സുധീഷ് തോമസ്

ഗ്രേറ്റ് ബ്രിട്ടൻ രൂപതയുടെ കീഴിലുള്ള ഏറ്റവും വലിയ മിഷനുകളിൽ ഒന്നായ സ്റ്റോക്ക് ഓൺ ട്രെൻഡ് മിഷനിൽ നിത്യസഹായ മാതാവിൻറെയും വിശുദ്ധ തോമാശ്ലീഹായുടെയും സംയുക്ത തിരുനാൾ ജൂലൈ 2 -ന് പൂർവ്വാധികം ഭക്തിനിർഭരമായി കോ-ഓപ്പറേറ്റീവ് അക്കാഡമി , സ്റ്റോക്ക് ഓൺ ട്രെൻഡിൽ വച്ച് നടത്തപ്പെടുന്നതാണ്.

ജൂൺ 25 ഞായറാഴ്ച വൈകിട്ട് 4 മണിക്ക് മിഷൻ വികാരി ഫാ. ജോർജ് എട്ടുപറയിൽ കൊടിയേറ്റുന്നതോടു കൂടി തിരുനാളിന് തുടക്കം കുറിക്കും. അന്നുമുതൽ തിരുനാൾ ദിവസം വരെ എല്ലാദിവസവും വിശുദ്ധ കുർബാനയും നിത്യസഹായ മാതാവിൻറെ നൊവേനയും ഉണ്ടായിരിക്കുന്നതാണ്. തിരുനാൾ കൊടിയേറ്റു മുതൽ പ്രധാന തിരുന്നാൾ ദിനം വരെ നേർച്ച വസ്തുക്കൾ കൊണ്ടുവരുന്നവർക്ക് തിരുകർമ്മങ്ങൾക്ക് ശേഷം അവ വിതരണം ചെയ്യാവുന്നതാണ്.

തിരുനാൾ ദിനമായ ജൂലൈ 2 – ന് രാവിലെ 10 മണിക്ക് ഗ്രേറ്റ് ബ്രിട്ടൺ രൂപതാദ്ധ്യക്ഷൻ മാർ ജോസഫ് സ്രാമ്പിക്കലിന്റെ മുഖ്യകാർമികത്വത്തിൽ ഫാ. മാത്യു കുരിശുംമൂട്ടിൽ, ഇടവക വികാരി ഫാ. ജോർജ് എട്ടുപറയിൽ എന്നിവരും ചേർന്ന് ആഘോഷമായ തിരുനാൾ രാസ കുർബാന അർപ്പിക്കുന്നതാണ്.

തുടർന്ന് ആഘോഷമായ ബാന്റ് മേളങ്ങളുടെയും ചെണ്ടമേളങ്ങളുടെയും അകമ്പടിയോടുകൂടി തിരുസ്വരൂപങ്ങളും മുത്തുക്കുടകളും വഹിച്ചുകൊണ്ടുള്ള ആഘോഷമായ തിരുനാൾ പ്രദക്ഷിണം നടത്തപ്പെടുന്നതാണ്. അതിനുശേഷം സ്നേഹവിരുന്ന് ഉണ്ടായിരിക്കുന്നതാണ്. ഉച്ചയ്ക്കുശേഷം സൺഡേ സ്കൂളിന്റെയും ഫാമിലി യൂണിറ്റിന്റെയും ചർച്ച് ഓർഗനൈസേഷന്റെയും നേതൃത്വത്തിൽ വിവിധതരം കലാപരിപാടികൾ ഉണ്ടായിരിക്കുന്നതാണ്.

തിരുനാൾ ആഘോഷങ്ങളുടെ സുഗമമായ നടത്തിപ്പിനായി തിരുനാൾ കൺവീനർ & കൈക്കാരന്മാർ ജോൺസൺ തെങ്ങുംപള്ളിൽ, സിബി പൊടിപ്പാറ, ജോഷി തോമസ്, ഡേവിഡ് പാപ്പു, ജോയിൻറ് കൺവീനേഴ്സ് ജോസ് വർഗീസ്, ജോസ് ആന്റണി, ബെന്നി പാലാട്ടി എന്നിവരുടെ നേതൃത്വത്തിൽ വിവിധതരം കമ്മിറ്റികൾ രൂപീകരിച്ചിട്ടുണ്ട്. തിരുനാൾ കർമ്മങ്ങളിൽ പങ്കെടുത്ത് നിത്യസഹായ മാതാവിൻറെ മാധ്യസ്ഥതയാൽ ദൈവാനുഗ്രഹം പ്രാപിക്കുവാനും നമുക്കൊന്നു ചേരാം

യുകെ മലങ്കര കത്തോലിക്കാ സഭാ മിഷനുകളുടെ എട്ടാമത് കൺവെൻഷൻ ഇന്ന് ഉച്ചയ്ക്ക് രണ്ടുമണിക്ക് കൊടിയേറും. സഭയുടെ തലവനും പിതാവുമായ മോറോൻ മോർ ബസ്സേലിയോസ് കർദ്ദിനാൾ ക്ളീമ്മീസ് കാതോലിക്കാ ബാവാ മുഖ്യാതിഥിയായിരിക്കുന്ന കൺവെൻഷനിൽ യുകെയിലെ 19 മിഷൻ സെന്ററുകളിൽ നിന്നുള്ള വിശ്വാസികൾ പങ്കെടുക്കും.

23,24,25 തീയതികളിൽ സിറിൽ ബസ്സേലിയോസ് കാതോലിക്കോസ് നഗർ എന്ന് നാമകരണം ചെയ്തിരിക്കുന്ന വെയിൽസിലുള്ള കഫൻലീ പാർക്കിൽ വെച്ചാണ് എട്ടാമത് മലങ്കര കൺവെൻഷൻ നടത്തപ്പെടുന്നത്.

“നിങ്ങളുടെ വെളിച്ചം മറ്റുള്ളവരുടെ മുന്നിൽ പ്രകാശിക്കട്ടെ” (മത്തായി 5/16). എന്ന വിശുദ്ധ വചനമാണ് ഇദംപ്രഥമായി നടത്തപെടുന്ന ത്രിദിന റെസിഡൻഷ്യൽ കൺവെൻഷന്റെ ആപ്തവാക്യം. ഈ വിഷയവുമായി ബന്ധപ്പെട്ട ക്‌ളാസ്സുകളും സെമിനാറുകളും നടത്തപ്പെടും. മലങ്കര യുവജനപ്രസ്ഥാനത്തിന്റെ ആഭിമുഖ്യത്തിൽ യുവജനങ്ങൾക്കായും മതബോധന വകുപ്പിന്റെ നേതൃത്വത്തിൽ വിദ്യാർത്ഥികൾക്കായും പ്രത്യേകം ക്‌ളാസ്സുകൾ നടത്തപ്പെടും. ബൈബിൾ ക്വിസ്, കൾച്ചറൽ പ്രോഗ്രാം കായിക വിനോദങ്ങൾ, വിശ്വാസ പ്രഖ്യാപനറാലി, പ്രതിനിധി സമ്മേളനം, സംയുക്ത സമ്മേളനം, വിശുദ്ധ കുർബാന എന്നിവയായിരിക്കും നടത്തപ്പെടുക.

മലങ്കര കത്തോലിക്കാസഭയുടെ അയർലണ്ട് കോർഡിനേറ്റർ വെരി.റവ. ഫാ. ചെറിയാൻ താഴമൺ, ശ്രീ ജിത്തു ദേവസ്യ, ശ്രീ ജോബി വർഗീസ് മുതലായവർ ക്‌ളാസ്സുകൾ കൈകാര്യം ചെയ്യും.

സുവിശേഷവൽക്കരണത്തിന്റെ ഭാഗമായി രൂപീകരിച്ച സുവിശേഷസംഘത്തിന്റെ പരിശീലനം പൂർത്തിയാക്കിയ ആദ്യബാച്ചിലെ അംഗങ്ങൾക്ക് അഭിവന്ദ്യ ബാവാതിരുമേനി വിശുദ്ധ കുർബാനമധ്യേ കൈവെപ്പ് നൽകും. യുകെ സഭയിൽ നിന്നും ദൈവസന്നിധിയിലേക്ക് ചേർക്കപെട്ടവർക്കായി പ്രത്യേക പ്രാർത്ഥന വിശുദ്ധ കുർബാന മദ്ധ്യേ നടത്തപ്പെടും.

ജി സി എസ്‌ സി, എ ലെവൽ, ഉന്നത വിദ്യാഭാസം, സണ്ടേസ്കൂൾ 12ആം ക്ലാസ്സ് പാസായവർ, വിവാഹജീവിതത്തിൽ 25 വർഷം പൂർത്തിയായവർ, കൺവെൻഷൻ ദിവസങ്ങളിൽ ജന്മദിനം ആഘോഷിക്കുന്നവർ, എന്നിവരെ ആദരിക്കും. അവയവദാനം പ്രത്സാഹിപ്പിക്കുന്നതിനായി യുവജന സംഘടനയുടെ ആഭിമുഖ്യത്തിൽ ബോധവൽക്കരണം നടത്തും.

പ്രകാശ് അഞ്ചൽ രചിച്ചു പീറ്റർ ചേരാനല്ലൂർ ഈണം പകർന്നു അഭിജിത് കൊല്ലം ആലാപനം ചെയ്ത കൺവെൻഷൻ തീം സോങ് ഇന്ന് പ്രകാശനം ചെയ്യും. ശ്രീ റിജോ കുഞ്ഞുകുട്ടി രൂപകൽപന ചെയ്ത കൺവെൻഷൻ ലോഗോ നേരത്തെ പ്രകാശനം ചെയ്തിരുന്നു. കൺവെൻഷന്റെ ഭാഗമായി പ്രസിദ്ധീകരിക്കുന്ന സുവനീറിർ പ്രകാശനം സമാപന സമ്മേളനത്തിൽ നടത്തപ്പെടും.

യുകെയിലെ സ്പെഷ്യൽ പാസ്റ്റർ ആൻഡ് കോർഡിനേറ്റർ റവ. ഫാ. ഡോ. കുര്യാക്കോസ് തടത്തിൽ നേതൃത്വം നൽകുന്ന മലങ്കര നാഷണൽ കൗൺസിലിന്റെ കീഴിൽ വൈദികരുടെ ചുമതലയിൽ രൂപീകരിച്ച വിവിധ കമ്മറ്റികളാണ് കൺവെൻഷന്റെ സുഗമമായ നടത്തിപ്പിന് വേണ്ട ക്രമീകരണങ്ങൾ ചെയ്യുന്നത്.

റോബിൻ ജോസഫ്

ഇംഗ്ലണ്ടിലെ ബേസിംഗ്സ്റ്റോക്ക് സെന്റ് അഗസ്റ്റിൻസ് സീറോ മലബാർ പ്രൊപ്പോസ്ഡ് മിഷനിൽ പരിശുദ്ധ കന്യകാമറിയത്തിന്റെയും ഭാരതത്തിന്റെ അപ്പസ്തോലനായ മാർ തോമാശ്ലീഹായുടെയും വിശുദ്ധ അഗസ്തീനോസിന്റെയും വിശുദ്ധ അൽഫോൻസാമ്മയുടെയും സംയുക്ത തിരുനാൾ ജൂൺ 24 ശനിയാഴ്ച ഭക്ത്യാദരപൂർവ്വം ആഘോഷിക്കുന്നു.

തിരുനാൾ ദിവസം ഉച്ചകഴിഞ്ഞ് 2 .30 ന് സൗതാംപ്ടൺ റീജിയണൽ കോഓർഡിനേറ്റർ വെരി റവ. ഫാദർ ജോസ് ബേബി കുന്നുംപുറത്ത് കൊടിയേറ്റുന്നതോടുകൂടി തിരുനാൾ ആഘോഷങ്ങൾക്ക് തുടക്കം കുറിക്കും. തുടർന്ന് തിരുസ്വരൂപ പ്രതിഷ്ഠ, വാഹന വെഞ്ചരിപ്പ് എന്നിവയും നടത്തും. മൂന്നുമണിക്ക് ഗ്രേറ്റ് ബ്രിട്ടൻ സീറോ മലബാർ എപ്പാർക്കി സിഞ്ചെല്ലൂസ്‌ വെരി റവ. ഫാ. ജിനോ അരീക്കാട്ടിന്റെ മുഖ്യകാർമ്മികത്വത്തിൽ ആഘോഷമായ തിരുനാൾ പരിശുദ്ധ കുർബാന ആരംഭിക്കും. വെരി റവ. ഫാദർ ജോസ് ബേബി കുന്നുംപുറത്ത് സഹകാർമ്മികനായി ദിവ്യബലി മധ്യേ തിരുവചന സന്ദേശം നൽകും. പരിശുദ്ധ കുർബാനയ്ക്കുശേഷം നേർച്ച വെഞ്ചരിപ്പും, ലദീഞ്ഞിനും ശേഷം തിരുനാൾ കൊടികളും സംവഹിച്ച് വാദ്യമേളങ്ങളുടെയും മുത്തുക്കുടകളുടെയും അകമ്പടിയോടെ വിശുദ്ധരുടെ തിരുസ്വരൂപങ്ങളും വഹിച്ചുകൊണ്ടൂള്ള ഭക്തിസാന്ദ്രമായ തിരുനാൾ പ്രദക്ഷിണം ആരംഭിക്കും. തിരുനാളിനോടനുബന്ധിച്ചുള്ള ഉണ്ണിയപ്പം നേർച്ച ഇവിടുത്തെ പ്രത്യേകതയാണ്. പ്രദക്ഷിണം തിരികെ ദൈവാലയത്തിൽ പ്രവേശിച്ചതിനുശേഷം സമാപന ആശീർവ്വാദം നൽകും. നിർദിഷ്ട മിഷൻ ഡയറക്ടർ ഫാ. ഡോ. ബിനോയ് കുര്യൻ കൊടിയിറക്കുന്നതോടുകൂടി തിരുകർമ്മങ്ങൾ അവസാനിക്കുന്നതാണ്. തിരുനാൾ തിരുകർമ്മങ്ങളിൽ പങ്കെടുക്കുവാൻ എത്തുന്നവർക്ക് സ്നേഹവിരുന്നും ക്രമീകരിച്ചിട്ടുണ്ട്.

തിരുനാൾ ആഘോഷങ്ങളുടെ വിജയത്തിനായി 23 അംഗ പ്രസുദേന്തിമാരെയും പ്രതിനിധിയോഗാംഗങ്ങളെയും ഇടവക ജനങ്ങളെയും ഉൾപ്പെടുത്തിയുള്ള വിവിധ കമ്മറ്റികളുടെ തീഷ്ണതയാർന്ന പ്രവർത്തനങ്ങളും നടത്തിവരുന്നു.

തിരുനാളിന് ഒരുക്കമായി ഉപവാസപ്രാർത്ഥനയും നൊവേനയും നടത്തി വരുന്നു. തിരുനാൾ ദിവസം നേർച്ച കാഴ്ചകൾ സമർപ്പിക്കുന്നതിനും അടിമ വയ്ക്കുന്നതിനും അവസരവും ഉണ്ടായിരിക്കുന്നതാണ്.

പരിശുദ്ധ അമ്മയുടെയും വിശുദ്ധരായ തോമാശ്ലീഹായുടെയും അഗസ്തീനോസിന്റെയും അൽഫോൻസാമ്മയുടെയും മധ്യസ്ഥം തേടുവാനും അവരുടെ മഹനീയ മാതൃക പിന്തുടർന്ന് മിശിഹാനുഭവം സ്വന്തമാക്കുവാനും ജീവിതം രക്ഷാകരമാക്കുവാനും ഈ സംയുക്ത തിരുനാൾ ആചരണത്തിൽ പങ്കുചേർന്ന് ദൈവകൃപയിൽ പൂരിതരാകുവാനും എല്ലാവരെയും ക്ഷണിക്കുന്നതായി നിർദ്ദിഷ്ട മിഷൻ ഡയറക്ടർ ഫാ. ഡോ. ബിനോയ് കുര്യൻ, കൈക്കാരൻമാരായ രാജു തോമസ് അമ്പാട്ട്, വിൻസന്റ് പോൾ പാണാകുഴിയിൽ തിരുനാൾ കമ്മിറ്റി കൺവീനർമാരായ റോബിൻ ജോസഫ് മുണ്ടുചിറ, മാത്യു വർഗീസ് കൈതക്കടുപ്പിൽ എന്നിവർ അറിയിച്ചു.

ദൈവാലയത്തിന്റെ വിലാസം.
St. Bede’s Catholic Church, Popley Way, Basingstoke, RG24 9DX.

കാൻറർബറി: ഗ്രേറ്റ് ബ്രിട്ടൻ സീറോമലബാർ എപ്പാർക്കി ഇവാഞ്ചലൈസേഷൻ കമ്മീഷന്റെ നേതൃത്വത്തിൽ 24 ന് ശനിയാഴ്ച കാൻറർബറി റീജണിലെ റെഡ്ഹിൽ സെന്റ് തെരേസ ദേവാലയത്തിൽ വെച്ച് ബൈബിൾ കൺവെൻഷൻ സംഘടിപ്പിക്കുന്നു.

ഗ്രേറ്റ് ബ്രിട്ടൻ രൂപതയുടെ അഭിവന്ദ്യ അദ്ധ്യക്ഷൻ മാർ ജോസഫ് സ്രാമ്പിക്കൽ വിശുദ്ധ ബലി അർപ്പിച്ചു സന്ദേശം നൽകുന്നതാണ്.

കാൻറർബറി റീജണൽ ഇവാഞ്ചലൈസേഷൻ കമ്മീഷൻ കോർഡിനേറ്ററും, വിവിധ മിഷനുകളിൽ പ്രീസ്റ്റ് ഇൻചാർജുമായ ഫാ.മാത്യു മുളയോലിൽ ശുശ്രുഷകൾക്ക് സഹകാർമികത്വം വഹിക്കുകയും ബൈബിൾ കൺവൻഷനു നേതൃത്വം കൊടുക്കുകയും ചെയ്യും.

വിവിധ വിദേശ ഭാഷകളിൽ വചനം പ്രഘോഷിച്ചു വരുന്ന, പ്രശസ്ത ധ്യാന ഗുരുവും, റോമിൽ യൂണിവേഴ്സിറ്റി പ്രൊഫസ്സറും, ബാംഗ്ലൂർ കർമലാരം തിയോളജി കോളേജിൽ വിസിറ്റിങ് പ്രൊഫസറുമായ ഇഗ്‌നേഷ്യസ് കുന്നുംപുറത്ത് ഒ.സി.ഡി അച്ചനാണ് ബൈബിൾ കൺവെൻഷനിൽ തിരുവചന ശുശ്രൂഷ നയിക്കുന്നത്.

ഗ്രേറ്റ് ബ്രിട്ടൻ എപ്പാർക്കി ഇവാഞ്ചലൈസേഷൻ കമ്മീഷൻ ചെയർ പേഴ്സണും, അനുഗ്രഹീത കൗൺസിലറും, പ്രശസ്ത തിരുവചന പ്രഘോഷകകൂടിയായ സിസ്റ്റര്‍ ആന്‍ മരിയ എസ് എച്ച് വിശുദ്ധ ഗ്രന്ഥ സന്ദേശങ്ങള്‍ പങ്കുവയ്ക്കുകയും, ശുശ്രുഷകൾക്കു നേതൃത്വം നൽകുകയും ചെയ്യും.

കാൻറർബറി റീജണൽ ബൈബിൾ കൺവെൻഷനിൽ രാവിലെ ഒമ്പതരക്ക് ആരംഭിച്ചു വൈകുന്നേരം നാലു മണിവരെ നടത്തപ്പെടുന്ന തിരുക്കർമ്മങ്ങളിലും, തിരുവചന ശുശ്രൂഷയിലും പങ്കുചേർന്ന് ദൈവിക കൃപകളും, അനുഗ്രഹങ്ങളും പ്രാപിക്കുന്നതിന് ഏവരെയും സ്‌നേഹപൂര്‍വ്വം ക്ഷണിച്ചു കൊള്ളുന്നതായി ഫാ. മാത്യു മുളയോലിൽ, ഇവാഞ്ചലൈസേഷൻ റീജണൽ കോർഡിനേറ്റർ ഡോൺബി, സെക്രട്ടറി ജോസഫ് കരുമത്തി എന്നിവർ അറിയിച്ചു.

കുമ്പസാരത്തിനും,സ്പിരിച്യുൽ ഷെയറിങ്ങിനും സൗകര്യം ഉണ്ടായിരിക്കും. ലഘുഭക്ഷണവും ക്രമീകരിക്കുന്നുണ്ട്.

കൂടുതല്‍ വിവരങ്ങള്‍ക്ക് ബന്ധപ്പെടുക:
ഡോൺബി-07921824640, ജോസഫ്-07760505659

കണ്‍വെന്‍ഷന്‍ വേദിയുടെ വിലാസം:
St.Teresa RC Church,Weldon Way,Merstham,Redhill,RH1 3Q

ബിനോയ് എം. ജെ.

സിഗ്മണ്ട് ഫ്റോയ്ഡ്(Sigmund Freud 1856-1939) ആണ് ജീവിതത്തോടുള്ള ആഭിമുഖ്യത്തെ ഇറോസ്(Eros)എന്നും മരണത്തിലേക്കുള്ള ചായ്വിനെ തനാറ്റോസ്(Thanatos) എന്നും നിർവ്വചിച്ചത്. ഇതിൽ തനാറ്റോസിനെ “മരണത്തിലേക്കുള്ള ചായ് വ്” എന്നത് മാറ്റി” മരണത്തോടുള്ള ആഭിമുഖ്യം” എന്ന് പുനർനിവ്വചിക്കുവാൻ ഞാനാഗ്രഹിക്കുന്നു. കാരണം അപ്പോൾ മാത്രമേ അത്തരം ഒരു സങ്കൽപം കൊണ്ടും പദപ്രയോഗം കൊണ്ടും എന്തെങ്കിലും പ്രയോജനവും അർത്ഥവും സിദ്ധിക്കുന്നുള്ളൂ. ഫ്രോയ്ഡ് പറഞ്ഞ മാതിരി മരണത്തോടുള്ള ചായ് വോ ആഭിമുഖ്യമോ നിഷേധാത്മകമായ ഒരു കാര്യമല്ല, മറിച്ച് അത്യന്തം ഭാവാത്മകവും അർത്ഥവ്യത്തും ഉപയോഗപ്രദവും ആണ്. നമുക്കാർക്കും തന്നെ മരണത്തോട് ഭാവാത്മകമായ സമീപനം ഇല്ലെന്ന് മാത്രമല്ല നാം മരണത്തെ വെറുക്കുകയും അതിൽനിന്നും സദാ ഓടിയൊളിക്കുകയും ചെയ്യുന്നു. ഇതാകുന്നു മനുഷ്യന്റെ എല്ലാ ക്ലേശങ്ങളുടെയും പ്രശ്നങ്ങളുടെയും അടിസ്ഥാനപരമായ കാരണം. ജീവിതത്തോട് നാം കാണിക്കുന്ന ആഭിമുഖ്യം എന്തുകൊണ്ട് മരണത്തോടും കാണിക്കുന്നില്ല? മരണത്തെക്കുറിച്ചുള്ള ചിന്ത മനുഷ്യമനസ്സുകളിൽ ശക്തമായി അടിച്ചമർത്തപ്പെട്ടു പോകുന്നതെന്തുകൊണ്ട്?

ജീവിതത്തോട് നാം കാണിക്കുന്ന ആഭിമുഖ്യവും മരണത്തോട് കാണിക്കുന്ന വിരോധവും മനുഷ്യ ജീവിതത്തെ രണ്ടായി കീറിമുറിക്കുന്നു. അവ പരസ്പരവിരുദ്ധങ്ങളായി നമുക്കനുഭവപ്പെടുകയും അവയ്ക്കിടയിൽ വലിയ ഒരു സംഘർഷം(conflict) സദാ നടന്നു വരികയും ചെയ്യുന്നു. ഇവിടെ മനുഷ്യന്റെ അസ്ഥിത്വം തന്നെ രണ്ടായി വിഘടിക്കപ്പെടുകയും മനുഷ്യജീവിതം വികലവും വിരൂപവും വിരസവും ആയി മാറുകയും ചെയ്യുന്നു. ഇപ്രകാരം രൂപപ്പെടുന്ന ദ്വൈതബോധമാണ് ജീവിത്തെ അതായിരിക്കുന്ന അവസ്ഥയിൽ സ്വീകരിക്കുന്നതിൽനിന്നും അതിന്റെ മഹത്വത്തെ ഉൾക്കൊള്ളുന്നതിഉൽനിന്നും നമ്മെ തടയുന്നത്. മനുഷ്യൻ സ്വന്തം ജീവിതത്തൊട് പൊരുത്തപ്പെടുന്നതിൽ പരാജയപ്പടുകയും അവന്റെ ജീവിതം അർത്ഥശൂന്യവും ക്ലേശകരവും ആയി പരിണമിക്കുകയും ചെയ്യുന്നു. ഇപ്രകാരം ചിന്താക്കുഴപ്പവും പ്രക്ഷുബ്ധതയും അവന്റെ ജീവിതത്തിന്റെ പ്രകൃതമായി മാറുകയും ചെയ്യുന്നു.

മനുഷ്യജീവിതത്തെ അതിന്റെ നൈസർഗ്ഗികമായ അനന്താനന്ദത്തിലേക്കും അനന്ത ജ്ഞാനത്തിലേക്കും കൊണ്ടുവരുവാൻ നാമെന്താണ് ചെയ്യേണ്ടത്? മനുഷ്യമനസ്സുകളിൽ തുടക്കം മുതലേ രൂപം കൊള്ളുന്ന സുഖദു:ഖങ്ങളിൽ നിന്നും കരകയറി അനന്തശാന്തിയിലേക്കും അനന്തശക്തിയിലേക്കും എങ്ങനെ പ്രവേശിക്കാം? ഉത്തരം ലളിതമാണ്. മരണത്തോടുള്ള ആഭിമുഖ്യത്തെ (Thanatos)വളർത്തിയെടുക്കുക. ഇപ്പോഴുള്ള ദ്വൈതഭാവം മാറി അവിടെ അദ്വൈത ഭാവം പ്രകാശിക്കട്ടെ! ജീവിതവും മരണവും രണ്ടല്ലെന്നും അവ ഒരിക്കലും വേർപെടുത്തുവാനാവാത്ത ഏക സത്തയുടെ രണ്ട് വശങ്ങൾ മാത്രമാണെന്നും ഒന്നിനെ സ്വീകരിക്കുന്നവൻ രണ്ടാമത്തതിനെയും സ്വീകരിച്ചേ തീരുവെന്നും അപ്പോൾ മാത്രമേ ജീവിതം ധന്യമാകുന്നുള്ളുവെന്നുമുള്ള നഗ്നസത്യത്തെ അംഗീകരിച്ചുകൊണ്ട് സുധീരം മുന്നോട്ട് നീങ്ങുന്നവനുമാത്രമേ ജീവിതവിജയം ഉള്ളൂ. ഇത് മനസ്സിലാക്കി ജീവിതത്തെ കുറിച്ച് ധ്യാനിക്കുന്നതുപോലെ തന്നെ മരണത്തെക്കുറിച്ചും ധ്യാനിച്ചു തുടങ്ങുമ്പോൾ നമ്മിലെ അദ്വൈതഭാവം പ്രകാശിച്ചുതുടങ്ങുന്നു. ജീവിതത്തിൽ നാമെപ്രകാരമാണോ അനന്താനന്ദം കണ്ടെത്താൻ ശ്രമിക്കുന്നത് അപ്രകാരം തന്നെ മരണത്തിലും അനന്താനന്ദം കണ്ടെത്താൻ ശ്രമിക്കുമ്പോൾ അവരണ്ടും ഒരേ സത്തയുടെ രണ്ടു ഭാവങ്ങൾ മാത്രമാണെന്ന് നാം തിരിച്ചറിയുന്നു.

ഇത്തരം ശാസ്ത്രീയമായ ഒരു ജീവിതവീക്ഷണത്തിന്റെ അഭാവത്തിൽ, ജീവിതവും മരണവും സംതുലിതമായി നിൽക്കുന്നതിന് പകരം ജീവിതം മരണത്തേക്കാൾ കൂടുതൽ ശ്രേഷ്ഠവും അഭിലഷണീയവും ആയി തോന്നുകയും മനുഷ്യമനസ്സുകളിൽ ജീവിതത്തിന് വേണ്ടിയുള്ള ആഗ്രഹം ജനിക്കുകയും ചെയ്യുന്നു. ഇങ്ങനെ ഉണ്ടാവുന്ന “ആഗ്രഹം” ആകുന്നു മനുഷ്യന്റെ എല്ലാ ദുഃഖങ്ങളുടെയും കാരണം. ആഗ്രഹങ്ങൾ ജീവിതത്തെ ഭാഗികമായി മാത്രം ഉൾക്കൊള്ളുന്ന പ്രക്രിയ ആയതിനാൽ മരണവും അതുമായി ബന്ധപ്പെട്ട ചിന്തകളും ശക്തമായി അടിച്ചമർത്തപ്പെടുകയും അബോധമനസ്സ് രൂപപ്പെടുകയും ചെയ്യുന്നു. ജീവിതത്തെയും മരണത്തെയും പൂർണ്ണമായി ഉൾക്കൊള്ളുന്ന ‘യോഗി’ മാരിൽ അബോധമനസ്സ് തിരോഭവിക്കുകയും മനസ്സ് പൂർണ്ണമായും സുതാര്യമാവുകയും ചെയ്യുന്നു. ഇപ്രകാരം സുതാര്യമായിത്തീരുന്ന മനസ്സിലൂടെ ഉള്ളിൽ വസിക്കുന്ന ആത്മാവിനെ എളുപ്പത്തിൽ നോക്കി കാണുവാൻ ആവുകയും ആത്മാവിന്റെ (ഈശ്വരന്റെ) എല്ലാ ഗുണങ്ങളും അയാൾക്ക് സിദ്ധിക്കുകയും ചെയ്യുന്നു.

അതിനാൽ തനാറ്റോസിനെ പ്രോത്സാഹിപ്പിച്ചു തുടങ്ങുവിൻ! മരണത്തെക്കുറിച്ച് സദാ ധ്യാനിക്കുവിൻ! കാലക്രമത്തിൽ മരണം നമുക്ക് ആസ്വാദ്യകരവും മധുരവുമായി മാറിത്തുടങ്ങും. ക്രമേണ മരണം അനന്താനന്ദത്തിലേക്കുള്ള പ്രവേശനകവാടവും അതിനാൽതന്നെ ജീവിതത്തെക്കാൾ അഭിലഷണീയവും ആയിത്തീരുന്നു. ഇങ്ങനെ മരണം ജീവിതത്തിനും ഉപരിയാവുകയും യോഗി ജീവിതത്തെ വലിച്ചെറിയുകയും ചെയ്യുന്നു. ഇപ്രകാരം ജീവിതത്തെ വലിച്ചെറിയുന്ന പ്രക്രിയയെ നിർവ്വാണമെന്നും മോക്ഷപ്രാപ്തിയെന്നും വിളിക്കാം.

ബിനോയ് എം.ജെ.
30 വർഷങ്ങളായി തത്വചിന്ത പഠിക്കുകയും 20 വർഷങ്ങളായി സാധന ചെയ്യുകയും ചെയ്യുന്നു .
28-മത്തെ വയസ്സിൽ ഔപചാരിക വിദ്യാഭ്യാസം ഉപേക്ഷിച്ചു. മാതാ അമൃതാനന്ദമയിയുടെയും സദ്ഗുരു ജഗ്ഗി വാസുദേവൻെറയും ശിഷ്യനാണ്.

ഫോൺ നമ്പർ: 917034106120

ബർമിംഗ്ഹാം .ഗ്രേറ്റ് ബ്രിട്ടൻ സീറോ മലബാർ രൂപതയുടെ നേതൃത്വത്തിൽ നടത്തിയ മൂന്നാമത് സുവാറ 2023 ബൈബിൾ ക്വിസ് മത്സര വിജയികളെ പ്രഖ്യാപിച്ചു . രൂപതയിലെ വിവിധ ഇടവക, മിഷൻ , പ്രൊപ്പോസഡ്‌ മിഷനുകളിൽനിന്നുമുള്ള മത്സരാത്ഥികളാണ് സുവാറ മത്സരത്തിൽ പങ്കെടുത്തത് . ആയിരത്തിലധികം മത്സരാർത്ഥികൾ പങ്കെടുത്ത സുവാറ 2023 വിശ്വാസികളുടെ പങ്കാളിത്തം കൊണ്ട് ഏറെ ശ്രദ്ധേയമായിരുന്നു . ഓൺലൈനിൽ വിവിധ ഘട്ടങ്ങളായി നടത്തിയ മത്സരത്തിൽ ഏറ്റവും കൂടുതൽ മാർക്കുകൾ നേടിയ ആറ് മത്സരാർത്ഥികൾ വീതമാണ് ഓരോ പായപരിധി ഗ്രൂപ്പുകളിൽനിന്നും ഫൈനൽ മത്സരത്തിലേക്ക് യോഗ്യത നേടിയത്. ഫൈനൽ മത്സരങ്ങൾ മാഗ്ന വിഷൻ സ്റ്റുഡിയോയിൽ വച്ച് ജൂൺ പത്തിന് നടത്തപ്പെട്ടു . എല്ലാവരും വചനം പഠിക്കുക വചനത്തിന് സാക്ഷികളാവുക എന്നുള്ള രൂപതാദ്ധ്യക്ഷൻ അഭിവന്ദ്യ ജോസഫ് സ്രാമ്പിക്കൽ പിതാവിന്റെ നിർദ്ദേശത്തോടെ ചേർന്നുകൊണ്ട് രൂപത ബൈബിൾ അപ്പോസ്റ്റലേറ്റ്‌ ആണ് എല്ലാവർഷവും സുവാറ ബൈബിൾ ക്വിസ് നടത്തുക .

നൂതന സാങ്കേതികവിദ്യകളുടെ സഹായത്തോടെ ഏറ്റവും ആകർഷകമായ രീതിയിൽ, നേരിട്ട് മത്സരാത്ഥികളോട് സംവദിച്ചുകൊണ്ടാണ് മത്സരങ്ങൾ നടത്തപ്പെട്ടത്. ബൈബിൾ അപ്പസ്റ്റോലറ്റ് ഡയറക്ടർ ബഹുമാനപെട്ട ജോർജ് എട്ടുപറയിൽ അച്ചൻറ് സാന്യത്യത്തില് ബൈബിൾ അപ്പോസ്റ്റലേറ്റ് കമ്മിഷൻ ചെയർമാൻ രൂപത വികാരി ജനറൽ ബഹുമാനപ്പെട്ട ജിനോ അരിക്കാട്ട്എം സി ബി എസ സുവാറ 2023 വിജയികളെ പ്രഖ്യാപിച്ചു . 8 -10 ഗ്രൂപ്പിൽ ഒന്നാം സ്ഥാനം നേടിയത് ഔർ ലേഡി ഓഫ് വൽസിംഗ്ഹാം മിഷനിൽ നിന്നുമുള്ള മനുവേൽ മനോജ് ആണ് . രണ്ടാം സ്ഥാനം നേടിയത് അതെ മിഷനിൽനിന്നുമുള്ള മെലിസാ റോസ് ജോണും മൂന്നാം സ്ഥാനം നേടിയത് ഔർ ലേഡി ഓഫ് നേറ്റിവിറ്റി മിഷൻ, പോർട്സ്‌മൗത്തിൽ നിന്നുമുള്ള ഷോൺ സോബിനുമാണ് .

അടുത്ത ഏജ് ഗ്രൂപ്പായ 11 -13 നിൽ ഒന്നാം സ്ഥാനം നേടിയത് ഔർ ലേഡി ക്യൂൻ ഓഫ് ദി റോസറി മിഷൻ ന്യൂകാസിലിൽ നിന്നുള്ള മെൽവിൻ ജെയ്‌മോനാണ് . രണ്ടാം സ്ഥാനം നേടിയത് ബഥനി കാതറിൻ ജോൺ , സെന്റ് ജോസഫ് മിഷൻ കൊവെൻട്രയും മൂന്നാം സ്ഥാനം നേടിയത് സെന്റ് മേരീസ് പ്രൊപ്പോസഡ്‌ മിഷൻ ഗ്ലോസ്റ്ററിൽ നിന്നുള്ള ഇവനെ മേരി സിജിയുമാണ് .

ഏജ് ഗ്രൂപ്പ് 14 -17 ഗ്രൂപ്പിൽ ഒന്നാം സ്ഥാനം അബെർഡീൻ സെന്റ മേരി മിഷനിലെ ആൽബർട്ട് ജോസി ഒന്നാം സ്ഥാനം നേടിയപ്പോൾ അതെ മിഷനിലെ തന്നെ ആൽവിൻ സിജി ജോസഫ് രണ്ടാം സ്ഥാനം കരസ്ഥമാക്കി . സൾറ്റലി സെന്റ്‌ ബെർണാഡിറ്റ് മിഷനിൽ അദിൻ ബെന്നി മൂന്നാം സ്ഥാനം നേടി.

പതിനെട്ടു വയസിന് മുകളിലുള്ളവർക്കായി നടത്തിയ മത്സരത്തിൽ ഒന്നാം സ്ഥാനം ടിന്റു ജോസഫ് , സെൻറ്സ് അൽഫോൻസാ ആൻഡ് ആന്റണി എഡിൻബറോ യും രണ്ടാം സ്ഥാനം ഔർ ലേഡി ഓഫ് കോൺസലേഷൻ പ്രൊപ്പോസഡ്‌ മിഷൻ ക്രോലി യിലുള്ള ബിബിത കെ ബേബിയും മൂന്നാം സ്ഥാനം മാഞ്ചസ്റ്റർ ഹോളി ഫാമിലി മിഷനിലെ രാജി വർഗീസും കരസ്ഥമാക്കി . സുവാറ ബൈബിൾ ക്വിസ് മത്സരങ്ങളുടെ വിജയത്തിനായി പ്രവർത്തിച്ചവർക്കും മത്സരത്തിൽ പങ്കെടുത്തവർക്കും വിജയികൾക്കും അഭിവന്ദ്യ പിതാവിന്റെയും രൂപത സമൂഹത്തിന്റെയും പേരിൽ ബൈബിൾ അപ്പോസ്റ്റലേറ്റ് കമ്മീഷൻ ചെയർമാൻ വികാരി ജനറൽ ജിനോ അരീക്കാട്ട് അച്ചൻ നന്ദി പറഞ്ഞു . സുവാറ 2023 വിജയകരമാക്കാൻ സഹായിച്ചവർക്കും മത്സരത്തിൽ പങ്കെടുത്തവർക്കും വിജയികൾക്കും രൂപത ബൈബിൾ അപ്പോസ്റ്റലേറ്റ് കോ ഓർഡിനേറ്റർ ആന്റണി മാത്യു അഭിനന്ദനങ്ങളും പ്രാർത്ഥനാശംസകളും നേർന്നു എന്ന് ബൈബിൾ അപ്പോസ്റ്റലേറ്റ് പി ആർ ഓ ജിമ്മിച്ചൻ ജോർജ് അറിയിച്ചു .

ജെഗി ജോസഫ്

23 വര്‍ഷത്തെ പാരമ്പര്യമുള്ള, യുകെയിലെ ഒരു ദേവാലയത്തില്‍ ഒരുമിച്ച് കൂടുന്ന ഏറ്റവും വലിയ കത്തോലിക്കാ വിശ്വാസ സമൂഹങ്ങളിലൊന്നാണ് ബ്രിസ്‌റ്റോള്‍ സെന്റ് തോമസ് സീറോ മലബാര്‍ കാത്തലിക് ചര്‍ച്ച് (എസ് ടിഎസ്എംസിസി) ഒട്ടേറെ കാര്യങ്ങള്‍ യുകെയിലെ സീറോ മലബാര്‍ സമൂഹത്തിന് സംഭാവന നല്‍കിയ ബ്രിസ്‌റ്റോള്‍ സമൂഹം സ്വന്തമായൊരു ദേവാലയം നിര്‍മ്മിക്കാനുള്ള ഒരുക്കത്തിലാണ്. ബ്രിസ്റ്റോള്‍ വിശ്വാസ സമൂഹം ഏറെ ആഗ്രഹിച്ചിരുന്ന ആ വലിയ സ്വപ്ന സാക്ഷാത്കാരത്തിന് ഒരു പടി കൂടി മുന്നോട്ട് പോവുകയാണ്. പള്ളിയുടെ നിര്‍മ്മാണ പ്രവര്‍ത്തനങ്ങള്‍ ഞായറാഴ്ച ആരംഭിക്കുകയാണ്. ഈ ചരിത്ര മുഹൂര്‍ത്തത്തിലേക്ക് പ്രാര്‍ത്ഥനയോടെ ചുവടുവയ്ക്കുകയാണ്. ഞായറാഴ്ച വൈകിട്ട് നാലു മണിയ്ക്ക് ചര്‍ച്ച് നിര്‍മ്മാണ സൈറ്റില്‍ വിശുദ്ധ കുര്‍ബാന അര്‍പ്പിക്കും. തുടര്‍ന്ന് പ്രത്യേക പ്രാര്‍ത്ഥന നടത്തും. തിങ്കളാഴ്ച വൈകിട്ട് ആറു മണി മുതല്‍ ഏഴു മണിവരെ യുകെയിലെ മറ്റ് കത്തോലിക്കാ സമൂഹവുമായി ചേര്‍ന്ന് സൂമിലൂടെ പ്രത്യേക പ്രാര്‍ത്ഥനയും നടക്കും. പിന്നീട് സൈറ്റ് കണ്‍സ്ട്രക്ഷന്‍ ടീം ഏറ്റെടുക്കും.

വര്‍ഷങ്ങള്‍ നീണ്ടതാണ് ഈ സ്വപ്നത്തിനായുള്ള പ്രയത്‌നവും.ഏഴു ലക്ഷത്തി മുപ്പതിനായിരം പൗണ്ട് മുടക്കി സ്ഥലം വാങ്ങി. പ്രതിസന്ധികള്‍ ഏറെ കടന്നു പ്ലാനിങ് പെര്‍മിഷന്‍ ലഭിച്ചു കഴിഞ്ഞപ്പോഴേക്കും കോവിഡ് പ്രതിസന്ധി വന്നു. പ്ലാനിങ് പെര്‍മിഷനും ബില്‍ഡിങ് റെഗുലേഷനും ഒട്ടേറെ കടമ്പകള്‍ വേണ്ടിവന്നു. ബില്‍ഡിങ് റെഗുലേഷന്‍ കാലാവധി തീരുന്ന ജൂണിന് മുമ്പേ പള്ളിയുടെ നിര്‍മ്മാണം തുടങ്ങുകയാണ്. ഉദ്ദേശിച്ചതിലും ചെലവേറിയതായി ഇപ്പോള്‍ പ്രൊജക്ട് മാറിയിരിക്കുകയാണ്. നിര്‍മ്മാണ സാമഗ്രികളിലുള്ള വിലക്കയറ്റം പള്ളി നിര്‍മ്മാണ ചെലവിനേയും സാരമായി ബാധിച്ചിരിക്കുകയാണ്.അതിനായി വലിയൊരു ഫണ്ട് ശേഖരണവും നടന്നുവരികയാണ്.

ചര്‍ച്ച് നിര്‍മ്മാണത്തിന്റെ ഭാഗമായി മെഗാ റാഫിള്‍ നടക്കുന്നുണ്ട്. റാഫിള്‍ ടിക്കറ്റിന് മികച്ച സ്വീകരണമാണ് ലഭിക്കുന്നത്.യുകെയിലെ ഏറ്റവും വലിയ സമ്മാന തുകയായ 25000 പൗണ്ട് സമ്മാനമായി നല്‍കുന്നത് യുകെയിലെ പ്രമുഖ മോര്‍ട്ട്‌ഗേജ് അഡൈ്വസിങ് സ്ഥാപനമായ ഇന്‍ഫിനിറ്റി മോര്‍ട്ട്‌ഗേജാണ്. രണ്ടാം സമ്മാനമായ അയ്യായിരം പൗണ്ട് സ്‌പോണ്‍സര്‍ ചെയ്തിരിക്കുന്നത് ലോ ആന്‍ഡ് ലോയേഴ്‌സാണ്. മൂന്നുപേര്‍ക്ക് ആയിരം പൗണ്ട് മൂന്നാം സമ്മാനം നല്‍കുന്നത് എംജി ട്യൂഷന്‍സുമാണ്. ടിക്കറ്റ് വിതരണം ആരംഭിച്ചു കഴിഞ്ഞു.

ചര്‍ച്ച് നിര്‍മ്മാണത്തിന്റെ നിര്‍ണ്ണായകമായ ചുവടുവയ്പ്പാണ് നടക്കുന്നത്. ബിഷപ് മാര്‍ ജോസഫ് സ്രാമ്പിക്കലിന്റെ നേതൃത്വത്തില്‍ യുകെ കത്തോലിക്കാ സമൂഹത്തിന്റെ പിന്തുണയോടെയാണ് ഈ പ്രൊജക്ട് നടപ്പാക്കുന്നത്. യൂറോപ്പില്‍ സീറോ മലബാര്‍ കതോലിക്കാ ദേവാലയം ആദ്യമായി നിര്‍മ്മിക്കുന്നത് ബ്രിസ്‌റ്റോളിലാണ്. യുകെയിലെ കതോലിക്കാ വിശ്വാസികള്‍ അതിന്റെ സന്തോഷത്തിലുമാണ്. മാര്‍ ജോസഫ് സ്രാമ്പിക്കലിന്റെ നേതൃത്വത്തിലുള്ള ചര്‍ച്ച് പ്രൊജക്ടില്‍ വിവിധ ഇടവകകളില്‍ സേവനം ചെയ്യുന്ന മറ്റ് വൈദീകരും കത്തോലിക്കാ വിശ്വാസികളും പ്രൊജക്ടിന് പിന്തുണ നല്‍കുന്നുണ്ട്.

ചിലവേറിയ പള്ളി പ്രൊജക്ടിലേക്ക് ഏവരും ആത്മാര്‍ത്ഥമായി സഹകരിക്കണമെന്ന് എസ്ടിഎസ്എംസിസി വികാരി ഫാ പോള്‍ വെട്ടിക്കാട്ട്, ട്രസ്റ്റിമാരായ സിജി വാദ്യാനത്ത്, മെജോ ജോയി ചെന്നേലില്‍, ബിനു ജേക്കബ് എന്നിവര്‍ അഭ്യര്‍ത്ഥിക്കുന്നു.ഇവര്‍ക്കൊപ്പം പ്രവര്‍ത്തിക്കുന്ന വിവിധ കമ്മറ്റികളും സജീവമായി പ്രവര്‍ത്തിക്കുന്നുണ്ട്. പള്ളിയുടെ നിര്‍മ്മാണ പ്രവര്‍ത്തനങ്ങള്‍ക്കായി നിങ്ങള്‍ക്കും സഹായമര്‍പ്പിക്കാം.

പള്ളി നിർമ്മാണത്തിന് സഹായിക്കണമെങ്കില്‍ ഈ ലിങ്കില്‍ ക്ലിക്ക് ചെയ്യുക
https://syromalabarchurchbristol.com/donation

പ്രത്യേക പ്രാര്‍ത്ഥനയ്ക്കായുള്ള സൂം മീറ്റിങ്ങില്‍ യുകെയിലെ എല്ലാ വിശ്വാസികള്‍ക്കും പങ്കെടുക്കാം.
സൂംമീറ്റിങ്ങിനായി

ZOOM ID; 840 3617 2558
PASS CODE ; 961956

ഈശോയുടെ തിരുഃഹൃദയത്തോടുള്ള ഭക്തിയെ പ്രത്യേകമായി പ്രഘോഷിച്ചു വണങ്ങുന്ന , ജൂൺ മാസത്തിലെ രണ്ടാം ശനിയാഴ്ച്ച അഭിഷേകാഗ്നി കൺവെൻഷൻ നാളെ ബർമിങ്ഹാമിൽ നടക്കും .റവ .ഫാ.സേവ്യർ ഖാൻ വട്ടായിൽ ആത്മീയ നേതൃത്വം നൽകുന്ന അഭിഷേകാഗ്നി കാത്തലിക് മിനിസ്ട്രിയുടെ നേതൃത്വത്തിൽ നടക്കുന്ന കൺവെൻഷനിൽ ഇത്തവണ പ്രശസ്‌ത ധ്യാനഗുരുവും വചന പ്രഘോഷകനുമായ റവ. ഫാ. മാത്യു വയലാമണ്ണിൽ പങ്കെടുക്കും . ബർമിങ്ഹാം ബെഥേൽ സെന്റെറിൽ നടക്കുന്ന കൺവെൻഷൻ ഫാ.ഷൈജു നടുവത്താനിയിൽ നയിക്കും . യൂറോപ്പിലെ പ്രമുഖ സുവിശേഷ പ്രവർത്തക മിഷേൽ മോറൻ കൺവെൻഷനിൽ ഇംഗ്ലീഷ് ശുശ്രൂഷകളിൽ പങ്കുചേരും . 2009 ൽ ഫാ. സോജി ഓലിക്കൽ തുടക്കമിട്ട സെഹിയോൻ യുകെ രണ്ടാം ശനിയാഴ്ച്ച കൺവെൻഷൻ 2023 മുതൽ റവ . ഫാ സേവ്യർ ഖാൻ വട്ടായിലിന്റെ ആത്മീയ നേതൃത്വത്തിൽ അഭിഷേകാഗ്നി എന്ന പേരിലാണ് പതിവുപോലെ എല്ലാ രണ്ടാം ശനിയാഴ്ച്ചകളിലും നടത്തപ്പെടുന്നത് .

മലയാളത്തിലും ഇംഗ്ലീഷിലും പ്രത്യേക ശുശ്രൂഷകൾ ,5 വയസ്സുമുതലുള്ള കുട്ടികൾക്ക് ക്‌ളാസ്സ് അടിസ്ഥാനത്തിൽ പ്രത്യേക ശുശ്രൂഷ, മലയാളത്തിലോ ഇംഗ്ലീഷിലോ കുമ്പസാരത്തിനും സ്പിരിച്ച്വൽ ഷെയറിങിനും സൗകര്യം എന്നിവയും അഭിഷേകാഗ്നി രണ്ടാം ശനിയാഴ്ച്ച കൺവെൻഷന്റെ ഭാഗമാകും . ശുശ്രൂഷകൾ രാവിലെ 8 ന് ആരംഭിച്ച് വൈകിട്ട് 4 ന് സമാപിക്കും .

സെഹിയോൻ മിനിസ്ട്രിയുടെ നേതൃത്വത്തിൽ ലോക സുവിശേഷവത്ക്കരണം ലക്ഷ്യമാക്കി യുകെയിൽ നിന്നും സോജിയച്ചന്റെ നേതൃത്വത്തിൽ ആരംഭിച്ച വിവിധങ്ങളായ ശുശ്രൂഷകൾക്ക് അടിസ്ഥാനമായി നിലനിൽക്കുന്ന പ്രതിമാസ രണ്ടാം ശനിയാഴ്ച്ച ബൈബിൾ കൺവെൻഷനും അനുബന്ധ ശുശ്രൂഷകളും യൂറോപ്പിലെ ക്രൈസ്തവ മാഹാത്മ്യത്തിന്റെ പുനഃരുദ്ധാരണത്തിന് സഭയ്‌ക്ക്‌ താങ്ങായി നിലകൊള്ളുകയാണ്. വിവിധ പ്രദേശങ്ങളിൽനിന്നും കോച്ചുകളും മറ്റ്‌ വാഹനങ്ങളും വിശ്വാസികളുമായി കൺവെൻഷനിലേക്ക് എത്തിച്ചേരും . വിവിധ ഭാഷാ ദേശക്കാരായ അനേകർ പങ്കെടുത്തുവരുന്നതും . മാനവരാശിയെ പ്രത്യാശയിലേക്കും നിത്യ രക്ഷയിലേക്കും നയിക്കുകയെന്ന വർത്തമാന കാലത്തിന്റെ ആവശ്യകതയെയും മുൻനിർത്തി നടക്കുന്ന കൺവെൻഷനിൽ കുട്ടികൾക്കും ടീനേജുകാർക്കും എഎഫ് സിഎം മിനിസ്ട്രിയുടെ കിഡ് സ് ഫോർ കിങ്‌ഡം , ടീൻസ് ഫോർ കിങ്ഡം ടീമിന്റെ നേതൃത്വത്തിൽ പ്രത്യേക ശുശ്രൂഷയും ക്ലാസ്സുകളും ഉണ്ടായിരിക്കും . കൺവെൻഷനിലുടനീളം കുമ്പസാരത്തിനും സ്‌പിരിച്വൽ ഷെയറിങിനും സൗകര്യമുണ്ടായിരിക്കുന്നതാണ് . ഇംഗ്ലീഷ് , മലയാളം ബൈബിൾ , മറ്റ്‌ പ്രാർത്ഥന പുസ്തകങ്ങൾ എന്നിവ ലഭ്യമാകുന്ന എല്‍ഷദായ്‌ ബുക്ക് മിനിസ്ട്രി കൺവെൻഷനിൽ പ്രവർത്തിക്കും.

അത്ഭുതകരമായ വിടുതലും രോഗശാന്തിയും ജീവിത നവീകരണവും ഓരോതവണയും സംഭവിച്ചുകൊണ്ടിരിക്കുന്ന,രോഗപീഡകൾക്കെതിരെ പ്രാർത്ഥനയുടെ കോട്ടകൾ തീർത്തുകൊണ്ട് ,ദേശ ഭാഷാ വ്യത്യാസമില്ലാതെ അനേകർ പങ്കെടുക്കുന്ന ,ജപമാല , വി. കുർബാന,വചന പ്രഘോഷണം, ആരാധന, ദിവ്യ കാരുണ്യ പ്രദക്ഷിണം എന്നിവ ഉൾപ്പെടുന്ന അഭിഷേകാഗ്നി കൺവെൻഷനിലേക്ക് ,അഭിഷേകാഗ്നി യുകെ മിനിസ്ട്രിയുടെ നേതൃത്വം ഫാ ഷൈജു നടുവത്താനിയിലും എഎഫ് സിഎം യുകെ കുടുംബവും ഏവരെയും ക്ഷണിക്കുന്നു . കൂടുതൽ വിവരങ്ങൾക്ക്;

ഷാജി ജോർജ് 07878 149670
ജോൺസൺ ‭+44 7506 810177‬
അനീഷ് ‭07760 254700‬
ബിജുമോൻ മാത്യു ‭07515 368239‬.

നിങ്ങളുടെ പ്രദേശങ്ങളിൽ നിന്നും കൺവെൻഷനിലേക്ക് ഏർപ്പെടുത്തിയിട്ടുള്ള വാഹന യാത്രാ സൗകര്യത്തെപ്പറ്റി അറിയുവാൻ ;

ജോസ് കുര്യാക്കോസ് 07414 747573.
ബിജുമോൻ മാത്യു 07515 368239

അഡ്രസ്സ്

Bethel Convention Centre
Kelvin Way
West Bromwich
Birmingham
B707JW.

ഗ്രേറ്റ് ബ്രിട്ടൺ സിറോ മലബാർ രൂപതയുടെ ലണ്ടൻ റീജിയനിൽ ഉള്ള സെയിന്റ് മേരീസ് ആൻഡ് ബ്ലെസ്സഡ്
കുഞ്ഞച്ചൻ മിഷിണിൽ നാളെ 7/6/23 , ബുധനാഴ്ച മരിയൻ ദിനാചരണം ഉണ്ടായിരിക്കുന്നതാണ് . മുടങ്ങാതെ നടക്കുന്ന ഈ ആത്മീയവിരുന്നിൽ ലണ്ടന്റെ വിവിധ ഭാഗങ്ങളിൽ നിന്നും വരുന്ന വിശ്വാസികൾ പരിശുദ്ധ അമ്മയുടെ മാധ്യസ്ഥം തേടി സഭയുടെ ഏറ്റം വലിയ ആരാധനയായ വിശുദ്ധ കുർബാനയിൽ പങ്കെടുത്ത്‌ അനുഗ്രഹം പ്രാപിച്ചു തങ്ങളുടെ വിശ്വാസത്തിൽ കൂടുതൽ ആഴപ്പെടുന്നു . വർഷങ്ങളായി നടന്നു വരുന്ന ഈ ശുശ്രൂഷ വഴി കൂടുതൽ വിശ്വാസികളെ അമ്മയിലൂടെ ഈശോയിലേക്കു വരുന്നതിനു കാരണമാകുന്നു . ജപാലയോടുകൂടി 6:45 pm നു തുടങ്ങി , വിശുദ്ധ കുർബാനയും മാതാവിന്റെ നൊവേനയും തുടർന്ന് ആരാധനയോടു കൂടി8:45pm നു സമാപിക്കുന്ന ഈ ആത്മീയ വിരുന്നിലേക്ക് ഏവരെയും സ്വാഗതം ചെയ്യുന്നതായി മിഷന്‍ ഡയറക്ടര്‍ ഫാ. ഷിന്റോ വര്‍ഗീസ് വാളിമലയില്‍ സിആര്‍എമ്മും മിഷന്‍ കമ്മിറ്റി അംഗങ്ങളും അറിയിച്ചു.

റെക്സം രൂപതാ കേരളാ കമ്മ്യൂണിറ്റിയുടെ സെന്റ് തോമസ് തിരുനാൾ ആഘോഷം ജൂലൈ രണ്ടാം തീയതി 2.30 -ന് റെക്സം സെന്റ് മേരീസ് കത്തീഡ്രലിൽ നടത്തുന്നു. ആഘോഷമായ മലയാളം പാട്ടു കുർബാനയിൽ രൂപതയിൽ സേവനം ചെയ്യുന്ന എല്ലാ മലയാളി വൈദീകരും പങ്കുചേരുന്നു. കുർബാനയിൽ റെക്സം ബിഷപ്പ് റവ. പീറ്റർ ബ്രിഗ്നൽ തിരുന്നാൾ സന്ദേശം നൽകുന്നതുമാണ്. കുർബാനയെ തുടർന്ന് ലദീഞ്ഞ്, പ്രദീഷണം, സമാപന പ്രാത്ഥന ആശീർവാദവും ഉണ്ടായിരിക്കും.

പരിശുദ്ധ കുർബാനയിൽ കുട്ടികൾക്ക് കാഴ്ചവയ്പ് നടത്തുന്നതിന് അവസരം ഉണ്ടായിരിക്കുന്നതാണ്. ഭാരത അപ്പസ്തോലൻ വിശുദ്ധ തോമാശ്ലീഹയുടെ തിരുനാളിൽ പങ്കു ചേർന്ന് വിശുദ്ധന്റെ അനുഗ്രഹം പ്രാപിക്കാൻ എല്ലാ വിശ്വാസികളേയും ഏറ്റവും സ്നേഹത്തോടെ റെക്സം സെന്റ് മേരീസ് കത്തീഡ്രലിലേക്ക് സ്വാഗതം ചെയ്യുന്നു.

കൂടുതൽ വിവരത്തിന് ബന്ധപ്പെടുക

മനോജ് ചാക്കോ – 07714282764 , ബെന്നി റെക്‌ഷാം -07889971259..