ന്യൂസ് ഡെസ്ക്
സീറോ മലബാർ സഭയ്ക്ക് പുതിയ രണ്ടു മെത്രാന്മാരെ പ്രഖ്യാപിച്ചു. മാർ ജോണ്‍ നെല്ലിക്കുന്നേൽ ഇടുക്കി രൂപതയുടെയും മാർ ജയിംസ് അത്തിക്കളം മധ്യപ്രദേശിലെ സാഗർ രൂപതയുടെയും മെത്രാന്മാരാകും. മാർ മാത്യു ആനിക്കുഴിക്കാട്ടിൽ വിരമിച്ച ഒഴിവിലേക്കാണ് മാർ ജോണ്‍ നെല്ലിക്കുന്നേൽ നിയമിതനായത്. സീറോ മലബാർ സഭയുടെ എറണാകുളത്തെ ആസ്ഥാനത്താണ് പ്രഖ്യാപനം നടന്നത്. സീറോ മലബാർ സഭാ തലവൻ മാർ ആലഞ്ചേരി നിയുക്ത ബിഷപ്പുമാരെ സ്ഥാനചിഹ്നങ്ങൾ അണിയിച്ചു.
റവ. ഡോ. ജെയിംസ് അത്തിക്കളം മിഷനറി സൊസൈറ്റി ഓഫ് സെന്റ് തോമസ് ദി അപ്പസ്റ്റൽ (എംഎസ്ടി) സഭയുടെ സുപ്പീരിയർ ജനറാൾ, ഭോപ്പാൽ റൂഹാലയ മേജർ സെമിനാരി റെക്ടർ തുടങ്ങിയ നിലകളിൽ സേവനമനുഷ്ഠിച്ചിട്ടുണ്ട്. ഭോപ്പാലിൽ സീറോ മലബാർ സഭാംഗങ്ങളുടെ ആധ്യാത്മിക കാര്യങ്ങളുടെ ചുമതല വഹിക്കുമ്പോളാണ് പുതിയ നിയോഗം.
റിട്ട. കെഎസ്ഇബി എക്സിക്യൂട്ടീവ് എൻജിനീയർ കോട്ടയം ചിങ്ങവനം അത്തികളം സി. പൗലോസിന്‍റെയും അന്നമ്മയുടെയും മൂന്നു മക്കളിൽ മൂത്തയാളാണ് 58 വയസുകാരനായ നിയുക്ത മെത്രാൻ. തൃപ്പൂണിത്തുറ ഗവ. കോളജ് റിട്ട. പ്രിൻസിപ്പൽ ഡോ.എ.പി. സൂസമ്മ, എ.പി. തോമസ് എന്നിവർ സഹോദരങ്ങളാണ്.
ഇടുക്കി രൂപതാംഗമായ ഫാ.ജോണ്‍ നെല്ലിക്കുന്നേൽ 1973 മാർച്ച് 22ന് പാലാ കടപ്ലാമറ്റം നെല്ലിക്കുന്നേൽ വർക്കി-മേരി ദമ്പതികളുടെ മകനാണ്. 1988-ൽ വൈദികപഠനം ആരംഭിച്ചു. വടവാതൂർ സെന്റ് തോമസ് അപ്പസ്തോലിക് സെമിനാരിയിൽ തത്വശാസ്ത്ര പഠനവും ദൈവശാസ്ത്ര പഠനവും പൂർത്തിയാക്കി 1998 ഡിസംബർ 30ന് പുരോഹിതനായി അഭിഷിക്തനായി. പിന്നീട് നിരവധി ഇടവകകളിൽ സഹവികാരിയായി സേവനം ചെയ്ത ശേഷം റോമിൽ നിന്നും ലൈസൻഷ്യേറ്റും ഡോക്ടറേറ്റും നേടി.
ബാബു ജോസഫ്
ബര്‍മിങ്ഹാം: സെഹിയോന്‍ യൂറോപ്പ് ഡയറക്ടര്‍ റവ. ഫാ. സോജി ഓലിക്കല്‍ നയിക്കുന്ന രണ്ടാം ശനിയാഴ്ച്ച കണ്‍വെന്‍ഷന്‍ നാളെ ബര്‍മിങ്ഹാം ബഥേല്‍ സെന്ററില്‍ നടക്കും. അഭിഷേകാഗ്‌നി കാത്തലിക് മിനിസ്ട്രീസിന്റെ (സെഹിയോന്‍ യൂറോപ്പ്) നേതൃത്വത്തില്‍ നടത്തപ്പെടുന്ന കണ്‍വെന്‍ഷനില്‍ ഇത്തവണ മുതല്‍ മലയാളം സീറോ മലബാര്‍ റീത്തിലും ലാറ്റിന്‍ ഇംഗ്ലീഷിലും പ്രത്യേകമായി വി. കുര്‍ബാന ഉണ്ടായിരിക്കും.
എറെ അനുഗ്രഹദായകമായിത്തീര്‍ന്ന എബ്ലൈസ് 2018 മ്യൂസിക്കല്‍ കണ്‍സേര്‍ട്ടിന്റെ പ്രചോദനത്തില്‍ കൂടുതല്‍ ആത്മീയ നവോന്മേഷത്തോടെ കടന്നുവരുന്ന കുട്ടികള്‍ക്ക് ആയിരക്കണക്കിന് കുട്ടികളെ നേരിന്റെ പാതയില്‍ കൈപിടിച്ചു നടത്തിയ കോട്ടയം ക്രിസ്റ്റീന്‍ ധ്യാനകേന്ദ്രത്തിലെ ബ്രദര്‍ സന്തോഷ് ടിയുടെ സാന്നിധ്യം ഇത്തവണ അനുഗ്രഹമാകും. സെഹിയോന്‍ യൂറോപ്പിലെ പ്രശസ്ത വചനപ്രഘോഷകന്‍ ഫാ. ഷൈജു നടുവത്താനി, കാനന്‍ ബ്രയാന്‍ എന്നിവരും ശുശ്രൂഷകള്‍ നയിക്കും.
രണ്ടാം ശനിയാഴ്ച്ച കണ്‍വെന്‍ഷനെക്കുറിച്ചുള്ള പ്രോമോ വീഡിയോ കാണാം
കഴിഞ്ഞ അനേക വര്‍ഷങ്ങളായി കുട്ടികള്‍ക്കും യുവജനങ്ങള്‍ക്കും വിശ്വാസജീവിതത്തില്‍ വളരാനുതകുന്ന ക്രിസ്തീയ ജീവിതമൂല്യങ്ങള്‍ വിവിധശുശ്രൂഷകളിലൂടെ പകര്‍ന്നു നല്‍കാന്‍ സാധിക്കുന്നത് കണ്‍വെന്‍ഷന്റെ പ്രധാന സവിശേഷതയാണ്. കുട്ടികള്‍ക്കായി ഓരോതവണയും ഇംഗ്ലീഷില്‍ പ്രത്യേക കണ്‍വെന്‍ഷന്‍തന്നെ നടക്കുന്നു.അനേകം കുട്ടികളും കൗമാരപ്രായക്കാരുമാണ് ഓരോ രണ്ടാം ശനിയാഴ്ച കണ്‍വെന്‍ഷനിലും മാതാപിതാക്കളോടോ മറ്റ് മുതിര്‍ന്നവര്‍ക്കൊപ്പമോ യുകെയുടെ വിവിധ പ്രദേശങ്ങളില്‍നിന്നായി എത്തിക്കൊണ്ടിരിക്കുന്നത്. കിംങ്ഡം റവലേറ്റര്‍ എന്ന കുട്ടികള്‍ക്കായുള്ള മാസിക ഓരോരുത്തര്‍ക്കും സൌജന്യമായി നല്‍കിവരുന്നു.
അനേകം അത്ഭുതങ്ങളും രോഗശാന്തിയുമായിക്കൊണ്ട് ജീവിക്കുന്ന അടയാളങ്ങളിലൂടെ അനേകര്‍ക്ക് ജീവിതനവീകരണം സാധ്യമാകുവാന്‍ ഈ കണ്‍വെന്‍ഷന്‍ ദൈവം ഉപയോഗിക്കുന്നു എന്നതിന് അസാധ്യങ്ങള്‍ സാധ്യമായ, വരദാനഫലങ്ങള്‍ വാര്‍ഷിക്കപ്പെടുന്ന ഓരോതവണത്തേയും നിരവധിയായ സാക്ഷ്യങ്ങള്‍ തെളിവാകുന്നു. ഏതൊരാള്‍ക്കും ഇംഗ്ലീഷിലോ മലയാളത്തിലോ കുമ്പസാരിക്കുന്നതിനും, സ്പിരിച്വല്‍ ഷെയറിംങിനും കണ്‍വെന്‍ഷനില്‍ സൗകര്യമുണ്ടായിരിക്കും.
രണ്ടു വേദികളിലായി ഒരേസമയം ഇംഗ്ലീഷിലും മലയാളത്തിലും ശുശ്രൂഷകള്‍ നടക്കും. ഇംഗ്ലീഷിലും മലയാളത്തിലും മറ്റുഭാഷകളിലുമുള്ള ബൈബിള്‍, പ്രാര്‍ത്ഥനാ പുസ്തകങ്ങള്‍, മറ്റ് പ്രസിദ്ധീകരണങ്ങള്‍ എന്നിവ കണ്‍വെന്‍ഷന്‍ സെന്ററില്‍ ലഭ്യമാണ്.
പതിവുപോലെ രാവിലെ 8 ന് മരിയന്‍ റാലിയോടെ തുടങ്ങുന്ന കണ്‍വെന്‍ഷന്‍ വൈകിട്ട് 4 ന് ദിവ്യകാരുണ്യ പ്രദക്ഷിണത്തോടെ സമാപിക്കും.
കണ്‍വെന്‍ഷനായുള്ള പ്രാര്‍ത്ഥനാ ഒരുക്ക ശുശ്രൂഷ ഇന്നലെ ബര്‍മിങ്ഹാമില്‍ നടന്നു. കണ്‍വെന്‍ഷന്റെ ആത്മീയവിജയത്തിനായി പ്രാര്‍ത്ഥനാസഹായം അപേക്ഷിക്കുന്ന ഫാ.സോജി ഓലിക്കലും സെഹിയോന്‍ കുടുംബവും യേശുനാമത്തില്‍ മുഴുവനാളുകളെയും 13ന് നാളെ രണ്ടാം ശനിയാഴ്ച വീണ്ടും ബര്‍മിങ്ഹാം ബഥേല്‍ സെന്ററിലേക്ക് ക്ഷണിക്കുന്നു.
അഡ്രസ്സ് :
ബഥേല്‍ കണ്‍വെന്‍ഷന്‍ സെന്റര്‍
കെല്‍വിന്‍ വേ
വെസ്റ്റ് ബ്രോംവിച്ച്
ബര്‍മിംങ്ഹാം. ( Near J1 of the M5)
B70 7JW.
കൂടുതല്‍ വിവരങ്ങള്‍ക്ക് ;
ഷാജി 07878149670.
അനീഷ്.07760254700
ബിജുമോന്‍ മാത്യു.07515 368239
Sandwell and Dudley ട്രെയിന്‍ സ്റ്റേഷന്റെ തൊട്ടടുത്തായിട്ടുള്ള കണ്‍വെന്‍ഷന്‍ സെന്ററിലേക്ക് യു കെ യുടെ വിവിധ പ്രദേശങ്ങളില്‍നിന്നും ഏര്‍പ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയുംപറ്റിയുള്ള പൊതുവിവരങ്ങള്‍ക്ക്,
ടോമി ചെമ്പോട്ടിക്കല്‍ 07737935424.
ബിജു അബ്രഹാം ?07859 890267?
ഓരോ ഹിന്ദുവിനും വളരെയധികം പ്രാധാന്യമുള്ള ദിവസമാണ് മകരസംക്രമദിവസം. സൂര്യന്‍ ധനുരാശിയില്‍നിന്നു മകരം രാശിയിലേക്കു കടക്കുന്ന സമയം അഥവാ ദിവസമാണ് മകരസംക്രമം എന്നറിയപ്പെടുന്നത്. തീര്‍ത്ഥാടനങ്ങള്‍ക്കും പുണ്യസ്നാനങ്ങള്‍ക്കും ഉചിതമായ കാലമാണു ഉത്തരായനം. ഈ മണ്ണിലും ഹൈന്ദവതയുടെ ആചാരാനുഷ്ഠാനങ്ങളെ പുതുതലമുറക്കും പകര്‍ന്നു നല്‍കുന്നതില്‍ ഹേവാര്‍ഡ്‌സ് ഹീത്ത് ഹിന്ദുസമാജത്തിന്റെ പ്രവര്‍ത്തനങ്ങള്‍ വളരെ പ്രശംസനീയമാണ്. ഹേവാര്‍ഡ്‌സ് ഹീത്ത് ഹിന്ദുസമാജത്തിന്റെ ഈ വര്‍ഷത്തെ മകരവിളക്കും അയ്യപ്പപൂജയും ജനുവരി 14 ന് ഞായറാഴ്ച്ച 3 മണിമുതല്‍ സ്‌കെയ്ന്‍സ് ഹില്‍ മില്ലേനിയം സെന്റില്‍ വെച്ചു നടക്കും.
ശ്രീ രാകേഷ് ത്യാഗരാജന്‍ (സൗത്താംപ്റ്റണ്‍) മുഖ്യകാര്‍മികത്വം വഹിക്കും. ലണ്ടന്‍ ഹിന്ദുഐക്യവേദി, കെന്റ് ഹിന്ദു സമാജ0, ഹാംപ്‌ഷെയര്‍ ആന്‍ഡ് വെസ്റ്റ് സസ്സെക്‌സ് ഹിന്ദു സമാജം, സൗത്താംപ്ടണ്‍ ഹിന്ദു സമാജം, ഡോര്‍സെറ്റ് ഹിന്ദുസമാജം എന്നിവര്‍ പങ്കാളികളാകും. യു.കെ യിലെ പ്രമുഖകലാകാരന്‍മാര്‍ പങ്കെടുക്കുന്ന അയ്യപ്പനാമസങ്കീര്‍ത്തനം, ശ്രീ കണ്ണന്‍ രാമചന്ദ്രന്‍ (L.H.A) പ്രേത്യേക പ്രഭാഷണം എന്നിവ ഈ വര്‍ഷത്തെ അയ്യപ്പപൂജക്കു മാറ്റുകൂട്ടും.സമാജം പ്രസിഡന്റ് ശ്രീസുജിത് സ്വാഗതവും, സെക്രട്ടറി ശ്രീ ഗംഗാപ്രസാദ് നന്ദിയും പ്രകാശിപ്പിക്കും. ദീപാരാധനയ്ക്ക് ശേഷം പ്രേത്യേക അന്നദാനവും ഉണ്ടാകും. നമ്മുടെ നാട്ടിലെപോലെ കഞ്ഞിയും പുഴുക്കും പ്രേത്യേകമായ് തയ്യാറാക്കി നല്‍കുന്നതാണ്.
കൂടുതല്‍ വിവരങ്ങള്‍ക്കും പങ്കെടുക്കുന്നതിനുമായി
Gangaprasad: 07466396725, Sujith Nair:07412570160, Sunil Natarajan: 07425168638,
Suma Sunil: 07872030485
Acharyan: Rajesh Thiagarajan,Southampton.
Venue: Scaynes Hill Millennium centre, Lewes Road, West Sussex, RH17 7PG.
Sunday ,14 January 2018, 2PM to 8PM
ബാബു ജോസഫ്
ബര്‍മിങ്ഹാം: സെഹിയോന്‍ യൂറോപ്പ് ഡയറക്ടര്‍ റവ. ഫാ. സോജി ഓലിക്കല്‍ നയിക്കുന്ന രണ്ടാം ശനിയാഴ്ച്ച കണ്‍വെന്‍ഷന്‍ 13ന് ബിര്‍മിങ്ഹാം ബഥേല്‍ സെന്ററില്‍ നടക്കും. ഏറെ അനുഗ്രഹദായകമായിത്തീര്‍ന്ന എബ്ലൈസ് 2018 മ്യൂസിക്കല്‍ കണ്‍സേര്‍ട്ടിന്റെ പ്രചോദനത്തില്‍ കൂടുതല്‍ ആത്മീയ നവോന്മേഷത്തോടെ കടന്നുവരുന്ന കുട്ടികള്‍ക്ക് ആയിരക്കണക്കിന് കുട്ടികളെ നേരിന്റെ പാതയില്‍ കൈപിടിച്ചു നടത്തിയ കോട്ടയം ക്രിസ്റ്റീന്‍ ധ്യാനകേന്ദ്രത്തിലെ ബ്രദര്‍ സന്തോഷ്.ടിയുടെ സാന്നിധ്യം ഇത്തവണ അനുഗ്രഹമാകും. സെഹിയോന്‍ യൂറോപ്പിലെ പ്രശസ്ത വചനപ്രഘോഷകന്‍ ഫാ. ഷൈജു നടുവത്താനി, കാനന്‍ ബ്രയാന്‍ എന്നിവരും ശുശ്രൂഷകള്‍ നയിക്കും.
കഴിഞ്ഞ അനേക വര്‍ഷങ്ങളായി കുട്ടികള്‍ക്കും യുവജനങ്ങള്‍ക്കും വിശ്വാസജീവിതത്തില്‍ വളരാനുതകുന്ന ക്രിസ്തീയ ജീവിതമൂല്യങ്ങള്‍ വിവിധ ശുശ്രൂഷകളിലൂടെ പകര്‍ന്നു നല്‍കാന്‍ സാധിക്കുന്നത് കണ്‍വെന്‍ഷന്റെ പ്രധാന സവിശേഷതയാണ്. കുട്ടികള്‍ക്കായി ഓരോ തവണയും ഇംഗ്ലീഷില്‍ പ്രത്യേക കണ്‍വെന്‍ഷന്‍ തന്നെ നടക്കുന്നു. അനേകം കുട്ടികളും കൗമാരപ്രായക്കാരുമാണ് ഓരോ രണ്ടാം ശനിയാഴ്ച കണ്‍വെന്‍ഷനിലും മാതാപിതാക്കളോടോ മറ്റ് മുതിര്‍ന്നവര്‍ക്കൊപ്പമോ യുകെയുടെ വിവിധ പ്രദേശങ്ങളില്‍നിന്നായി എത്തിക്കൊണ്ടിരിക്കുന്നത്. കിംങ്ഡം റവലേറ്റര്‍ എന്ന കുട്ടികള്‍ക്കായുള്ള മാസിക ഓരോരുത്തര്‍ക്കും സൗജന്യമായി നല്‍കിവരുന്നു.
അനേകം അത്ഭുതങ്ങളും രോഗശാന്തിയുമായിക്കൊണ്ട് ജീവിക്കുന്ന അടയാളങ്ങളിലൂടെ അനേകര്‍ക്ക് ജീവിത നവീകരണം സാധ്യമാകുവാന്‍ ഈ കണ്‍വെന്‍ഷന്‍ ദൈവം ഉപയോഗിക്കുന്നു എന്നതിന് അസാധ്യങ്ങള്‍ സാധ്യമായ വരദാനഫലങ്ങള്‍ വാര്‍ഷിക്കപ്പെടുന്ന ഓരോ തവണത്തേയും നിരവധിയായ സാക്ഷ്യങ്ങള്‍ തെളിവാകുന്നു. ഏതൊരാള്‍ക്കും ഇംഗ്ലീഷിലോ മലയാളത്തിലോ കുമ്പസാരിക്കുന്നതിനും സ്പിരിച്വല്‍ ഷെയറിംങിനും കണ്‍വെന്‍ഷനില്‍ സൗകര്യമുണ്ടായിരിക്കും.
രണ്ടു വേദികളിലായി ഒരേസമയം ഇംഗ്ലീഷിലും മലയാളത്തിലും ശുശ്രൂഷകള്‍ നടക്കും. ഇംഗ്ലീഷിലും മലയാളത്തിലും മറ്റുഭാഷകളിലുമുള്ള ബൈബിള്‍, പ്രാര്‍ത്ഥനാ പുസ്തകങ്ങള്‍, മറ്റ് പ്രസിദ്ധീകരണങ്ങള്‍ എന്നിവ കണ്‍വെന്‍ഷന്‍ സെന്ററില്‍ ലഭ്യമാണ്. പതിവുപോലെ രാവിലെ 8ന് മരിയന്‍ റാലിയോടെ തുടങ്ങുന്ന കണ്‍വെന്‍ഷന്‍ വൈകിട്ട് 4ന് ദിവ്യകാരുണ്യ പ്രദക്ഷിണത്തോടെ സമാപിക്കും. കണ്‍വെന്‍ഷനായുള്ള പ്രാര്‍ത്ഥനാ ഒരുക്ക ശുശ്രൂഷ വ്യാഴാഴ്ച ബിര്‍മിങ്ഹാമില്‍ നടക്കും.
കണ്‍വെന്‍ഷന്റെ ആത്മീയ വിജയത്തിനായി പ്രാര്‍ത്ഥനാ സഹായം അപേക്ഷിക്കുന്ന ഫാ.സോജി ഓലിക്കലും സെഹിയോന്‍ കുടുംബവും യേശുനാമത്തില്‍ മുഴുവനാളുകളെയും 13ന് രണ്ടാം ശനിയാഴ്ച ബര്‍മിംങ്ഹാം ബഥേല്‍ സെന്ററിലേക്ക് ക്ഷണിക്കുന്നു.
അഡ്രസ്സ് :
ബഥേല്‍ കണ്‍വെന്‍ഷന്‍ സെന്റര്‍
കെല്‍വിന്‍ വേ
വെസ്റ്റ് ബ്രോംവിച്ച്
ബര്‍മിംങ്ഹാം. ( Near J1 of the M5)
B70 7JW.
കൂടുതല്‍ വിവരങ്ങള്‍ക്ക് ;
ഷാജി 07878149670.
അനീഷ്.07760254700
ബിജുമോന്‍ മാത്യു.07515 368239
Sandwell and Dudley ട്രെയിന്‍ സ്റ്റേഷന്റെ തൊട്ടടുത്തായിട്ടുള്ള കണ്‍വെന്‍ഷന്‍ സെന്ററിലേക്ക് യുകെയുടെ വിവിധ പ്രദേശങ്ങളില്‍നിന്നും ഏര്‍പ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയുംപറ്റിയുള്ള പൊതുവിവരങ്ങള്‍ക്ക്,
ടോമി ചെമ്പോട്ടിക്കല്‍ 07737935424.
ബിജു അബ്രഹാം 07859 890267
ന്യൂകാസില്‍ : കേരളത്തിലെ വിവിധ ക്രൈസ്തവ സമൂഹങ്ങളുടെ നേതൃത്വത്തില്‍ വര്‍ഷം തോറും നടത്തിവരാറുള്ള എക്യുമെനിക്കല്‍ ക്രിസ്മസ് കരോള്‍ സംഗീത സന്ധ്യ ഈ വര്‍ഷം ജനുവരി 7 ഞായറാഴ്ച വൈകുന്നേരം 5ന് ന്യൂ കാസില്‍ സെ.ജെയിംസ് & സെ. ബേസില്‍ ചര്‍ച്ച് ഹാളില്‍ വെച്ച് വിശിഷ്ട വ്യക്തികളുടെ മഹനീയ സാന്നിധ്യത്തില്‍ പ്രാര്‍ത്ഥനയോടെ തുടക്കമായി. ക്രൈസ്തവ വിശ്വാസവും പൈതൃകവും മുറുകെ പിടിച്ചുകൊണ്ട് തങ്ങള്‍ക്കു കിട്ടിയ വിശ്വാസദീപത്തെ വരും തലമുറയ്ക്ക് കൈമാറാനും അതനുസരിച്ച് ജീവിക്കാനും വെമ്പുന്ന മലയാളി ക്രൈസ്തവര്‍, സ്‌നേഹത്തിന്റെ ക്രിസ്മസ് സന്ദേശം സഹോദരങ്ങള്‍ക്ക് കൈമാറാനുള്ള എളിയ സംരംഭത്തില്‍ കത്തോലിക്ക, ഓര്‍ത്തഡോക്‌സ്, ജാക്കോബൈറ്റ്, മാര്‍ത്തോമ സഭകളുടെ സാന്നിധ്യം കൊണ്ട് സമ്പന്നമായി.
വിവിധ ക്രൈസ്തവ സമൂഹങ്ങളുടെ പ്രതിനിധികളും വൈദികരും ചേര്‍ന്ന് ദീപം കൊളുത്തി ഉദ്ഘാടനം ചെയ്ത സംഗീത സന്ധ്യ ബഹുജനങ്ങളുടെ സാന്നിധ്യ സഹകരണത്താല്‍ നിറഞ്ഞിരുന്നു. സമൂഹത്തില്‍ പാര്‍ശ്വവല്‍ക്കരിക്കപ്പെട്ട വിഭാഗങ്ങളെ തങ്ങളാല്‍ കഴിയും വിധം സഹായിച്ചാലേ ക്രിസ്തുമസ്സിന്റെ യഥാര്‍ത്ഥ സന്ദേശം ഉള്‍ക്കൊള്ളാന്‍ സാധിക്കുകയുള്ളുവെന്ന സന്ദേശം ഉള്‍ക്കൊണ്ടുകൊണ്ട് തന്നെ ഈ സംരംഭത്തില്‍ സഹകരിച്ച നന്മയുള്ള മനുഷ്യരുടെ സഹായം DAFT AS A BRUSH ( Cancer patient Care Volanteers ) എന്ന സംഘടനക്കു നല്‍കി. തുടര്‍ന്ന് നടന്ന സംഗീത നിമിഷങ്ങളില്‍ വിവിധ വിഭാഗങ്ങളെ പ്രതിനിധികരിച്ചു കുട്ടികളും മുതിര്‍ന്നവരും അടങ്ങുന്ന സമൂഹങ്ങള്‍ തങ്ങളുടെ ദൈവ പുത്രജനനത്തിന്റെ സദ്വാര്‍ത്ത അറിയിച്ചു.
സംഘാടകര്‍ ഒരുക്കിയ സ്‌നേഹവിരുന്നില്‍ പങ്കെടുത്ത്, പുതുവര്‍ഷത്തിന്റെ ആശംസകള്‍ പങ്കിട്ടും സൗഹൃദങ്ങള്‍ പുതുക്കിയും ക്രിസ്തീയ സ്‌നേഹത്തിന്റെ ചൈതന്യം മറ്റുള്ളവരില്‍ എത്തിക്കാനുള്ള എളിയ ശ്രമത്തിനു സമൂഹത്തിന്റെ നാനാ വിഭാഗങ്ങളില്‍ നിന്നും വലിയ പിന്തുണയാണ് ലഭിക്കുന്നത്. എല്ലാ വര്‍ഷവും ജനുവരി ആദ്യ ഞായറാഴ്ചയാണ് ഈ കൂട്ടായ്മക്ക് നേതൃത്വം നല്‍കുന്നത്. വരും വര്‍ഷങ്ങളിലെ ദേവ സംഗീത രാവിന് കാതോര്‍ത്തു കൊണ്ട് ഈ എളിയ സ്‌നേഹക്കൂട്ടായ്മ വലിയ തുടക്കത്തിന്റെ ചെറിയ ആരംഭമാകെട്ടെയെന്നു ഇതിന്റെ സംഘാടകര്‍ ആശിക്കുന്നു.
ജെഗി ജോസഫ്
കുടുംബങ്ങളുടെ ഒത്തുചേരലിന് വേദിയൊരുക്കിയ ബ്രിസ്റ്റോള്‍ സെന്റ് തോമസ് സീറോ മലബാര്‍ കാത്തലിക് ചര്‍ച്ച് ക്രിസ്മസ്-പുതുവത്സര ആഘോഷങ്ങള്‍ അവിസ്മരണീയമായി. ഗ്രീന്‍വേ സെന്ററില്‍ ആഘോഷങ്ങള്‍ക്ക് കൊടിയുയര്‍ന്നപ്പോള്‍ കുടുംബങ്ങള്‍ ഒഴുകിയെത്തുന്ന കാഴ്ചയാണ് ദൃശ്യമായത്. വേദിയിലും, സദസ്സിലും ഒത്തൊരുമയുടെ സന്ദേശം ദൃശ്യമായപ്പോള്‍ എസ്ടിഎസ്എംസിസി 16-ാമത് ക്രിസ്മസ് ന്യൂഇയര്‍ പ്രോഗ്രാം അതിഗംഭീരമായി മാറി.
യുകെയിലെ ഏറ്റവും വലിയ സീറോ മലബാര്‍ സമൂഹങ്ങളിലൊന്നായ എസ്ടിഎംസിസിയുടെ 15 ഫാമിലി യൂണിറ്റുകള്‍ ഒത്തൊരുമിച്ചാണ് ഈ ക്രിസ്തുമസ് പുതുവത്സര ആഘോഷങ്ങള്‍ സംഘടിപ്പിച്ചത്. ഫാ. ജോയ് വയലില്‍ നടത്തിയ പ്രാര്‍ത്ഥനകളോടെ വിശ്വാസനിര്‍ഭരമായാണ് ചടങ്ങുകള്‍ക്ക് സമാരംഭം കുറിച്ചത്. എസ്ടിഎസ്എംസിസി ട്രസ്റ്റി ജോസ് മാത്യു സ്വാഗതപ്രസംഗം നടത്തിയപ്പോള്‍ ഫാ. ടോണി പഴയകളം ക്രിസ്മസ് സന്ദേശം നല്‍കി. ക്രിസ്മസിന്റെ സന്ദേശം ആഘോഷങ്ങളില്‍ മാത്രം ഒതുക്കാനുള്ളതല്ലെന്നും, ജീവിതത്തിലെ ഓരോ നിമിഷവും ചുറ്റുമുള്ളവരിലേക്ക് പകര്‍ന്നു നല്‍കേണ്ട നന്മയാണെന്നും ഓര്‍മ്മിപ്പിക്കുന്നതായി സന്ദേശം. റവ. ഫാ. ടോണി പഴയകളം, ഫാ. ജോയി വയലില്‍, ട്രസ്റ്റിമാരായ പ്രസാദ് ജോണ്‍, ജോസ് മാത്യു, ലിജോ പടയാട്ടില്‍ എന്നിവര്‍ ചേര്‍ന്ന് നിലവിളക്ക് കൊളുത്തിയാണ് ആഘോഷപരിപാടികളുടെ ഉത്ഘാടന കര്‍മ്മം നിര്‍വ്വഹിച്ചത്.
ക്രിസ്മസ് പപ്പാ വേദിയില്‍ സദസ്സിന് ആശംസകള്‍ അര്‍പ്പിച്ചതോടെ ആഘോഷ പരിപാടികള്‍ക്ക് തുടക്കാമായി. സെന്റ് മൈക്കിള്‍ വാര്‍ഡ് യൂണിറ്റിന്റെ നേതൃത്വത്തില്‍ ക്രിസ്മസ് പപ്പയും സംഘവും ആഘോഷത്തിന് തിരികൊളുത്തി. സണ്ണി സാറിന്റെ ഭക്തിഗാന അവതരണം സദസ്സിനെ ഒരുനിമിഷം ഭക്തിയില്‍ ആറാടിച്ചു. സെന്റ് അഗസ്റ്റിന്‍ വാര്‍ഡ് യൂണിറ്റിന്റെ നേതൃത്വത്തില്‍ മ്യൂസിക്കല്‍ സ്‌കിറ്റ്, സെന്റ് പാട്രിക് വാര്‍ഡ് യൂണിറ്റിന്റെ കരോള്‍ സോംഗ്, സെന്റ് വിന്‍സെന്റ് യൂണിറ്റിന്റെ ആക്ഷന്‍ സോംഗ് എന്നിവയും മികച്ചതായിരുന്നു.
എസ്ടിഎസ്എംസിസി ക്വയര്‍ ഗ്രൂപ്പ് അവതരിപ്പിച്ച കരോള്‍ ഗാനാവതരണം അരങ്ങേറി. സെന്റ് സ്റ്റീഫന്‍ യൂണിറ്റിന്റെ നേതൃത്വത്തില്‍ നൃത്തവും, സെന്റ് സെബാസ്റ്റ്യന്‍ യൂണിറ്റിന്റെ നേറ്റിവിറ്റിയും തുടര്‍ന്ന് വേദിയില്‍ അവതരിപ്പിക്കപ്പെട്ടു. ബ്രിസ്റ്റോള്‍ എക്യുമെനിക്കല്‍ കരോള്‍ സര്‍വ്വീസില്‍ പങ്കെടുത്ത കുട്ടികളുടെ കരോള്‍ ഗാനം, സെന്റ് തെരേസാസ് വാര്‍ഡ് യൂണിറ്റിന്റെ ഗ്രൂപ്പ് സോംഗ്, യൂത്ത് ഗ്രൂപ്പിന്റെ കരോള്‍ ഗാനം എന്നിവയും സദസ്സിന് മുന്നില്‍ അവതരിപ്പിച്ചു.
ഇതിന് ശേഷമാണ് സദസ്സ് ആകാംക്ഷയോടെ കാത്തിരുന്ന ‘കിംഗ് ഓഫ് ദി കിംഗ്സ്’ നാടകം അരങ്ങിലെത്തിയത്. റോജി ചങ്ങനാശ്ശേരിയുടെ സംവിധാന മികവില്‍ സദസ്സിന് മികച്ചൊരു കലാരൂപം സമ്മാനിക്കുന്ന നിമിഷമായിരുന്നു നാടകാവതരണം. മികച്ച അഭിനയത്തിലൂടെ റോജിയും സംഘവും പ്രേക്ഷകരെ കയ്യീലെടുത്തു. സെന്റ് ജോസഫ് വാര്‍ഡ് സെന്റ് സേവ്യര്‍ വാര്‍ഡ് കോര്‍ഡിനേറ്റര്‍മാരായ പ്രസാദ് ജോണ്‍, വിന്‍സെന്റ് തോമസ് എന്നിവരായിരുന്നു നാടകത്തിന്റെ അണിയറക്കാര്‍.
കലാപരിപാടികള്‍ പൂര്‍ത്തിയാക്കിയ ശേഷം ബ്രിസ്റ്റോള്‍ സീറോ മലബാര്‍ സമൂഹത്തില്‍ നിന്നും കഴിഞ്ഞ വര്‍ഷം വിവാഹിതരായ നാല് നവദമ്പതികള്‍ കേക്ക് മുറിച്ച് തങ്ങളുടെ സന്തോഷം പങ്കു വച്ചു. ഫാദര്‍ പോള്‍ വെട്ടിക്കാട്ട് എല്ലാവര്‍ക്കും ആശംസകള്‍ നേര്‍ന്നു. തുടര്‍ന്ന് ക്രിസ്മസ് ആഘോഷങ്ങള്‍ മനോഹരമാക്കാന്‍ പരിശ്രമിച്ച എല്ലാവര്‍ക്കും േൊെരര ട്രസ്റ്റി പ്രസാദ് ജോണ്‍ നന്ദി പ്രകാശിപ്പിച്ചു. ജിജോ പാലാട്ടി ഒരുക്കിയ വിഭവ സമൃദ്ധമായ സ്നേഹവിരുന്ന് രുചിയുടെ വിരുന്നായി മാറി. , അടുത്ത ക്രിസ്മസ് പുതുവത്സര ആഘോഷങ്ങള്‍ വരെ ഓര്‍മ്മയില്‍ ഇരിക്കുന്ന നിമിഷങ്ങളായിരുന്നു എസ്ടിഎംസിസി ആഘോഷങ്ങള്‍.
ബാബു ജോസഫ്
ബര്‍മിങ്ഹാം:കത്തോലിക്കാ നവസുവിശേഷവത്ക്കരണരംഗത്തെ വിവിധങ്ങളായ മിനിസ്ട്രികളിലോ മറ്റ് മേഖലകളിലോ പ്രവര്‍ത്തിക്കുകയോ അതിന് താല്പര്യപ്പെടുന്നവര്‍ക്കോ പങ്കെടുക്കാവുന്ന ശുശ്രൂഷാനുഭവ ധ്യാനം ഫെബ്രുവരി 17,18 ശനി, ഞായര്‍ തീയതികളില്‍ സെഹിയോന്‍ യൂറോപ്പ് ഡയറക്ടര്‍ റവ.ഫാ.സോജി ഓലിക്കലും പ്രശസ്ത വചനപ്രഘോഷകനും വിടുതല്‍ ശുശ്രൂഷകനുമായ ബ്രദര്‍ ഡോ.ജോണ്‍ ദാസും ചേര്‍ന്ന് നയിക്കുന്നു.
ലോകത്തിലെ വിവിധരാജ്യങ്ങളില്‍ വിവിധ മേഖലകളില്‍ ശുശ്രൂഷകള്‍ക്ക് നേതൃത്വം നല്‍കുന്ന അഭിഷേകാഗ്‌നി കാത്തലിക് മിനിസ്ട്രീസിന്റെ നേതൃത്വത്തിലാണ് രണ്ട് ദിവസത്തെ ഈ ധ്യാനം നടത്തപ്പെടുന്നത്. അനേകരുടെ ജീവിതത്തെ കത്തോലിക്കാ വിശ്വാസത്തിലേക്കും നവീകരണത്തിലേക്കും അതിലൂടെ പ്രേഷിത ശുശ്രൂഷാതലങ്ങളിലേക്കും വഴിതിരിച്ചുവിടാനും ഓരോരുത്തരുടെയും വ്യത്യസ്തങ്ങളായ ജീവിതസാഹചര്യങ്ങളില്‍ യഥാര്‍ത്ഥ ക്രിസ്തുശിഷ്യരായി എങ്ങനെ മാറണമെന്നും ലോകത്തിന് കാണിച്ചുകൊടുത്തുകൊണ്ടിരിക്കുന്ന ഫാ.സോജി ഓലിക്കലും ഡോ.ജോണും ഒരുമിക്കുന്ന ധ്യാനത്തില്‍ ശുശ്രൂഷകരായി ഏത് മിനിസ്ട്രികളിലൂടെയും പ്രവര്‍ത്തിച്ചുകൊണ്ട് നിലനില്‍പ്പും വളര്‍ച്ചയും ആഗ്രഹിക്കുന്നവര്‍ക്കോ ആയതിന് താല്പര്യപ്പെടുന്നവര്‍ക്കോ പങ്കെടുക്കാം.
കുട്ടികള്‍ക്കായി പ്രത്യേക ശുശ്രൂഷകളും രണ്ട് ദിവസങ്ങളിലും നടത്തപ്പെടുന്നതാണ്.സമയം ഫെബ്രുവരി 17 ശനിയാഴ്ച്ച രാവിലെ 10 മുതല്‍ വൈകിട്ട് 6വരെ , 18 ഞായര്‍ രാവിലെ 11 .30 മുതല്‍ വൈകിട്ട് 6 വരെ.
അഭിഷേകാഗ്‌നി കാത്തലിക് മിനിസ്ട്രീസ് ധ്യാനത്തിലേക്ക് ഓരോരുത്തരെയും യേശുനാമത്തില്‍ സ്വാഗതം ചെയ്യുന്നു.
ADDRESS.
ST.JERRARD CATHOLIC CHURCH
CASTLE VALE
BIRMINGHAM
B35 6JT.
കൂടുതല്‍ വിവരങ്ങള്‍ക്ക്
അനി ജോണ്‍ 07958 745246
ബാബു ജോസഫ്
ബ്രിസ്റ്റോള്‍: അനുഗ്രഹ സമ്മാനമായി നവവത്സരത്തിലെ ആദ്യ എറൈസ് ബ്രിസ്റ്റോള്‍ ജനുവരി 15 ന് തിങ്കളാഴ്ച്ച നടക്കും. അഭിഷേകാഗ്‌നി കാത്തലിക് മിനിസ്റ്റ്രീസ് സെഹിയോന്‍ യൂറോപ്പ് നേതൃത്വം നല്‍കുന്ന കണ്‍വെന്‍ഷന്‍ ഇത്തവണ റവ.ഫാ.സോജി ഓലിക്കല്‍ നയിക്കും. പരിശുദ്ധാത്മാഭിഷേകത്താല്‍ ദേശത്തിന് അനുഗ്രഹമായിമാറിക്കൊണ്ട് വരദാനഫലങ്ങള്‍ വര്‍ഷിക്കപ്പെടുന്ന ഈ കണ്‍വെന്‍ഷനും രോഗശാന്തി ശുശ്രൂഷയും വൈകിട്ട് 6 മുതല്‍ രാത്രി 9.30 വരെയാണ് നടത്തപ്പെടുക.അഭിഷേകാഗ്‌നി കാത്തലിക് മിനിസ്ട്രീസ് സെഹിയോന്‍ യൂറോപ്പ് ടീം 15 ന് തിങ്കളാഴ്ച്ച വൈകിട്ട് നടക്കുന്ന എറൈസ് ബ്രിസ്റ്റോള്‍ ബൈബിള്‍ കണ്‍വെന്‍ഷനിലേക്ക് യേശുനാമത്തില്‍ ഏവരെയും സ്വാഗതം ചെയ്യുന്നു.
ADRESS
ST.VINCENT DE PAUL RC CHURCH
EMBELTON ROAD
SOUTHMEAD
BRISTOL
BS10 6DS.
കൂടുതല്‍ വിവരങ്ങള്‍ക്ക്
George 07811 197278
Roy.07888853279
ബര്‍മിങ്ഹാം: യുവത്വത്തിന്റെ വീറും വാശിയും ദൈവമഹത്വത്തിനായി വഴിമാറിയപ്പോള്‍ അത് വരുംനാളുകളില്‍ ക്രിസ്തീയ വിശ്വാസത്തിലേക്കുള്ള യൂറോപ്പിന്റെ മടങ്ങിവരവിന് കളമൊരുക്കുമെന്ന ശക്തമായ പ്രതീക്ഷയേകി നവസുവിശേഷ വത്കരണത്തിനായുള്ള സെഹിയോന്‍ യൂറോപ്പിന്റെ പുതിയ തുടക്കം ‘എബ്ലേസ് 2018 ‘ മ്യൂസിക്കല്‍ കണ്‍സേര്‍ട്ട് സമാപിച്ചു. അഭിഷേകാഗ്‌നി കാത്തലിക് മിനിസ്ട്രിയുടെ ആഭിമുഖ്യത്തില്‍ റവ.ഫാ.സോജി ഓലിക്കലും സെഹിയോന്‍ യൂറോപ്പ് വിറ്റ്‌നെസസ് ബാന്‍ഡ് ടീമും നയിച്ച എബ്ലേസ് 2018 നായി ദേശഭാഷാ വ്യത്യാസമില്ലാതെ എത്തിച്ചേര്‍ന്ന യുവതീയുവാക്കളും കുട്ടികളും ദൈവസ്‌നേഹത്തില്‍ ഒരേസ്വരത്തില്‍ ആര്‍ത്തുപാടിയപ്പോള്‍ അത് നാളെയുടെ നവസുവിശേഷ വത്കരണത്തിന്റെ പുതിയ തുടക്കമായി മാറി. ആത്മീയ സാരാംശമുള്‍ക്കൊള്ളുന്ന നയന മനോഹരങ്ങളായ വിവിധ പ്രോഗ്രാമുകള്‍ മാറിമാറി അവതരിപ്പിക്കപ്പെട്ടതിലൂടെ അതില്‍ ദൈവിക കരസ്പര്‍ശം സാധ്യമായതിന്റെ അനുഭവമായിരുന്നു ഏവര്‍ക്കും. ദൈവികാനുഗ്രഹത്താലും പരിശുദ്ധാത്മ നിറവോടെയും നയിക്കപ്പെട്ട എബ്ലേസ് മ്യൂസിക്കല്‍ കണ്‍സേര്‍ട്ട് യൂറോപ്പിന്റെ മണ്ണില്‍ പൈശാചികതയെ കുഴിച്ചുമൂടുമെന്ന പുതുതലമുറയുടെ പ്രഖ്യാപനം കൂടിയായിരുന്നു.
വിവിധ ദേശങ്ങളില്‍ നിന്നായി കോച്ചുകളിലും ബസുകളിലും മറ്റുമായി അനേകം ആളുകള്‍ എത്തിച്ചേര്‍ന്ന എബ്ലേസ് 2018 ന്റെ ലൈവ് സ്ട്രീം അടങ്ങിയ ചിത്രങ്ങള്‍ കാണാം.
ആയിരങ്ങളുടെ പ്രാര്‍ത്ഥനയുടെയും പരിത്യാഗത്തിന്റെയും പിന്‍ബലത്തില്‍ ആത്മീയമായി കൂടുതല്‍ ഉണര്‍വോടെ റവ.ഫാ.സോജി ഓലിക്കല്‍ നയിക്കുന്ന പുതുവര്‍ഷത്തിലെ ആദ്യ രണ്ടാം ശനിയാഴ്ച്ച കണ്‍വെന്‍ഷന്‍ 13ന് പതിവ് പോലെ ബര്‍മിങ്ഹാം ബഥേല്‍ സെന്ററില്‍ നടക്കും. സെഹിയോന്‍ യൂറോപ്പിലെ പ്രശസ്ത വചന പ്രഘോഷകന്‍ ഫാ. ഷൈജു നടുവത്താനി, പ്രമുഖ സുവിശേഷ പ്രവര്‍ത്തകന്‍ കാനോന്‍ ബ്രയാന്‍, കോട്ടയം ക്രിസ്റ്റീന്‍ ധ്യാനകേന്ദ്രത്തിലെ ബ്രദര്‍ സന്തോഷ് ടി എന്നിവരും 2018ലെ ആദ്യ രണ്ടാം ശനിയാഴ്ച്ച കണ്‍വെന്‍ഷനില്‍ തിരുവചന സന്ദേശ ശുശ്രൂഷകളില്‍ പങ്കുചേരും. ശക്തമായ വിടുതലും രോഗശാന്തിയും അത്ഭുതങ്ങളും അടയാളങ്ങളും സാധ്യമായിക്കൊണ്ടിരിക്കുന്ന കണ്‍വെന്‍ഷനില്‍ കുട്ടികള്‍ക്കായി പ്രത്യേക ശുശ്രൂഷകള്‍, കുമ്പസാരം, സ്പിരിച്വല്‍ ഷെയറിങ് എന്നിവയും ഉണ്ടായിരിക്കും. അഭിഷേകാഗ്‌നി കാത്തലിക് മിനിസ്ട്രിയുടെ നേതൃത്വത്തിലുള്ള നവസുവിശേഷ പ്രവര്‍ത്തനങ്ങളുടെ സംഗമവേദി കൂടിയായ ബര്‍മിങ്ഹാം ബെഥേല്‍ സെന്ററിലേക്ക് ഫാ.സോജി ഓലിക്കലും സെഹിയോന്‍ കുടുംബവും 13ന് രണ്ടാം ശനിയാഴ്ച്ച കണ്‍വെന്‍ഷനായി യേശുനാമത്തില്‍ ഏവരെയും ക്ഷണിക്കുന്നു.
അഡ്രസ്സ്
BETHEL CONVENTION CENTRE
KEVIN WAY
WEST BROMWICH
BIRMINGHAM
B70 7JW
കൂടുതല്‍ വിവരങ്ങള്‍ക്ക് ;
ഷാജി 07878 149670
അനീഷ് 0760 254700
ബിജുമോന്‍ 07515 368239
കണ്‍വെന്‍ഷനായി വിവിധ പ്രദേശങ്ങളില്‍നിന്നും ഏര്‍പ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയുംപറ്റിയുള്ള പൊതു വിവരങ്ങള്‍ക്ക്; ടോമി ചെമ്പോട്ടിക്കല്‍ 07737 935424
ബിജു എബ്രഹാം 07859 890267
ജെഗി ജോസഫ്
ആഘോഷങ്ങള്‍ ഒത്തൊരുമിക്കാനുള്ള വേദി കൂടിയാക്കി മാറ്റിക്കൊണ്ട് എസ്ടിഎസ്എംസിസി ക്രിസ്മസ് പുതുവത്സര ആഘോഷങ്ങള്‍ നാളെ ഗ്രീന്‍വേ സെന്ററില്‍ അരങ്ങേറും. യുകെയിലെ ഏറ്റവും വലിയ സീറോ മലബാര്‍ സമൂഹങ്ങളിലൊന്നായ എസ്ടിഎംസിസി യുടെ 16-ാമത് ക്രിസ്മസ് ന്യൂഇയര്‍ പ്രോഗ്രാമാണ് ഈ വര്‍ഷം ഗ്രീന്‍വേ സെന്ററില്‍ നടക്കുന്നത്. എസ്ടിഎംസിസി യുടെ 15 ഫാമിലി യൂണിറ്റുകള്‍ ഒന്ന് ചേര്‍ന്നാണ് ക്രിസ്തുമസ് പുതുവത്സര ആഘോഷങ്ങള്‍ സംഘടിപ്പിക്കുന്നത്. ജനങ്ങളുടെ മനസ്സുകളില്‍ പ്രതീക്ഷയുടെ തിരിനാളം കൊളുത്തിയ ക്രിസ്മസ് ആഘോഷങ്ങള്‍ക്കൊപ്പം ഇന്നില്‍ ജീവിക്കാന്‍ പ്രേരിപ്പിക്കുന്ന പുതുവര്‍ഷത്തെ കൂടി വരവേറ്റുകൊണ്ടാണ് എസ്ടിഎസ്എംസിസി ഇക്കുറി ആഘോഷങ്ങള്‍ കൊണ്ടാടുന്നത്.
ഫാ. ജോയ് വയലില്‍ നടത്തുന്ന പ്രാര്‍ത്ഥനകളോടെ ആഘോഷപരിപാടികള്‍ക്ക് തുടക്കമാകും. എസ്ടിഎസ്എംസിസി ട്രസ്റ്റി ജോസ് മാത്യു സ്വാഗതപ്രസംഗവും, ഫാ. ടോണി പഴയകളം ക്രിസ്മസ് സന്ദേശവും നല്‍കും. ഇതിന് ശേഷമാണ് ക്രിസ്മസ് പുതുവത്സര പരിപാടികള്‍ അരങ്ങേറുക. ക്രിസ്മസ് പപ്പാ വേദിയില്‍ ആശംസകളുമായി എത്തി അംഗങ്ങളെ കാണും. സെന്റ് മൈക്കിള്‍ വാര്‍ഡ് യൂണിറ്റിന്റെ നേതൃത്വത്തിലാണ് ഈ പരിപാടി. തുടര്‍ന്ന് സണ്ണി സാര്‍ ഭക്തിഗാനം അവതരിപ്പിക്കും. സെന്റ് അഗസ്റ്റിന്‍ വാര്‍ഡ് യൂണിറ്റിന്റെ നേതൃത്വത്തില്‍ മ്യൂസിക്കല്‍ സ്‌കിറ്റ് അവതരണവുമുണ്ട്. സെന്റ് പാട്രിക് വാര്‍ഡ് യൂണിറ്റ് അവതരിപ്പിക്കുന്ന കരോള്‍ സോംഗ്, സെന്റ് വിന്‍സെന്റ് യൂണിറ്റിന്റെ ആക്ഷന്‍ സോംഗ് എന്നിവയും നടത്തും.
ഇതിന് ശേഷം എസ്ടിഎസ്എംസിസി കോറസ് അവതരിപ്പിക്കുന്ന മുുതിര്‍ന്നവരുടെ കരോള്‍ ഗാനാവതരണം നടക്കും. സെന്റ് സ്റ്റീഫന്‍ യൂണിറ്റ് കോര്‍ഡിനേറ്റിന്റെ നേതൃത്വത്തില്‍ നൃത്തവും, സെന്റ് സെബാസ്റ്റ്യന്‍ യൂണിറ്റിന്റെ നേതൃത്വത്തില്‍ നേറ്റിവിറ്റിയും അരങ്ങേറും. ബ്രിസ്റ്റോള്‍ എക്യുമെനിക്കല്‍ കരോള്‍ സര്‍വ്വീസില്‍ പങ്കെടുത്ത കുട്ടികളുടെ കരോള്‍ ഗാനവുമുണ്ടാകും. സെന്റ് തെരേസാസ് വാര്‍ഡ് യൂണിറ്റിന്റെ നേതൃത്തില്‍ ഗ്രൂപ്പ് സോംഗ്, യൂത്ത് ഗ്രൂപ്പിന്റെ കരോള്‍ ഗാനം എന്നിവയ്ക്ക് ശേഷം സെന്റ് ജോസഫ് വാര്‍ഡ്സെന്റ് സേവ്യര്‍ വാര്‍ഡ് കോര്‍ഡിനേറ്റര്‍മാരായ പ്രസാദ് ജോണ്‍, വിന്‍സെന്റ് തോമസ് എന്നിവരുടെ നേതൃത്വത്തില്‍ റോജി ചങ്ങനാശേരി സംവിധാനം ചെയ്യുന്ന ‘കിംഗ് ഓഫ് ദി കിംഗ്സ്’ നാടകം അവതരിപ്പിക്കും.
ഈ ആഘോഷത്തിന് ശേഷം നവദമ്പതികളുടെ കേക്ക് മുറിക്കലും മധുരം പങ്കുവെയ്ക്കലോടും കൂടി ഈ വര്‍ഷത്തെ ക്രിസ്മസ്പുതുത്സര ആപരിപാടികള്‍ അവസാനിക്കും. പരിപാടികള്‍ക്ക്‌ശേഷം വിഭവസമൃദ്ധമായ സ്നേഹവിരുന്ന് ഒരുക്കിയിട്ടുണ്ട്. പുതുവര്‍ഷത്തിന്റെ എല്ലാവിധ മംഗളങ്ങളും നേര്‍ന്നുകൊണ്ട് എസ്ടിഎംസിസി വികാരി ഫാദര്‍ പോള്‍ വെട്ടിക്കാട്ട്, ട്രസ്റ്റിമാരായ പ്രസാദ് ജോണ്‍, ജോസ് മാത്യു, ലിജോ പടയാട്ടില്‍ തുടങ്ങിയവര്‍ ഏവരേയും ക്രിസ്മസ് ന്യൂ ഇയര്‍ പരിപാടിയിലേക്ക് സ്വാഗതം ചെയ്യുന്നു.
