വാഗമൺ കുരിശുമലയിലേക്ക് ഭക്തിപൂർവ്വം ഒരു യാത്ര ഈരാറ്റുപേട്ട ടൗണിൽ നിന്നും 24 കിലോമീറ്ററുണ്ട് കുരിശുമലയിലേയ്ക്ക്. വിശ്വസികളുടെ പ്രമുഖ തീര്ത്ഥാടന കേന്ദ്രമാണിത്. കുരിശുമല ആശ്രമവും ഡയറി ഫാമുമാണ് ഇവിടുത്തെ പ്രധാന ആകര്ഷണങ്ങള്. ആത്മീയതയുമായി ബന്ധപ്പെട്ടല്ലാതെ എത്തുന്നവര്ക്കും പ്രിയപ്പെട്ട സ്ഥലമാണ് കുരിശുമല. പ്രകൃതി രമണീയതയാണ് ഈ മലനിരകളെ സഞ്ചാരികള്ക്ക് പ്രിയപ്പെട്ടതാക്കുന്നത്. തേയിലത്തോട്ടങ്ങളും കാടുമെല്ലാം ചേര്ന്ന് അവാച്യമായ അനുഭൂതിയാണ് സഞ്ചാരികളിലുണ്ടാക്കുക.
കുരിശുമലയില് നിന്നുനോക്കിയാല് മുരുകന് പാറയുടെ കാഴ്ചയും കാണാം. കുരിശുമലയുടെ മുകളിലേയ്ക്ക് പോകുന്ന വഴിയില് യൂറോപ്യന് മാതൃകയില് നിര്മ്മിച്ച പഴയൊരു കെട്ടിടം കാണാം. ഇതിന് പിന്നിലാണ് മനുഷ്യനിര്മ്മിതമായ ഒരു തടാകവുമുണ്ട്. പ്രമുഖ വാസ്തുശില്പിയായിരുന്ന ലാറി ബക്കര് നിര്മ്മിച്ചതാണ് ഈ കെട്ടിടവും തടാകവും.
കുരിശുമലയെന്നുപേരുള്ള മലയ്ക്ക് മുകളിലാണ് ഈ ആശ്രമം. കത്തോലിക്കര്ക്കും ഗാന്ധിയന്തത്വങ്ങളില് വിശ്വസിക്കുന്നവര്ക്കും വേണ്ടിയുള്ളതാണ് ഈ ആശ്രമം. എല്ലാ മതവിഭാഗങ്ങളില് നിന്നുള്ളവരും ഈ ആശ്രമം കാണാനെത്താറുണ്ട്. ദുഖവെള്ളിയാഴ്ചയാണ് ഇവിടുത്തെ പ്രധാനപ്പെട്ട ദിവസം. ഈ ദിവസം വിശ്വാസികള് കൂറ്റന് മരക്കുരിശുമേന്തി ഈശോ മിശിഹയുടെ ക്രൂശിത ദിവസത്തിന്റെ വേദനസ്വയം ഏറ്റുവാങ്ങുന്നതായി സങ്കല്പ്പിച്ച് ദീര്ഘദൂരം കാല്നടയായി മലകയറാറുണ്ട്.
പട്ടിണിയില്ക്കഴിയുന്ന അനേകം പാവപ്പെട്ടയാളുകള്ക്കുള്ള ഭക്ഷണവും മറ്റും ദിവസേന ആശ്രമത്തില് നിന്നും കൊണ്ടുപോകുന്നുണ്ട്. അന്തേവാസികളും സന്ദര്ശകരും ഭക്ഷണം പാഴാക്കുന്നത് ഇവിടെ കര്ശനമായി നിരോധിച്ചിട്ടുണ്ട്. ആശ്രമത്തില് വലിയൊരു പ്രാര്ത്ഥനാ ഹാളുണ്ട്. ഇവിടെ ആളുകള് പ്രാര്ഥിയ്ക്കുന്നതും ധ്യാനിയ്ക്കുന്നതും കാണാം. ആശ്രമത്തോടുചേര്ന്നുള്ള ഫാമില് ദിവസേന 1500 ലിറ്റല് പാലാണ് ഉല്പാദിപ്പിയ്ക്കുന്നത്.
കുരിശുമലയില് പന്ത്രണ്ടോളം ചെറുകുന്നുകളുണ്ട്. ഇക്കൂട്ടത്തില് ഏറ്റവും ഉയരം കൂടിയ കുന്നാണ് റെസ്ുറക്ഷന് ഗാരന്ഡന്. ആത്മീയകേന്ദ്രമെന്നകാര്യം മാറ്റിനിര്ത്തിയാലും കുരിശുമല സഞ്ചാരികളുടെ ഇഷ്ടകേന്ദ്രമാണ്, ഇവിടുത്തെ പ്രകൃതിഭംഗിതന്നെയാണ് ഇതിന് കാരണം.
കേരളത്തിലെ തന്നെ ഏറ്റവും പ്രശസ്തമായ കുരിശിന്റെ വഴി തീര്ത്ഥാടന കേന്ദ്രമാണ് വാഗമണ്ണിലെ കുരിശുമല. ദു:ഖവെള്ളിയാഴ്ചയും വലിയ നോയമ്പ് കഴിഞ്ഞുള്ള പുതുഞായറാഴ്ചയും ലക്ഷക്കണക്കിന് വിശ്വാസികളാണ് കുരിശിന്റെ വഴിയില് പങ്കെടുക്കാനായി ഇവിടെ എത്തിച്ചേരുന്നത്. പാലായില് നിന്നും ഭരണങ്ങാനം-ഈരാറ്റുപേട്ട-തീക്കോയി-വെള്ളികുളം വഴിയാണ് കുരിശുമലയില് എത്തുവാന് സാധിക്കുക. പാലായില് നിന്നും 37.7 കിലോമീറ്റര് ദൂരമാണ് ഇവിടേക്കുള്ളത്.
സീറോ മലങ്കര കത്തോലിക്ക ചര്ച്ചിന്റെ കീഴിലാണ് കുരിശുമല ആശ്രമം ഉള്ളത്. മലയുടെ മുകളിലെ അതിമനോഹരമായ ഭൂപ്രകൃതിയില് സ്ഥിതി ചെയ്യുന്ന ആശ്രമം വാഗമണ് സന്ദര്ശകരുടെ പ്രിയ സ്ഥലം കൂടിയാണ്.
മുന്പ് പല തവണ ഇന്നേ ദിവസം ഇവിടെ പോയപ്പോഴും, പ്രായം കൂടും തോറും നമ്മുടെ ഉള്ളിലെ വിശ്വസവും കൂടി കൂടി വരും. വാഗമൺ പോകാറുള്ള എല്ലാ യാത്രികരും
കണ്ടുമടങ്ങാറുള്ള വാഗമണ് മീടോസും(മൊട്ട കുന്നുകള്) പൈന് ഫോറെസ്റും
സൂയിസൈഡ് പൊയന്റും ആയിരിക്കുമല്ലോ. എന്നാല് വിശ്വസികൾക്ക് പോകാൻ പറ്റി കുരിശുമല വാഗമണിലെ ഏറ്റവും സുന്ദരമായ സ്ഥലം…
വാഗമണ് പോകുന്നവര് കുരിശുമല കയറാതെ തിരിച്ചു പോകരുതെന്നെ എനിക്ക് പറയാനുള്ളൂ.
കാരണം വാഗമണിലെ സുഖശീതളമായ കാറ്റും തണുപ്പും ഏറ്റവും അനുഭവ ഹൃദ്യമാകുന്നത്
ഈ കുന്നുകള് കയറിയെത്തുമ്പോഴാണ്.
ഞങ്ങൾ സംഘം ബന്ധുക്ക വീട്ടിൽ നിന്നും രാവിലെ ഒൻപതു മണിയോടെ യാത്ര ആരംഭിച്ചു ഈരാറ്റുപേട്ട തീക്കോയി വാഗമൺ റൂട്ടിൽ സ്വാതന്ത്ര്യത്തിനു മുൻപ് ബ്രിട്ടീഷുകാർ പണികഴിപ്പിച്ച പാത. അന്ന് പാറകൾ തുരന്നു പണിത റോഡിൽ നിന്നും ഭാഗികമായി ചെറിയ മാറ്റങ്ങൾ വരുത്തിയതൊഴിച്ചാൽ അതെ വീതിയിൽ വലിയ ഒരു വാഹനം വന്നാൽ പലയിടത്തും കഷ്ടി ഒരു വാഹനം കടന്നു പോകാനുള്ള വീഥി മാത്രം ഈരാറ്റുപേട്ടയിൽ നിന്നും വാഗ്മണിലേക്കുള്ള ഇന്നേ ദിവസത്തെ തിരക്കുള്ള യാത്രയിൽ പലയിടത്തും ട്രാഫിക്ക് ബ്ലോക്കിൽ പെട്ട് ഞങ്ങളുടേത് ഉൾപ്പെട വാഹനങ്ങൾ നിരയായി കിടന്നു
വാഗമണ് സിറ്റിയില് നിന്നും 15 മിനിറ്റ് യാത്ര ചെയ്താല് നമ്മെ സ്വാഗതം ചെയ്യുന്നത്
കുരിശുമലയിലേക്കുള്ള കവാടമാണ്. വലത്തോട്ട് തിരിഞ്ഞാല് കുരിശുമാലയിലെക്കുള്ള
യാത്ര തുടങ്ങാം. പോകുന്ന വഴിനീളെ യേശുദേവന്റെ “കുരിശിന്റെ വഴിയിലെ” പ്രസിദ്ധങ്ങളായ
“14 സ്ഥലങ്ങള്” സ്മരിക്കുന്ന നിര്മ്മിതികള് കാണാം.
ഞങ്ങൾ മറ്റു പല സംഘത്തിനൊപ്പം മലകയറ്റം ആരംഭിച്ചു കാനനപാതയിൽ കുരിശിന്റെ വഴി ചൊല്ലിയുള്ള യാത്ര.കൈകുഞ്ഞുങ്ങൾ മുതൽ വൃദ്ധർ വരെ ആയിരക്കണക്കിന് നന്നാമത വിശ്വസികൾ മലകയറുകയും ഇറങ്ങുകയും ചെയുന്നു.കഴിഞ്ഞ ദിവസങ്ങൾ പെയ്ത ശക്തമായ മഴ മൂലം യാത്രയിൽ തണുത്ത കാറ്റും കോടയും നമ്മളെ തട്ടി തഴുകി പോകുന്നതിനാൽ മലകയറ്റം ആർക്കും ഒരു മടുപ്പും ഉണ്ടാകില്ല. കൈ കുഞ്ഞുങ്ങളുമായി മലകയറുന്നവർ,സന്ന്യാസി സന്യാസിനികൾ കുഞ്ഞുകുട്ടികൾ എല്ലാവരും ഭക്തി നിർഭലമായി കുരിശിന്റെ വഴി ചൊല്ലി മലമുകളിലേക്ക് നടന്നു കയറുമ്പോള് വേറൊരു ലോകത്തേക്ക് കയറുകയാണോ എന്ന് തോന്നും.നാല് ദിക്കിലും മേഘാവൃതമായ ആകാശവും അനന്തതയും മാത്രം.
കുരിശുമലയുടെ
ഏറ്റവും മുകളില് എത്തുമ്പോൾ അവിടെ കാണുന്ന കാഴ്ച
വാക്കുകള്ക്കതീതമാണ്. ഭൂമിയുടെ നെറുകയില് കയറി ആകാശത്തെ തൊടാന്
ചെന്നെത്തിയ ഒരു കൊച്ചു കുട്ടിയെ പോലെ നമ്മള്. കിതച്ചെത്തിയ നമ്മളെ
അവിടുത്തെ കാഴ്ചകള് ശാന്തമാക്കും. ചിന്തകളും മനസ്സും ശാന്തം, ലാളിത്യത്തിന്റെ
പ്രതീകം പോലെ ഒരു ചെറിയ പള്ളി ഏറ്റവും മുകളില്, ഉയിര്ത്തെഴുന്നെല്പ്പിന്റെയും കൂറ്റൻ ഈശോയുടെ മൺ പ്രതിമയും … ആ കൊച്ചു മലമുകളിലെ ജന നിബിഡം. ആ മലമുകളില് നില്ക്കുമ്പോള്
ഈ അനന്തതയില് മനുഷ്യന് എത്രയോ നിസ്സാരനെന്നു
ദേവാലയത്തിന് മുന്പില് ആരോ കത്തിച്ചുവച്ച മെഴുകു തിരികള്
വിളിച്ചു പറഞ്ഞുകൊണ്ടേയിരുന്നു…
തുടർന്ന് ഞങ്ങൾ വരിവരിയായി പള്ളിയിലേക്ക് പ്രവേശിച്ചു ഈശോയുടെ രൂപത്തിൽ ചുംബിച്ചു നേര്ച്ച ഇട്ടു മുട്ടിൽമേൽ നിന്ന് പ്രാത്ഥിച്ചു. പിന്നെ നീണ്ട ഒരു നിരയുടെ പിന്നിലേക്ക് അണി നിരന്നു നേര്ച്ച കഞ്ഞി കുടിക്കാൻ വര്ഷങ്ങളായി കുരിശുമല കയറുമ്പോളും ഇന്നേ ദിവസം എവിടുന്നു കുടിക്കുന്ന കഞ്ഞിയുടെ സ്വാദ് മറ്റൊരു ഭക്ഷണത്തിനും കിട്ടില്ലെന്ന് ഓര്ത്തു പോകും. എന്റെ ഒപ്പം കയറിയ എന്റെ ഏഴുവയസ്സുകാരി മകളും അത് സാക്ഷ്യം വയ്ക്കുന്നു. കാരണം വീട്ടിൽ കഞ്ഞി കൊടുത്താൽ അവൾ കഴിക്കാറില്ല…
പ്രകൃതിയുടെ മാസ്മരിക സൗന്ദര്യവും, വാഗമണ് മലനിരയിലെ തണുപ്പും,
സഹ്യന്റെ കവിളിണ തഴുകി വരുന്ന കുളിര് കാറ്റും ഏറ്റുകൊണ്ട് എത്രനേരം വേണമെങ്കിലും
അവിടെ ഇരിക്കാം..
കുരിശുമലയുടെ തുടക്കത്തിൽ ഒരു കൂട്ടം സന്യാസിമാര് താമസിക്കുന്ന ആശ്രമം ഉണ്ട്
ഇവിടം പരിപാലിക്കുന്നതും ഇവരാണ്. ട്രെക്കിംഗ് ഇഷ്ട്ടപ്പെടുന്നവര്ക്ക് ഇനിയുമുണ്ട് ഇതുപോലുള്ള ഉയരങ്ങള് ഈ വാഗമണില്.ഡിസംബര് ജനുവരി മാസമാണ് വാഗമണ് സന്ദര്ശിക്കാന് പറ്റിയ സമയം. പലരും
ഒരു ദിവസത്തെ യാത്രയില് ഒതുക്കി തിരികെ വരുന്ന ഇടമാണ് ഇവിടെ,
പക്ഷെ ഇനി പോകുമ്പോള് ഒരു രാത്രിയെങ്കിലും അവിടെ താങ്ങണം.
മൊട്ടക്കുന്നുകളും പൈന് മരങ്ങളും മതിവരുവോളം കണ്ട് കുരിശുമലയും കയറി,
തേയില തോട്ടങ്ങളുടെ വശ്യത നുകര്ന്ന്
കുളിര്കാറ്റില് മഞ്ഞിന്റെ മേമ്പൊടിയില് ഒരുപിടി ദിനങ്ങള് അവിടെ ചിലവിടണം എന്ന സ്വപ്നത്തിൽ ഞങ്ങൾ മലയിറങ്ങി……
കാരൂര് സോമന്
മലയാളത്തില് ഒരു പഴമൊഴിയുണ്ട്. കണ്ടു വരേണ്ടത് പറഞ്ഞു -കേട്ടാല് മതിയോ? ഇന്ന് ചോദിക്കുന്നത് കുടത്തില് വെച്ച വിളക്കുപോലെ ടി.വിയില് കണ്ടുകൊണ്ടിരുന്നാല് മതിയോ? നമ്മുടെ ഗംഗ നദിപോലെ ഇംഗ്ലണ്ടിന്റെ ഐശ്വര്യദേവതയായ തേംസ് നദിയുടെ തീരത്ത് ശോഭയാര്ജിച്ച് നില്ക്കുന്ന ഷേക്സിപിയര് ഗ്ലോബ് തിയേറ്റര് ഒരു വിസ്മയമാണ്. ലണ്ടന് നഗരത്തില് തേംസ് നദി അലതല്ലിയൊഴുകുന്നതുപോലെ ലോകത്ത് ഒന്നാം സ്ഥാനത്ത് നില്ക്കുന്ന ഈ വിസ്മയ ഗോപുരം കാണാന് ലോകമെമ്പാടുമുള്ള വിദ്യാര്ത്ഥികളും സന്ദര്ശകരും ആയിരകണക്കിനാണ് നിത്യവും വന്നു പോകുന്നത്. ഒരു പൗര്ണ്ണമിരാവില് ‘ക്ലിയോപാട്ര’ എന്ന നാടകം കാണാന് വന്നപ്പോള് ആകാശം നിറയെ ചന്ദ്രന് ചുറ്റും വിളക്കുകളേന്തി നില്ക്കുന്ന നക്ഷത്രങ്ങളായിരുന്നെങ്കില് ഇന്നത്തെ പകല് സൂര്യന് ചുറ്റും വെള്ളയും നീലയുമുള്ള വസ്ത്രധാരികളായ മേഘങ്ങളാണ്. ലണ്ടന് ബ്രിഡ്ജ് ഭൂഗര്ഭറയില്വേ സ്റ്റേഷനിലിറങ്ങി ഒരു മലകയറുന്നപോലെ കണ്വെയര് ബല്റ്റിലൂടെ മുകളിലെത്തി. മുകളിലെത്തിയപ്പോള് കേരളത്തിലെ നൂറുതൊടിയില് കൂടുതല് താഴ്ചയുള്ള ഒരു കിണറ്റില്നിന്ന് മുകളിലെത്തിയ പ്രതീതി. പുറത്തിറങ്ങി ബോറോമാര്ക്കറ്റിലൂടെ നടന്നു. 2017 ജൂണ് 3ന് ഇവിടെ വെച്ചായിരുന്നു ഒരു മതതീവ്രവാദി തന്റെ വാനിലെത്തി ഏഴുപേരെ കൊലപ്പെടുത്തി ധാരാളം പോരെ പരിക്കുകളോടെ ആശുപത്രിയിലെത്തിച്ചത്. പോലീസ് ആ മതഭ്രാന്തനെ വെടിവെച്ച് കൊന്നെങ്കിലും ബോറോ മാര്ക്കറ്റ് ഒരു നൊമ്പരമായി മനസ്സില് കിടന്നു. ഷേക്സ്പിയര് തിയേറ്ററിന് അടുത്ത് കണ്ട കാഴ്ച 1588ല് പോപ്പിന്റെ ആശീര്വാദത്തോടെ സ്പെയിനിലെ ഫിലിപ്പ് രണ്ടാമന് രാജാവും പോര്ത്തുഗീസും ചേര്ന്ന് ഒന്നാം എലിസബത്ത് രാജ്ഞിയുടെ ഇംഗ്ലണ്ട് കീഴടക്കാന് വേണ്ടി സ്പെയിനിന്റെ വലിയ യുദ്ധക്കപ്പലായ അര്മാതക്കൊപ്പം 130 കപ്പലുകളും മുപ്പതിനായിരം നാവികപ്പടയുമായിട്ടാണ് ഇംഗ്ലണ്ടിലേക്ക് വന്നത്. ഇവര് ഫ്ളൈമൗത് കടലില്വെച്ച് ഇംഗ്ലീഷ് നാവികപ്പടയുമായി ഏറ്റുമുട്ടി. സ്പെയിന് പരാജയപ്പെട്ട് മടങ്ങിയ യുദ്ധത്തില് പങ്കെടുത്ത ഗോള്ഡന് ഹിന്റ എന്ന പടകപ്പല് തേംസിന്റെ തീരത്ത് സഞ്ചാരികള്ക്കായി നങ്കൂരമിട്ട് കിടക്കുന്നു.
ഗ്ലോബ് തിയേറ്ററിന് മുന്നില് കുട്ടികളടക്കം ജനങ്ങളെകൊണ്ടു നിറഞ്ഞിരുന്നു. തേംസ് നദിയിലൂടെ സഞ്ചാരികളെ വഹിച്ചുകൊണ്ടുള്ള സുന്ദരിമാരായ ബോട്ടുകള് ഒഴുകുന്നു. അതിന് മുകളിലൂടെ പാറിക്കളിച്ചുകൊണ്ട് പറക്കുന്ന പ്രാവുകള്. പുറത്തെ ഭിത്തികളിലെല്ലാം വില്യമിന്റെ നാടകങ്ങളെപ്പറ്റിയുള്ള പരസ്യങ്ങളാണ്. തിയേറ്ററിന്റെ മൂലയ്ക്ക് സ്വാന് റസ്റ്റോറന്റും ബാറുമുണ്ട്. സെക്യൂരിറ്റി പരിശോധന കഴിഞ്ഞ് അകത്തു കയറി. മുന്നില് വില്യമിന്റെ കറുത്ത മാര്ബിള് പ്രതിമ എല്ലാവരെയും സ്വാഗതം ചെയ്യുന്നു. എ.ഡി. 1599 ല് തീര്ത്ത ഗ്ലോബ് തിയേറ്റര് 1613ല് തീ പിടിച്ച് നശിച്ചു. 1614ല് വീണ്ടും തുറന്നു. പ്രേക്ഷകരുടെ എണ്ണം വര്ദ്ധിച്ചപ്പോള് 1644ല് പൊളിച്ചു പണിതു. ഇരിപ്പിടം 1400ല്നിന്ന് 3000മായി. അകത്തേക്കു കയറുന്നതിന്റെ ഇടത്ത് ഭാഗത്തായിട്ടാണ് നാടകവുമായി ബന്ധപ്പെട്ടുള്ള വിത്യസ്ത കാഴ്ചകളുള്ള തിയേറ്റര് മ്യൂസിയം, വില്യമിന്റെ നാടകങ്ങളില് അഭിനയിച്ച രാജ്ഞിമാരടക്കമുള്ളവരുടെ അലങ്കാരവസ്ത്രങ്ങളടക്കം പലതും ഇവിടെ കാണാം. അവിടെനിന്നും അതിന്റെ നടുത്തളത്തില് വരുമ്പോഴാണ് ഓരോ ഗ്രൂപ്പിനൊപ്പം ഗൈഡുകളുമുണ്ട്. അവര് വെറും ഗൈഡുകളല്ല അദ്ധ്യാപകരാണ്. ടിക്കറ്റുകള് കൂടുതലും ഒരു മണിക്കൂറിനുള്ളതാണ്. മൂന്നുനിലകള് മൂന്ന് ഗാലറികളായിട്ടാണ്. ഓരോ ഗാലറികളും നാല് ചെറു ഗാലറികളായി തിരിച്ചിരിക്കുന്നു. ഓരോ ഗാലറിയുടെ പിറകിലാണ് നടപ്പാതകള്. അവിടെനിന്ന് ഗാലറിയിലേക്ക് കയറാന് അഞ്ച് പടികളുണ്ട്. ഓരോ ഗാലറിയും മുകളിലേയ്ക്കുയര്ത്തിയിരിക്കുന്നത് ഇരുമ്പുകമ്പികളുള്ള സിമന്റ് തൂണുകള് കൊണ്ടല്ല. പതിനാറ് തടിതൂണുകള്കൊണ്ടാണ്. ഓരോ ചെറിയ ഗാലറിയിലും 8-10 പേര്ക്ക് ഇരിക്കാവുന്ന ആറു നിര തടിബഞ്ചുകള്. ഇവര്ക്കെല്ലാം കയറാനും ഇറങ്ങാനുമുള്ള വാതിലുകളുണ്ട്. ഏറ്റവും താഴെയുള്ള ഗാലറിയുടെ നടുമുറ്റമാണ്. തറിയിലിരുന്നും നിന്നും കാണാനുള്ള സൗകര്യമുണ്ട്. ഏറ്റവും താഴയുള്ള ഗാലറിയുടെ നടുമുറ്റത്ത് ഇരുന്നും നാടകം കാണാം. നമ്മുടെ നാട്ടിലെ തിയേറ്ററില് കാണുന്ന തറഎന്ന ഇരിപ്പിടമാണ്. എന്റെ ചെറുപ്പത്തില് അറിവില്ലാതിരുന്ന കാലത്തു കുറഞ്ഞ തറടിക്കറ്റെടുത്തു സിനിമ കണ്ടിട്ടുണ്ട്. സിനിമ കാണാത്തതിനാല് ഇന്ന് ആ തറ ടിക്കറ്റുണ്ടോ എന്നറിയില്ല. ഗ്ലോബ് തിയേറ്ററില് ആ തറ ടിക്കറ്റുണ്ട്. പണമില്ലാത്തവര്ക്ക് ഒരു പെണ്സ് കൊടുത്ത് നാടകം കാണാം. ഒരു പെന്സിനു ഒന്നും വാങ്ങാന് പറ്റില്ല. ഗാലറിയുടെ ഓരോ ഭാഗത്തും വീല്ചെയറിലിരുന്നു നാടകം കാണാനുള്ള സൗകര്യമുണ്ട് എല്ലായിടത്തും കണ്ടത് കുട്ടികളും സഞ്ചാരികളും അദ്ധ്യാപകരടക്കമുള്ള പഠന ക്ലാസുകളാണ്. നാടക ശില്പശാലകള്. സ്റ്റേജിന്റെ ഇരു ഭാഗങ്ങളിലായിട്ടാണ് കസേരയുള്ള ഗാലറികളുള്ളത്. അത് ഉന്നതര്ക്കുള്ള ഇരിപ്പിടങ്ങളാണ്. ആ ഗാലറികളില് മനോഹരങ്ങളായ ചിത്രരചനകളുണ്ട്. സ്റ്റേജ് ഒരു രാജസദസ്സുപോലെ തങ്കനിറത്താല് അലംകൃതമാണ്. അത് ഓരോ രംഗത്തിനനുസരിച്ച് മാറിക്കൊണ്ടിരിക്കും.
അകത്തിരുന്നു കാണുമ്പോള് ഞാന് ഇറ്റലിയില് കണ്ട ആമ്പിതിയേറ്റര് പോലെ തോന്നി. അതിന് മേല്ക്കൂരയില്ല. ഈ തിയേറ്ററിന് മേല്ക്കൂരയില്ല. റോമിലെ കൊളേസിയം ആമ്പി തിയേറ്ററില് 50000 പേര്ക്ക് ഇരിക്കാമെങ്കില് ഇവിടെ 3000 പേര്ക്ക് മാത്രമേ ഇരിക്കാന് സാധിക്കൂ. അവിടെ വന്യമൃഗങ്ങളായ സിംഹം, കരടി കടുവയുമായി ഏറ്റുമുട്ടിയത് യൂറോപ്പിലെ ധൈര്യശാലികളായ മല്ലന്മാരും കൊടുംകുറ്റവാളികളുമായിരുന്നു. ചെറിയ കുറ്റം ചെയ്തവര് നേരിട്ടത് കാട്ടുനായ്, കുറുക്കന് തുടങ്ങിയ മൃഗങ്ങളുമായിട്ടാണ്. മൃഗത്തെ കൊലപ്പെടുത്തി പുറത്തുവരുന്നവര് കുറ്റവിമുക്തരാകും. റോമന് ചക്രവര്ത്തിമാര്ക്ക് ഈ രക്തക്കളി ഒരു വിനോദമായിരുന്നു. അന്നത്തെ കാട്ടുമൃഗ നാടകത്തില് 100 ദിവസത്തില് 5000 മൃഗങ്ങളും 2000 മനുഷ്യരും കൊല്ലപ്പെട്ടതായിട്ടാണ് കണക്ക്. റോമന് ചക്രവര്ത്തിമാരുടെ കാലത്ത് തന്നെ ഗ്രീസില് മനുഷ്യ ജീവിതത്തിന്റെ കഥ പറയുന്ന സംഘട്ടനങ്ങള് നിറഞ്ഞ മനുഷ്യ നാടകങ്ങള് അരങ്ങേറി. അത് യൂറോപ്പിലെങ്ങും പടര്ന്നു പന്തലിച്ചു. വില്യം ഷേക്സ്പിയര് ബ്രിട്ടന്റെ മണ്ണില് ജനിച്ചതിനാല് ആ നാടകഗോപുരത്തിന്റെ ഈറ്റില്ലം ഇവിടെയായി. പതിനെട്ടാമത്തെ വയസ്സില് വിവാഹിതനായ വില്യം ഭാര്യയ്ക്കൊപ്പം താമസിക്കാതെ ജന്മനാടായ സ്റ്റാറ്റ് ഫോര്ട്ടില്നിന്ന് ലണ്ടനിലെ ലോര്ഡ് ചേമ്പര്ലാന്സ് നാടകട്രൂപ്പില് ഒരു നടനായി ചേര്ന്നു. ഒന്നാം എലിസബത്ത് രാജ്ഞിയും നാടകം കണ്ടിട്ടുണ്ട്. നമ്മുടെ ഫ്രാന്സിസ് ടി. മാവേലിക്കര കെ.പി.എ.സിക്കായി നാടകങ്ങള് എഴുതിയതുപോലെ ഗ്ലോബ്തിയേറ്ററിനുവേണ്ടി നാടകങ്ങള് എഴുതി. വില്യമിന്റെ 28 നാടകങ്ങളില് കൂടുതലും ഗ്ലോബ് തിയേറ്ററിലാണ് അവതരിപ്പിച്ചത്. ആ സമയത്ത് ധാരാളം കവിതകളും എഴുതിയിരുന്നു. അതിനാലാണ് ഗ്ലോബ് തിയേറ്റര് 1997-ല് ഷേക്സ്പിയര് തിയേറ്ററായി മാറിയത്.
ആദ്യകാലത്ത് വില്യമടക്കം ആറ് ഓഹരിക്കാരായിരുന്നു തിയേറ്ററിലുണ്ടായിരുന്നത്. ഇന്ന് ഇതിന്റെ ചുമതല ദി ഷേക്സിപിയര് ഗ്ലോബ് ട്രസ്റ്റിനാണ്. ലോകത്തിന്റെ പല ഭാഗത്തുനിന്നും വിജ്ഞാനദാഹികളായ കലാപ്രേമികള് എത്തിക്കൊണ്ടിരിക്കുന്നു. ഗാലറികള്ക്ക് താഴെയുള്ള ഭാഗത്താണ് ഇന്ഫര്മേഷന് സെന്ററും ബുക്കുകളും സോവനീറും മറ്റും ലഭിക്കുക. അതില് ഒരു മൂന്നു കിലോയില് കൂടുതല് ഭാരമുള്ള വില്യമിന്റെ സമ്പൂര്ണ്ണരചനകളുടെ ഒരു പുസ്തകം ഷേക്സ്പിയര് ദി കംപ്ലീറ്റ് കണ്ടു. ഇത് എഴുതിയിരിക്കുന്നത് മിഖായേല് കോണ്വേയും പീറ്റര് ഡെസ്ലേയുമാണ്. ഇതിന്റെ പ്രസാദകര് ബാര്നസ് ആന്ഡ് നോബിള് ഇങ്ക് കമ്പനിയുമാണ്. ആ കൂട്ടത്തില് നാടകത്തിന്റെ പേരുള്ള മാക്ബത്ത് വീഞ്ഞുകുപ്പിയും കണ്ടു. അതിന്റെ ഒരു ഭാഗത്തുള്ള സ്റ്റേജില് ഏതോ നാടകത്തിന്റെ റിഹേഴ്സല് നടക്കുന്നുണ്ട്. അകത്തും പുറത്തുമുള്ള എല്ലാറ്റിലും ഗ്ലാസ് ചില്ലുകളില്പോലും വില്യമിന്റെ നാടകങ്ങളുടെ പേരുകളാണ്. വില്യമിനെപ്പറ്റി ധാരാളം അപവാദങ്ങള് പ്രചരിച്ചിട്ടുണ്ട്. അതിലെ കക്ഷികള് വില്യമിനോട് അസൂയയുള്ള മനുഷ്യരാണ്. വില്യം ഗ്ലോബ് തിയേറ്ററിലെ താഴ്ന്ന ജോലിക്കാരന്, ലൈറ്റ് മാന്, കുതിരയെ നോക്കുന്നവന് ഈ നാടകങ്ങള് സ്വന്തമായി എഴുതിയതല്ല. ആരുടെയോ മോഷ്ടിച്ചതാണ്. ഇങ്ങനെയുള്ള പ്രചാര വേലകളാണ് ഒരു സര്ഗ്ഗപ്രതിഭയ്ക്ക് നേരെ ഉയര്ന്നത്. ഏത് രംഗത്തും പേരും പ്രശസ്തിയുമുണ്ടാകുമ്പോള് പലരും അസഹിഷ്ണുതയുള്ളവരും അസൂയക്കാരുമുണ്ടാവുക സ്വാഭാവികമാണ്.വിവേകമുള്ള മനുഷ്യരാരും അതുപോലെ ചിന്തിക്കില്ല. നല്ല വായനക്കാരന് പുസ്തകം വാങ്ങി വായിക്കുന്നതും നാടകം കാണുന്നതും അത് മോഷ്ടിച്ചതാണോ അല്ലയോ എന്നു നോക്കിയിട്ടല്ല. എന്തായാലും ഫെയ്സ്ബുക്കുപോലുള്ള മാധ്യമങ്ങള് അന്നില്ലാതിരുന്നത് ഷേക്സ്പിയറിന്റെ ഭാഗ്യം. 1970 കളില് അമേരിക്കയില് നിന്നെത്തിയ സംവിധായകനും നടനുമായിരുന്നു. ശമുവേല് വാനമേല്ക്കറാണ് ഷേക്സ്പിയര് ഗ്ലോബിന് താങ്ങും തണലുമായത്. ലണ്ടനില് 230-ലധികം തിയേറ്ററുകളുണ്ട്. ഇവിടെയെല്ലാം ആയിരക്കണക്കിനാളുകളാണ് നാടകങ്ങള് കണ്ടിറങ്ങുന്നത്. ഈ സമയം നമ്മുടെ കേരളത്തിലെ നാടകതിയേറ്ററുകളുടെ ദുരവസ്ഥ ഓര്ത്തുപോയി. ഗ്ലോബ് തിയേറ്ററിലെ കുട്ടികളുടെ പഠന താല്പര്യം കണ്ടപ്പോള് നാടകത്തെ മാത്രമല്ല പുസ്തകത്തെയും അവര് പൊന്നുപോലെ സൂക്ഷിക്കുന്നവരെന്ന് മനസ്സിലാക്കി. നാടകത്തെ അവര് വളര്ത്തുന്നു. വളച്ചൊടിക്കുന്നില്ല.
വിവരണം കടപ്പാട് ; ശബരി വർക്കല
ലോകത്തിൻറെ എല്ലാ കോണിലുമുണ്ട് ദൂരത്തെ മനസുകൊണ്ട് കീഴടക്കിയ മലയാളികൾ . അവസാനത്തെ ഒരിടവും ഇന്ന് മലയാളിയെ സംബന്ധിച്ച് ഇല്ല എന്ന് തന്നെ പറയാം ..അപ്രാപ്യമായിരുന്ന ഓരോ ദൂരവും ഇന്ന് അവനു അരികത്തായി മാറുകയാണ് ..അത്തരത്തിൽ മൂന്നാറിൽ വണ്ടി ചെല്ലുന്ന ഒരു അവസാന ഇടമാണ് കൊട്ടക്കമ്പൂർ ..
കേരളത്തിലെ ഏറ്റവും പ്രശസ്തമായ ഹില്സ്റ്റേഷനായ മൂന്നാറിനെക്കുറിച്ച് മലയാളിക്ക് പരിചയപ്പെടുത്തേണ്ട കാര്യമില്ല .എന്നാൽ ഇവിടെ പരിചയ പെടുത്തുന്നത് മൂന്നാറിന്റെ ഒരു അവസാന ഗ്രാമമായ കൊട്ടാക്കമ്പൂരിനെ ആണ് ..റോഡിനിരുവശവും കുഞ്ഞു വീടുകള്. അത്യാവശ്യത്തിന് തിരക്കുണ്ട്. റോഡ് നന്നെ ചെറുതായിരിക്കുന്നു.ഒരു വണ്ടിക്കുമാത്രം പോകാവുന്ന വീതി. ഇറക്കങ്ങളും കയറ്റങ്ങളും .കിതച്ചു കിതച്ച് ഞങ്ങളുടെ വണ്ടിയും കുത്തനെയുള്ള കുന്നുകള് കയറി കോട്ടകമ്പൂരില് എത്തിയിരിക്കുന്നു…
.മൂന്നാറില്നിന്നും തുടങ്ങിയ റോഡ് ഇവിടെ അവസാനിക്കുന്നു.ഇവിടെനിന്നും കൊടൈക്കനാലിലേക്ക് ട്രക്കിങ് പാതയുണ്ട്. വണ്ടിയില്നിന്നു പുറത്തിറങ്ങി ആവഴിയെ പതുക്കെ നടന്നുതുടങ്ങി. ചുറ്റും മലനിരകള്, പച്ചവിരിച്ചുതാഴ്വാരങ്ങള്, പുല്പ്രദേശങ്ങള്. ജീപ്പ് വരുന്ന വഴി തെളിഞ്ഞുകണ്ടു, നടപ്പാതയിലൂടെ മുന്നോട്ടുനടന്നു.വഴിയില് പലയിടങ്ങളിലും യൂക്കാലി, ഗ്രാന്ഡിസ് മരങ്ങള് മുറിച്ചടുക്കിവെച്ചിരിക്കുന്നു..ഒരുവശം മലനിരകളും മറുവശം താഴ്വരകളുമാണ്. അങ്ങകലെ കൊടൈക്കനാല് മലനിരകള് കാണാം. പെട്ടെന്നാണ് ആകാഴ്ച ഞങ്ങളുടെ കണ്ണുകളിലേക്കോടിയത്തെിയത്. കോടമഞ്ഞ് പുതച്ചുനില്ക്കുന്ന നിരവധി ഓറഞ്ചുമരങ്ങള്.അതില് തണുത്ത് വിറങ്ങലിച്ചു നില്ക്കുന്ന ഓറഞ്ചുകളില്നിന്നും മഞ്ഞുതുള്ളികള് ഇറ്റിറ്റ് താഴേക്കുവീഴുന്നു. ചെറിയകുട്ടികളെപ്പോലെ ഞങ്ങള് ഓറഞ്ച് മരങ്ങള്ക്കടുത്തേക്ക് ഓടിയടുത്തു. കൈ എത്തുന്ന ശിഖരങ്ങളില്നിന്നെല്ലാം ഓറഞ്ചുകള് പറിച്ചു….
തണുത്ത തൊലികള് പൊളിച്ച് ഓരോ അല്ലിയായി രുചിച്ചു. ഓറഞ്ചിന്െറ നീര് ശരീരത്തിലെ ഓരോ ഞരമ്പുകള്വഴിയും ഓടിയിറങ്ങി മനസ്സിനെയും ശരീരത്തിനെയും ഒരുപോലെ തണുപ്പിച്ചു. നഗരങ്ങളിലെ കടകളില്നിന്ന് ആയിരം ഓറഞ്ചുകള് രുചിച്ചാലും ഇതിനടുത്തത്തെില്ല.ഈ യാത്രപോലും ഓറഞ്ചിന്െറ തേനൂറുന്നരുചി നുകരാനായിരുന്നോയെന്ന് ചിന്തിച്ചുപോയി.ആ രുചിയില് മതിമറന്നുനിന്ന ഞങ്ങളെ തലേന്ന് പെയ്ത മഴയുടെ ബാക്കിപത്രമെന്നപോലെ കാര്മേഘങ്ങള് മൂടി ഒരു വലിയ മഴക്കുള്ള സാധ്യത. ജീവിതത്തില് ഒരിക്കലെങ്കിലും ഇത്രയുംനല്ല ഓറഞ്ചിന്െറ രുചി അനുഭവിച്ചറിഞ്ഞ സന്തോഷത്തോടെ ആവലിയ മഴക്കുമുന്നെ ഞങ്ങള് മടങ്ങി….
ദൂരം- മൂന്നാറില് നിന്ന് ടോപ് സ്റ്റേഷന് 35കി.മീ. വട്ടവട 42 കി.മീ. കൊട്ടകമ്പൂര് 47 കി.മീ. …
മൂന്നാറില് കൊടുംതണുപ്പ് തുടരുന്നു. മഞ്ഞുപാളികള് അടര്ന്ന് വീഴുന്ന കാഴ്ചയാണ്. മൂന്നാറിലും സമീപ പ്രദേശങ്ങളിലും താപനില ഒരുഡിഗ്രി അനുഭവപ്പെടുമ്പോള് 30 കിലോമീറ്റര് അകലെയുള്ള ചെണ്ടുവര, ചിറ്റവര തുടങ്ങിയ എസ്റ്റേറ്റുകളില് കുറഞ്ഞ താപനില മൈനസ് രണ്ടാണ്.ജനുവരി ആദ്യം മുതല് തുടങ്ങിയ തണുപ്പ് മാറ്റമില്ലാതെ തുടരുന്നത് ഇവിടുത്തെ നാട്ടുകാരുടെ ജീവിതം ദുസ്സഹമാക്കിയിട്ടുണ്ട്.
എസ്റ്റേറ്റ് മേഖലകളില് കൊടും തണുപ്പിനെ തുടര്ന്ന് പുല് മൈതാനത്ത് മഞ്ഞുപാളികള് നിരന്നുകിടക്കുന്ന കാഴ്ച കൗതുകകരമാണ്.ഇത് നേരില് കാണുന്നതിന് നിരവധി വിനോദസഞ്ചാരികളും എത്തുന്നുണ്ട്. റോഡുകള് കോടമഞ്ഞു കൊണ്ട് മൂടിയതിനാല് പുലര്ച്ചെയുള്ള വാഹനയാത്രയും മൂന്നാര് റൂട്ടില് ദുസഹമാണ്. കൊടും തണുപ്പിനെ തുടര്ന്ന് മൂന്നാര് ഹില്സ്റ്റേഷനില് മഞ്ഞ് പാളികള് അടന്നുവീഴുന്നുണ്ടെന്നാണ് നാട്ടുകാര് പറയുന്നത്.
താപനില പൂജ്യത്തിനും താഴെ തുടരുന്ന മൂന്നാറിൽ കനത്ത മഞ്ഞ് വീഴ്ച. മൂന്നാറിന്റെ കുളിരുതേടി നിരവധി സഞ്ചാരികളാണെത്തുന്നത്. പ്രദേശത്തെ വിനോദസഞ്ചാരമേഖലയ്ക്ക് ഉണര്വാവുകയാണ് ഈ മഞ്ഞുകാലം.
മഞ്ഞില് ചവിട്ടാനും, കുളിരുതേടിയും വേറെയെവിടെയും പോകേണ്ടതില്ല. ഇടുക്കിയിലെ മിടുക്കിയായ മൂന്നാറിലേയ്ക്ക് വണ്ടികയറാം.
പുൽമേടുകളിലും തേയിലത്തോട്ടങ്ങളിലും മഞ്ഞ് പുതച്ച പ്രഭാതങ്ങള് ഇവിടെയുണ്ട്. തെക്കിന്റെ കാശ്മീര്, ഇങ്ങനെ മഞ്ഞ് പുതച്ചുണരാന് തുടങ്ങിയിട്ട് ഒരാഴ്ച്ചയെ ആയിട്ടുള്ളു. മൂന്നാറിലും വട്ടവടയിലും, കൊളുക്കുമലയിലും മീശപ്പുലിമലയിലുമെല്ലാം പൂജ്യത്തിന് താഴെയാണ് താപനില.
ഈ തണുപ്പിലേയ്ക്ക് സഞ്ചാരികളും എത്തിതുടങ്ങി. മൂന്നാറിലൊ, സൂര്യനെല്ലിയിലൊ, വട്ടവടയിലൊ താമസിച്ച്, അതിരാവിലെ മഞ്ഞ് പുതച്ച മണ്ണിലേയ്ക്കിറങ്ങാന് കാഴ്ച്ചക്കാരുടെ തിരക്കാണിവിടെ.
പ്രളയകാലത്ത് പ്രതിസന്ധിയിലായ മൂന്നാറിന്റെ വിനോദസഞ്ചാര മേഖലയ്ക്ക് വലിയ പ്രതിക്ഷ കൂടിയാണ് മഞ്ഞുകാലം.
മനില: യാത്രയ്ക്കിടെ കുഞ്ഞിനെ എടുത്ത് മുലയൂട്ടുന്ന ഇരുപത്തി നാലുകാരിയായ എയര്ഹോസ്റ്റസിന്റെ ചിത്രമാണ് ഇപ്പോള് സോഷ്യല്മീഡിയയിലും ലോക മാധ്യമങ്ങളിലും നിറയുന്നത്. എയര്ഹോസ്റ്റസായ പട്രീഷ്യ ഓഗനോ എന്ന യുവതിയാണ് വിമാന യാത്രിക്കാരിയുടെ കുഞ്ഞിനെ പാലൂട്ടിയത്. ഒൻപത് മാസം പ്രായമുള്ള കുഞ്ഞിന്റെ അമ്മയായ പട്രീഷ്യയെ ഇപ്പോള് സോഷ്യല് മീഡിയ ഒന്നായി അഭിനന്ദിക്കുന്ന കാഴ്ചയാണ് കാണുന്നത്. ഫിലിപ്പീന്സ് ഫ്ലൈറ്റിലെ ജീവനക്കാരിയാണ് പട്രീഷ.
ഫ്ലൈറ്റ് പുറപ്പെട്ട് അധികം വൈകാതെ ഒരു പിഞ്ചുകുഞ്ഞ് കരയുന്ന ശബ്ദം പട്രീഷയുടെ ശ്രദ്ധയിൽ പെട്ടത്. അടുത്ത് ചെന്ന് കുഞ്ഞിന്റെ അമ്മയോട് എന്താണ് കരയുന്നതിന്റെ കാരണം തിരക്കിയ പട്രീഷ്യ, വിശന്നിട്ടാണ് കുട്ടി കരയുന്നതെന്നു മനസിലാക്കി. പാലില്ലെന്നും ഫോര്മുല മില്ക്ക് കിട്ടാന് വല്ല വഴിയുമുണ്ടോ എന്നും അന്വേഷിക്കുകയായിരുന്നു കരയുന്ന കുട്ടിയുടെ അമ്മ. തലേദിവസം രാത്രി ഒന്പത് മണി മുതൽ വിമാനത്താവളത്തിൽ കുഞ്ഞിനേയും ആയി യാത്രക്കെത്തിയ യുവതി കരുതിയ ഫോർമുല മിൽക്ക് തീർന്നു പോയ കാര്യം എയർ ഹോസ്റ്റസിനെ അറിയിക്കുകയായിരുന്നു. വെളിപ്പിനു 5.10 ന് പുറപ്പെട്ട വിമാനത്തിൽ ഫോർമുല മിൽക്ക് ഇല്ല എന്ന് അറിയാവുന്ന പട്രീഷ്യ സ്വയം സഹായിക്കാമെന്നറിയിച്ചു.
അമ്മയെയും കുഞ്ഞിനേയുമായി വിമാനത്തിന്റെ ഗള്ളിയിലേക്ക് പോയി പട്രീഷ കുഞ്ഞിനെ മുലയൂട്ടാന് തയ്യാറാവുകയായിരുന്നു. ‘അത് മാത്രമേ കുഞ്ഞിന്റെ വിശപ്പ് മാറ്റാന് എനിക്കപ്പോള് ചെയ്യാന് കഴിയുമായിരുന്നുള്ളൂ, അതുകൊണ്ടാണ് അത് വാഗ്ദാനം ചെയ്തത്’ എന്നാണ് പട്രീഷ പറഞ്ഞത്. പാല് കുടിച്ച് വിശപ്പ് മാറി ഉറക്കത്തിലേക്ക് വീണപ്പോഴാണ് പട്രീഷ കുഞ്ഞിനെ തിരികെ ഏല്പ്പിച്ചത്. അമ്മയെയും കുഞ്ഞിനെയും തിരികെ സീറ്റിലിരുത്തി സ്വന്തം ജോലിക്കായി പുറപ്പെടുമ്പോൾ കുഞ്ഞിന്റെ അമ്മ പട്രീഷയോട് നന്ദിയും പറഞ്ഞു. തീന്നില്ല വിമാന യാത്ര പൂർത്തിയാക്കി ഇറങ്ങാൻ നേരവും തികെ വന്ന് നന്ദി പറഞ്ഞു കുഞ്ഞിന്റെ ‘അമ്മ.. എല്ലാമറിഞ്ഞ വിമാനക്കമ്പനി പാട്രിഷയുടെ ജോലിയിൽ പ്രൊമോഷനും നൽകി.
വിശന്നു കരയുന്ന കുഞ്ഞിന് ഒന്നും നൽകാനില്ലാത്ത ഒരമ്മയുടെ ദുരവസ്ഥ നാന്നായി അറിയാവുന്നത് കൊണ്ടാണ് സഹായിച്ചത് എന്ന് പറഞ്ഞ പട്രീഷ്യ.. മുലപ്പാല് എന്നത് ഒരമ്മയുടെ ഏറ്റവും വലിയ അനുഗ്രഹവുമാണ് എന്ന് പറയാൻ മടികാണിച്ചില്ല എന്നാണ് ലോക മാധ്യമങ്ങൾ റിപ്പോർട്ട് ചെയ്തത്.
ഹോളിഡേ പ്ലാനിംഗ് ഒരു തലവേദന പിടിച്ച അനുഭവമാണെന്ന് പ്രത്യേകം പറയേണ്ടതില്ലല്ലോ. ഫ്ളൈറ്റ് ടിക്കറ്റും താമസവു വെവ്വേറെ ക്രമീകരിക്കേണ്ടി വരികയാണെങ്കില് ചെലവിനെക്കുറിച്ചുള്ള ടെന്ഷന് കൂടും. എന്നാല് വിദേശത്തേക്ക് ഹോളിഡേ ആഘോഷിക്കാന് പോകുന്നവര്ക്ക് ഈ ടെന്ഷനൊന്നും ഇല്ലാതെ വളരെ ചെലവു കുറഞ്ഞ യാത്ര സാധ്യമാക്കാമെന്ന് ഒരു പുതിയ വെബ്സൈറ്റ് വാഗ്ദാനം നല്കുന്നു. വീക്കെന്ഡ് ഡോട്ട്കോം എന്ന സൈറ്റാണ് യൂറോപ്പിലും മറ്റു രാജ്യങ്ങളിലുമുള്ള ചെലവു കുറഞ്ഞതും എന്നാല് മികച്ച സൗകര്യങ്ങള് ലഭിക്കുന്നതുമായ കേന്ദ്രങ്ങളെക്കുറിച്ച് വിവരം നല്കുന്നത്. ഈ സൈറ്റ് ബാര്ഗെയിനിംഗ് രീതിയിലൂടെയാണ് ഡീലുകള് നല്കുന്നത്. ഇപ്രകാരം ഒരാള്ക്ക് ടിക്കറ്റും താമസവുമുള്പ്പെടെ 57 പൗണ്ട് വരെ മാത്രം ചെലവാകുന്ന ഡീലുകള് ഈ സൈറ്റ് നല്കുന്നു. ഇതിന്റെ മൊബൈല് ആപ്പും ലഭ്യമാണ്.
ഒന്നിലേറെ സൈറ്റുകളിലൂടെ കയറിയിറങ്ങി ബുദ്ധിമുട്ടാതെ ഹോളിഡേ യാത്രകള് എളുപ്പത്തിലാക്കാന് ഈ സൈറ്റ് നിങ്ങളെ സഹായിക്കും. വ്യത്യസ്ത പ്രൊവൈഡര്മാരുടെ ഓഫറുകള് നിരവധി തവണ പരിശോധിച്ച്, അതില് നിങ്ങള്ക്കു ചേര്ന്ന ഫ്ളൈറ്റും ഹോട്ടല് ഓഫറുകളും എത്തിച്ചു തരികയാണ് ഇതിന്റെ അല്ഗോരിതം ചെയ്യുന്നത്. ട്രാവല് എക്സ്പെര്ട്ടുകളാണ് ഈ സൈറ്റിനു പിന്നില് ലക്ഷ്യങ്ങളിലേക്കുള്ള നോണ്സ്റ്റോപ്പ് ഫ്ളൈറ്റുകളെക്കുറിച്ചുള്ള വിവരങ്ങളും ത്രീസ്റ്റാര് വരെ നിലവാരമുള്ള മികച്ച ഹോട്ടലുകളെക്കുറിച്ചുള്ള വിവരങ്ങളും ഇതില് ലഭ്യമാണ്. ഏറ്റവും ചുരുങ്ങിയത് രണ്ടു രാത്രി വരെയുള്ള താമസ സൗകര്യമാണ് ഇതില് ലഭിക്കുക.
നോര്ത്തേണ് പോളണ്ടിലെ ബൈഗോഷ് എന്ന പ്രദേശമാണ് സൈറ്റില് ഏറ്റവും ചെലവു കുറഞ്ഞ ഹോളിഡേ ഡെസ്റ്റിനേഷന്. വെള്ളിയാഴ്ച മുതല് ഞായറാഴ്ച വരെ നീളുന്ന രണ്ടു രാത്രി താമസവും ഫ്ളൈറ്റ് ടിക്കറ്റും ഉള്പ്പെടെ വെറും 57 പൗണ്ടാണ് ഇവിടേക്ക് ഒരാള്ക്ക് നല്കേണ്ടി വരിക. ലണ്ടനില് നിന്ന് ലൂട്ടനിലേക്കുള്ള ഫ്ളൈറ്റാണ് ഏറ്റവും ചെലവു കുറഞ്ഞ ഫ്ളൈറ്റ് എന്ന് അറിയപ്പെടുന്നത്.
ജെറ്റ് എയര്വേയ്സിന്റെ ഗ്രൗണ്ട് സ്റ്റാഫിനെതിരെ രൂക്ഷവിമര്ശനവുമായി നടന് ദുല്ഖര് സല്മാന്. ജെറ്റ് എയര്വേയ്സ് അധികൃതർ യാത്രക്കാർക്ക് അസ്വസ്ഥത ഉണ്ടാക്കുന്ന രീതിയിലാണ് പെരുമാറുന്നതെന്ന് ദുല്ഖര് ട്വീറ്റ് ചെയ്തു. പല വിമാനത്താവളങ്ങളിലും കൗണ്ടറുകളിലും കവാടങ്ങളിലും തനിക്ക് മോശം അനുഭവം ഉണ്ടായിട്ടുണ്ടെന്നും ദുല്ഖര് കൂട്ടിച്ചേര്ത്തു. വളരെ മോശമായും അപമാനിക്കുന്ന തരത്തിലുമാണ് ജെറ്റ് എയര്വേയ്സ് ജീവനക്കാര് യാത്രക്കാരോട് പെരുമാറുന്നത്.
അവരുടെ പെരുമാറ്റവും സംസാരവും യാത്രക്കാരെ വേദനിപ്പിക്കുന്നതാണ്. പ്രത്യേക അവകാശങ്ങള് നേടാനോ ക്യൂ ഒഴിവാക്കാനോ ഞാന് ശ്രമിച്ചിട്ടില്ല.ഞാന് താര പരിവേഷത്തില് അഭിരമിക്കുന്ന ആളല്ല. ഇന്ന് എന്റെ കണ്മുന്നിലാണ് ഒരു യാത്രക്കാരിയോട് അവര് മോശമായി പെരുമാറിയത്. മുന്പ് കുഞ്ഞുമായി പോകുമ്പോള് എന്റെ കുടുംബത്തിനും ഇതേ അനുഭവം ഉണ്ടായിട്ടുണ്ടെന്നും ദുല്ഖര് കൂട്ടിച്ചേര്ത്തു. ദുൽഖറിനെ അനുകൂലിച്ച് നിരവധി പേർ രംഗത്തെത്തിയിട്ടുണ്ട്.
കേരളത്തില് മഴ തകര്ത്ത് പെയ്തു കൊണ്ടിരിക്കുകയാണ്. ചെന്നൈയില് വെള്ളപ്പൊക്കം ഉണ്ടായപ്പോള് കോടി കണക്കിന് രൂപ വില വരുന്ന കാറുകള് വരെ വെള്ളത്തില് മുങ്ങി പോയത് നമ്മള് കണ്ടതാണ്. കേരളത്തിലും ഇത് പലയിടത്തും ഇപ്പോള് സംഭവിക്കുന്നുണ്ട്. വാഹനത്തില് വെള്ളം കയറിയാലും അത് ഷോറൂമില് എത്തിച്ചാല് വീണ്ടും ഉപയോഗിക്കാവുന്ന തരത്തില് ആക്കാന് സാധിക്കും. അതിന് പക്ഷെ, വാഹനം സ്റ്റാര്ട്ട് ആക്കാതെ ഇരിക്കണം. വാഹനത്തില് വെള്ളം കയറിയാല് ചെയ്യേണ്ടത് എന്തൊക്കെ ?
വെള്ളം കയറിയെന്ന് ബോധ്യപ്പെട്ടാല് ആദ്യം ഓര്ക്കേണ്ടത് ഒരു കാരണവശാലം വാഹനം സ്റ്റാര്ട്ടാക്കരുത് എന്നതാണ്. ഇഗ്നീഷന് പോലും ഓണ് ആക്കാതിരുന്നാല് അത്രയും നല്ലതാണ്. വാഹനം സ്റ്റാര്ട്ട് ചെയ്യാതെ ഷോറൂമില് എത്തിച്ചാല് മാത്രമെ ഇന്ഷുറന്സ് കവറേജ് പോലും ലഭിക്കുകയുള്ളു. വെള്ളം കയറിയ വാഹനം സ്റ്റാര്ട്ട് ചെയ്യാന് ശ്രമിച്ചാല് തന്നെ ഇന്ഷുറന്സ് ക്ലെയിം നഷ്ടമാകും.
ഇനി വാഹനം കെട്ടിവലിച്ചുകൊണ്ട് പോകാനാണ് തീരുമാനിക്കുന്നതെങ്കില് അതിലുമുണ്ട് ചില കാര്യങ്ങള് ശ്രദ്ധിക്കാന്. ഏറ്റവും സെയിഫായി വാഹനം കൊണ്ടു പോകാന് സാധിക്കുന്നത് കാര് ടവ്വിങ് ഹെവിക്കിള്സില് വാഹനം കയറ്റിക്കൊണ്ട് പോകുന്നതാണ്. മുന്പത്തെ വീലുകള് നിലത്ത് ഉരുളുന്ന തരത്തില് കെട്ടിവലിച്ചു കൊണ്ടുപോയാലും കേടുപാടുകള്ക്ക് സാധ്യതയുണ്ട്. സര്വീസ് സെന്ററില് എത്തിയാല് വാഹനത്തിന്റെ എന്ജിന് ഓയില്, ഓയില് ഫില്റ്റര് എന്നിവ മാറേണ്ടതായി വരും. ഇന്ധനം ഊറ്റിക്കളഞ്ഞ് പുതിയത് നിറയ്ക്കേണ്ടതായും വരും. ഇതിനൊക്കെ മുന്പെ, വാഹനത്തില് വെള്ളം കയറുന്നതിനും മുന്പ് ചെയ്യേണ്ട ഒരു കാര്യമുണ്ട് – ഇന്ഷുറന്സ് കവറേജ് ഉണ്ടെന്ന് ഉറപ്പ് വരുത്തുക.
