ഫാ. ബിജു കുന്നയ്ക്കാട്ട് പി.ആര്‍.ഒ
ഭൗതിക ജീവിതത്തിലെ തിരക്കുകളും ഉത്തരവാദിത്വങ്ങളും വര്‍ധിക്കുമ്പോഴും ആത്മീയ ജീവിതത്തെ ലാഘവത്തോടെ കാണരുതെന്നും ദൈവിക ഉത്തരവാദിത്വങ്ങള്‍ മറക്കരുതെന്നും ഗ്രേറ്റ് ബ്രിട്ടണ്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ ഓര്‍മ്മിപ്പിച്ചു. ഒക്ടോബറില്‍ നടക്കാനിരിക്കുന്ന ‘ഗ്രേറ്റ് ബ്രിട്ടണ്‍ അഭിഷേകാഗ്നി’ ധ്യാനത്തിന് വിശ്വാസികളെ സജ്ജമാക്കുന്ന ഏകദിന ഒരുക്ക ധ്യാനത്തിന്റെ മൂന്നാം ദിവസം കേംബ്രിഡ്ജ് സെന്റ് ബാപ്റ്റിസ്റ്റ് കത്തീഡ്രല്‍ ദേവാലയത്തില്‍ ദിവ്യബലിയര്‍പ്പിച്ചു വചന സന്ദേശം നല്‍കുകയായിരുന്നു അദ്ദേഹം. സഭയില്‍ പരിശുദ്ധാത്മാവിന്റെ പ്രവര്‍ത്തനങ്ങള്‍ പ്രത്യേകമായി അനുസ്മരിക്കുന്ന ഈ ശ്ലീഹാകാലത്തില്‍ അപ്പസ്‌തോലന്മാരെപ്പോലെ സാക്ഷ്യം വഹിക്കാനും ദൗത്യം നിര്‍വ്വഹിക്കാനും എല്ലാവര്‍ക്കും കടമയുണ്ടെന്നും അദ്ദേഹം പറഞ്ഞു.
ഒരുക്ക ധ്യാനത്തില്‍ വചന പ്രഘോഷണം നടത്തിയ രൂപതാ ന്യൂ ഇവാഞ്ചലൈസേഷന്‍ ഡയറക്ടര്‍ റവ. ഫാ. സോജി ഓലിക്കലും പ്രശസ്ത അല്‍മായ വചന പ്രഘോഷകന്‍ ബ്രദര്‍ റെജി കൊട്ടാരവും ആത്മീയ ജീവിതത്തില്‍ മധ്യസ്ഥ പ്രാര്‍ത്ഥനയുടെ പ്രാധാന്യവും ഫലദായകത്വവും വിശ്വാസികളെ ഓര്‍മ്മിപ്പിച്ചു. അനുഗ്രഹീത ക്രിസ്തീയ ഭക്തിഗാന സംഗീത സംവിധായകന്‍ പീറ്റര്‍ ചേരാനല്ലൂര്‍ നേതൃത്വം നല്കിയ സംഗീത ശുശ്രൂഷയും ആത്മീയ ഉണര്‍വേകി. ധ്യാനത്തിന്റെ തുടക്കത്തില്‍ കേംബ്രിഡ്ജ് റീജിയണിന്റെ കോര്‍ഡിനേറ്റര്‍ റവ. ഫാ. ടെറിന്‍ മുല്ലക്കര എല്ലാവര്‍ക്കും സ്വാഗതാമശംസിച്ചു.
നാലാം ഏകദിന ഒരുക്കധ്യാനം തിങ്കളാഴ്ച മാഞ്ചസ്റ്റര്‍ റീജിയണില്‍ നടക്കും. ലോംഗ്സൈറ്റ് സെന്റ് ജോസഫ്‌സ് ദേവാലയത്തില്‍ നടക്കുന്ന ഏകദിന ധ്യാനം വൈകിട്ട് 5.30 മുതല്‍ 9.30 വരെയായിരിക്കുമെന്ന് മാഞ്ചസ്റ്റര്‍ റീജിയണല്‍ കോര്‍ഡിനേറ്ററും രൂപതാ വികാരി ജനറലുമായ വെരി. റവ. ഫാ. സജിമോന്‍ മലയില്‍ പുത്തന്‍പുരയില്‍ അറിയിച്ചു. (ധ്യാനം നടക്കുന്ന ദേവാലയത്തിന്റെ അഡ്രസ്സ് : St. Joseph Church, Longsight, Manchester, M13 OBU). ദൈവാനുഗ്രഹ സമൃദ്ധി നേടാന്‍ എല്ലാവരെയും യേശുനാമത്തില്‍ സ്‌നേഹപൂര്‍വ്വം സ്വാഗതം ചെയ്യുന്നു.
ബര്‍മിങ്ഹാം:പന്തക്കുസ്താ വാരത്തിലെ രണ്ടാംശനിയാഴ്ച്ച കണ്‍വെന്‍ഷനില്‍ വീണ്ടുമൊരു പന്തക്കുസ്താനുഭവത്തിനായി ബഥേല്‍ ഒരുങ്ങി. ആയിരങ്ങളുടെ പ്രാര്‍ത്ഥനയാല്‍ നയിക്കപ്പെടുന്ന കണ്വെന്ഷന് നാളെ രാവിലെ 8ന് ആരംഭിക്കുമ്പോള്‍, റവ.ഫാ. സോജി ഓലിക്കലിനൊപ്പം ഇത്തവണ അഭിഷേക ശുശ്രൂഷയുമായി വീണ്ടും ഗ്രേറ്റ് ബ്രിട്ടണ്‍ സീറോ മലബാര്‍ രൂപത ബിഷപ്പ് മാര്‍.ജോസഫ് സ്രാമ്പിക്കല്‍, പ്രശസ്ത വചനപ്രഘോഷകനും കാലഘട്ടത്തിന്റെ ദൈവികോപകരണമായിക്കൊണ്ട് അടയാളങ്ങളും അത്ഭുതങ്ങളും സാധ്യമാക്കുവാന്‍ ദൈവം തെരഞ്ഞെടുത്തുപയോഗിച്ചുകൊണ്ടിരിക്കുന്ന വിടുതല്‍ ശുശ്രൂഷകനുമായ ബ്രദര്‍ റെജി കൊട്ടാരം എന്നിവരും വചനവേദിയിലെത്തും.
കണ്‍വെന്‍ഷനെപ്പറ്റിയുള്ള വീഡിയോ കാണാം
അത്ഭുതങ്ങളും അടയാളങ്ങളും ശക്തമായ വിടുതലും രോഗശാന്തിയും മനഃപരിവര്‍ത്തനവുമായി ഈ ദൈവിക ശുശ്രൂഷയില്‍ സംഭവിക്കുമ്പോള്‍, അനേകം വ്യക്തികള്‍ക്കും കുടുംബങ്ങള്‍ക്കും അവ ആശ്വാസമാകുമ്പോള്‍, അത് യൂറോപ്യന്‍ നവസുവിശേഷവത്ക്കരണപാതയില്‍ മുന്നോട്ടുള്ള ചുവടുവയ്പ്പിന് സഹായകമായിത്തീരുന്നു.
അഞ്ചുവയസുമുതല്‍ വിവിധ പ്രായക്കാരായ കുട്ടികള്‍ക്ക് പ്രത്യേക ക്ലാസ്സുകളും അനുബന്ധ ശുശ്രൂഷകളും നടക്കുമ്പോള്‍ യഥാര്‍ത്ഥ ദൈവികസ്വാതന്ത്ര്യം പ്രതിപാദിക്കുന്ന പ്രത്യേക ‘ടീന്‍ റിവൈവല്‍ കണ്വെന്ഷന്’ ഇത്തവണ ടീനേജുകാര്‍ക്കായി നടക്കുന്നു. കുട്ടികള്‍ക്കായി കിങ്ഡം റെവലേറ്റര്‍ മാഗസിന്‍ സൗജന്യമായി കണ്‍വെന്‍ഷനില്‍ വിതരണം ചെയ്യുന്നു.
രാവിലെ മരിയന്‍ റാലിയോടെ തുടങ്ങുന്ന കണ്വെന്ഷന് വൈകിട്ട് 4നു ദിവ്യകാരുണ്യ പ്രദക്ഷിണത്തോടെ സമാപിക്കും. ഏതൊരാള്‍ക്കും മലയാളത്തിലോ ഇംഗ്ലീഷിലോ കുമ്പസാരിക്കുവാനും സ്പിരിച്വല്‍ ഷെയറിങ്ങിനും സൗകര്യമുണ്ടായിരിക്കും. ഇംഗ്ലീഷിലും മലയാളത്തിലുമുള്ള ബൈബിള്‍ മറ്റ് പ്രാര്‍ത്ഥന പുസ്തകങ്ങള്‍, ബുക്കുകള്‍, പ്രാര്‍ത്ഥനാ ഉപകരണങ്ങള്‍ എന്നിവയടങ്ങിയ ‘എല്‍ഷദായ് ‘ സെന്റര്‍ കണ്‍വെന്‍ഷനില്‍ പ്രവര്‍ത്തിക്കുന്നതാണ്. അഭിഷേക നിറവിനാല്‍ വരദാനഫലങ്ങള്‍ വര്‍ഷിക്കപ്പെടുന്ന ഈ അനുഗ്രഹീത ശുശ്രൂഷയിലേക്കു ഫാ. സോജി ഓലിക്കലും സെഹിയോന്‍ കുടുംബവും ഏവരെയും ഒരിക്കല്‍ കൂടി ക്ഷണിക്കുകയും പ്രത്യേക പ്രാര്‍ത്ഥനാസഹായം അപേക്ഷിക്കുകയും ചെയ്യുന്നു.
സ്ഥലം:
ബഥേല്‍ കണ്വെന്ഷന് സെന്റര്‍
കെല്‍വിന്‍ വേ
വെസ്റ്റ് ബ്രോംവിച്ച്
ബര്‍മ്മിംഗ്ഹാം
ആ70 7ഖണ
കൂടുതല്‍ വിവരങ്ങള്‍ക്ക്:
ഷാജി: 07878149670
അനീഷ്: 07760254700
കണ്വെന്ഷന് സെന്ററിലേക്ക് യുകെ യുടെ വിവിധ പ്രദേശങ്ങളില്‍നിന്നും ഏര്‍പ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയുംപറ്റിയുള്ള പൊതുവിവരങ്ങള്‍ക്ക്:
ടോമി ചെമ്പോട്ടിക്കല്‍: 07737935424.
പരിശുദ്ധ അമ്മയോട് ചേര്‍ന്ന് ലോകം മുഴുവന്‍ യേശു ക്രിസ്തുവിന്റെ സുവിശേഷം എത്തിക്കുക എന്ന ലക്ഷ്യത്തോടെ ക്വീന്‍ മേരി മിനിസ്ട്രിയുടെ നേതൃത്വത്തില്‍ അമേരിക്കയില്‍ ആരംഭിച്ച മാധ്യമസംരഭങ്ങളാണ് മരിയന്‍ ടിവിയും മരിയന്‍ ടൈംസ്, മരിയന്‍ വോയ്‌സ്, മരിയന്‍ ഫോക്കസ് എന്നീ പ്രസിദ്ധീകരണങ്ങളും. 2016 ഡിസംബറില്‍ സീറോ മലബാര്‍ ഗ്രേറ്റ് ബ്രിട്ടന്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ രക്ഷാധികാരിയായി മരിയന്‍ ടിവിയും മരിയന്‍ പ്രസിദ്ധീകരണങ്ങളും യുകെയില്‍ ആരംഭം കുറിച്ചു. ദൈവാനുഗ്രഹത്താല്‍ അമേരിക്കയിലെ പോലെ യുകെയിലെ വിശ്വാസികളും ഈ മാധ്യമ സംരംഭങ്ങളെ ഇരു കൈകളും നീട്ടി സ്വീകരിച്ചു. ഇപ്പോള്‍ മരിയന്‍ മാധ്യമങ്ങള്‍ പുതിയ രാജ്യങ്ങളിലേക്ക് വ്യാപിക്കുന്നതിന്റെ സന്തോഷം പ്രിയപ്പെട്ട വായനക്കാരെയും സ്‌നേഹിതരെയും അറിയിക്കുന്നു.
അനുഗ്രഹീതരായ വചനപ്രഘോഷകരുടെ പ്രഭാഷണങ്ങള്‍ മുഴുവന്‍ സമയവും സംപ്രേക്ഷണം ചെയ്യുന്ന 24/7 കത്തോലിക്കാ ചാനലാണ് മരിയന്‍ ടിവി. ആഗോള കത്തോലിക്കാ വാര്‍ത്തകളും ആത്മനിറവേകുന്ന ലേഖനങ്ങളും ഫീച്ചറുകളും ഉള്‍ക്കൊള്ളിച്ച് മാസം തോറും പ്രസിദ്ധീകരിക്കുന്ന സമ്പൂര്‍ണ കത്തോലിക്കാ മലയാളം വാര്‍ത്താപത്രമാണ് മരിയന്‍ ടൈംസ്. ദൈവമാതാവിനെ കുറിച്ചുള്ള ലേഖനങ്ങളും ഫീച്ചറുകളും അനുഭവങ്ങളും ഉള്‍ച്ചേര്‍ത്ത് മാതൃഭക്തി പ്രചരിപ്പിക്കുക എന്ന ലക്ഷ്യത്തോടെ പ്രസിദ്ധീകരിക്കുന്ന മലയാളം മാസികയാണ് മരിയന്‍ വോയ്‌സ്
ജീവിതത്തിന് പ്രകാശം പകരുന്ന ലേഖനങ്ങളും പ്രശസ്തരുടെ വിശ്വാസാനുഭവങ്ങളും മികച്ച ചിന്തകളും ഫീച്ചറുകളുമായെത്തുന്ന സമ്പൂര്‍ണ ഇംഗ്ലീഷ് മാസികയാണ് മരിയന്‍ ഫോക്കസ്. അമേരിക്ക, യൂറോപ്പ്, ആസ്‌ട്രേലിയ എന്നീ ഭൂഖണ്ഡങ്ങളില്‍ മരിയന്‍ പ്രസിദ്ധീകരണങ്ങള്‍ ലഭ്യമാണ്. റോക്കു ഡിവൈസ് വഴി മരിയന്‍ ടിവി ലോകത്തിന്റെ വിവധ ഭാഗങ്ങളില്‍ ഇരുന്ന് കാണാവുന്നതാണ്.
ഐഫോണിലും ഐപാഡിലും ആന്‍ഡ്രോയിഡ് ഫോണിലും മരിയന്‍ ടിവിയുടെ ആപ്ലിക്കേഷന്‍ ഡൗണ്‍ലോഡ് ചെയ്ത് ഉപയോഗിക്കാം. Marian TV World Television എന്ന പേരില്‍ 24/7 ഇംഗ്ലീഷ് ചാനല്‍ ആഗോളപ്രേക്ഷകര്‍ക്കായി ഉടന്‍ പ്രവര്‍ത്തനം ആരംഭിക്കും.
ലോക സുവിശേഷ വല്‍ക്കരണത്തില്‍ പങ്കുചേരാന്‍ മരിയന്‍ ടിവിയെ അനുഗ്രഹിക്കുന്നതിന് ദൈവത്തിന് നന്ദി. ലോകത്തില്‍ എവിടെയും ഇരുന്ന് മരിയന്‍ മിനിസ്ട്രിയോട് ചേര്‍ന്ന് പ്രവര്‍ത്തിക്കാന്‍ താല്പര്യമുള്ളവര്‍ ബന്ധപ്പെടുക.
Marian Ministry, 506 Parlin Street, Philadelphia, PA – 19116 USA, 4 Magnolia Avenue, Exeter, EX2 6 DJ – UK
001 215 971 3319, 0044 789 950 2804
[email protected] , [email protected], www.mariantvworld.org, www.mariantveurope.org
ദിവസവും ആത്മീയാഭിഷേകം ലഭിക്കുന്ന വചനങ്ങളും പ്രാര്‍ത്ഥനകളും ലഭിക്കുവാനും മറ്റുള്ളവരിലേക്ക് പകരുവാനും Share ചെയ്യുവാനും ഞങ്ങളുടെ ഫേസ്ബുക്ക് പേജ് www.facebook.com/marianprayer ലൈക്ക് ചെയ്യുക.
ഫാ. ബിജു കുന്നയ്ക്കാട്ട് പി.ആര്‍.ഒ
ലണ്ടന്‍: യഥാര്‍ത്ഥ ജീവനായ ഈശോ തന്നെയാണ് സ്വര്‍ഗമെന്നും ആ സ്വര്‍ഗ്ഗം സ്വന്തമാക്കാന്‍ എല്ലാവരും പരിശ്രമിക്കണമെന്നും ഗ്രേറ്റ് ബ്രിട്ടണ്‍ സീറോ മലബാര്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ അഭിപ്രായപ്പെട്ടു. ഒക്ടോബറില്‍ നടക്കാനിരിക്കുന്ന ‘ഗ്രേറ്റ് ബ്രിട്ടണ്‍ അഭിഷേകാഗ്നി’ ധ്യാനത്തിന്റെ മുന്നോടിയായി നടക്കുന്ന ഒരുക്കധ്യാനത്തിന് ലണ്ടന്‍ റീജിയണില്‍ ദിവ്യബലിയര്‍പ്പിച്ച് സന്ദേശം നല്‍കുകയായിരുന്നു അദ്ദേഹം. തിന്മയുടെ അന്ധകാരത്തില്‍ നിന്ന് മാറി നന്മയിലേക്ക് വരുമ്പോഴാണ് സ്വര്‍ഗ്ഗരാജ്യ അനുഭവം സാധ്യമാകുന്നതെന്നും അദ്ദേഹം കൂട്ടിച്ചേര്‍ത്തു.
എഡ്മന്റണ്‍ ദേവാലയത്തില്‍ രാവിലെ 9.30-ന് ആരംഭിച്ച ഏകദിന കണ്വെന്ഷന് കോ-ഓര്‍ഡിനേറ്റര്‍ റവ. ഡോ. തോമസ് പാറയടിയില്‍ സ്വാഗതമാശംസിച്ചു. തുടര്‍ന്ന് ആരാധനാസ്തുതികള്‍, ജപമാല, വചനപ്രഘോഷണം, ആഘോഷമായ വി. കുര്‍ബാന, ദിവ്യകാരുണ്യ ആരാധന എന്നിവ നടന്നു. റീജിയണിനു കീഴിലുള്ള വിവിധ വി. കുര്‍ബാന കേന്ദ്രങ്ങളില്‍ നിന്ന് വിശ്വാസികള്‍ ഏകദിന കണ്‍വന്‍ഷനില്‍ പങ്കുചേര്‍ന്നു. വചന പ്രഘോഷകരായ റവ. ഫാ. സോജി ഓലിക്കല്‍, ബ്രദര്‍ റെജി കൊട്ടാരം എന്നിവര്‍ വചന പ്രഘോഷണ ശുശ്രൂഷ നയിച്ചപ്പോള്‍ പ്രശസ്ത ക്രിസ്തീയ സംഗീത സംവിധായകന്‍ പീറ്റര്‍ ചേരാനെല്ലൂര്‍ ഗാനശുശ്രൂഷയ്ക്ക് നേതൃത്വം നല്‍കി.
ഒക്ടോബറില്‍ നടക്കാനിരിക്കുന്ന അഭിഷേകാഗ്നി കണ്‍വെന്‍ഷനു വേണ്ടിയുള്ള വോളണ്ടിയേഴ്‌സിനെയും തിരഞ്ഞെടുത്തു. വിവിധ കമ്മിറ്റികള്‍ക്കു നേതൃത്വം നല്‍കുന്ന കമ്മിറ്റിയില്‍ നിന്ന് ഒരു കോര്‍ കമ്മിറ്റിയെയും രൂപീകരിച്ചു. മൂന്നാമത്തെ റീജിയണായ കേംബ്രിഡ്ജില്‍ ഇന്ന് ഏകദിന ഒരുക്കധ്യാനം നടക്കും. രാവിലെ 9 മുതല്‍ വൈകിട്ട് 5 വരെയാണ് ധ്യാനസമയം. ഒരുക്കങ്ങള്‍ പൂര്‍ത്തിയായതായി കണ്വെന്ഷന് കണ്‍വീനര്‍ റവ. ഫാ. ടെറിന്‍ മുല്ലക്കര അറിയിച്ചു. കേംബ്രിഡ്ജ് റീജിയണു കീഴിലുള്ള വി. കുര്‍ബാന കേന്ദ്രങ്ങളിലെ എല്ലാ വിശ്വാസികളെയും യേശുനാമത്തില്‍ ധ്യാനത്തിലേക്ക് ക്ഷണിക്കുന്നു.
ധ്യാനസ്ഥലത്തിന്റെ അഡ്രസ്സ് : Saint Baptist Cathedral, Unthank Road, Norwich, NR2 2 PA
നോബിള്‍ തെക്കേമുറി
ഡോര്‍സെറ്റിലെ പൂളില്‍ പ്രവാസികളായ മലയാളി സമൂഹം ആണ്ടുതോറും ആഘോഷപൂര്‍വം കൊണ്ടാടിയിരുന്ന വിശുദ്ധ ദുക്‌റാന തിരുനാളും വിശുദ്ധ അല്‍ഫോന്‍സാമ്മയുടെ തിരുനാളും ഈ വര്‍ഷവും സംയുക്തമായി, ഭക്തി നിര്‍ഭരമായ അന്തരീക്ഷത്തില്‍ അത്യധികം പ്രൗഢഗംഭീരമായി ആഘോഷിയ്ക്കപ്പെടുന്നു. ആഗോള കത്തോലിക്കാ സഭ വിശുദ്ധ തോമാശ്ലീഹയുടെയും വിശുദ്ധ അല്‍ഫോന്‍സാമ്മയുടെയും തിരുനാളുകള്‍ യഥാക്രമം ജൂലൈ മൂന്നിനും ജൂലൈ ഇരുപത്തിയെട്ടിനും ഭക്ത്യാദരപൂര്‍വ്വം കൊണ്ടാടുവാന്‍ സഭാമക്കളെ ആഹ്വാനം ചെയ്തിരിക്കുന്നു. എന്നാല്‍ പ്രവാസികളുടെ പ്രായോഗികമായ ബുദ്ധിമുട്ടുകളും മറ്റുചില പരിഗണനകളും അടിസ്ഥാനമാക്കി വിശുദ്ധരുടെ തിരുനാളുകള്‍ സഭ ക്രമപ്പെടുത്തിയ ദിവസങ്ങളില്‍ ആഘോഷിക്കുവാന്‍ വിശ്വാസികളെ സഭ വിലക്കിയിട്ടില്ല.
ജൂലൈ മാസം ഒന്നാം തീയതി ശനിയാഴ്ച ഉച്ചതിരിഞ്ഞ് മൂന്ന് മണിയോടെ തിരുനാളുകളോട് അനുബന്ധിച്ചുള്ള തിരുക്കര്‍മ്മങ്ങള്‍ക്ക് പൂള്‍ ‘സെന്റ് മേരീസ്’ പള്ളിയില്‍ പ്രാരംഭം കുറിയ്ക്കും. ബഹു. ഫാദര്‍ ചാക്കോ പനത്തറ രക്ഷാധികാരിയായുള്ള സമിതിയുടെ നേതൃത്വത്തില്‍ തിരുനാള്‍ ചടങ്ങുകളും തിരുക്കര്‍മ്മങ്ങളും തികച്ചും ലളിതമായ രീതിയില്‍ ഭക്ത്യാദര ബഹുമാനപൂര്‍വ്വം നടത്തപ്പെടുമെന്ന് ട്രസ്റ്റികളായ നോബിളും ഷാജി തോമസും അറിയിക്കുന്നു.
ഫാദര്‍ ചാക്കോ പനത്തറയോടൊപ്പം ഫാദര്‍ ജോര്‍ജ് സി.ജെയും (ബര്‍മിംഗ്ഹാം), ഫാദര്‍ അനീഷും (ബോസ്‌കോംബ്) ആഘോഷമായ തിരുനാള്‍ കുര്‍ബാനയിലും തിരുക്കര്‍മ്മങ്ങളിലും തുടര്‍ന്ന് വിശുദ്ധരുടെ തിരുസ്വരൂപങ്ങള്‍ സംവഹിച്ചുകൊണ്ടുള്ള പ്രദക്ഷിണത്തിലും കാര്‍മ്മികരായിരിക്കും. ഏകദേശം എട്ട് മണിയോടു കൂടി, വിശ്വാസികളുടെ ഐക്യത്തേയും സാഹോദര്യത്തെയും സൂചിപ്പിക്കുന്ന ‘സ്നേഹവിരുന്നി’ന് ശേഷം തിരുനാള്‍ ചടങ്ങുകള്‍ക്ക് സമാപനം കുറിക്കുന്നതാണ്. തിരുനാളില്‍ സംബന്ധിക്കുന്ന വിശ്വാസികള്‍ക്ക് തങ്ങളുടെ വാഹനങ്ങള്‍ പാര്‍ക്ക് ചെയ്യുന്നതിനുള്ള എല്ലാവിധ സൗകര്യങ്ങളും പള്ളി അങ്കണത്തില്‍ ലഭ്യമാണ്. വിശുദ്ധരുടെ ഈ തിരുനാളിലും മറ്റ് തിരുക്കര്‍മ്മങ്ങളിലും സംബന്ധിച്ച് ഈശ്വരാനുഗ്രഹങ്ങള്‍ ധാരാളമായി പ്രാപിക്കുവാന്‍ നല്ലവരായ എല്ലാ ബഹു ജനങ്ങളെയും വിശ്വാസികളെയും സാദരം സ്വാഗതം ചെയ്യുന്നു.
” അവനോടൊപ്പം മരിക്കാന്‍ നമുക്കും പോകാം” (യോഹ 11: 16)
ആര്‍ഷ ഭാരതത്തിന്റെ ബഹുസ്വരതയുടെയും മാനവികതയുടെയും അടിസ്ഥാനശിലകള്‍ പാകിയിരിക്കപ്പെട്ടിരിക്കുന്നത് ആത്മീയ പോഷണത്തിനും ആദ്ധ്യാത്മിക പരിചരണത്തിനും വേണ്ടി വേറിട്ട് നില്‍ക്കുന്ന വലിയ ഒരു ജനതയുടെ വിശാലമായ കാഴ്ചപ്പാടിലും മനോഭാവത്തിലും ആണ്. നമ്മുടെ രാജ്യത്തിന്റെ ഏതൊരു മേഖലയിലും പുരോഗതിയ്ക്കും ഉന്നമനത്തിനും വിവിധ മതങ്ങളും അനുഷ്ഠാനക്രമങ്ങളും നല്‍കിയിട്ടുള്ള സംഭാവനകള്‍ ചെറുതല്ല. പൗരസ്ത്യ സഭകളുടെയും വളര്‍ച്ചയുടെ മദ്ധ്യേയുള്ള പരിണാമഭാവങ്ങള്‍ പരിശോധിച്ചാല്‍ ആനുപാതികമായി അതുമായി ബന്ധപ്പെട്ട നിരവധി ഘടകങ്ങള്‍ കാണാവുന്നതാണ്.
വിശുദ്ധരുടെ ദര്‍ശനങ്ങളും വിശ്വാസം സംരക്ഷിക്കുന്നതിനും പരിപോഷിപ്പിക്കുന്നതിനും അവര്‍ കൈക്കൊണ്ട മാനദണ്ഡങ്ങളും എക്കാലവും വിശ്വാസ സമൂഹത്തിന് പ്രചോദനങ്ങളായിരുന്നു. അത്തരത്തില്‍, പ്രാദേശിക സഭകള്‍ക്ക് പ്രത്യേകിച്ച് കേരള സഭയ്ക്ക് Doubling Thomas’ എന്നറിയപ്പെട്ടിരുന്ന വിശുദ്ധ തോമാശ്ലീഹായും ഭാരതത്തിന്റെ ആദ്യ വിശുദ്ധ എന്ന് അറിയപ്പെടുന്ന വിശുദ്ധ അല്‍ഫോന്‍സാമ്മയും അദ്വതീയരാണ്. വിശുദ്ധ തോമാശ്ലീഹയുടെയും വിശുദ്ധ അല്‍ഫോന്‍സാമ്മയുടെയും തിരുനാളുകള്‍ യഥാക്രമം ജൂലൈ മൂന്നിനും, ജൂലൈ ഇരുപത്തിയെട്ടിനുമായി പ്രഖ്യാപിച്ചുകൊണ്ട് സഭ ഈ വിശുദ്ധരെ ആദരിക്കുകയും സ്മരിക്കുകയും ചെയ്യുന്നു.
യേശുവിന്റെ പന്ത്രണ്ട് ശിഷ്യന്മാരില്‍ അത്ര പ്രമുഖരല്ലാത്ത സ്ഥാനം വഹിച്ചിരുന്ന വിശുദ്ധ ശ്ലീഹാ സുവിശേഷങ്ങളില്‍ ചുരുക്കം ചില സന്ദര്‍ഭങ്ങളില്‍ മാത്രമേ പ്രത്യക്ഷപ്പെട്ടിട്ടുള്ളൂയെങ്കിലും തന്റെ നിഷ്പക്ഷമായ നിലപാടുകളോടും നിര്‍ഭയമായ മനോഭാവങ്ങളോടുമുള്ള ഉറച്ച പ്രഖ്യാപനവും പ്രതികരണവും വിശുദ്ധനെ സാര്‍വ്വത്രിക സഭയില്‍ ഏറെ ശ്രദ്ധേയനാക്കി. തന്റെ ഗുരുവിന്റെ ഉത്ഥാനം സംബന്ധിച്ച പ്രചരണങ്ങള്‍ക്കും പ്രതികരണങ്ങള്‍ക്കും വിശുദ്ധന്‍ സ്ഥിരീകരണം കൊടുക്കുന്നത് ഗുരുമുഖത്തുനിന്നും പുറപ്പെടുന്ന പ്രസ്താവനകള്‍ക്ക് ശേഷം മാത്രമാണ് എന്നുള്ള വസ്തുത വിശുദ്ധനെ പ്രമുഖരായ സഭയിലെ വിശുദ്ധരുടെ പട്ടികയില്‍ എത്തിച്ചു. സിരകളിലും ചിന്തകളിലും വിപ്ലവത്തിന്റെ കനലുകള്‍ നിറച്ച് നിര്‍ഭയം യേശുവിനൊപ്പം പരസ്യ ജീവിത ശുശ്രൂഷാ പ്രവര്‍ത്തനങ്ങളില്‍ ഏര്‍പ്പെട്ടിരുന്ന ശ്ലീഹായെ പിന്നീട് കാണുന്നത് യേശുവിന്റെ പാദാന്തികത്തില്‍ ”എന്റെ കര്‍ത്താവേ എന്റെ ദൈവമേ’ എന്ന് പറഞ്ഞ് കണ്ണീര്‍ വാര്‍ക്കുന്ന ഒരു യഥാര്‍ത്ഥ പ്രേഷിതനെയാണ്. അനശ്വരതയിലേക്കുള്ള വിശുദ്ധന്റെ യാത്രയുടെ ആരംഭം ഇവിടെ കുറിയ്ക്കപ്പെടുന്നു.
മരപ്പണിക്കാരുടെയും നിര്‍മ്മാണത്തൊഴിലാളികളുടെയും മാദ്ധ്യസ്ഥനായി വര്‍ത്തിക്കുന്ന ശ്ലീഹാ അരക്ഷിതാവസ്ഥയിലും അനശ്ചിതാവസ്ഥയിലും വിശ്വാസികളുടെ രക്ഷാകവചമായി മാറുന്നു. തന്നില്‍ രൂഢമൂലമായ വിശ്വാസ സത്യത്തിനുവേണ്ടി കലര്‍പ്പില്ലാത്ത കറതീര്‍ന്ന വിശ്വാസപ്രഖ്യാപനങ്ങളുടെ പ്രയോക്താവാകുന്നതിനുവേണ്ടി രക്തസാക്ഷിത്വം വരിയ്ക്കുന്ന വിശുദ്ധനെ സഭാ ചരിത്രത്തില്‍ പിന്നീട് നാം ദര്‍ശിക്കുന്നു.
ജൂലൈ ഇരുപത്തെട്ട് വിശുദ്ധ അല്‍ഫോന്‍സാമ്മയുടെ തിരുനാളായി സഭ പ്രഖ്യാപിക്കുമ്പോള്‍ യഥാര്‍ത്ഥത്തില്‍ ആദരിക്കപ്പെട്ടത് ഭാരതീയര്‍. പ്രത്യേകിച്ച് മലയാളികളായിരുന്നു. സഹനത്തിന്റെയും യാതനയുടെയും താഴ്വരയില്‍ വിരിഞ്ഞ് കൊഴിഞ്ഞ ആ കണ്ണീര്‍ പുഷ്പം ഇന്ന് ലോകമെമ്പാടുമുള്ള അഗതികള്‍ക്കും അശരണര്‍ക്കും സാന്ത്വനത്തിന്റെ സമാധാനത്തിന്റെ സൗരഭ്യം പടര്‍ത്തുകയാണ്. ഒരു കണ്ണീര്‍ കടല്‍ മുഴുവനായും കുടിച്ച് പറ്റിച്ച ആ മത്സ്യകന്യക ഇന്ന് സ്വര്‍ഗ്ഗത്തില്‍ അനേകായിരം ആത്മാക്കള്‍ക്കായി പ്രാര്‍ത്ഥനാ മഞ്ജരികള്‍ പൊഴിക്കുകയാണ്.
ഫാ. ബിജു കുന്നയ്ക്കാട്ട് പി.ആര്‍.ഒ
ബ്രിസ്റ്റോള്: ദൈവമായിരുന്നിട്ടും സ്വയം ശൂന്യനാക്കിയ ഈശോയുടെ മാതൃക അനുകരിക്കുമ്പോഴാണ് നമ്മിലും ദൈവരാജ്യം വരുന്നതെന്ന് മാര്‍ ജോസഫ് സ്രാമ്പിക്കല്‍. ഗ്രേറ്റ് ബ്രിട്ടണ്‍ സീറോ മലബാര്‍ രൂപതയില്‍ ഒക്ടോബറില്‍ നടക്കുന്ന ‘അഭിഷേകാഗ്നി’ ധ്യാനനങ്ങള്‍ക്കൊരുക്കമായി രൂപതയിലെ എട്ടു റീജിയണുകളില്‍ സംഘടിക്കുന്ന ഏകദിന ഒരുക്ക ധ്യാനങ്ങളിലെ ആദ്യധ്യാനത്തിന് ബ്രിസ്റ്റോളില് ദിവ്യബലിയര്‍പ്പിച്ച് വചന സന്ദേശം നല്‍കുകയായിരുന്നു അദ്ദേഹം. സ്വയം എളിമപ്പെടുത്തി ദൈവത്തില്‍ പൂര്‍ണമായി ആശ്രയിച്ച് കാഴ്ചശക്തിക്കായി ഈശോയോടു പ്രാര്‍ത്ഥിച്ച ബൈബിളിലെ രണ്ട് അന്ധന്മാരുടെ വിശ്വാസത്തിന്റെ ആഴം നമുക്കുമുണ്ടാവണമെന്ന് മാര്‍ സ്രാമ്പിക്കല്‍ കൂട്ടിച്ചേര്‍ത്തു.
പ്രവൃത്തി ദിവസമായിരുന്നിട്ടു കൂടി ധാരാളം വിശ്വാസികള്‍ ബ്രിസ്റ്റോള് – കാര്‍ഡിഫ് റീജിയണില്‍ നിന്ന് ഈ ആദ്യ ഒരുക്കധ്യാനം നടന്ന സെന്റ് ജോസഫ് കത്തോലിക്കാ ദേവാലയത്തിലേക്ക് ഒഴുകിയെത്തി. റീജിയണ്‍ രക്ഷാധികാരി റവ. ഫാ. പോള്‍ വെട്ടിക്കാട്ടിന്റെയും കമ്മറ്റിയംഗങ്ങളടെയും നേതൃത്വത്തില്‍ നടന്ന കണ്‍വെന്‍ഷനില്‍ യുകയിലെ സെഹിയോന്‍ മിനിസ്ട്രീസിന്റെ ഡയറക്ടറും ഗ്രേറ്റ് ബ്രിട്ടണ്‍ രൂപതാ ന്യൂ ഇവാഞ്ചലൈസേഷന്‍ ഡയറക്ടറുമായ റവ. ഫാ. സോജി ഓലിക്കല്‍, പ്രസിദ്ധ അല്‍മായ വചന പ്രഘോഷകന്‍ ബ്രദര്‍ റെജി കൊട്ടാരം എന്നിവരും വചന ശുശ്രൂഷ നടത്തി. റീജിയണിലെ എല്ലാ വി. കുര്‍ബാന കേന്ദ്രങ്ങളില്‍ നിന്നും വിശ്വാസികള്‍ താല്‍പര്യപൂര്‍വം ധ്യാനത്തില്‍ പങ്കുചേരാനെത്തി. സുപ്രസിദ്ധ സംഗീത സംവിധായകന്‍ പീറ്റര്‍ ചേരാനെല്ലൂര്‍ നേതൃത്വം നല്കിയ ഗാനശുശ്രൂഷയും പുത്തന്‍ ഉണര്‍വേകി.
രണ്ടാമത്തെ ഏകദിന ഒരുക്കധ്യാനം ഇന്ന് ലണ്ടന്‍ റീജിയണില്‍ നടക്കും. രാവിലെ 9 മുതല്‍ വൈകിട്ട് 5 വരെ നടക്കുന്ന കണ്വെന്ഷന് ഗ്രേറ്റ് ബ്രിട്ടണ്‍ രൂപതാ പ്രോട്ടെ സിഞ്ചെല്ലൂസ് റവ. ഡോ. തോമസ് പാറയടിയില്‍ എം.എസ്.ടിയാണ് നേതൃത്വം വഹിക്കുന്നത്. ശുശ്രൂഷകള്‍ക്കിടയില്‍ മാര്‍ ജോസഫ് സ്രാമ്പിക്കല്‍ ദിവ്യബലിയര്‍പ്പിക്കുകയും വിശ്വാസികളോട് വചനസന്ദേശം പങ്കുവെയ്ക്കുകയും ചെയ്യും. തുടര്‍ന്ന് നടക്കുന്ന ദൈവവചന പ്രഘോഷങ്ങള്‍ക്ക് റവ. ഫാ. സോജി ഓലിക്കലും ബ്രദര്‍ റെജി കൊട്ടാരവും നേതൃത്വം നല്‍കും. ലണ്ടന്‍ റീജിയണിലുള്ള എല്ലാവരേയും ഈ അനുഗ്രഹ ദിവസത്തിലേയ്ക്ക് യേശുനാമത്തില്‍ സ്വാഗതം ചെയ്യുന്നു. കണ്വെന്ഷന് നടക്കുന്ന ദേവാലയത്തിന്റെ അഡ്രസ്സ്.
Most Precious Blood and St. Edmund Church, 115, Hertford Road, Edmunton, London, N11 1 AA
ബെന്നി മേച്ചേരിമണ്ണില്‍
റെക്‌സം രൂപത കേരളാ ഇംഗ്ലീഷ് കമ്മ്യൂണിറ്റി സംയുക്തമായി സേക്രഡ് ഹാര്‍ട്ട് ചര്‍ച്ച് ഹവാര്‍ഡനില്‍ ഭാരത അപ്പസ്‌തോലന്‍ വിശുദ്ധ തോമാശ്ലീഹായുടെ ദുക്‌റാന തിരുന്നാള്‍ സമുചിതമായി ആഘോഷിക്കുന്നു. ജൂലൈ മൂന്നാം തിയതി തിങ്കളാഴ്ച വൈകിട്ടു 4.30ന് ജപമാല പ്രാര്‍ഥന, തുടര്‍ന്ന് 5 മണിക്ക് ആഘോഷമായ ദിവ്യ ബലി. ആഘോഷമായ സമൂഹബലിയില്‍ റെക്‌സം രൂപതയിലുള്ള എല്ലാ മലയാളി വൈദികരും മുഖ്യ കാര്‍മ്മികരായി പങ്കുചേരുന്നു. പരിശുദ്ധ കുര്‍ബാന മദ്ധ്യേ റെക്‌സം രൂപതാ ബിഷപ്പ് മാര്‍ പീറ്റര്‍ ബ്രിഗനല്‍ സുവിശേഷ സന്ദേശം നല്കുന്നു.
വിശുദ്ധബലിയെ തുടര്‍ന്ന് ആഘോഷമായ ലദീഞ്ഞ്, വിശുദ്ധ തോമാശ്ലീഹായുടെ തിരുരൂപം വഹിച്ച് മുത്തുക്കുടയേന്തിയ ഭക്തി സാന്ദമായ പ്രദക്ഷിണം, സമാപന പ്രാര്‍ത്ഥനകള്‍, പാച്ചോര്‍ നേര്‍ച്ച വിതരണം, തുടര്‍ന്ന് ചായ സല്‍ക്കാരവും നടത്തപ്പെടുന്നു.
ഭാരതത്തില്‍ എത്തി ക്രിസ്തു ദേവന്റെ സുവിശേഷം പ്രഘോഷിച്ച് ഭാരതീയരെ ക്രിസ്തീയ വിശ്വാസത്തിലേക്ക് കൈപിടിച്ചു നടത്തിയ വിശുദ്ധ തോമാശ്ലീഹായുടെ അനുഗ്രഹം പ്രാപിക്കുന്നതിനും ഭാരത ക്രൈസ്തവരായ നമ്മുടെ വിശ്വാസം ഊട്ടിയുറപ്പിക്കുവാനും ക്രിസ്തീയ ചൈതന്യം ഉള്‍ക്കൊണ്ട് ദൈവ പരിപാലനക്ക് നന്ദി അര്‍പ്പിക്കുവാനും നേര്‍ച്ച കാഴ്ചകളില്‍ പങ്കുകൊണ്ട് ഈ ദിവസം അനുഗ്രഹദായമാക്കുന്നതിലേക്ക് റെക്‌സം രൂപതയിലും സമീപ പ്രദേശത്തുമുള്ള എല്ലാ വിശ്വാസികളെയും വിശുദ്ധ തോമാശ്ലീഹായുട തിരുന്നാളില്‍ പങ്കെടുക്കാന്‍ പ്രാര്‍ഥനാപൂര്‍വം ക്ഷണിച്ചുകൊള്ളുന്നു.
രൂപതയിലെ കുട്ടികള്‍ക്ക് കുര്‍ബാന മദ്ധ്യേ കാഴ്ച സമര്‍പ്പണത്തിനുള്ള അവസരം ഉണ്ടായിരിക്കുന്നതാണ്. അതിനായി കുട്ടികള്‍ കാഴ്ച സമര്‍പ്പണ സാധനങ്ങള്‍ കൊണ്ടുവരേണ്ടതാണ് എന്ന് ഓര്‍മിപ്പിക്കുന്നു.
സ്‌നേഹപൂര്‍വം ഫാദര്‍ റോയ് കൊട്ടക്കുപുറം sdv – 07763756881, 0135271381. റെക്‌സം രൂപതാ കോര്‍ഡിനേറ്റര്‍.
77 THE HIGHWAY, HAWARDEN, FLINTSHIRE. CH 53 D L.
ഫാ. ബിജു കുന്നയ്ക്കാട്ട്
ബ്രിസ്റ്റോള്: ഒക്ടോബറില്‍ നടക്കുന്ന പ്രഥമ ഗ്രേറ്റ് ബ്രിട്ടണ്‍ അഭിഷേകാഗ്നി കണ്വന്ഷന് വിശ്വാസികളെ ആത്മീയമായി ഒരുക്കുന്ന ഏകദിന ഒരുക്കധ്യാനങ്ങള്‍ക്ക് ഇന്ന് തുടക്കം. രൂപതയിലെ എട്ട് റീജിയണുകളിലായി നടക്കുന്ന ഏകദിന കണ്‍വന്‍ഷനുകളില്‍ ആദ്യത്തേതാണ് ഇന്ന് ബ്രിസ്റ്റോളില് നടക്കുന്നത്. രൂപതാദ്ധ്യക്ഷന്‍ മാര്‍ ജോസഫ് സ്രാമ്പിക്കല്‍ രൂപതാ ന്യൂ ഇവാഞ്ചലൈസേഷന്‍ ഡയറക്ടറും സെഹിയോന്‍ യു.കെ ഡയറക്ടറുമായ റവ.ഫാ. സോജി ഓലിക്കല്‍, പ്രശസ്ത വചനപ്രഘോഷകന്‍ ബ്രദര്‍ റെജി കൊട്ടാരം എന്നിവരുടെ നേതൃത്വത്തിലാണ് വചന പ്രഘോഷണ ശുശ്രൂഷകള്‍ ഇന്നു നടക്കുന്നത്.
രാവിലെ 9.30 ന് ആരംഭിക്കുന്ന തിരുക്കര്‍മ്മങ്ങളില്‍ ജപമാല, ആരാധനസ്തുതിഗീതങ്ങള്‍, വി.കുര്‍ബ്ബാന, വചനപ്രഘോഷണം, ദിവ്യകാരുണ്യ ആരാധന എന്നിവ ഉണ്ടായിരിക്കും. വി.കുര്‍ബ്ബാനയില്‍ മുഖ്യകാര്‍മ്മികനാകുന്ന മാര്‍ ജോസഫ് സ്രാമ്പിക്കല്‍ ദിവ്യബലി മധ്യേ വചനസന്ദേശം പങ്കുവെക്കും. വൈകിട്ട് 5 മണി വരെ നീളുന്ന ഈ ഏകദിന ശ്രുശ്രൂഷയില്‍ വരുന്നവര്‍ക്കാവശ്യമായ ഉച്ചഭക്ഷണം സ്വയം കരുതേണ്ടതാണെന്ന് സംഘാടകര്‍ അറിയിച്ചിട്ടുണ്ട്.
നല്ലതുപോലെ ഒരുക്കപ്പെട്ട നിലത്തു വിതയ്ക്കുന്ന വിത്താണ് വളര്‍ന്ന് നൂറുമേനി വിളവു തരുന്നതെന്ന (മത്തായി 13:8) സുവിശേഷ സന്ദേശത്തിന്റെ പ്രാധാന്യം മനസ്സിലാക്കിയാണ് ഒക്ടോബറില്‍ നടക്കുന്ന അഭിഷേകാഗ്നി കണ്വന്ഷന് മുന്നോടിയായി വിശ്വാസികളുടെ ഹൃദയങ്ങളെ ഈ ഒരുക്കധ്യാനങ്ങളിലൂടെ സജ്ജമാക്കുന്നതെന്ന് മാര്‍ സ്രാമ്പിക്കല്‍ ഓര്‍മ്മിപ്പിച്ചു. ബ്രിസ്റ്റോള്-കാര്‍ഡിഫ് റീജിയണിന് കീഴില്‍ വരുന്ന എല്ലാ വി.കുര്‍ബ്ബാന കേന്ദ്രങ്ങളില്‍ നിന്നും സാധിക്കുന്നത്ര വിശ്വാസികള്‍ ഈ കണ്‍വന്‍ഷനില്‍ പങ്കെടുക്കണമെന്നും അദ്ദേഹം ഓര്‍മ്മിപ്പിച്ചു.
റീജിയണിന്റെ പ്രീസ്റ്റ് ഇന്‍ ചാര്‍ജ്ജ് റവ.ഫാ.പോള്‍ വെട്ടിക്കാട്ട് സിഎസ്റ്റി, റവ.ഫാ.ജോയി വയലില്‍, റവ.ഫാ.സിറില്‍ ഇടമന, റവ.ഫാ സണ്ണി പോള്‍, റവ.ഫാ. ജോസ് മാളിയേക്കല്‍, റവ.ഫാ.സിറില്‍ തടത്തില്‍, റവ.ഫാ.ജോര്‍ജ്ജ് പുത്തൂര്‍, റവ.ഫാ.അംബ്രോസ് മാളിയേക്കല്‍, റവ.ഫാ.സജി അപ്പോഴിപ്പറമ്പില്‍, റവ.ഫാ.പയസ്, റവ.ഫാ. ജിമ്മി സെബാസ്റ്റ്യന്‍, റവ.ഫാ.ചാക്കോ പനത്തറ, എന്നിവരുടെ നേതൃത്വത്തില്‍ കണ്‍വന്‍ഷനുള്ള ഒരുക്കങ്ങള്‍ പൂര്‍ത്തിയായി.
കണ്വന്ഷന് നടക്കുന്ന സ്ഥലത്തിന്റെ പേരും മേല്‍വിലാസവും: സെന്റ് ജോസഫ്‌സ് കാത്തലിക് ചര്‍ച്ച്, ഫോറസ്റ്റ് റോഡ്, ഫിഷ് പോണ്ട്‌സ്, ബ്രിസ്റ്റോള്,
BS16 3QT. കൂടുതല്‍ വിവരങ്ങള്‍ക്ക് ബന്ധപ്പെടേണ്ട നമ്പര്‍- 07703063836- ഫിലിപ്പ് കണ്ടോത്ത്.
രണ്ടാമത്തെ ഏകദിന ഒരുക്ക റീജിയണല്‍ കണ്വന്ഷന് നാളെ (07-06-2017) ലണ്ടന്‍ റീജിയണില്‍ നടക്കും. കണ്‍വന്‍ഷനുള്ള ഒരുക്കങ്ങള്‍ പൂര്‍ത്തിയായി വരുന്നതായി കോര്‍ഡിനേറ്റര്‍ റവ.ഫാ.തോമസ് പാറയടിയില്‍ അറിയിച്ചു.
ബാബു ജോസഫ്
ദൈവികദാനമായ സര്‍ഗ്ഗവാസനകള്‍ പരിപോഷിപ്പിക്കുവാന്‍ യുകെ കേന്ദ്രമാക്കി ലോകത്തിലെ വിവിധ രാജ്യങ്ങളില്‍ പ്രവര്‍ത്തിക്കുന്ന റവ.ഫാ.സോജി ഓലിക്കല്‍ നേതൃത്വം നല്‍കുന്ന സെഹിയോന്‍ യൂറോപ്പ് മ്യൂസിക്ക് മിനിസ്റ്റ്രി കുട്ടികള്‍ക്കും ടീനേജുകാര്‍ക്കും അവസരമൊരുക്കുന്നു. കല ജന്മസിദ്ധം എന്നതിനേക്കാളേറെ ദൈവീകം എന്നാണ് അറിയപ്പെടുന്നത്. മറ്റൊരു രീതിയില്‍ പറഞ്ഞാല്‍ ഒരു കലാകാരന്‍ എപ്പോഴും ദൈവത്തിന്റെപ്രത്യേക കരവിരുതിന്റെ പ്രതീകമാണ്. പലപ്പോഴും കല വളരുന്നത് അവസരം ഉണ്ടാകുമ്പോഴാണ്. പലര്‍ക്കും കിട്ടാത്തതും അതുതന്നെ, കിട്ടുന്ന അവസരമോ മറ്റുള്ളവരുടെ നന്മയ്ക്ക് ഉതകുമെന്ന് വിശ്വസിക്കുന്നതേയില്ല.
ദൈവം നല്കിയ കഴിവുകള്‍ അവിടുത്തെ മഹത്വത്തിനായി ഉപയോഗിക്കണമെന്നു ആഗ്രഹിക്കുന്നവര്‍ക്ക് ഇതാ ഒരു സുവര്‍ണാവസരം.സോജിയച്ചന്റെ ആത്മീയശിക്ഷണത്തിലുള്ള സെഹിയോന്‍ മ്യൂസിക് മിനിസ്റ്റ്രിയിലെക്കു സ്വാഗതം. പരിശുദ്ധാത്മ പ്രേരണയാല്‍ നയിക്കപ്പെടുന്ന സെഹിയോന്‍ മ്യൂസിക് മിനിസ്ട്രിയെ പരിചയപ്പെടുത്തുന്ന വീഡിയൊ കാണാം
യുകെ കേന്ദ്രമാക്കി യൂറോപ്പിലാകമാനവും മറ്റ് ഭൂഖണ്ഡങ്ങളിലും ഈശോയ്ക്ക് വേണ്ടി തങ്ങളുടെ കഴിവുകള്‍ ഉപകാരപ്പെടുത്തുന്ന സെഹിയോന്‍ യുകെ നിങ്ങളുടെ കലകളെ സ്വാഗതം ചെയ്യുന്നു. നാളെയുടെ യുവതിടമ്പുകളായ നിങ്ങള്‍ക്ക് വരാന്‍ പോകുന്ന തലമുറകള്‍ക്ക് ഈശോയുടെ സ്‌നേഹം പകര്‍ന്ന് നല്കാന്‍, ഇന്നത്തെ തലമുറ നേരിടുന്ന വെല്ലുവിളികള്‍ക്ക് ശക്തമായ മറുപടി നല്കാന്‍, ഗാനങ്ങള്‍ ആലപിക്കുന്നവരെയും വാദ്യോപകരണങ്ങള്‍ ഉപയോഗിക്കുന്നവരെയും സെഹിയോന്‍ ടീനേജ് മ്യൂസിക് മിനിസ്ട്രി സസ്‌നേഹം ക്ഷണിക്കുന്നു.
കൂടുതല്‍ വിവരങ്ങള്‍ക്ക്:
സോജി ബിജോ
07415 513960
ടിങ്കു
07940 201592
ബാബു ജോസഫ്
ബര്‍മിങ്ഹാം: യേശുനാമത്തില്‍ ദേശ ഭാഷാ വ്യത്യാസമില്ലാതെ ആയിരങ്ങള്‍ ഐക്യപ്പെടുന്ന, റവ. ഫാ. സോജി ഓലിക്കല്‍ നയിക്കുന്ന രണ്ടാം ശനിയാഴ്ച്ച കണ്‍വെന്‍ഷനില്‍ ഇത്തവണ പന്തക്കുസ്താനുഭവ അഭിഷേക ശുശ്രൂഷയുമായി വീണ്ടും ഗ്രേറ്റ് ബ്രിട്ടണ്‍ സീറോ മലബാര്‍ രൂപത ബിഷപ്പ് മാര്‍. ജോസഫ് സ്രാമ്പിക്കല്‍, പ്രശസ്ത വചനപ്രഘോഷകനും കാലഘട്ടത്തിന്റെ ദൈവികോപകരണമായിക്കൊണ്ട് അടയാളങ്ങളും അത്ഭുതങ്ങളും സാധ്യമാക്കുവാന്‍ ദൈവം തെരഞ്ഞെടുത്തുപയോഗിച്ചുകൊണ്ടിരിക്കുന്ന വിടുതല്‍ ശുശ്രൂഷകനുമായ ബ്രദര്‍ റെജി കൊട്ടാരം എന്നിവരും വചനവേദിയിലെത്തും.
കണ്‍വെന്‍ഷനെപ്പറ്റിയുള്ള വീഡിയോ കാണാം
അഞ്ചുവയസുമുതല്‍ വിവിധ പ്രായക്കാരായ കുട്ടികള്‍ക്ക് പ്രത്യേക ക്ലാസ്സുകളും അനുബന്ധ ശുശ്രൂഷകളും നടക്കുമ്പോള്‍ യഥാര്‍ത്ഥ ദൈവികസ്വാതന്ത്ര്യം പ്രതിപാദിക്കുന്ന പ്രത്യേക ‘ടീന്‍ റിവൈവല്‍ കണ്വെന്ഷന്’ ടീനേജുകാര്‍ക്കായി നടക്കുന്നു. ഇതുമായി ബന്ധപ്പെട്ട ക്ലാസുകള്‍, സാക്ഷ്യങ്ങള്‍, അഭിഷേക പ്രാര്‍ത്ഥന, ആരാധന എന്നിവ ആയിരിക്കും ഈ രണ്ടാം ശനിയാഴ്ചയിലെ ടീനേജ് മിനിസ്ട്രിയിലെ വിഷയം. സഭയുടെ വാഗ്ദാനമായ ഓരോ മക്കളും ആത്മാവില്‍ അഭിഷേകം പ്രാപിക്കുവാനും വിശുദ്ധിയില്‍ ജീവിക്കുവാനും പുതിയ ബോധ്യങ്ങള്‍ സമ്മാനിക്കുന്ന കുട്ടികളുടെയും ടീനേജുകാരുടെയും മിനിസ്ട്രിയിലേക്ക് യുകെയുടെ വിവിധഭാഗങ്ങളില്‍നിന്നും അനേകംപേര്‍ കടന്നുവരുന്നു.
ഏതൊരാള്‍ക്കും ഇംഗ്ലീഷിലോ മലയാളത്തിലോ കുമ്പസാരിക്കുന്നതിനും സ്പിരിച്വല്‍ ഷെയറിങിനും സൗകര്യമുണ്ടായിരിക്കും. ആസ്റ്റണിലെ നിത്യാരാധന ചാപ്പലിലടക്കം യൂറോപ്പിന്റെ വിവിധയിടങ്ങളില്‍ സെഹിയോന്‍ കുടുംബം ഒന്നടങ്കം കണ്‍വെന്‍ഷന്റെ ആത്മീയ വിജയത്തിനായി ഉപവാസ മധ്യസ്ഥ പ്രാര്‍ത്ഥന ഒരുക്കത്തിലാണ്.
അത്ഭുതകരങ്ങളായ വിടുതലും രോഗശാന്തിയും ജീവിതനവീകരണവും സാധ്യമാക്കുന്ന ഈ അനുഗ്രഹീത ശുശ്രൂഷയിലേക്കു ഫാ. സോജി ഓലിക്കലും സെഹിയോന്‍ കുടുംബവും ഏവരെയും ഒരിക്കല്‍ കൂടി ക്ഷണിക്കുകയും പ്രത്യേക പ്രാര്‍ത്ഥനാസഹായം അപേക്ഷിക്കുകയും ചെയ്യുന്നു.
സ്ഥലം:
ബഥേല്‍ കണ്വെന്ഷന് സെന്റര്‍
കെല്‍വിന്‍ വേ
വെസ്റ്റ് ബ്രോംവിച്ച്
ബര്‍മ്മിംഗ്ഹാം
B70 7JW
കൂടുതല്‍ വിവരങ്ങള്‍ക്ക്
ഷാജി: 07878149670
അനീഷ്: 07760254700
കണ്വെന്ഷന് സെന്ററിലേക്ക് യു കെ യുടെ വിവിധ പ്രദേശങ്ങളില്‍നിന്നും ഏര്‍പ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയുംപറ്റിയുള്ള പൊതുവിവരങ്ങള്‍ക്ക്: ടോമി ചെമ്പോട്ടിക്കല്‍: 07737935424.
