്കുന്നു എന്നതിന് ഓരോ തവണത്തേയും നിരവധിയായ സാക്ഷ്യങ്ങള് തെളിവാകുന്നു.
ഏതൊരാള്ക്കും ഇംഗ്ലീഷിലോ മലയാളത്തിലോ കുമ്പസാരിക്കുന്നതിനും സ്പിരിച്വല് ഷെയറിംങിനും കണ്വെന്ഷനില് സൗകര്യമുണ്ടായിരിക്കും. കഴിഞ്ഞ അനേക വര്ഷങ്ങളായി കുട്ടികള്ക്കും യുവജനങ്ങള്ക്കും വിശ്വാസ ജീവിതത്തില് വളരാനുതകുന്ന ക്രിസ്തീയ ജീവിത മൂല്യങ്ങള് വിവിധ ശുശ്രൂഷകളിലൂടെ പകര്ന്നു നല്കാന് സാധിക്കുന്നത് കണ്വെന്ഷന്റെ പ്രധാന സവിശേഷതയാണ്. കുട്ടികള്ക്കായി ഓരോ തവണയും ഇംഗ്ലീഷില് പ്രത്യേക കണ്വെന്ഷന് തന്നെ നടക്കുന്നു. അനേകം കുട്ടികളും കൗമാര പ്രായക്കാരുമാണ് ഓരോ രണ്ടാംശനിയാഴ്ച കണ്വെന്ഷനിലും മാതാപിതാക്കളോടോ മറ്റ് മുതിര്ന്നവര്ക്കൊപ്പമോ യു.കെയുടെ വിവിധ പ്രദേശങ്ങളില് നിന്നായി എത്തിക്കൊണ്ടിരിക്കുന്നത്. കിംങ്ഡം റവലേറ്റര് എന്ന കുട്ടികള്ക്കായുള്ള മാസിക ഓരോരുത്തര്ക്കും സൗജന്യമായി നല്കിവരുന്നു. ‘ലിറ്റില് ഇവാഞ്ചലിസ്റ്റ്’ എന്ന കുട്ടികള്ക്കായുള്ള പ്രസിദ്ധീകരണവും ഇളം മനസ്സുകളെ യേശുവിലേക്കടുപ്പിക്കുന്നു.
കണ്വെന്ഷനില് കടന്നുവരുന്ന ആളുകള്ക്ക് ഇംഗ്ലീഷിലും മലയാളത്തിലും മറ്റുഭാഷകളിലുമുള്ള ബൈബിള്, പ്രാര്ത്ഥനാ പുസ്തകങ്ങള്, മറ്റ് പ്രസിദ്ധീകരണങ്ങള് എന്നിവ കണ്വെന്ഷന് സെന്ററില് ലഭ്യമാണ്. കുമ്പസാരത്തിനും സ്പിരിച്വല് ഷെയറിങ്ങിനും ഇംഗ്ലീഷിലും മലയാളത്തിലും സൗകര്യമുണ്ടായിരിക്കും. പതിവുപോലെ രാവിലെ 8ന് മരിയന് റാലിയോടെ തുടങ്ങുന്ന കണ്വെന്ഷന് വൈകിട്ട് 4ന് ദിവ്യകാരുണ്യ പ്രദക്ഷിണത്തോടെ സമാപിക്കും. കണ്വെന്ഷനായുള്ള പ്രാര്ത്ഥനാ ഒരുക്ക ശുശ്രൂഷ ബര്മിംങ്ഹാമില് നടന്നു.
കണ്വെന്ഷന്റെ ആത്മീയവിജയത്തിനായി പ്രാര്ത്ഥനാ സഹായം അപേക്ഷിക്കുന്ന ഫാ.സോജി ഓലിക്കലും സെഹിയോന് കുടുംബവും യേശുനാമത്തില് മുഴുവനാളുകളെയും 9ന് രണ്ടാം ശനിയാഴ്ച ബര്മിംങ്ഹാം ബഥേല് സെന്ററിലേക്ക് ക്ഷണിക്കുന്നു.
കണ്വെന്ഷനെപ്പറ്റിയുള്ള പ്രമോ വീഡിയോ കാണാം
വിലാസം:
ബഥേല് കണ്വെന്ഷന് സെന്റര്
കെല്വിന് വേ
വെസ്റ്റ് ബ്രോംവിച്ച്
ബര്മിംങ്ഹാം. ( Near J1 of the M5)
B70 7JW.
കൂടുതല് വിവരങ്ങള്ക്ക്.
ജോണ്സണ് 07506 810177
ഷാജി 07878149670
അനീഷ് 07760254700
ബിജുമോന് 07515 368239
Sandwell and Dudley ട്രെയിന് സ്റ്റേഷന്റെ തൊട്ടടുത്തായിട്ടുള്ള കണ്വെന്ഷന് സെന്ററിലേക്ക് യു.കെയുടെ വിവിധ പ്രദേശങ്ങളില്നിന്നും ഏര്പ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയും പറ്റിയുള്ള പൊതുവിവരങ്ങള്ക്ക്.
ടോമി ചെമ്പോട്ടിക്കല് 07737935424.
ബിജു എബ്രഹാം 07859 890267.
സ്കോട്ലന്ഡ്: റവ. ഫാ.സോജി ഓലിക്കല് നയിക്കുന്ന സെഹിയോന് യൂറോപ്പ് മിനിസ്ട്രിയുടെ നേതൃത്വത്തില്, യേശു ക്രിസ്തുവിനെ രക്ഷകനും നാഥനുമായി ഹൃദയത്തില് സ്വീകരിക്കുക വഴി എങ്ങനെ രക്ഷ പ്രാപിക്കുമെന്നു നന്മതിന്മകളുടെ തിരിച്ചറിവിന്റെ പ്രായത്തിലും, കാലഘട്ടത്തിലും, കുട്ടികള്ക്കും യുവതീ യുവാക്കള്ക്കും പകര്ന്നുകൊടുക്കുന്ന സ്കൂള് ഓഫ് ഇവാഞ്ചലൈസേഷന് റെസിഡെന്ഷ്യല് റിട്രീറ്റ് അവധിക്കാലത്ത് ജൂണ് 3 മുതല് 6 വരെ ദിവസങ്ങളില് സ്കോട്ലന്ഡില് നടക്കുന്നു.
സെഹിയോന് മിനിസ്ട്രിയുടെ അനുഗ്രഹീത വചന പ്രഘോഷകരും ആത്മീയ നേതൃത്വങ്ങളുമായ ഫാ. ഷൈജു നടുവത്താനി, ബ്രദര് ജോസ് കുര്യാക്കോസ് എന്നിവരും മറ്റ് ശുശ്രൂഷകരും ധ്യാനം നയിക്കും. വചന പ്രഘോഷണം, ദിവ്യ കാരുണ്യ ആരാധന, ഗ്രൂപ്പ് ഡിസ്കഷന്, അനുഭവ സാക്ഷ്യങ്ങള് എന്നിവയോടൊപ്പം വിവിധങ്ങളായ മറ്റ് ആക്റ്റിവിറ്റീസുകളും ഉള്പ്പെടുന്ന ഏറെ അനുഗ്രഹീതമായ നാല് ദിവസത്തെ താമസിച്ചുള്ള ഈ ധ്യാനത്തിലേക്കു 16 വയസ് മുതല് പ്രായമുള്ളവര്ക്ക് പങ്കെടുക്കാം.
സെഹിയോന് ടീം ഈ അനുഗ്രഹീത ശുശ്രൂഷയിലേക്ക് യേശുനാമത്തില് മുഴുവന് യുവതീയുവാക്കളെയും ക്ഷണിക്കുന്നു. www.sehionuk.org എന്ന വെബ്സൈറ്റില് നേരിട്ട് രജിസ്ട്രേഷന് നടത്താവുന്നതാണ്
.
കൂടുതല് വിവരങ്ങള്ക്ക്
ജേക്കബ്: 07960 149670, മിനി ബിജു: 07727177210, ജോര്ജ്: 07455184458
വിലാസം.
WINDMILL CHRISTIAN CENTRE
ARBROATH
DD 11 1 QG
SCOTLAND.
കത്തോലിക്കാ സഭയുടെ അഭിഷിക്തന്മാരായ വൈദികരെ പ്രത്യേകം സമര്പ്പിച്ചുകൊണ്ട് 2018 നവംബര് മുതല് ഒരു വര്ഷത്തേക്ക് യു.കെ യില് വിവിധ സ്ഥലങ്ങളിലായി നടത്തപ്പെടുന്ന ദിവ്യകാരുണ്യ ആരാധന നാളെ മാര്ച്ച് 4 മുതല് 8 വരെ ആഷ്ഫോഡില് നടക്കും. തിങ്കള് മുതല് വ്യാഴം വരെ വൈകിട്ടും വെള്ളി രാവിലെ 10.30 മുതല് രാത്രി 9 വരെയുമാണ് ആരാധന നടക്കുക.
കര്ത്താവിന്റെ അഭിഷിക്തരിലൂടെ സഭ അനുദിനം വളരേണ്ടതിന് ഗ്രേറ്റ് ബ്രിട്ടണ് രൂപതയില് ഉടനീളം വിവിധ സ്ഥലങ്ങളില് പരിശുദ്ധ പരമ ദിവ്യകാരുണ്യം എഴുന്നള്ളിച്ച് ഉയര്ത്തിക്കൊണ്ട് പ്രത്യേക മദ്ധ്യസ്ഥ പ്രാര്ത്ഥനയ്ക്ക് ഫാ.സേവ്യര് ഖാന് വട്ടായില്, ഫാ.സോജി ഓലിക്കല് എന്നിവരുടെ നേതൃത്വത്തിലുള്ള അഭിഷേകാഗ്നി മിനിസ്ട്രീസ് അഭിവന്ദ്യ മാര്.ജോസഫ് സ്രാമ്പിക്കലും ഗ്രേറ്റ് ബ്രിട്ടണ് രൂപതയുമായി ഒരുമിച്ചുകൊണ്ടാണ് ഈ പ്രാര്ത്ഥനായജ്ഞത്തിന് തുടക്കം കുറിച്ചിരിക്കുന്നത്.
കാലഘട്ടത്തിന്റെ ആവശ്യകതകള്ക്കനുസൃതമായ പൂര്ണ്ണ യോഗ്യതയിലേക്ക് വൈദികരെ പരിശുദ്ധ ദൈവമാതാവിന്റെ പ്രത്യേക മധ്യസ്ഥതയാല് വളര്ത്തുന്നതിന് ഒരുക്കമായി നടക്കുന്ന ആരാധനയുടെയും പ്രാര്ത്ഥനയുടെയും ആദ്യഘട്ടം നവംബറില് ബര്മിങ്ഹാമിലെ സെന്റ് ജെറാര്ഡ് കാത്തലിക് ചര്ച്ചില് നടന്നു. വിവിധ സ്ഥലങ്ങളില് മാര്. ജോസഫ് സ്രാമ്പിക്കല് പിതാവിന്റെ അനുഹ്രഹാശ്ശിസ്സുകളോടെ അഭിഷേകാഗ്നി മിനിസ്ട്രീസ് ശുശ്രൂഷകള്ക്ക് നേതൃത്വം നല്കും. വിവിധ സ്ഥലങ്ങളിലെ ശുശ്രൂഷകള് യഥാസമയം രൂപത കേന്ദ്രങ്ങളില് നിന്നും അറിയിക്കുന്നതാണ്. യു.കെയില് വിവിധ സ്ഥലങ്ങളില് നടക്കുന്ന ആരാധനയില് സംബന്ധിച്ച് വൈദികര്ക്കായി പ്രാര്ത്ഥിക്കാന് അഭിഷേകാഗ്നി മിനിസ്ട്രീസ് യേശുനാമത്തില് മുഴുവനാളുകളെയും സ്വാഗതം ചെയ്യുന്നു.
വിലാസം
St. SIMON STOCK CHURCH
ASHFORD
Brookfield Road
TN23 4EU.
കൂടുതല് വിവരങ്ങള്ക്ക്
ടോമി ചെമ്പോട്ടിക്കല്: 07737 935424
ഫാ. ഹാപ്പി ജേക്കബ്
ജിവിത വിശുദ്ധിയുടെ പടവുകള് തേടി ഒരു തീര്ത്ഥയാത്ര നാം ആരംഭിക്കുകയാണ്. കാരണങ്ങള് ധാരാളം മനസില് ഉള്കൊണ്ടുകൊണ്ടാണ് നമ്മില് പലരും ഈ യാത്രയില് പങ്കുകാരാവുന്നത്. എന്നാല് ആന്തരിക വിശുദ്ധി അതിന്റെ പാരമൃത്തില് എത്തി നമ്മുടെ ജീവദാതാവോടൊപ്പം സമന്വയപ്പെടുക എന്നതാവട്ടെ നോമ്പിന്റെ അത്യന്തിക ലക്ഷ്യം. മറ്റൊരു കാര്യം കൂടി പ്രസ്താവിക്കട്ടെ. നോമ്പ് നോറ്റ് രൂപാന്തരം നേടുക എന്നാണ് പലരും ലക്ഷ്യമായി കാണുന്നത്. എന്നാല് അങ്ങനെയല്ല! നോമ്പിന്റെ ആരംഭദിനം തന്നെ രൂപാന്തരണം നാം നേടിയിരിക്കണം. അതിനാലാണ് നോമ്പിന്റെ പ്രാര്ത്ഥന ആരംഭിക്കുമ്പോള് തന്നെ നിരപ്പിന്റേയും സമാധാനത്തിന്റേയും പ്രതീകമായി ക്ഷമ യാചിച്ചുകൊണ്ട് ആരംഭിക്കുന്നത്. കാലികമായി നാം നോക്കുമ്പോള് ഇത് എഴുതുന്ന സമയം വന്ന വാര്ത്ത തന്നെ നാം പ്രചോദനമായി കാണുകയാണ്. യുദ്ധ തടവുകാരനായി പിടിക്കപ്പെട്ട യോദ്ധാവിനെ ആദരിച്ച് മാതൃരാജ്യത്തിന് നല്കി സമാധാനത്തിന്റെയും ക്ഷമയുടെയും ഒരു തിരി കൊളുത്തിയ വാര്ത്ത. ഇന്ന് നമ്മുടെ ഭവനത്തിലുള്ള ആളുകളോട് നമുക്ക് ക്ഷമിക്കാം, ക്ഷമ ചോദിക്കാം. വി. മത്തായി 5:23. ആകയാല് നിന്റെ വഴിപാട് യാഗപീഠത്തിങ്കല് കൊണ്ട് വരുമ്പോള് സഹോദരന് നിന്റെ നേരെ വലതും ഉണ്ടെന്ന് അവിടെ വെച്ച് ഓര്മ്മ വന്നാല് നിന്റെ വഴിപാട് അവിടെ വെച്ചേച്ച്, ഒന്നാമത് ചെന്ന് സഹോദരനോട് നിരന്ന് കൊള്ളുക. പിന്നെ വന്ന് നിന്റെ വഴിപാട് കഴിക്ക.
രൂപാന്തരീകരണത്തിന്റെ ഏറ്റവും ഉദാത്തമായ വേദരാഗമാണ് വി. യോഹന്നാന് 2: 1-11 വരെയുള്ള ഭാഗങ്ങളില് നാം വായിക്കുന്നത്. യേശു ഇത് അടയാളങ്ങളുടെ ആരംഭമായി ഗലീലയിലെ കാനാവില് വെച്ച് ചെയ്ത് തന്റെ മഹത്വം വെളിപ്പെടുത്തി.
പ്രിയ സഹോദരങ്ങളെ, ഭക്ഷണ പദാര്ത്ഥങ്ങള് വെടിഞ്ഞാല് അത് നോമ്പാവില്ല. ഒരുക്കത്തോടെ നിശ്ചയദാര്ഢ്യത്തോടെ വിശുദ്ധിയോടെ ഈ നോമ്പിനെ വരവേല്ക്കാം. കര്ത്താവ് നാല്പ്പത് ദിവസം നോമ്പെടുത്തപ്പോള് പിശാച് അങ്ങനെ പരീക്ഷിക്കുവാന് വന്നു. ബലഹീനരായ നാം തീരുമാനം എടുക്കുമ്പോള് തന്നെ പരീക്ഷണങ്ങളും കടന്നുവരും. പ്രലോഭനങ്ങള് വരും, അതിനാല് നാം മനസിലാക്കുക, ഈ നോമ്പ് ഒരു യുദ്ധമാണ്. സാത്താനെതിരെയുള്ള യുദ്ധം! തോറ്റു പോകാതെ നിലനില്ക്കണമെങ്കില് നാല് കാര്യങ്ങള് പരിശീലിക്കുക. ഒന്ന് വി. വചനം നിശ്ചയമായും ദിവസേന വായിച്ച് ധ്യാനിക്കുക. രണ്ട്. കുമ്പിട്ട് നമസ്കരിക്കുക, മൂന്ന് ഉപവസിക്കുക, നാല് ദാന ധര്മ്മങ്ങള് ചെയ്യുക.
വിരുന്ന് ശാലയിലുള്ള കുറവ് പരിഹരിക്കേണ്ടതുണ്ട്. ഇത് നമ്മെ തന്നെ പ്രതിധാനം ചെയ്യുന്നു. വെള്ളത്തിന്റെ ഗുണങ്ങളില് നിന്ന് മേല്ത്തരം വീഞ്ഞിന്റെ ഭാവമായി നാം മാറണം. അപ്പോഴും നോമ്പിന്റെ ആരംഭം തന്നെ മാറ്റത്തിന്റെ അനുഭവം നമുക്ക് നല്കട്ടെ. അന്യ വിചാരങ്ങളെ വെടിഞ്ഞ് ആത്മീയ കാര്യങ്ങളില് തൃപ്തി നേടുക. ഭക്ഷണത്തില് ക്രമീകരണം ചെയ്ത് ശരീരത്തെ ശോഷിപ്പിച്ച് ആത്മീയ ബലം നേടുക. സമാധാനത്തോടെ ഈ നോമ്പ് അനുഗ്രഹത്തിന്റെ ദിനങ്ങള് നമുക്ക് നല്കട്ടെയെന്ന പ്രാര്ത്ഥനയോടെ നമുക്ക് ഒരുമിച്ച് നോമ്പിനെ സ്വീകരിക്കാനായി ഒരുങ്ങാം.
ശുദ്ധമുള്ള നോമ്പേ സമാധാനത്താലെ വരിക.
സ്റ്റീവനേജ്: ഗ്രേറ്റ് ബ്രിട്ടണ് രൂപതയുടെ അഭിവന്ദ്യ അദ്ധ്യക്ഷന് മാര് ജോസഫ് സ്രാമ്പിക്കല് ഇന്ന് സ്റ്റീവനേജില് വിശുദ്ധ ബലി അര്പ്പിച്ചു സന്ദേശം നല്കുന്നതാണ്. പ്രശസ്ത ധ്യാനഗുരു ഫാ.ആന്റണി പറങ്കിമാലില് നയിക്കുന്ന ത്രിദിന ധ്യാനത്തിന്റെ സമാപന ശുശ്രുഷയായാണ് കുര്ബ്ബാന അര്പ്പിക്കുന്നത്. ഫാ. ഫാന്സുവ പത്തില്, ഫാ.ആന്റണി എന്നിവര് സഹകാര്മികത്വം വഹിക്കും.
ഫാ.ആന്റണി പറങ്കിമാലില് സ്റ്റീവനേജില് നടത്തിപ്പോരുന്ന ത്രിദിന ധ്യാനം ഇന്ന് സമാപിക്കും. ആത്മീയ ചൈതന്യം വിതച്ച തിരുവചന ശുശ്രുഷ വലിയ നോമ്പിലൂടെയുള്ള വിശുദ്ധ തീര്ത്ഥയാത്രയില് സഭാ മക്കള്ക്ക് അനുഗ്രഹദായകമായി.
‘പാപം മറച്ചുവെക്കുന്നവര്ക്ക് അഭിവൃദ്ധിയുണ്ടാവില്ലെന്നും, നമ്മെ നാശത്തിലേക്കാണത് നയിക്കുന്നതെന്നും, തടസ്സപ്പെട്ട ദൈവ കൃപയുടെ അനുഗ്രഹ വര്ഷത്തിനായി കുമ്പസാരം അനിവാര്യമാണെന്നും അത് നമ്മെ ശക്തമായ നിലയില് പടുത്തുയര്ത്തുമെന്നും’ ആന്റണി അച്ചന് ഓര്മ്മിപ്പിച്ചു.
‘മാതാപിതാക്കളുടെ ശരിയായ കുമ്പസാരം കുട്ടികള്ക്ക് മാനസാന്തരത്തിനും അനുഗ്രഹങ്ങള്ക്കും ഇടയാക്കും. ഏറ്റവും വലിയ നിധിയായ ക്ഷമയും സ്നേഹവും കാത്തു സംരക്ഷിക്കപ്പെടണം എന്നും അത് സ്വര്ഗ്ഗരാജ്യത്തിലേക്കുള്ള പ്രവേശന താക്കോല് കൂടി ആണെന്നും’ പറങ്കിമാലില് അച്ചന് പറഞ്ഞു.
സ്റ്റീവനേജ്, ലൂട്ടന്, വെയര് തുടങ്ങിയ സ്ഥലങ്ങളില് നിന്നുമുള്ള സീറോ മലബാര് വിശ്വാസി സമൂഹമാണ് ധ്യാനത്തില് മുഖ്യമായി പങ്കു ചേരുന്നത്. ഇന്ന് സമാപന ധ്യാന ശുശ്രുഷ ഉച്ചക്ക് ഒരു മണിക്ക് സെന്റ് ഹില്ഡാ ദേവാലയത്തില് ആരംഭിക്കും. വൈകുന്നേരം അഞ്ചരക്ക് ആഘോഷമായ വിശുദ്ധ കുര്ബ്ബാനയും ആരാധനയും തുടര്ന്ന് സമാപന ആശീര്വാദത്തോടെ ത്രിദിന ധ്യാന ശുശ്രുഷകള് സമാപിക്കും.
പ്രീസ്റ്റ് ഇന് ചാര്ജ്ജ് ഫാ.സെബാസ്റ്റ്യന് ചാമക്കാല കുമ്പസാര ശുശ്രുഷക്കു നേതൃത്വം വഹിക്കും. പള്ളിക്കമ്മിറ്റി ഏവരെയും സ്നേഹപൂര്വ്വം ഈ അനുഗ്രഹീത ശുശ്രുഷയിലേക്കു സ്വാഗതം ചെയ്യുന്നു.
കൂടുതല് വിവരങ്ങള്ക്ക് ബന്ധപ്പെടുക.
സാംസണ്: 07462921022,
മെല്വിന്: 07456281428,
ജോസ് (ലൂട്ടന്): 07888754583
പള്ളിയുടെ വിലാസം:
ST. HILDA CATHOLIC CHURCH,
9 BREAKSPEAR,
STEVENAGE, HERTS,
SG2 9SQ.
Car Park( Free): Shephall Centre, Shephall Way, Stevenage, SG2 9SB ( 2 minute walk)
സ്റ്റീവനേജ്: ‘പ്രതിസന്ധികളും പ്രയാസങ്ങളും പരാജയങ്ങളും വരുമ്പോള് ദൈവ ശിക്ഷയായി മാനിക്കരുതെന്നും മറിച്ച് രക്ഷിക്കുവാന് മാത്രം ആഗ്രഹിക്കുന്ന ദൈവത്തിന്റെ വിളിയാണിതെന്നും ശ്രവിക്കുവാനായി മനസ്സ് തുറന്നാല് തീര്ച്ചയായും അത്ഭുതങ്ങള് ദര്ശിക്കുവാന് തീര്ച്ചയായും സാധിക്കും’ എന്ന് പ്രശസ്ത ധ്യാന ഗുരു ഫാ.ആന്റണി പറങ്കിമാലില്.
സ്റ്റീവനേജില് വലിയ നോമ്പിനോടനുബന്ധിച്ചു നടത്തുന്ന വാര്ഷിക ധ്യാനത്തിന്റെ പ്രഥമ ദിനത്തില് നടത്തിയ ഒരുക്ക ധ്യാനവും, മരിച്ചവരുടെ അനുസ്മരണ ബലിയും നയിച്ച് സംസാരിക്കുകയായിരുന്നു ഫാ. ആന്റണി പറങ്കിമാലില്.
‘ ജനനം മുതല് ഇന്നത്തെ നിലയിലേക്ക് കൈപിടിച്ച് ഉയര്ത്തിയ മണ്മറഞ്ഞുപോയവരെ അനുസ്മരിക്കുകയും അവര്ക്കായി പ്രാര്ത്ഥിക്കുകയും ചെയ്യേണ്ടത് ക്രൈസ്തവ വിശ്വാസത്തില് അതി പധാനമാണെന്നും, വിജയങ്ങള്ക്കും പലവിധ വിഘ്നങ്ങള് മാറുന്നതിനും പ്രത്യുത ശുശ്രുഷ അനുഗ്രഹദായകമാവുമെന്നും ‘ പറങ്കിമാലില് അച്ചന്. എല്ലാ തലത്തിലുമുള്ള വിജയങ്ങള്ക്കു അനിവാര്യമായ അനുതാപവും,മാനസാന്തരവും, ക്ഷമയും ഉള്ള വിനീതമായ ഹൃദയം ആര്ജ്ജിക്കുന്നതിലേക്കുള്ള ആഴത്തിലുള്ള ജ്ഞാനം ആമുഖ ഒരുക്ക ധ്യാനത്തിലൂടെ നല്കുകയായിരുന്നു ആന്റണി അച്ചന്. ധ്യാനം ഇന്നും നാളെയും തുടരും.
ഇന്ന് ശനിയാഴ്ച പതിനൊന്നു മണിക്ക് സ്റ്റീവനേജ് സെന്റ് ഹില്ഡാ ദേവാലയത്തില് വെച്ച് ധ്യാനം തുടരും. കുമ്പസാരത്തിനായുള്ള അവസരം ഒരുക്കിയിട്ടുണ്ട്. നാളെ ഞായറാഴ്ച ഉച്ചക്ക് ഒരു മണിക്ക് സമാപന ദിനത്തിലെ ധ്യാനം ആരംഭിക്കുന്നതാണ്.
സ്റ്റീവനേജ്, ലൂട്ടന്, വെയര് തുടങ്ങിയ കേന്ദ്രങ്ങളില് നിന്നായി നിരവധി കുടുംബങ്ങളാണ് തിരുവചന ശുശ്രുഷയില് പങ്കു ചേര്ന്നത്. പ്രീസ്റ്റ് ഇന് ചാര്ജ് ഫാ.സെബാസ്റ്റ്യന് ചാമക്കാല വിശുദ്ധബലിയില് മുഖ്യകാര്മ്മികനായിരുന്നു. ആരാധനയും ഉണ്ടായിരുന്നു.
ചാമക്കാല അച്ചനും പള്ളിക്കമ്മിറ്റിയും ഏവരെയും സ്നേഹപൂര്വ്വം ഈ അനുഗ്രഹീത ശുശ്രുഷയിലേക്കു സ്വാഗതം ചെയ്യുന്നു.
കൂടുതല് വിവരങ്ങള്ക്ക് ബന്ധപ്പെടുക.
സാംസണ്: 07462921022, മെല്വിന്: 07456281428, ജോസ് (ലൂട്ടന്): 07888754583
പള്ളിയുടെ വിലാസം:
ST. HILDA CATHOLIC CHURCH,
9 BREAKSPEAR, STEVENAGE,
HERTS., SG2 9SQ.
Car Park( Free): Shephall Centre, Shephall Way, Stevenage, SG2 9SB ( 2 minute walk)
