ഇംഗ്ലണ്ടിനെതിരായ മാഞ്ചസ്റ്റര് ക്രിക്കറ്റ് ടെസ്റ്റില് രവീന്ദ്ര ജഡേജയുടെയും വാഷിംഗ്ടണ് സുന്ദറിന്റെയും വീരോചിത സെഞ്ചുറികളുടെ കരുത്തില് സമനില പിടിച്ചതിന് പിന്നാലെ അപൂര്വ റെക്കോര്ഡിട്ട് ഇന്ത്യൻ ടീം. ഇംഗ്ലണ്ടിനെതിരായ ടെസ്റ്റ് പരമ്പരയില് നാല് ഇന്ത്യൻ താരങ്ങള് 400 റണ്സിലേറെ നേടിയാണ് റെക്കോര്ഡിട്ടത്. ഇന്ത്യയുടെ 91 വര്ഷത്തെ ടെസ്റ്റ് ചരിത്രത്തിലാദ്യമായാണ് നാല് താരങ്ങള് ഒരു ടെസ്റ്റ് പരമ്പരയില് ഒരേസമയം 400 ലേറെ റണ്സ് സ്കോര് ചെയ്യുന്നത്.
ഇംഗ്ലണ്ടിനെതിരായ ആദ്യ നാലു ടെസ്റ്റുകള് പൂര്ത്തിയായപ്പോള് റണ്വേട്ടക്കാരില് ആദ്യ നാലു സ്ഥാനങ്ങളിലും ഇന്ത്യക്കാരാണെന്നതും ശ്രദ്ധേയമാണ്. 722 റണ്സുമായി ഇന്ത്യൻ ക്യാപ്റ്റൻ ശുഭ്മാന് ഗില്ലാണ് റണ്വേട്ടയില് ഒന്നാമത്. ഒരു ഇരട്ട സെഞ്ചുറി അടക്കം നാലു സെഞ്ചുറികളാണ് ഗില് ഈ പരമ്പരയില് നിന്ന് മാത്രം നേടിയത്.
511 റണ്സുമായി കെ എല് രാഹുലാണ് റണ്വേട്ടയില് രണ്ടാം സ്ഥാനത്ത്. രണ്ട് സെഞ്ചുറിയും രണ്ട് അര്ധസെഞ്ചുറികളുമാണ് രാഹുല് പരമ്പരയില് നേടിയത്. 479 റണ്സുമായി റിഷഭ് പന്താണ് റണ്വേട്ടക്കാരില് മൂന്നാമത്. രണ്ട് സെഞ്ചുറിയും മൂന്ന് അര്ധസെഞ്ചുറികളും റിഷഭ് പന്തിന്റെ പേരിലുണ്ട്. പരിക്കുമൂലം അവസാന ടെസ്റ്റില് കളിക്കാനാവാത്തതിനാല് റിഷഭ് പന്തിന് 500 റണ്സ് പിന്നിടാനാവാനില്ല. അവസാന ടെസ്റ്റില് കളിച്ചിരുന്നെങ്കില് ഒരു ടെസ്റ്റ് പരമ്പരയില് ഏറ്റവും കൂടുതല് റണ്സ് നേടുന്ന വിക്കറ്റ് കീപ്പറെന്ന റെക്കോര്ഡ് റിഷഭ് പന്തിന് സ്വന്തമാക്കാന് കഴിയുമായിരുന്നു. 1965ല് ഇംഗ്ലണ്ടിനെതിരായ പരമ്പരയില് 525 റണ്സ് നേടിയ ഇന്ത്യയുടെ ബുധി കുന്ദേരന്റെ പേരിലാണ് നിലവിലെ റെക്കോര്ഡ്.
ഇന്നലെ മാഞ്ചസ്റ്ററില് സെഞ്ചുറി നേടിയതോടെ രവീന്ദ്ര ജഡേജ ഇംഗ്ലണ്ടിന്റെ ജാമി സ്മിത്തിനെ പിന്തള്ളി റണ്വേട്ടയില് നാലാം സ്ഥാനത്തേക്ക് കയറി. നാലു മത്സരങ്ങളില് 454 റണ്സുമായാണ് ജഡേജ നാലാം സ്ഥാനത്തെത്തിയത്. ഒരു സെഞ്ചുറിയും നാല് അര്ധസെഞ്ചുറിയുമാണ് ജഡേജയുടെ പേരിലുള്ളത്. പരമ്പരയിലെ ആദ്യ ടെസ്റ്റില് സെഞ്ചുറിയുമായി കരുത്തുകാട്ടിയ ഓപ്പണര് യശസ്വി ജയ്സ്വാള് പിന്നീട് നിറം മങ്ങിയത് മാത്രമാണ് ഇന്ത്യക്ക് തിരിച്ചടിയായത്. നാലു കളികളില് ഒരു സെഞ്ചുറിയും ഒരു അര്ധസെഞ്ചുറിയും അടക്കം 291 റണ്സാണ് ജയ്സ്വാളിന്റെ നേട്ടം. ഈ പരമ്പരയിലെ റണ്വേട്ടക്കാരില് പത്താമതാണ് ജയ്സ്വാൾ ഇപ്പോള്.
ബര്മിങാം: യുകെ മലയാളികള്ക്കിടയില് നൃത്തം ചെയ്യുന്നവര് നൂറുകണക്കിനല്ല മറിച്ച് ആയിരങ്ങളാണ് എന്നതാണ് വാസ്തവം. എന്നാല് ഇന്നലെ ബിർമിംഗ്ഹാമില് അവസാനിച്ച ലോക നൃത്ത വേദിയായ ഗ്ലോബല് ഡാന്സ് ഓപ്പണ് 2025 എന്ന ആഗോള നൃത്ത വേദിയിലേക്ക് അധികമാരും എത്തുന്നില്ല എന്നാല് ഗ്ലോബല് ഡാന്സ് ഓപ്പണ് നടക്കുന്നതറിഞ്ഞ് ഓഡിഷനില് പങ്കെടുത്ത ശേഷം മത്സര വേദിയില് എത്തിയ മാഞ്ചസ്റ്ററിന് അടുത്ത സ്റ്റോക്ക്പോര്ട്ടിലെ കീര്ത്തനയും ഡെന്റണിലെ നവമിയും വീട്ടിലേക്ക് മടങ്ങിയത് ഫോക്ക്ലോര് വിഭാഗത്തിലെ രണ്ടാം സ്ഥാനവും നേടിയാണ്,അതുപോലെ നവമി സരീഷ് ഹിപ് ഹോപ് സോളോ വിഭാഗത്തിൽ 35 രാജ്യങ്ങളുമായി മത്സരിച്ച് 8 മത് റാങ്കും നേടി എന്നത് യുകെയിലെ ഓരോ മലയാളി നര്ത്തകര്ക്കും അഭിമാന കാരണമാകുകയാണ്.
ഒരേ മലയാളി സംഘടനയിലെ അംഗങ്ങളായ കുടുംബത്തിലെ കുട്ടികള് എന്ന നിലയ്ക്കാണ് രണ്ടു പ്രദേശങ്ങളില് ആയി താമസിക്കുന്ന കീര്ത്തനയ്ക്കും നവമിക്കും സുഹൃത്തുക്കളാകാന് കഴിഞ്ഞതും ഇപ്പോള് ഗ്ലോബല് ഡാന്സ് ഓപ്പണ് എന്ന ലോകവേദിയിലേയ്ക്ക് നൃത്ത ചുവടുകള് വച്ച് എത്താനായതും. അള്ട്ടിമേറ്റ് ഡാന്സ് പ്രൊഡക്ഷന് എന്ന കമ്പനിയാണ് സാധാരണയായി യൂറോപ്പിലെ വിവിധ നഗരങ്ങളില് വച്ച് ഈ ലോക നൃത്ത വേദിക്ക് അവസരം ഒരുക്കുന്നത്. ലോകത്തിലെ ഏതു ഭാഗത്തുള്ള നൃത്തവും കാണാന് ഈ വേദിയില് എത്തിയാല് സാധിക്കും എന്നതാണ് ഇതിന്റെ പ്രത്യേകത. ഇത്തവണ ബിര്മിങാമില് നാലു ദിവസമായി നടന്ന ഈ ലോക നൃത്തമേളയില് വിവിധ രാജ്യങ്ങളില് നിന്നും അതാതു രാജ്യങ്ങളെ പ്രതിനിധീകരിച്ചു ഒട്ടേറെ പേർ പങ്കെടുത്തിരുന്നു. എന്നാല് കീര്ത്തനയും നവമിയും ബ്രിട്ടനെ പ്രതിനിധീകരിച്ചു ചെയ്തത് നാടോടി നൃത്തത്തിന് സമാനമായ ഫോക്ക്ലോര് നൃത്ത ഇനമായിരുന്നു.
ലോകത്തെവിടെ ചെന്നാലും ആരാധകരുള്ള ബാലറ്റ്, കന്റംപ്രറി, ഹിപ് ഹോപ്, ഫോക്ക്ലോര്, ജാസ്, മ്യൂസിക്കല് തീയേറ്റര്, ടാപ് തുടങ്ങിയ ഒട്ടേറെ ഇനങ്ങളില് ആയിരുന്നു മത്സരം. സാധാരണയായി നവംബര് മുതല് മെയ് വരെയുള്ള സമയങ്ങളില് ആണ് ഈ മത്സരത്തിന് അപേക്ഷകള് ക്ഷണിക്കുന്നത്. യുകെയില് ഇത്തവണ ഏപ്രിലില് ആണ് നര്ത്തകരെ തേടിയുള്ള ഓഡിഷന് നടന്നത്. ഈ വര്ഷം ലോകത്തെ വിവിധ രാജ്യങ്ങളില് ആയി 20 ലൊക്കേഷനുകളില് നടന്ന ലൈവ് സെക്ഷനുകളില് 6600 നര്ത്തകരാണ് അവസരം തേടി എത്തിയത്. അതില് നിന്നും ഫൈനലിസ്റ്റുകളായി നാലു ദിവസത്തെ മത്സരത്തിനു ബര്മിങാമില് എത്തിയത് 1500 ലേറെ നര്ത്തകരും. ഈ കണക്കുകളില് നിന്നും ഗ്ലോബല് ഡാന്സ് ഓപ്പണ് മത്സര വേദി ലോകമെങ്ങും ആകര്ഷിക്കുന്ന ആരാധകരുടെ എണ്ണവും ഊഹിക്കാവുന്നതാണ്.
ബര്മിങാമിലെ രണ്ടു വേദികളില് ആയിട്ടാണ് നൂറുകണക്കിന് നര്ത്തകര് ഒരേ സമയം മത്സരത്തിന് ഇറങ്ങിയത്. മത്സരത്തില് വിജയിക്കുന്നവര്ക്കായി ഗോള്ഡ്, സില്വര്, ബ്രോണ്സ് എന്നീ വിഭാഗമായിട്ടാണ് സമ്മാനങ്ങള് നല്കുന്നത്. ഇതില് സ്കോളര്ഷിപ്പ് അടക്കമുള്ള ആകര്ഷക ഘടകങ്ങളുമുണ്ട്. കഴിഞ്ഞ അഞ്ചു വര്ഷമായി നല്കുന്ന സ്കോളര്ഷിപ്പ് തുക 1.2 മില്യണ് ആയി ഉയര്ന്നു എന്നത് തന്നെ ലോക വിസ്മയങ്ങളില് ഒന്നാകാന് ശേഷിയുള്ള സമ്മാനത്തുകയുമാണ്. ഫോക്ക്ലോര് ഡ്യൂറ്റ് വിഭാഗത്തില് സീനിയര് മത്സരത്തിലാണ് കീര്ത്തനയും നവമിയും ഫസ്റ്റ് റണ്ണര് അപ് ആയി മാറിയത്. നന്നേ ചെറുപ്പം മുതല് ഡാന്സ് പരിശീലനം നടത്തിയിട്ടുള്ള നവമി വിവിധ ഡാന്സ് ഇനങ്ങളില് പ്രാവീണ്യം നേടിയ യുവ നര്ത്തകിയാണ്. എങ്കിലും ഹിപ് ഹോപില് അത്ര പെട്ടെന്ന് ആര്ക്കും മറികടക്കാനാകാത്ത പരിശീലനമാണ് നവമി സ്വന്തമാക്കിയിരിക്കുന്നത്.
മാഞ്ചസ്റ്ററിൽ ഡാൻസ് ടീച്ചർ കൂടിയാണ് നവമി സാരിഷ് . മാതാപിതാക്കളായ സരീഷ് സിദ്ധാര്ഥന്, ശ്രുതി സരീഷ് എന്നിവര് നല്കുന്ന കലര്പ്പില്ലാത്ത പിന്തുണയാണ് നവമിയെ നൃത്ത വേദികളില് മനോഹരമായ ചുവടുകള്ക്ക് പ്രാപ്തയാക്കുന്നത്. തൃശൂരില് വേരുകള് ഉള്ള കുടുംബമാണ് നവമിയുടേത്. ഇരുപതില് എത്തിയ കീര്ത്തനയാകട്ടെ സിനിമാറ്റിക്, ഫ്യൂഷന് ഡാന്സുകളുടെ ആരാധിക കൂടിയാണ്. നന്നേ ചെറുപ്പത്തിലേ നൃത്ത പരിശീലനം തുടങ്ങിയ കീര്ത്തന കിട്ടുന്ന ഒരു വേദിയും വിട്ടുകളയാത്ത നര്ത്തകി കൂടിയാണ്. മാതാപിതാക്കളായ കൃഷ്ണദാസ് രാമാനുജാവും ശ്രീജ കൃഷ്ണദാസും തന്നെയാണ് കീര്ത്തനയുടെ നൃത്തലോകത്തില് പൂര്ണ പങ്കാളികളായി കൂടെ നില്ക്കുന്നതും. പാലക്കാട് നിന്നും കുടിയേറിയ കുടുംബമാണ് കീര്ത്തനയുടേത്.
കെന്റ് അയ്യപ്പ ടെംപിൾ കെന്റ് ഹിന്ദു സമാജത്തിന്റ കർക്കിടക മാസ ശ്രീ അയ്യപ്പ പൂജ, (2025 ജൂലൈ 19 ആം തീയതി ശനിയാഴ്ച) നടക്കും. വൈകുന്നേരം 6:30 മുതൽ ഗണപതി പൂജ, അഭിഷേകം, വിളക്ക് പൂജ, ലളിത സഹസ്ര നാമ അർച്ചന, ഭജന, നീരാഞ്ജനം, പടിപൂജ, ഹരിവരാസനം എന്നിവ ഉണ്ടായിരിക്കുന്നതാണ്, വിളക്ക് പൂജയിൽ പങ്കെടുക്കുന്ന ഭക്തർ രണ്ടു ബഞ്ച് പൂക്കളും, ഒരു നാളികേരവും, നിലവിളക്കും, നീരാഞ്ചനത്തിന് ഒരു നാളികേരവും കൊണ്ട് വരേണ്ടതാണ്.
അമ്പലത്തിന്റെ വിലാസം
KENT AYYAPPA TEMPLE
1 Northgate, Rochester ME1 1LS
കൂടുതൽ വിവരങ്ങൾക്ക് ബന്ധപെടുക
07838170203, 07985245890, 07507766652, 07906130390
സൂരജ് രാധാകൃഷ്ണൻ
ആഴ്ചതോറും സിനിമകൾ കണ്ടിരുന്ന മലയാളികളിൽ പലരും ഇവിടെ യു കെ യിൽ വന്നതിന് ശേഷം സിനിമ കാണുന്നത് കുറച്ചു. അതിന് പല കാരണങ്ങൾ ഉണ്ടാകാം. അതിൽ ആദ്യത്തേത് ടിക്കറ്റ് ചാർജ്ജ് തന്നെയാണ്. നാല് പേരടങ്ങുന്ന ഒരു ഫാമിലിക്ക് നാൽപ്പത് പൗണ്ടെങ്കിലും ടിക്കറ്റിന് മാത്രം ചിലവാകും. എന്നാൽ ഇതേ നാല് ടിക്കറ്റ് വെറും നാല് പൗണ്ടിനു ലഭിച്ചാലോ.
ഈ മാസം, ജൂലൈ 25 മുതൽ ആഗസ്റ്റ് 28 വരെ Cineworldil ഒരു ടിക്കറ്റിന് ഒരു പൗണ്ട് മാത്രം. എല്ലാ സിനിമകൾക്കും ഈ ഓഫർ ഇല്ലാ കേട്ടോ. പക്ഷേ ഈ അടുത്ത കാലത്ത് ഇറങ്ങിയ പ്രേക്ഷക പ്രശംസ നേടിയ ഒട്ടു മിക്ക എല്ലാ ഫാമിലി ചിത്രങ്ങളും ഈ ഒരു ഓഫറിൽ കാണാം. എല്ലാ ദിവസവും രാവിലെ പത്ത് മണിക്കാണ് ഷോ. സമ്മർ അവധിക്ക് നാട്ടിലോട്ട് പോകാത്ത വായനക്കാർ ഈ ഒരു അവസരം പ്രയോജനപ്പെടുത്തുമെന്ന് കരുതുന്നു.
സിനിമകളും ദിവസങ്ങളും ചുവടെ കൊടുത്തിരിക്കുന്നു.
എല്ലാ സിനിമാസിലും
The Wild Robot – July 25 to July 31
Sonic the Hedgehog 3-August 1 to August 7
Moana 2 – August 8 to August 14
Paddington in Peru – August 15 to August 21
A Minecraft Movie – August 22 to August 28
തിരഞ്ഞെടുക്കപ്പെട്ട സിനിമാസിൽ മാത്രം
Mufasa: The Lion King – July 25 to July 31
Flow – August 1 to August 7
Transformers One – August 8 to August 14
Disney’s Snow White – August 15 to August 21
Dog Man – August 22 to August 28
ഇന്ത്യയ്ക്കെതിരായ മൂന്നാം ക്രിക്കറ്റ് ടെസ്റ്റില് ടോസ് നേടി ബാറ്റിങ് തിരഞ്ഞെടുത്ത ഇംഗ്ലണ്ട് സ്കോര് 100 പിന്നിട്ടു. നിലവില് രണ്ടു വിക്കറ്റ് നഷ്ടത്തില് 140 റണ്സെന്ന നിലയിലാണ് അവര്. ഓപ്പണര്മാരെ നഷ്ടമായ ശേഷം നിലയുറപ്പിച്ച് കളിക്കുന്ന ഒലി പോപ്പും ജോ റൂട്ടുമാണ് ക്രീസില്.
പച്ചപ്പിന്റെ അതിപ്രസരമില്ലാത്ത പിച്ചാണ് ലോര്ഡ്സില് ഒരുക്കിയിരിക്കുന്നതെങ്കിലും ജസ്പ്രീത് ബുംറയും ആകാശ് ദീപും മുഹമ്മദ് സിറാജും അടങ്ങിയ ഇന്ത്യന് ബൗളര്മാര്ക്കെതിരേ തുടക്കത്തില് ശ്രദ്ധയോടെയായിരുന്നു ഇംഗ്ലീഷ് ഓപ്പണര്മാരുടെ ബാറ്റിങ്. ഇത്തരത്തില് 13 ഓവര് വരെ ഇന്ത്യന് ബൗളര്മാര്ക്കെതിരേ ശ്രദ്ധയോടെ പിടിച്ചുനിന്ന സാക്ക് ക്രോളിക്കും ബെന് ഡക്കറ്റിനും പക്ഷേ നിതീഷ് കുമാര് റെഡ്ഡി എറിഞ്ഞ 13-ാം ഓവറില് പിഴച്ചു. തന്റെ ആദ്യ ഓവറിലെ മൂന്നാം പന്തില് ഡക്കറ്റിനെയും (23), ആറാം പന്തില് ക്രോളിയേയും (18) നീതീഷ്, വിക്കറ്റ് കീപ്പര് ഋഷഭ് പന്തിന്റെ കൈകളിലെത്തിക്കുകയായിരുന്നു.
എന്നാല് പിന്നീട് ക്രീസില് ഒന്നിച്ച പോപ്പ് – റൂട്ട് സഖ്യം ഇതുവരെ 96 റണ്സ് ചേര്ത്തിട്ടുണ്ട്. നേരത്തേ ടോസ് നേടിയ ഇംഗ്ലീഷ് നായകന് ബെന് സ്റ്റോക്സ് ബാറ്റ് ചെയ്യാന് തീരുമാനിക്കുകയായിരുന്നു. നാലു വര്ഷങ്ങള്ക്കു ശേഷം പേസര് ജോഫ്ര ആര്ച്ചര് ഇംഗ്ലണ്ട് ടീമില് ഇടംപിടിച്ചപ്പോള് ഇന്ത്യന് നിരയില് പ്രസിദ്ധ് കൃഷ്ണയ്ക്ക് പകരം ജസ്പ്രീത് ബുംറ ഇടംനേടി. ജോഷ് ടങ്ങിന് പകരമാണ് ആര്ച്ചറെത്തിയത്.
അനിൽ ഹരി
പ്രഫഷനൽ അലയൻസ് ഓഫ് ഇന്ത്യൻ റേഡിയോഗ്രാഫേഴ്സ് (PAIR) ജൂലൈ അഞ്ചിന് അപ്പോളോ ബക്കിങ്ങാം ഹെൽത്ത് സയൻസസ് ക്യാംപസിൽ വെച്ച് രാജ്യാന്തര റേഡിയോഗ്രാഫേഴ്സ് കോൺഫറൻസ് (IRC2025) സംഘടിപ്പിച്ചു . വിവിധ രാജ്യങ്ങളിൽ നിന്നു നിന്നുള്ള റേഡിയോഗ്രാഫി പ്രഫഷനലുകളെ ഒരുമിപ്പിക്കാനും അവരുടെ അറിവുകളും അനുഭവങ്ങളും പങ്കുവെക്കാനും ലക്ഷ്യമിട്ടുള്ള ഈ സമ്മേളനത്തിന്റെ പ്രധാന പ്രമേയം “Building Bridges in Radiology: Learn I Network I Thrive എന്നതായിരുന്നു.
ആഷ്ഫോർഡിലെ പാർലമെന്റ് അംഗം സോജൻ ജോസഫ് എംപി സമ്മേളനം ഉദ്ഘാടനം ചെയ്തു . സൊസൈറ്റി ആൻഡ് കോളജ് ഓഫ് റേഡിയോഗ്രാഫേഴ്സിന്റെ സിഇഒ റിച്ചാർഡ് ഇവാൻസ്, ഇന്റർനാഷനൽ സൊസൈറ്റി ഓഫ് റേഡിയോഗ്രാഫേഴ്സ് ആൻഡ് റേഡിയേഷൻ ടെക്നോളജിസ്റ്റ് പ്രസിഡന്റ് ഡോ. നപപോങ് എന്നിവർ മുഖ്യപ്രഭാഷണം നടത്തി . സംഘാടകസമിതി ചെയർമാൻ രാജേഷ് കേശവൻ സ്വാഗതവും വൈസ് ചെയർമാൻ ബോസ്കോ ആന്റണി നന്ദിയും രേഖപ്പെടുത്തി. നോയൽ മാത്യു, എബ്രഹാം കോശി, ശ്രീനാഥ് ശ്രീകുമാർ, ഉഖിലേഷ് തുടങ്ങിയവർ പരിപാടികൾക്ക് നേതൃത്വം നൽകി.
യുകെയിൽ ജോലി ചെയ്യുന്ന രാജ്യാന്തരതലത്തിൽ പരിശീലനം നേടിയ റേഡിയോഗ്രാഫർമാരുടെ വൈവിധ്യം, തൊഴിൽപരമായ വളർച്ച, അതുല്യമായ സംഭാവനകൾ എന്നിവ പ്രോത്സാഹിപ്പിക്കുവാൻ ലക്ഷ്യം വെച്ചുള്ള ഈ കോൺഫറൻസ് മലയാളികൾ ഉൾപ്പെടെയുള്ള ഇന്ത്യൻ റേഡിയോഗ്രാഫേഴ്സിൻ്റെ പങ്കാളിത്തം കൊണ്ട് ശ്രദ്ധേയമായി. ഇംഗ്ലണ്ടിന്റെ വിവിധ ഭാഗങ്ങളിൽ ജോലിചെയ്യുന്ന 175 ഓളം റേഡിയോഗ്രാഫേഴ്സ് പരിപാടിയിൽ പങ്കെടുത്തു.
സാങ്കേതിക തകരാറിനെ തുടര്ന്ന് തിരുവനന്തപുരം വിമാനത്താവളത്തില് കുടുങ്ങിയ ബ്രിട്ടീഷ് യുദ്ധ വിമാനം എഫ്-35 ബി സാമൂഹ്യ മാധ്യമങ്ങളില് സൂപ്പര് താരമാണ്.
കേരള ടൂറിസം വകുപ്പ് ഈ ഫൈറ്റര് ജെറ്റിനെ വച്ച് ഒരു പ്രൊമോഷന് പരസ്യം തന്നെ ചെയ്തിരുന്നു. മില്മ, കേരള പൊലീസ് എന്നിവയുടെ ഒഫിഷ്യല് പേജുകളില് ബ്രിട്ടീഷ് വിമാനത്തെക്കുറിച്ചുള്ള രസകരമായുള്ള പോസ്റ്റുകള് വന്നതും ഏറെ ശ്രദ്ധിക്കപ്പെട്ടിരുന്നു.
ഇപ്പോഴിതാ യു.കെയിലെ ഒരു മലയാളി റെസ്റ്റോറന്റ് അവരുടെ പരസ്യത്തിലും ,നായകനാ’ക്കിയിരിക്കുന്നത് എഫ് 35 ബിയെ തന്നെയാണ്. ‘മകനേ മടങ്ങി വരൂ’… എന്നാണ് മാഞ്ചസ്റ്ററിലെ മലയാളി റെസ്റ്റോറന്റായ ‘കേരള കറി ഹൗസിന്റെ’ പരസ്യത്തില് ആവശ്യപ്പെട്ടിരിക്കുന്നത്.
‘ഒരിക്കല് വന്നാല് തിരികെ പോകാന് തോന്നില്ല’ എന്ന സംസ്ഥാന ടൂറിസം വകുപ്പിന്റെ പരസ്യത്തിന് ബദലായാണ് റെസ്റ്റോറന്റിന്റെ പരസ്യം. വിമാനത്തിന്റെ എ.ഐ ചിത്രവും ഒപ്പമുണ്ട്.
‘കേരളത്തിന്റെ രുചി കേരള കറി ഹൗസില് വിളമ്പുമ്പോള് നീ എന്തിനാണ് അവിടെ നില്ക്കുന്നത്’ എന്നാണ് പരസ്യത്തിലെ ചോദ്യം. കേരളത്തിന്റെ വൈബിനായി കൊതിക്കുന്നവര് ഇതൊരു തമാശയായി എടുക്കണമെന്ന് അടിക്കുറിപ്പും കൊടുത്തിട്ടുണ്ട്.
ന്യൂസ് ഡെസ്ക്, മലയാളം യുകെ
കവൻട്രിയിൽ ഏഴു വയസുകാരൻെറ അപ്രതീക്ഷിത വേർപാടിൻെറ ഞെട്ടലിലാണ് യുകെ മലയാളികൾ. എന്നും വരുന്നത് പോലെ സ്കൂളിൽ പോയി വന്നതായിരുന്നു ഏഴു വയസുകാരനായ റൂഫസ് കുര്യന്. വീട്ടിൽ വന്നതിന് പിന്നാലെ പനിയുടെ ലക്ഷണം കാണിച്ചതിനാൽ മരുന്ന് കഴിച്ച് കിടന്നുറങ്ങി. ശരീരത്തില് തടിപ്പുകള് കണ്ടപ്പോള് അല്പം ആശങ്ക തോന്നിയെങ്കിലും നേഴ്സായ അമ്മയ്ക്കും അതൊരു സാധാരണ പനിയായി മാത്രമാണ് തോന്നിയത്. എന്നാൽ അർധരാത്രിയോടെ കുട്ടിക്ക് കലശലായ ക്ഷീണവും ബുദ്ധിമുട്ടും തോന്നിയതിന് പിന്നാലെ അടുത്തുള്ള ആശുപത്രിയിൽ കുട്ടിയെ കൊണ്ടുവരികയായിരുന്നു.
കവന്ട്രി യൂണിവേഴ്സിറ്റി ഹോസ്പിറ്റല് എ ആന്ഡ് ഇ യില് എത്തി വൈകാതെ തന്നെ കുട്ടി മരിക്കുകയായിരുന്നു. പെട്ടെന്നുണ്ടായ വേർപാടിൻെറ ഞെട്ടലിലും ദുഃഖത്തിലാണ് കുട്ടിയുടെ മാതാപിതാക്കളും ബന്ധുക്കളും ഇപ്പോൾ. സാധാരണ പനിയുമായി സ്കൂളില് നിന്നെത്തിയ കുഞ്ഞ് ആശുപത്രിയില് എത്തിച്ചിട്ടും മരിച്ചെന്ന വാര്ത്ത യുകെ മലയാളികളെ ഞെട്ടിച്ചിരിക്കുകയാണ്.
ഗള്ഫില് നിന്നും ഒന്നര വര്ഷം മുൻപ് മാത്രമാണ് റൂഫസും കുടുംബവും യുകെയിൽ എത്തിയത്. ആലപ്പുഴ സ്വദേശികളാണ് റൂഫസിന്റെ മാതാപിതാക്കളായ കുര്യന് വര്ഗീസും ഷിജി തോമസും. ഏക സഹോദരന് സെക്കന്ററി സ്കൂള് വിദ്യാര്ത്ഥിയാണ്.
റൂഫസിൻെറ നിര്യാണത്തിൽ മലയാളം യുകെ ന്യൂസിന്റെ അനുശോചനം ബന്ധുക്കളെയും സുഹൃത്തുക്കളെയും അറിയിക്കുന്നു.
അഹമ്മദാബാദ് വിമാനാപകടത്തിൽ മരിച്ച പത്തനംതിട്ട പുല്ലാട് സ്വദേശി രഞ്ജിത ഗോപകുമാറിന് (40) കണ്ണീരോടെ ജന്മനാട് വിടപറഞ്ഞു. അഹമ്മദാബാദിൽനിന്നു ഡൽഹി വഴി ഇന്നലെ രാവിലെ ഏഴിനാണ് മൃതദേഹം തിരുവനന്തപുരം വിമാനത്താവളത്തിലെത്തിയത്.
പത്തനംതിട്ട പുല്ലാട് ശ്രീ വിവേകാനന്ദ ഹൈസ്കൂളിലും വസതിയിലുമായി പൊതുദര്ശനത്തിനു വച്ച ഭൗതിക ശരീരത്തില് ആദരാഞ്ജലി അര്പ്പിക്കാന് മന്ത്രിമാരായ വി.എന്. വാസവനും സജി ചെറിയാനും ജനപ്രതിനിധികളുമടക്കം ആയിരക്കണക്കിനു പേര് ഒഴുകിയെത്തി.
തിരുവനന്തപുരം വിമാനത്താവളത്തില് എത്തിച്ച മൃതദേഹം സംസ്ഥാന സര്ക്കാരിനുവേണ്ടി മന്ത്രിമാരായ വി.ശിവന്കുട്ടി, ജി.ആര്.അനില് എന്നിവര് ഏറ്റുവാങ്ങി ആദരമര്പ്പിച്ചു. മുന് മന്ത്രിമാരായ എം.എ. ബേബി, എം.വി. ഗോവിന്ദന്, തിരുവഞ്ചൂര് രാധാകൃഷ്ണന് തുടങ്ങിയവരും വിമാനത്താവളത്തില് അന്തിമോപചാരമര്പ്പിച്ചു. നോര്ക്കയ്ക്കു വേണ്ടി പ്രൊജക്ട് മാനേജര് ആര്.എം.ഫിറോസ് ഷാ പുഷ്പചക്രം സമര്പ്പിച്ചു. വിവിധ രാഷ്ട്രീയ സാമൂഹിക പ്രവര്ത്തകരും വിമാനത്താവളത്തില് അന്തിമോപചാരം അര്പ്പിക്കാനെത്തിയിരുന്നു.
തുടര്ന്നു സ്വദേശമായ തിരുവല്ല പുല്ലാടിലേക്കു മൃതദേഹം എത്തിച്ചു. സഹോദരന് രതീഷ് ജി.നായരും അമ്മാവന് ഉണ്ണിക്കൃഷ്ണനും ഭൗതികശരീരത്തെ അനുഗമിച്ചു. പുല്ലാട് ശ്രീ വിവേകാനന്ദ ഹൈസ്കൂളില് രാവിലെ 10ന് ആരംഭിച്ച പൊതുദര്ശനത്തില് നിലയ്ക്കാത്ത ജനപ്രവാഹമായിരുന്നു. ഉച്ചയ്ക്ക് ശേഷം മൃതദേഹം വീട്ടിലേത്തിച്ചു. മന്ത്രി സജി ചെറിയാന്, എംഎല്എമാരായ കെ.യു. ജനീഷ് കുമാര്, പ്രമോദ് നാരായണ് എന്നിവര് വീട്ടിലെത്തി അന്തിമോപചാരം അര്പ്പിച്ചു. വൈകിട്ട് വന് ജനാവലിയുടെ സാന്നിധ്യത്തില് വീട്ടുവളപ്പിലായിരുന്നു സംസ്കാരം.
യുകെയിലെ പോർട്സ്മൗത്ത് ഹോസ്പിറ്റൽസ് യൂണിവേഴ്സിറ്റി എൻഎച്ച്എസ് ട്രസ്റ്റിന്റെ ക്വീൻ അലക്സാന്ദ്ര ഹോസ്പിറ്റലിൽ നേഴ്സായിരുന്നു രഞ്ജിത. 2024 ഓഗസ്റ്റിലാണ് ക്വീൻ അലക്സാന്ദ്രയിലെ കാർഡിയോളജി സി6 യൂണിറ്റിൽ നേഴ്സായി രഞ്ജിത ജോലിയിൽ പ്രവേശിക്കുന്നത്. നാല് ദിവസത്തെ അവധിക്കായി നാട്ടിൽ പോയി മടങ്ങി വരവേയാണ് അഹമദാബാദിലെ വിമാനദുരന്തത്തിന് ഇരയായത്. യുകെയിൽ എത്തി ഒരു വർഷം പൂർത്തിയാകാൻ മാസങ്ങൾ ബാക്കി നിൽക്കെയാണ് അപ്രതീക്ഷിത വിട വാങ്ങൽ.
കോസ്മോപോളിറ്റൻ ക്ലബ്ബിന്റെ ആഭിമുഖ്യത്തിൽ ജൂൺ 21 ന് നടക്കുന്ന Meet& GROW പരിപാടിയിൽ സ്റ്റേറ്റ് ബാങ്ക് ഓഫ് ഇന്ത്യയും ആമ്പിൾ മോർട്ടഗേജ് കമ്പനിയും പങ്കെടുക്കുന്നു . സ്റ്റേറ്റ് ബാങ്ക് ഓഫ് ഇന്ത്യയുടെ എൻ ആർ ഐ ,യുകെ ബാങ്ക് അക്കൗണ്ടുകൾ ,ഫിക്സഡ് ഡെപ്പോസിറ്റുകൾ ,ISA അക്കൗണ്ടുകൾ , Buy to let കൊമേർഷ്യൽ ലോണുകൾ എന്നിവ ആരംഭിക്കാൻ ഒരു അവസരം . സ്റ്റേറ്റ് ബാങ്ക് ഓഫ് ഇന്ത്യയുടെ പ്രതിനിധികൾ ബ്രിസ്റ്റോൾ ഗ്രീൻവേ സെന്ററിൽ രാവിലെ 10 മുതൽ മൂന്നു മണി വരെ ഉണ്ടാകും . ഉപഭോക്താക്കൾ പാസ്പോർട്ട് /BRP card /OCI/PAN /ഡ്രൈവിംഗ് ലൈസൻസ് /നാഷണൽ ഇൻഷുറൻസ് നമ്പർ / 2 പാസ്പോർട്ട് സൈസ് ഫോട്ടോ എന്നിവ സ്റ്റേറ്റ് ബാങ്ക് ഓഫ് ഇന്ത്യയുടെ അക്കൗണ്ട് തുടങ്ങാൻ കൊണ്ടുവരേണ്ടതാണ് .
മോർട്ടഗേജ് /റീ മോർട്ടഗേജ് ആവശ്യങ്ങൾക്കായി യുകെയിലെ പ്രമുഖ മോർട്ടഗേജ് കമ്പനിയായ ആമ്പിൾ മോർട്ടഗേജിന്റെ പവലിയനും ഉണ്ടായിരിക്കുന്നതാണ് .
പ്രവേശനം തികച്ചും സൗജന്യമാണ്
വിലാസം
Cabot Room
Greenway Centre
Doncaster Road ,Southmead
Bristol BS 10 5PY .
കൂടുതൽ വിവരങ്ങൾക്ക് താഴെ പറയുന്ന നമ്പറിൽ കോൺടാക്ട് ചെയ്യുക
സ്റ്റേറ്റ് ബാങ്ക് ഓഫ് ഇന്ത്യ :074327 32986
ആമ്പിൾ മോർട്ടഗേജ് :079 36 831 339
കോസ്മോപോളിറ്റൻ ക്ലബ് :07754 724 879.
