ബ്രിസ്റ്റോള്‍ സെന്റ് ജോസഫ് ദേവാലയത്തില്‍ വച്ച് ഏപ്രില്‍ 12ന് വൈകീട്ട് 7 മണിക്ക് സീറോ മലബാര്‍ എപ്പാര്‍ക്കിയുടെ ബ്രിസ്റ്റോള്‍ കാര്‍ഡിഫ് റീജിയണിന്റെ ആദ്യ യോഗം നടന്നു. അഭിവന്ദ്യ മാര്‍ ജോസഫ് സ്രാമ്പിക്കല്‍ പിതാവ് തന്റെ അധ്യക്ഷ പ്രസംഗത്തില്‍ രൂപതയുടെ അജപാലന പ്രവര്‍ത്തനങ്ങള്‍ പ്രവാസികളിലേക്ക് കൂടുതല്‍ കാര്യക്ഷമമായി എത്തിക്കുന്നതിനും ആത്മീയ ശുശ്രൂഷകളും മറ്റ് സഭാപ്രവര്‍ത്തനങ്ങളും ഏകോപിക്കുന്നതിനു വേണ്ടി എട്ട് റീജിയണുകളായി തിരിച്ചുവെന്നും ബ്രിസ്റ്റോള്‍ കാര്‍ഡിഫ് റീജിയണിന്റെ കോര്‍ഡിനേറ്ററായി റവ. ഫാ. പോള്‍ വെട്ടിക്കാട്ട് CST യെ നിയോഗിച്ചതായും അറിയിച്ചു.
രൂപതാതലത്തില്‍ സംഘടിപ്പിക്കുന്ന എല്ലാ അജപാലന പ്രവര്‍ത്തനങ്ങളും ഇനി മുതല്‍ ഈ എട്ട് റീജിയണുകളില്‍ കൂടിയായിരിക്കും നടപ്പിലാക്കുന്നത്. ബൈബിള്‍ കണ്‍വന്‍ഷനുകള്‍, ബൈബിള്‍ ക്വിസ് കലോത്സവങ്ങള്‍, വുമണ്‍സ് ഫോറം പ്രവര്‍ത്തനങ്ങള്‍ തുടങ്ങിയവയെല്ലാം ഈ അംവിധാനത്തിലൂടെ കാര്യക്ഷമമാക്കുവാന്‍ കഴിയുമെന്ന് പിതാവ് പ്രത്യാശ പ്രകടിപ്പിച്ചു.
ഈ വര്‍ഷത്തെ പ്രധാന പ്രവര്‍ത്തനങ്ങളായ വാല്‍സിംഗ്ഹാം തീര്‍ത്ഥാടനം ജൂലൈ 16നും, ബഹുമാനപ്പെട്ട ഫാ.സേവ്യര്‍ഖാന്‍ വട്ടായില്‍ നയിക്കുന്ന ബൈബിള്‍ കണ്‍വന്‍ഷന്‍ ഒക്ടോബര്‍ 28നും സോണല്‍ ബൈബിള്‍ കലോത്സവം ഒക്ടോബര്‍ 7നും ഫാത്തിമാ തീര്‍ത്ഥാടനം ജൂലൈ 25, 26 തീയതികളിലും രൂപതാ ബൈബിള്‍ കലോത്സവം നവംബര്‍ 4നും നടത്തപ്പെടും.
ബ്രിസ്റ്റോള്‍ കാര്‍ഡിഫ് റീജിയണിന്റെ ഭാരവാഹികളായി തിരഞ്ഞെടുക്കപ്പെട്ടവര്‍ ഇവരാണ്:
ട്രസ്റ്റി: ഫിലിപ്പ് കണ്ടോത്ത് (ഗ്ലോസ്റ്റര്‍), ജോയിന്റ് ട്രസ്റ്റിമാരായി റോയി സെബാസ്റ്റ്യന്‍ (ബ്രിസ്റ്റോള്‍), ജോസി മാത്യു (കാര്‍ഡിഫ്), ഷിജോ തോമസ് (എക്‌സിറ്റര്‍), ജോണ്‍സന്‍ പഴംപള്ളി (സ്വാന്‍സി), ട്രഷറര്‍ ആയി ബിജു ജോസഫ് (ബ്രിസ്റ്റോള്‍), സെക്രട്ടറിയായി ലിജോ പടയാട്ടില്‍ (ബ്രിസ്റ്റോള്‍), പി ആര്‍ ഓ ആയി സിസ്റ്റര്‍ ഗ്രേസ് മേരി ചെറിയാന്‍ എന്നിവരും തിരഞ്ഞെടുക്കപ്പെട്ടു. തിരഞ്ഞെടുക്കപ്പെട്ടവര്‍ പിതാവ് അഭിനന്ദിക്കുകയും അതോടൊപ്പം നേതൃസ്ഥാനത്ത് സേവനം ചെയ്യുന്നവര്‍ കൂടുതല്‍ സമര്‍പ്പണബോധത്തോടെ പ്രവര്‍ത്തിക്കണമെന്നും ആഹ്വാനം ചെയ്തു.
എപ്പാര്‍ക്കി ഓഫ് ഗ്രേറ്റ് ബ്രിട്ടന്റെ മതബോധന ഡയറക്ടര്‍ ആയ ഫാ. ജോയി വയലില്‍ CST സീറോ മലബാര്‍ സഭയുടെ പൈതൃകമനുസരിച്ചുള്ള ഒരു Cathechetical forum 8 റീജിയനുകളെ ഉള്‍ക്കൊള്ളിച്ചു കൊണ്ട് സ്ഥാപിക്കുമെന്നും അങ്ങനെ മതബോധന പ്രവര്‍ത്തനങ്ങള്‍ സജീവമാക്കുമെന്നും അറിയിച്ചു.
വിവിധ കുര്‍ബാന സെന്ററുകളില്‍ നിന്നെത്തിയ വൈദികരായ റവ. ഫാ. സണ്ണി പോള്‍ MSFS, റവ. ഫാ. അംബ്രോസ് മാളിയേക്കല്‍ IC, റവ. ഫാ. ജോസ് മാളിയേക്കല്‍ MSFS, റവ. ഫാ. വില്‍സണ്‍ കൊറ്റം MSFS, റവ. ഫാ. ജോസ് പൂവനിക്കുന്നേല്‍ CSSR, റവ. ഫാ. ജോയി വയലില്‍ CST, ഡീക്കന്‍ ജോസഫ് ഫിലിപ്പ്, സിസ്റ്റര്‍ ഗ്രേസ് മേരി, സിസ്റ്റര്‍. ലീന മേരി പ്രതിനിധികളായെത്തിയ അല്‍മായ സഹോദരങ്ങളും തങ്ങളുടെ കുര്‍ബാന സെന്ററുകളുടെ പ്രവര്‍ത്തനത്തെ പറ്റി വിവരണം നല്‍കുകയും ചെയ്തു. റവ. ഫാ. സണ്ണി പോള്‍ അഭിവന്ദ്യ പിതാവിനും വൈദികര്‍ക്കും സന്നിഹിതരായ എല്ലാവര്‍ക്കും നന്ദി പറഞ്ഞു.
ലോകമെങ്ങും ഉയിര്‍പ്പ് തിരുന്നാള്‍ ആഘോഷിച്ചു. അമേരിക്കയിലെ ഹൂസ്റ്റണിലെ പിയര്‍ലാന്റ് സെന്റ് മേരീസ് സീറോ മലബാര്‍ കാത്തലിക് ചര്‍ച്ചിലെ ഉയിര്‍പ്പ് തിരുന്നാള്‍ ആഘോഷം തികച്ചും വ്യത്യസ്തത പുലര്‍ത്തുന്നതോടൊപ്പം കുട്ടികള്‍ക്കും മുതിര്‍ന്നവര്‍ക്കും ഒരു വ്യത്യസ്ഥ അനുഭവമായി മാറി . മലയാളികള്‍ ചെന്നെത്തുന്നിടം മലയാളത്തിന് മുതല്‍ക്കൂട്ടുതന്നെ എന്ന് ഒരിക്കല്‍ക്കൂടി അമേരിക്കന്‍ മലയാളികള്‍ തെളിയിച്ചു. പുതിയ തലമുറയ്ക്കും സഭാ വിശ്വാസത്തെ നേരിട്ടയുവാന്‍ ഉതകുന്ന വിതത്തിലുള്ള കര്‍ത്താവിന്റെ ഉയിര്‍പ്പിന്റെ [ot-video][/ot-video]ദൃശ്യാവിഷ്‌ക്കാരം അവിസ്മരണീയമായി. സെന്റ് മേരീസ് ചര്‍ച്ച് കൂദാശ ചെയ്തതിനു ശേഷമുള്ള ആദ്യ വിശുദ്ധവാര തിരുക്കര്‍മ്മങ്ങളാണ് ഇന്നലെ ദേവാലയത്തില്‍ നടന്നത്. ശനിയാഴ്ച വൈകിട്ട് റവ. ഫാ. റൂബന്‍ താന്നിക്കലിന്റെ മുഖ്യ കാര്‍മ്മികത്വത്തില്‍ ഉയിര്‍പ്പുതിരുന്നാളിന്റ ആഘോഷമായ പാട്ടുകുര്‍ബാന നടന്നു. 
സുവിശേഷ വായനയ്ക്കു ശേഷം കര്‍ത്താവിന്റെ ഉയിര്‍പ്പിന്റെ ദൃശ്യാവിഷ്‌കാരവും തുടര്‍ന്ന് 
അത്യധികം ഭക്തിനിര്‍ഭരമായി കത്തിച്ച മെഴുകുതിരകളുമേന്തിയ പ്രദക്ഷിണവും നടന്നു. തുടര്‍ന്ന് റവ.ഫാ. റൂബന്‍ വിശ്വാസികള്‍ക്ക് ഉയിര്‍പ്പ് തിരുന്നാള്‍ സന്ദേശം നല്‍കി. ഇടവകയുടെ കീഴിലുള്ള പാസഡീന, പിയര്‍ലാന്റ് പര്‍ക്വെ , ഷാഡോക്രിക്, സണ്‍റൈസ്, ആഷ്‌ലി പോയിന്റ്, ക്ലിയര്‍ ലേക്ക്, ലീഗ് സിറ്റി എന്നീ വാര്‍ഡുകളില്‍ നിന്നുമായി 500ല്‍ പരം വിശ്വാസികള്‍ ഉയിര്‍പ്പുതിരുന്നാള്‍ തിരുക്കര്‍മ്മങ്ങളില്‍ പങ്കെടുത്തു. വിശുദ്ധ കുര്‍ബാനയ്ക്കു ശേഷം ആഘോഷമായ സ്‌നേഹവിരുന്നോടെ ഉയിര്‍പ്പ് തിരുന്നാളിന്റെ തിരുക്കര്‍മ്മങ്ങള്‍ അവസാനിച്ചു. ട്രസ്റ്റിമാരായ ഫ്‌ളമിംഗ് ജോര്‍ജ്ജ്, അഭിലാഷ് ഫ്രാന്‍സീസ്, ജെയിംസ് ഗ്രിഗറി, ടോണി ഫിലിപ്പ് എന്നിവര്‍ വിശുദ്ധവാര തിരുക്കര്‍മ്മങ്ങളുടെ നടത്തിപ്പിന് നേതൃത്വം നല്‍കി.
എല്ലാ ഞായറാഴ്ചകളിലും പ്രസിദ്ധീകരിക്കുന്ന ഈ പംക്തി കൈകാര്യം ചെയ്യുന്നത് യുകെയിലെ നോട്ടിംഗ്ഹാം രൂപതയില്‍ സീറോ മലബാര്‍ ചാപ്ലിനും ഗ്രേറ്റ് ബ്രിട്ടന്‍ രൂപതയുടെ പി.ആര്‍.ഒ.യും ആയ റവ. ഫാ. ബിജു കുന്നയ്ക്കാട്ട് ആണ്. ‘ഞായറാഴ്ചയുടെ സങ്കീര്‍ത്തനം’ എന്ന ഈ പംക്തിയില്‍ അതാത് ആഴ്ചകളില്‍ യുകെയില്‍ ഏറ്റവും ചര്‍ച്ച ചെയ്യപ്പെടുന്ന സമകാലീന വിഷയങ്ങള്‍ ആയിരിക്കും പ്രസിദ്ധീകരിക്കുന്നത്.
വൈകുന്നേരം 6 മണിക്ക് ഇടവക വികാരി റവ. മാത്യൂ മുളയോലിയുടെ മുഖ്യ കാര്‍മ്മികത്വത്തില്‍ പെസഹാ വ്യാഴാഴ്ച ശുശ്രൂഷകള്‍ ആരംഭിച്ചു. റവ. ഫാ. സിബു കള്ളാംപറമ്പില്‍, റവ. ഫാ. സ്റ്റാന്‍ലി പുള്ളോലിക്കല്‍ 
എന്നിവര്‍ സഹകാര്‍മ്മികരായിരുന്നു. റവ. ഫാ. സിബു കള്ളാംപറമ്പില്‍ പെസഹാ വ്യാഴാഴ്ച സന്ദേശം നല്‍കി. തുടര്‍ന്ന് റവ. ഫാ. മാത്യൂ മുളയോലില്‍ തന്റെ ഇടവകയിലെ പന്ത്രണ്ട് പുരുഷന്‍മാരുടെ പാദങ്ങള്‍ കഴുകി മിശിഹാ തന്റെ ശിഷ്യന്മാരുടെ കാലുകള്‍ കഴുകിയതിന്റെ ഓര്‍മ്മ പുതുക്കി. അതിനു ശേഷം പെസഹാ വ്യാഴത്തിന്റെ തിരുക്കര്‍മ്മങ്ങള്‍ തുടര്‍ന്നു. ചാപ്ലിന്‍സിയുടെ കീഴിലുള്ള ആറ് വിശുദ്ധ കുര്‍ബാന കേന്ദ്രങ്ങളില്‍ നിന്നുമായി നൂറുകണക്കിനാളുകള്‍ തിരുക്കര്‍മ്മങ്ങളില്‍ പങ്കെടുത്തു. അത്യധികം ഭക്തിനിര്‍ഭരമായി നടന്ന തിരുക്കര്‍മ്മങ്ങള്‍ക്ക് ശേഷം പ്രദക്ഷിണമായി മര മണിയുടെ അകമ്പടിയോടെ ദേവാലയത്തിന്റെ പ്രധാന അള്‍ത്താരയ്ക്ക് സമീപം നിര്‍മ്മിച്ച ചെറിയ അള്‍ത്താരയിലേയ്ക്ക് വിശുദ്ധ കുര്‍ബാന എഴുന്നള്ളിച്ചവെച്ചതോടെ പെസഹാ വ്യാഴാഴ്ചയുടെ തിരുക്കര്‍മ്മങ്ങള്‍ അവസാനിച്ചു.
റവ. ഫാ. മാത്യൂ 
മുളയോലില്‍ പെസഹാ അപ്പം ആശീര്‍വദിച്ച് വിശ്വാസികള്‍ക്ക് നല്‍കി. കേരളത്തില്‍ തങ്ങളുടെ ഇടവക ദേവാലയങ്ങളില്‍ പെസഹാ വ്യാഴാഴ്ച തിരുക്കര്‍മ്മങ്ങളില്‍ പങ്കെടുക്കുന്നതിന്റെ അതേ പ്രതീതിയായിരുന്നു റവ. ഫാ. മാത്യൂ മുളയോലില്‍ നേതൃത്വം കൊടുക്കുന്ന ലീഡ്‌സിലെ സെന്റ്. വില്‍ഫ്രിഡ്‌സ് ദേവാലയത്തില്‍ നടന്നതെന്ന് വിശ്വാസികള്‍ പറഞ്ഞു.
