വർഷങ്ങൾ നീണ്ട കാത്തിരിപ്പിന് വിരാമമിട്ട് കേരള ബ്ലാസ്റ്റേഴ്സ് വീണ്ടും ഐ.എസ്.എൽ ഫൈനലിൽ. ജാംഷഡ്പൂർ എഫ്.സിക്കെതിരായ രണ്ടാം പാദമത്സരത്തിൽ സമനില വഴങ്ങിയെങ്കിലും. ഇരുപാദങ്ങളിലുമായി 2-1 എന്ന സ്കോറിന്റെ മുൻതൂക്കം നേടിയാണ് ബ്ലാസ്റ്റേഴ്സ് ഫൈനലിലെത്തിയത്. ആദ്യപാദ സെമിയിൽ ബ്ലാസ്റ്റേഴ്സ് 1-0​ത്തിന് ജയിച്ചിരുന്നു.

രണ്ടാം പാദ സെമി മത്സരത്തിന്റെ 18 മിനിറ്റിൽ അഡ്രിയാൻ ലൂണ നേടിയ ഗോളിൽ ബ്ലാസ്റ്റേഴ്സാണ് ആദ്യം മുന്നിലെത്തിയത്. ആദ്യപകുതിയിൽ ബ്ലാസ്റ്റേഴ്സ് ആക്രമിച്ച് കളിച്ചുവെങ്കിലും സ്കോർ ഉയർത്താനായില്ല. രണ്ടാം പകുതിയുടെ 50ാം മിനിറ്റിൽ പ്രണോയ് ഹാൽദർ നേടിയ ഗോളിൽ ജാംഷ്ഡ്പൂർ ഒപ്പം പിടിച്ചു. പിന്നീട് നിരവധി തവണ ജാംഷഡ്പൂർ ഗോളിനടുത്തെത്തിയെങ്കിലും നിർണായകമായ ലീഡ് നേടാനായില്ല.

2014, 2016 വർഷങ്ങളിലാണ് ബ്ലാസ്റ്റേഴ്സ് ഇതിന് മുമ്പ് ഫൈനൽ കളിച്ചത്. എന്നാൽ, ഐ.എസ്.എൽ കിരീടം ഇതുവരെയായിട്ടും ഷോകേസിലെത്തിക്കാൻ ബ്ലാസ്റ്റേഴ്സിന് സാധിച്ചിട്ടില്ല. എ.ടി.കെ-ഹൈദരാബാദ് മത്സര വിജയികളെ ബ്ലാസ്റ്റേഴ്സ് ഞായറാഴ്ച നടക്കുന്ന ഫൈനലിൽ നേരിടും.

എസ്. ശ്രീശാന്ത് ആഭ്യന്തര ക്രിക്കറ്റിന്‍റെ എല്ലാ ഫോർമാറ്റുകളില്‍ നിന്നും വിരമിച്ചു. പുതുതലമുറക്കായി വഴിമാറുകയാണെന്ന് ശ്രീശാന്ത് ട്വീറ്റ് ചെയ്തു.

അടുത്ത തലമുറയിലെ ക്രിക്കറ്റ് താരങ്ങൾക്കായി തന്റെ ഫസ്റ്റ് ക്ലാസ് ക്രിക്കറ്റ് കരിയർ അവസാനിപ്പിക്കാൻ തീരുമാനിച്ചുവെന്ന് ശ്രീശാന്ത് പറഞ്ഞു. ഈ തീരുമാനം തന്റേത് മാത്രമാണ്. ഇത് തനിക്ക് സന്തോഷം നൽകില്ലെന്ന് അറിയാമെങ്കിലും, ഈ സമയത്ത് സ്വീകരിക്കേണ്ട ശരിയായതും മാന്യവുമായ നടപടിയാണിതെന്നും” ശ്രീശാന്ത് പറഞ്ഞു.

അവസാനമായി മേഘാലയക്കെതിരെ രഞ്ജി ട്രോഫിയിലാണ് ശ്രീശാന്ത് കളിച്ചത്. ടൂർണമെന്‍റിനിടെ താരത്തിന്‍റെ കൈക്ക് പരുക്കേറ്റിരുന്നു. 2007 ല്‍ ടി-20 ക്രിക്കറ്റ് കിരീടം നേടിയ ഇന്ത്യന്‍‌ ടീമിലും 2011 ല്‍ ഏകദിന ലോകകപ്പ് നേടിയ ടീമിലും അംഗമായിരുന്നു. ഇന്ത്യക്കായി 27 ടെസ്റ്റ് മത്സരങ്ങളില്‍ നിന്ന് 87 വിക്കറ്റും 53 ഏകദിനങ്ങളില്‍ നിന്നായി 75 വിക്കറ്റും 10 ടി20യില്‍ നിന്ന് 7 വിക്കറ്റും താരം നേടി.

ഇന്ത്യന്‍ പ്രീമിയര്‍ ലീഗിന്റെ 15ാം സീസണ്‍ മാര്‍ച്ച് തുടങ്ങാനിരിക്കെ ആദ്യ മത്സരത്തില്‍ ചാമ്പ്യന്മാരായ ചെന്നൈ സൂപ്പര്‍ കിങ്‌സ് കൊല്‍ക്കത്ത നൈറ്റ് റൈഡേഴ്‌സിനെ നേരിടും. മുംബൈ വാംഖഡെ സ്റ്റേഡിയത്തില്‍ ഇന്ത്യന്‍ സമയം വൈകീട്ട് 7.30നാണ് മത്സരം. മാര്‍ച്ച് 26നാണ് ഐപിഎല്‍ ആരംഭിക്കുന്നത്. ഇത്തവണ രണ്ട് ഗ്രൂപ്പു ഘട്ടങ്ങളായാണ് ടൂര്‍ണമെന്റ് നടക്കുന്നത്.

ലഖ്നൗ സൂപ്പര്‍ ജയന്റ്സ്, ഗുജറാത്ത് ടൈറ്റന്‍സ് എന്നിവരാണ് പുതിയതായി എത്തുന്ന ടീമുകള്‍. രണ്ട് മത്സരങ്ങളുള്ള ദിവസം ആദ്യ മത്സരം വൈകീട്ട് 3.30ന് തന്നെയാവും ആരംഭിക്കുക. ആകെ 70 മത്സരങ്ങളാവും ഗ്രൂപ്പു ഘട്ടത്തില്‍ ഉണ്ടാവുക. മുംബൈയിലെ മൂന്ന് വേദികളിലായി 55 മത്സരവും പൂനെയില്‍ 15 മത്സരവുമാണ് നടക്കുന്നത്.

ടീമുകള്‍ക്ക് 17 മത്സരങ്ങളാണ് ഗ്രൂപ്പു ഘട്ടത്തില്‍ ഉണ്ടാവുക. ഗ്രൂപ്പിലെ ടീമുകളുമായി രണ്ട് മത്സരങ്ങള്‍ വീതം കളിക്കുമ്പോള്‍ എതിര്‍ ഗ്രൂപ്പിലെ ടീമുകളുമായി ഓരോ മത്സരവും കളിക്കും. എതിര്‍ ഗ്രൂപ്പില്‍ ഒരേ റാങ്കിങ്ങിലുള്ള ടീമുമായി രണ്ട് മത്സരവും കളിക്കും.

ഗ്രൂപ്പുകള്‍ തിരിച്ചപ്പോള്‍ ഗ്രൂപ്പ് എയാണ് മരണ ഗ്രൂപ്പ്. അഞ്ച് തവണ ചാമ്പ്യന്മാരായ മുംബൈ ഇന്ത്യന്‍സിനൊപ്പം രണ്ട് തവണ ചാമ്പ്യന്മാരായ കെകെആര്‍ ഒരു തവണ ചാമ്പ്യന്മാരായ രാജസ്ഥാന്‍ റോയല്‍സ്, ഡല്‍ഹി ക്യാപിറ്റല്‍സ്, ലഖ്നൗ സൂപ്പര്‍ ജയന്റ്സ് എന്നിവരാണ് ഗ്രൂപ്പ് എയിലുള്ളത്.

അന്തരിച്ച് ഓസീസ് സ്പിന്‍ ഇതിഹാസം ഷെയ്ന്‍ വോണിന്റെ അവസാന നിമിഷങ്ങള്‍ വെളിപ്പെടുത്തി അദ്ദേഹത്തിന്റെ മാനേജര്‍ ജെയിംസ് എര്‍സ്‌കിന്‍. വോണ്‍ അമിതമായി മദ്യപിച്ചിരുന്നുവെന്ന ആരോപണങ്ങള്‍ തള്ളിയ അദ്ദേഹം സുഹൃത്തുക്കള്‍ക്കൊപ്പം അത്താഴം കഴിക്കാന്‍ പദ്ധതിയിട്ടിരിക്കെയാണ് അബോധാവസ്ഥയിലായതെന്ന് പറഞ്ഞു.

‘തായ്ലന്‍ഡിലെ ഖൊ സമുയിലുള്ള റിസോര്‍ട്ടില്‍ അവധി ആഘോഷിക്കാനായി എത്തിയതാണ് വോണ്‍. വോണ്‍ മദ്യപിച്ചിരുന്നില്ല. അദ്ദേഹം സുഹൃത്തുക്കള്‍ക്കൊപ്പം അത്താഴം കഴിക്കാനുള്ള പദ്ധതിയിട്ടിരുന്നു. ഓസ്ട്രേലിയയും പാകിസ്ഥാനും തമ്മിലുള്ള ഒന്നാം ക്രിക്കറ്റ് ടെസ്റ്റാണ് അദ്ദേഹം ടെലിവിഷനില്‍ കണ്ടുകൊണ്ടിരുന്നത്. സുഹൃത്തുക്കള്‍ക്കൊപ്പം അത്താഴം കഴിച്ച് യുകെയിലേക്ക് പോകാനായിരുന്നു അദ്ദേഹം പദ്ധതിയിട്ടത്.’

‘വോണിനെ കാണാനായി ആന്‍ഡ്രൂ എന്ന സുഹൃത്ത് വന്ന സമയത്ത് അദ്ദേഹത്തിന് ശാരീരിക ബുദ്ധിമുട്ടുകള്‍ വന്നതായി മനസിലാക്കി. അബോധാവസ്ഥയിലായ വോണിന് ആ സമയത്ത് കൃത്രിമ ശ്വാസം നല്‍കാനും സുഹൃത്ത് ശ്രമിച്ചിരുന്നു. 20 മിനിറ്റ് വൈകിയാണ് ആംബുലന്‍സ് എത്തിയത്. ഒരു മണിക്കൂര്‍ കഴിയുമ്പോഴേക്കും അദ്ദേഹം മരിച്ചു’ ജെയിംസ് എര്‍സ്‌കിന്‍ പറഞ്ഞു.

കഴിഞ്ഞ വര്‍ഷം ഓഗസ്റ്റില്‍ കോവിഡ് ബാധിതനായിരുന്ന വോണിന് അതിന്റെ സങ്കീര്‍ണതകളുമുണ്ടായിരുന്നെന്നാണ് റിപ്പോര്‍ട്ട്. രണ്ട് ഡോസ് വാക്സിന്‍ സ്വീകരിച്ച ശേഷമാണ് ഓസീസ് താരത്തിന് കോവിഡ് ബാധിച്ചത്. കടുത്ത തലവേദനയും പനിയും സഹിക്കാന്‍ കഴിഞ്ഞില്ലെന്ന് വോണ്‍ പിന്നീട് വ്യക്തമാക്കിയിരുന്നു. വേദന സഹിക്കാനാകാതെ നാല് ദിവസത്തോളം താരം വെന്റിലേറ്ററിലായിരുന്നു.

ക്രി​ക്ക​റ്റി​ലെ നി​ത്യ​വ​സ​ന്ത​മാ​യ ഷെ​യ്ൻ വോ​ണി​ന്‍റെ അ​ന്ത്യ​ത്തോ​ടെ എ​ക്കാ​ല​ത്തെ​യും മി​ക​ച്ച സ്പി​ന്ന​ർ​മാ​രി​ൽ ഒ​രാ​ളെ​യാ​ണ് ക്രി​ക്ക​റ്റ് ലോ​ക​ത്തി​ന് ന​ഷ്ട​മാ​കു​ന്ന​ത്. ക്രി​ക്ക​റ്റ് ഇ​തി​ഹാ​സ​ങ്ങ​ളി​ൽ ഒ​രാ​ളാ​യ വോ​ണി​ന്‍റെ വേ​ർ​പാ​ട് തീ​രാ​ന​ഷ്ട​മാ​ണ്.

ലോ​ക​ത്തി​ലെ ബാ​റ്റ​ർ​മാ​രു​ടെ പേ​ടി സ്വ​പ്ന​മാ​യി​രു​ന്നു വോ​ണ്‍. ഗ്രൗ​ണ്ടി​ലും പു​റ​ത്തും ഒ​രു​പോ​ലെ വാ​ർ​ത്ത​ക​ൾ സൃ​ഷ്ടി​ച്ച താ​രം കൂ​ടി​യാ​ണ് വോ​ണ്‍. 15 വ​ർ​ഷം നീ​ണ്ട ടെ​സ്റ്റ് ക​രി​യ​റി​ൽ 145 മ​ത്സ​രം ക​ളി​ച്ച വോ​ണ്‍ 708 വി​ക്ക​റ്റു​ക​ളാ​ണ് വാ​രി​ക്കൂ​ട്ടി​യ​ത്. ലോ​ക​ത്തെ ഏ​തൊ​രു ബാ​റ്റ​റും പേ​ടി​യോ​ടെ​യാ​ണ് വോ​ണി​ന്‍റെ അ​സാ​മാ​ന്യ പ​ന്തു​ക​ളെ നേ​രി​ട്ടി​ട്ടു​ള്ള​ത്. പ​ല ക്രി​ക്ക​റ്റ് നി​രൂ​പ​ക​രും വോ​ണി​നു ചാ​ർ​ത്തി​ന​ൽ​കി​യ സ്ഥാ​നം സാ​ക്ഷാ​ൽ ഡോ​ണ്‍ ബ്രാ​ഡ്മാ​നു തൊ​ട്ടു​താ​ഴെ​യാ​ണ്.

1992ൽ ​ഇ​ന്ത്യ​ക്കെ​തി​രേ അ​ര​ങ്ങേ​റി​യ വോ​ണ്‍ ആ​ദ്യ​ടെ​സ്റ്റി​ൽ നേ​ടി​യ​ത് ഒ​രു വി​ക്ക​റ്റ് മാ​ത്ര​മാ​ണ്. അ​തും 150 റ​ണ്‍​സ് വ​ഴ​ങ്ങി. എ​ന്നാ​ൽ, 18 മാ​സ​ങ്ങ​ൾ​ക്കു​ശേ​ഷം നൂ​റ്റാ​ണ്ടി​ന്‍റെ പ​ന്തെ​റി​ഞ്ഞു​കൊ​ണ്ട് ആ​രാ​ധ​ക​രെ അ​ന്പ​ര​പ്പി​ച്ചു.  1993 ആ​ഷ​സ് പ​ര​ന്പ​ര​യി​ൽ ഇം​ഗ്ല​ണ്ടി​ന്‍റെ മൈ​ക്ക് ഗാ​റ്റിം​ഗി​നെ​തി​രേ ഓ​ൾ​ഡ് ട്രാ​ഫോ​ർ​ഡി​ലാ​യി​രു​ന്നു ഇ​ത്. ലെ​ഗ്സ്റ്റം​പി​നു പു​റ​ത്ത് ഇ​ഞ്ചു​ക​ൾ മാ​റി പി​ച്ചു​ചെ​യ്ത പ​ന്ത് അ​സാ​ധാ​ര​ണ​മാം​വി​ധം തി​രി​ഞ്ഞ് ഗാ​റ്റിം​ഗി​ന്‍റെ ഓ​ഫ് സ്റ്റം​പ് തെ​റി​പ്പി​ച്ചു. പി​ന്നീ​ട് എ​ത്ര​യെ​ത്ര സു​ന്ദ​ര​മാ​യ നി​മി​ഷ​ങ്ങ​ൾ ഷെ​യ്ൻ വോ​ണ്‍ ക്രി​ക്ക​റ്റ് ആ​രാ​ധ​ക​ർ​ക്കു സ​മ്മാ​നി​ച്ചു.

194 ഏ​ക​ദി​ന​ങ്ങ​ളി​ൽ​നി​ന്ന് 293 വി​ക്ക​റ്റും വോ​ണ്‍ സ്വ​ന്തം പേ​രി​ലാ​ക്കി​യി​ട്ടു​ണ്ട്. 2006 ൽ ​ഇം​ഗ്ല​ണ്ടി​നെ​തി​രേ നാ​ട്ടി​ൽ ന​ട​ന്ന ആ​ഷ​സ് പ​ര​ന്പ​ര​യോ​ടെ​യാ​ണ് വോ​ണ്‍ ക്രി​ക്ക​റ്റി​ൽ​നി​ന്നു വി​ര​മി​ച്ച​ത്. പ്ര​ശ​സ്ത​മാ​യ സി​ഡ്നി ക്രി​ക്ക​റ്റ് ഗ്രൗ​ണ്ടി​ൽ ന​ട​ന്ന ടെ​സ്റ്റി​ൽ കെ​വി​ൻ പീ​റ്റേ​ഴ്സ​ന്‍റെ അ​ട​ക്ക​മു​ള്ള നി​ർ​ണാ​യ​ക വി​ക്ക​റ്റു​ക​ൾ നേ​ടി​യാ​ണ് വോ​ണ്‍ മ​ത്സ​രം അ​വ​സാ​നി​പ്പി​ച്ച​ത്. ആ​ൻ​ഡ്രൂ ഫ്ളി​ന്േ‍​റാ​ഫാ​ണ് ടെ​സ്റ്റി​ൽ വോ​ണി​ന്‍റെ അ​വ​സാ​ന ഇ​ര.

ഇ​ന്ത്യ​ൻ ക്രി​ക്ക​റ്റ് ഇ​തി​ഹാ​സം സ​ച്ചി​ൻ തെ​ണ്ടു​ൽ​ക്ക​ർ ഒ​ഴി​കെ മ​റ്റെ​ല്ലാം ലോ​കോ​ത്ത​ര ബാ​റ്റ​ർ​മാ·ാ​രെ​യും വോ​ണ്‍ വി​റ​പ്പി​ച്ചി​ട്ടു​ണ്ട്. എ​ന്നും വി​വാ​ദ​ങ്ങ​ളു​ടെ ക​ളി​ത്തോ​ഴ​നാ​യി​രു​ന്നു വോ​ണ്‍. ബ്രി​ട്ടീ​ഷ് ടാ​ബ്ലോ​യ്ഡു​ക​ൾ​ക്ക് എ​ല്ലാ​ക്കാ​ല​ത്തും വോ​ണ്‍ ന​ല്ല വി​ഭ​വ​ങ്ങ​ൾ ന​ൽ​കി​യി​രു​ന്നു.   ഒ​രു ദ​ക്ഷി​ണാ​ഫ്രി​ക്ക​ൻ പ​ര്യ​ട​ന​ത്തി​നി​ടെ സ്ത്രീ​ക്ക് ഫോ​ണി​ലൂ​ടെ അ​ശ്ലീ​ല മെ​സേ​ജു​ക​ൾ അ​യ​ച്ചെ​ന്ന ആ​രോ​പ​ണം ഉ​യ​ർ​ന്നു. പി​ന്നീ​ടു പ​ല​വ​ട്ടം പ​ല സ്ത്രീ​ക​ളോ​ട് വോ​ണ്‍ ഇ​ത്ത​ര​ത്തി​ൽ പെ​രു​മാ​റി​യെ​ന്ന് പ​റ​യ​പ്പെ​ടു​ന്നു.

ഇ​ന്ത്യ​ൻ പ്രീ​മി​യ​ർ ലീ​ഗ് തു​ട​ങ്ങി​യ​പ്പോ​ൾ മു​ത​ൽ രാ​ജ​സ്ഥാ​ൻ റോ​യ​ൽ​സി​ന്‍റെ നാ​യ​ക​നും പ​രി​ശീ​ല​ക​നു​മാ​യ വോ​ണ്‍ നാ​ലു സീ​സ​ണു​ക​ൾ പൂ​ർ​ത്തി​യാ​ക്കി​യാ​ണ് വി​ര​മി​ച്ച​ത്. റോ​യ​ൽ​സി​ന് ആ​ദ്യ വ​ർ​ഷ​ത്തെ കി​രീ​ടം നേ​ടി​ക്കൊ​ടു​ക്കാ​നും വോ​ണി​നും ക​ഴി​ഞ്ഞു. വ്യ​ക്തി​ജീ​വി​ത​ത്തി​ൽ എ​ന്തെ​ല്ലാം പ്ര​ശ്ന​ങ്ങ​ളു​ണ്ടാ​യാ​ലും വോ​ണി​ന്‍റെ പ്ര​തി​ഭ​യും ക​ഴി​വും എ​ക്കാ​ല​വും സ്മ​രി​ക്ക​പ്പെ​ടു​ന്ന​താ​ണ്.

ഓസ്‌ട്രേലിയൻ ക്രിക്കറ്റർ ഷൈൻ വോൺ അന്തരിച്ചു. 52 വയസായിരുന്നു . ഹൃദയാഘാതത്തെ തുടർന്നായിരുന്നു അന്ത്യം.മികച്ച സ്‌പിന്നര്‍മാരില്‍ ഒരാളായാണ് ഷെയ്ന്‍ വോണ്‍ വിലയിരുത്തപ്പെടുന്നത്. വോണ്‍-സച്ചിന്‍, വോണ്‍-ലാറ പോരാട്ടം അക്കാലത്ത് വിഖ്യാതമായിരുന്നു.

ടെസ്റ്റില്‍ 145 മത്സരങ്ങളില്‍ 2.65 ഇക്കോണമിയില്‍ 708 വിക്കറ്റും 194 ഏകദിനങ്ങളില്‍ 4.25 ഇക്കോണമിയില്‍ 293 വിക്കറ്റും വോണിന്‍റെ പേരിലുണ്ട്. ടെസ്റ്റില്‍ 37 തവണ അഞ്ച് വിക്കറ്റ് നേട്ടവും 10 തവണ രണ്ടിംഗ്‌സിലുമായി 10 വിക്കറ്റ് നേട്ടവും വോണ്‍ പേരിലാക്കി. ഏകദിനത്തില്‍ ഒരു തവണയാണ് അഞ്ച് വിക്കറ്റ് പിഴുതത്. ടെസ്റ്റില്‍ 3154 റണ്‍സും ഏകദിനത്തില്‍ 1018 റണ്‍സും നേടി.

ഇന്ത്യയിലും വലിയ ആരാധകവ്യൂഹം വോണിനുണ്ടായിരുന്നു. ഐപിഎല്ലില്‍ 55 മത്സരങ്ങളില്‍ 57 വിക്കറ്റ് വീഴ്‌ത്തി. ഐപിഎല്ലിന്‍റെ പ്രഥമ സീസണില്‍ രാജസ്ഥാന്‍ റോയല്‍സിനെ അപ്രതീക്ഷിത കിരീടത്തിലേക്ക് നയിച്ച ക്യാപ്റ്റനായിരുന്നു ഷെയ്‌ന്‍ വോണ്‍. പിന്നീട് ടീമിന്‍റെ ഉപദേശക സ്ഥാനവും വഹിച്ചു ഇതിഹാസ താരം.

ലോക ചെസ്സ് ചാംപ്യൻ മാഗ്നസ് കാൾസനെ ആരാധിക്കുന്ന ചെന്നൈയിൽ നിന്നുള്ള കൊച്ചു ചെസ്‌പ്ലേയർ ജിഎം പ്രജ്ഞാനന്ദ രമേഷ് ബാബു അദ്ദേഹത്തെ തന്നെ തോൽപ്പിച്ച് ഇന്ത്യയുടെ യശസ് ഉയർത്തിയിരിക്കുകയാണ്. എയർതിങ്‌സ് മാസ്റ്റേഴ്‌സ് ഓൺലൈൻ റാപിഡ് ചെസ് പോരാട്ടത്തിലാണ് ഇന്ത്യൻ കൗമാര താരത്തിന്റെ ചരിത്രവിജയം. ആകെ 16 താരങ്ങളാണ് ടൂർണമെന്റിൽ മാറ്റുരയ്ക്കുന്നത്. പ്രാഥമിക ഘട്ടത്തിൽ ഒരു താരത്തിന് 15 മത്സരങ്ങൾ ലഭിക്കും.

മൂന്നു വിജയങ്ങളുടെ തിളക്കത്തിൽ എത്തിയ കാൾസനെ 39 നീക്കങ്ങൾ കൊണ്ട് പ്രജ്ഞാനന്ദ മുട്ടുകുത്തിക്കുകയായിരുന്നു. 16 വയസ്സുകാരൻ ഇത്രയും പരിചയസമ്പന്നനായൊരു താരത്തെ പരാജയപ്പെടുത്തിയത് അത്ഭുതകരമെന്നും രാജ്യത്തിന്റെ യശസ്സുയർത്തിയെന്നുമാണ് സാക്ഷാൽ സച്ചിൻ തെണ്ടുൽക്കർ കുറിച്ചത്.

അതേസമയം, ലോകചാമ്പ്യനെ വീഴിത്തിയതന്റെ അമ്പരപ്പിലാണ് പ്രജ്ഞാനന്ദയും, തനിക്കിത് വിശ്വസിക്കാനാകുന്നില്ല എന്നാണ് മൽസരശേഷം ഇന്റർനാഷണൽ ചെസ് വെബ്‌സൈറ്റിനു നൽകിയ അഭിമുഖത്തിൽ പ്രജ്ഞാനന്ദ പറഞ്ഞത്. സ്വന്തം ഹീറോ കൂടിയായ മാഗന്‌സ് കാൾസണെ തോൽപ്പിക്കുന്നത് തന്റെ സ്വപ്നങ്ങളിൽ ഉണ്ടായിരുന്നെന്നും പ്രജ്ഞാനന്ദ പ്രതികരിച്ചു.

സൗമ്യതയ്ക്കും ശാന്തതയ്ക്കും അതേസമയം ഗൗരവത്തിനും ഏറെ പേരുകേട്ടയാളാണ് ഇന്ത്യയുടെ മൂന്‍ നായകനും നിലവിലെ പരിശീലകനുമായ രാഹുല്‍ദ്രാവിഡ്. വൃദ്ധിമാന്‍ സാഹയുമായി ബന്ധപ്പെട്ട് അടുത്തകാലത്ത് ഉണ്ടായ വിവാദം തന്നെ സമചിത്തതയോടെ ദ്രാവിഡ് കാര്യങ്ങള്‍ കൈകാര്യം ചെയ്യുന്നതിന്റെ ഉദാഹരണമാണ്. കളിക്കാരനായിരുന്നപ്പോഴും പിന്നീട് പരിശീലകനായപ്പോഴും ഏറെ പ്രകോപിതമാകേണ്ട സാഹചര്യത്തില്‍ പോലും ദ്രാവിഡിന് മാറ്റമൊന്നും വന്നിരുന്നില്ല.

ഡ്രസിംഗ് റൂമില്‍ സഹതാരങ്ങളോട് അങ്ങേയറ്റം മാന്യമായും ശാന്തമായും പ്രതികരിക്കുന്ന ദ്രാവിഡിന് ദേഷ്യം വന്ന സാഹചര്യം പോലും വളരെ കുറവാണ്. ആവശ്യമില്ലാതെ എംഎസ്് ധോണി കൂറ്റനടിക്ക് ശ്രമിച്ച് വിക്കറ്റ് കളഞ്ഞത്, 2014 ഐപിഎല്ലില്‍ മുംബൈ ഇന്ത്യന്‍സ് 14.4 ഓവറില്‍ 195 റണ്‍സ് ചേസ് ചെയ്ത് ജയിച്ചത് തുടങ്ങിയ ചുരുക്കം ചില അവസരങ്ങളില്‍ മാത്രമേ ദ്രാവിഡിന്റെ രോഷം ഇന്ത്യന്‍ ആരാധകര്‍ അങ്ങിനെ കണ്ടിട്ടുള്ളൂ. എന്നാല്‍ ഒരിക്കല്‍ പാകിസ്താനില്‍ വെച്ച് തന്നെ അലോസരപ്പെടുത്തിയ ഒരു മാധ്യമപ്രവര്‍ത്തകനോട് രൂക്ഷമായിട്ട് പ്രതികരിക്കുകയും അയാളെ പുറത്താക്കുകയും ചെയ്തു.

2004 ല്‍ ഇന്ത്യയും പാകിസ്താനും തമ്മിലുള്ള നാലു മത്സരങ്ങളുടെ ഒരു പരമ്പരയിലെ അവസാന മത്സരത്തില്‍ വെച്ചായിരുന്നു സംഭവം. പരമ്പരയില്‍ ഇന്ത്യ 2-1 ന് പിന്നില്‍ നില്‍ക്കുകയായിരുന്നു. ലാഹോറിലെ ഗദ്ദാഫി സ്‌റ്റേഡിയത്തില്‍ നായകന്‍ ഇന്‍സമാം ഉള്‍ ഹക്കിന്റെ സെഞ്ച്വറി മികവില്‍ പാകിസ്താന്‍ 293 റണ്‍സ് എടുത്തു. എന്നാല്‍ നന്നായി ചേസ് ചെയ്ത ഇന്ത്യ 132 റണ്‍സില്‍ നില്‍ക്കുകയാണ്. രാഹുല്‍ദ്രാവിഡ് 76 റണ്‍സ് അടിച്ചു പുറത്താകാതെയും മൊഹമ്മദ് കൈഫ് 71 റണ്‍സ് എടുത്തും നില്‍ക്കുകയാണ്. കളിക്ക് ശേഷം നടന്ന പത്രസമ്മേളനത്തില്‍ പാക് മാധ്യമപ്രവര്‍ത്തകന്റെ ഒത്തുകളിയെക്കുറിച്ചുള്ള ചോദ്യം ദ്രാവിഡിനെ പ്രകോപിതനാക്കി.

അസംബന്ധം എന്ന് ആദ്യം തന്നെ പ്രതികരിച്ച ദ്രാവിഡ് ഇയാളെ മാധ്യമസമ്മേളനം നടക്കുന്ന ഹാളില്‍ നിന്നും പുറത്താക്കാന്‍ ആവശ്യപ്പെട്ടു. ഇത് അസംബന്ധം ആണെന്നും ഇയാളെ മുറിയില്‍ നിന്നും പുറത്തേക്ക് എറിയാന്‍ ആരുമില്ലേ എന്നുമായിരുന്നു പ്രതികരിച്ചത്.

ഐ​എ​സ്എ​ല്‍ കേ​ര​ള ബ്ലാ​സ്‌​റ്റേ​ഴ്‌​സി​നെ​തി​രേ ന​ട​ത്തി​യ വി​വാ​ദ പ​രാ​മ​ര്‍​ശ​ത്തി​ൽ എ​ടി​കെ മോ​ഹ​ന്‍ ബ​ഗാ​ന്‍ താ​രം സ​ന്ദേ​ശ് ജിം​ഗാ​ന് സൈ​ബ​ർ ആ​ക്ര​മ​ണം. ഭാ​ര്യ ഉ​ള്‍​പ്പെ​ടെ​യു​ള്ള കു​ടും​ബാം​ഗ​ങ്ങ​ളെ അ​പ​മാ​നി​ക്ക​രു​തെ​ന്ന് ആ​വ​ശ്യ​പ്പെ​ട്ട് ജിം​ഗാ​ന്‍ രം​ഗ​ത്തെ​ത്തി.

ത​ന്‍റെ തെ​റ്റ് ഒ​രി​ക്ക​ൽ കൂ​ടി ഏ​റ്റു​പ​റ​ഞ്ഞ താ​രം അ​തി​ന്‍റെ പേ​രി​ല്‍ കു​ടും​ബാം​ഗ​ങ്ങ​ളെ ശി​ക്ഷി​ക്ക​രു​തെ​ന്ന് ആ​വ​ശ്യ​പ്പെ​ട്ടു. ട്വി​റ്റ​റി​ല്‍ പോ​സ്റ്റ് ചെ​യ്ത വീ​ഡി​യോ​യി​ലൂ​ടെ​യാ​ണ് ജിം​ഗാ​ൻ ആ​രോ​ധ​ക​രോ​ട് മാ​പ്പ് അ​പേ​ക്ഷി​ച്ച​ത്.

ബ്ലാ​സ്റ്റേ​ഴ്‌​സും എ​ടി​കെ​യും ത​മ്മി​ലു​ള്ള മ​ത്സ​ര​ശേ​ഷ​മാ​ണ് ജിം​ഗാ​ൻ വി​വാ​ദ പ​രാ​മ​ര്‍​ശം ന​ട​ത്തി​യ​ത്. “ഞ​ങ്ങ​ള്‍ മ​ത്സ​രി​ച്ച​ത് സ്ത്രീ​ക​ള്‍​ക്കൊ​പ്പം’ എ​ന്നാ​യി​രു​ന്നു ജിം​ഗാ​ൻ പ​റ​ഞ്ഞ​ത്. ഇ​തി​നെ​തി​രെ നി​ര​വ​ധി പേ​രാ​ണ് രം​ഗ​ത്തെ​ത്തി​യ​ത്.

ബ്ലാ​സ്റ്റേ​ഴ്സി​നെ​യും സ്ത്രീ​ക​ളെ ത​ന്നെ​യും ജിം​ഗാ​ൻ അ​പ​മാ​നി​ച്ചു എ​ന്നാ​യി​രു​ന്നു ആ​രോ​പ​ണം. മു​ൻ താ​ര​മാ​യ ജിം​ഗാ​നോ​ടു​ള്ള ആ​ദ​ര​സൂ​ച​ക​മാ​യി ബ്ലാ​സ്റ്റേ​ഴ്സ് പി​ൻ​വ​ലി​ച്ച 21 ാം ന​മ്പ​ർ ജ​ഴ്സി തി​രി​കെ കൊ​ണ്ടു​വ​ര​ണ​മെ​ന്നും ആ​രോ​ധ​ക​ർ ആ​വ​ശ്യ​പ്പെ​ട്ടു.

ര​ഞ്ജി ട്രോ​ഫി​യി​ൽ മേ​ഘാ​ല​യ​യ്ക്കെ​തി​രേ ത​ക​ർ​പ്പ​ൻ ജ​യ​ത്തോ​ടെ കേ​ര​ളം തു​ട​ങ്ങി. ഇ​ന്നിം​ഗ്സി​നും 166 റ​ണ്‍​സി​നു​മാ​ണ് കേ​ര​ളം ജ​യി​ച്ച​ത്. ര​ണ്ടു ഇ​ന്നിം​ഗ്സി​ലു​മാ​യി ആ​റ് വി​ക്ക​റ്റ് വീ​ഴ്ത്തി​യ അ​ര​ങ്ങേ​റ്റ​ക്കാ​ര​ൻ ഏ​ദ​ൻ ആ​പ്പി​ൾ ടോം ​മാ​ൻ ഓ​ഫ് ദ ​മാ​ച്ചാ​യി. മേ​ഘാ​ല​യ​യു​ടെ ര​ണ്ടാം ഇ​ന്നിം​ഗ്സ് 191 റ​ണ്‍​സി​ൽ അ​വ​സാ​നി​ച്ചു. ബേ​സി​ൽ ത​മ്പി നാ​ലും ജ​ല​ജ് സ​ക്സേ​ന മൂ​ന്നും ഏ​ദ​ൻ ര​ണ്ടു വി​ക്ക​റ്റു​ക​ൾ നേ​ടി. ചി​രാ​ഗ് കു​ർ​ന (75), ദു​പ്പു സാ​ഗ്മ (പു​റ​ത്താ​കാ​തെ 55) എ്ന്നി​വ​ർ മാ​ത്ര​മാ​ണ് മേ​ഘാ​ല​യ്ക്കാ​യി തി​ള​ങ്ങി​യ​ത്. ആ​ദ്യ ഇ​ന്നിം​ഗ്സി​ൽ മേ​ഘാ​ല​യ 148 റ​ണ്‍​സി​ന് പു​റ​ത്താ​യി​രു​ന്നു.

പൊ​ന്ന​ൻ രാ​ഹു​ൽ (147), രോ​ഹ​ൻ എ​സ്. കു​ന്നു​മ്മ​ൽ (107), വ​ത്സ​ൽ ഗോ​വി​ന്ദ് (106) എ​ന്നി​വ​രു​ടെ സെ​ഞ്ചു​റി ക​രു​ത്തി​ൽ കേ​ര​ളം ആ​ദ്യ ഇ​ന്നിം​ഗ്സി​ൽ 505 റ​ണ്‍​സ് അ​ടി​ച്ചു​കൂ​ട്ടി​യി​രു​ന്നു. മ​ത്സ​രം ജ​യി​ച്ച​തോ​ടെ കേ​ര​ള​ത്തി​ന് ഏ​ഴ് പോ​യി​ന്‍റു​ക​ൾ ല​ഭി​ച്ചു.

മ​ല​യാ​ളി താ​രം സ​ഞ്ജു സാം​സ​ണ്‍ വീ​ണ്ടും ഇ​ന്ത്യ​ൻ ടീ​മി​ൽ. ശ്രീ​ല​ങ്ക​യ്ക്കെ​തി​രാ​യ ട്വ​ന്‍റി-20 പ​ര​മ്പ​ര​യ്ക്കു​ള്ള ടീ​മി​ലാ​ണ് സ​ഞ്ജു​വി​ന് ഇ​ടം ല​ഭി​ച്ച​ത്.  വി​ക്ക​റ്റ് കീ​പ്പ​ർ ഋ​ഷ​ഭ് പ​ന്തി​ന് വി​ശ്ര​മം അ​നു​വ​ദി​ച്ച​തോ​ടെ ഇ​ഷാ​ൻ കി​ഷ​നൊ​പ്പം ര​ണ്ടാം വി​ക്ക​റ്റ് കീ​പ്പ​റാ​യി സ​ഞ്ജു​വി​നെ ടീ​മി​ൽ ഉ​ൾ​പ്പെ​ടു​ത്തു​ക​യാ​യി​രു​ന്നു. മു​ൻ നാ​യ​ക​ൻ വി​രാ​ട് കോ​ഹ്ലി​ക്കും വി​ശ്ര​മം അ​നു​വ​ദി​ച്ചി​ട്ടു​ണ്ട്.

രോ​ഹി​ത് ശ​ർ​മ നാ​യ​ക​നാ​കു​ന്ന 18 അം​ഗ ടീ​മി​ൽ പ​രി​ക്ക് മാ​റി ര​വീ​ന്ദ്ര ജ​ഡേ​ജ​യും സ്ഥാ​നം പി​ടി​ച്ചു. ജ​സ്പ്രീ​ത് ബും​റ​യെ ട്വ​ന്‍റി-20, ടെ​സ്റ്റ് ടീ​മു​ക​ളു​ടെ ഉ​പ​നാ​യ​ക​നാ​യും നി​യ​മി​ച്ചി​ട്ടു​ണ്ട്.  ഓൾറൗണ്ടർ ഷർദുൽ ഠാക്കൂറിനും വിശ്രമം അനുവദിച്ചു. മൂ​ന്ന് ട്വ​ന്‍റി-20 മ​ത്സ​ര​ങ്ങ​ളാ​ണ് ശ്രീ​ല​ങ്ക​യ്ക്കെ​തി​രേ ഇ​ന്ത്യ ക​ളി​ക്കു​ന്ന​ത്. ഫെബ്രുവരി 24ന് ലക്നോവിലാണ് ആദ്യ മത്സരം. പിന്നാലെ 26, 27 തീയതികളിൽ രണ്ടും മൂന്നും മത്സരങ്ങൾക്ക് ധർമശാല വേദിയാകും.

ടീം: ​രോ​ഹി​ത് ശ​ർ​മ (ക്യാ​പ്റ്റ​ൻ), ജ​സ്പ്രീ​ത് ബും​റ (വൈ​സ് ക്യാ​പ്റ്റ​ൻ), ഋ​തു​രാ​ജ് ഗെ​യ്ക് വാ​ദ്, ഇ​ഷാ​ൻ കി​ഷ​ൻ, ശ്രേ​യ​സ് അ​യ്യ​ർ, സൂ​ര്യ​കു​മാ​ർ യാ​ദ​വ്, ദീ​പ​ക് ഹൂ​ഡ, വെ​ങ്കി​ടേ​ഷ് അ​യ്യ​ർ, ദീ​പ​ക് ച​ഹ​ർ, ഭു​വ​നേ​ശ്വ​ർ കു​മാ​ർ, ഹ​ർ​ഷ​ൽ പ​ട്ടേ​ൽ, മു​ഹ​മ്മ​ദ് സി​റാ​ജ്, സ​ഞ്ജു സാം​സ​ണ്‍, ര​വീ​ന്ദ്ര ജ​ഡേ​ജ, യു​സ് വേ​ന്ദ്ര ച​ഹ​ൽ, ര​വി ബി​ഷ്ണോ​യി, കു​ൽ​ദീ​പ് യാ​ദ​വ്, ആ​വേ​ഷ് ഖാ​ൻ