മാര്‍ച്ച്‌ 15ന് പുറത്തിറങ്ങിയ ട്രെയിലര്‍ മൂന്ന് ദിവസം പിന്നിടുമ്ബോഴേയ്ക്കും ട്രെയിലര്‍ കണ്ടത് ആറു കോടിയിലധികം ആളുകളാണ്. 24 മണിക്കൂറുകള്‍ കൊണ്ട് ഏറ്റവുമധികം ആളുകള്‍ കണ്ട ഇന്ത്യന്‍ സിനിമാ ട്രെയിലര്‍ എന്ന റെക്കോര്‍ഡും ബാഹുബലിയ്ക്ക് സ്വന്തം.
50 കോടിയിലധികം ആളുകളാണ് ഇന്റര്‍നെറ്റിലൂടെ മലയാളം, ഹിന്ദി, തമിഴ്, തെലുങ്ക് എന്നീ ഭാഷകളിലായി ട്രെയിലര്‍ കണ്ടത്. ഇപ്പോള്‍ ട്രെയിലര്‍ കണ്ട സന്ദര്‍ശകരുടെ എണ്ണം ആറര കോടി പിന്നിട്ടു. യുട്യൂബ്, ഫെയ്സ്ബുക്ക് എന്നിവയിലൂടെ കണ്ടത് അഞ്ചുകോടി.
രാജമൗലി തന്നെയാണ് തന്റെ ട്വിറ്റര്‍ പേജിലൂടെ ഇക്കാര്യം വെളിപ്പെടുത്തിയിരിക്കുന്നത്. അതോടൊപ്പം ആഗോളതലത്തില്‍ 24 മണിക്കൂറുകള്‍ക്കുള്ളില്‍ ഏറ്റവുമധികം ആളുകള്‍ വീഡിയോ കണ്ട പട്ടികയില്‍ 13ാം സ്ഥാനത്തെത്തിയിരിക്കുകയാണ് ബാഹുബലി. ഈ പട്ടികയില്‍ ആദ്യ 15ല്‍ ഇടംപിടിച്ച ഒരേയൊരു ഇന്ത്യന്‍ സിനിമയും ബാഹുബലിയാണ്. ഒരു കോടി എഴുപത് ലക്ഷം ആളുകള്‍ ചിത്രത്തിന്റെ ഹിന്ദി ട്രെയിലറും രണ്ടു കോടി അറുപത് ലക്ഷം ആളുകള്‍ ചിത്രത്തിന്റെ തെലുങ്ക് ട്രെയിലറും കണ്ടുകഴിഞ്ഞു.
