ന്യൂസ് ഡെസ്ക് മലയാളം യുകെ
ലണ്ടൻ : കാലാവധി തീർന്നിട്ടും ഡ്രൈവിങ് ലൈസൻസ് പുതുക്കാത്തവരാണോ നിങ്ങൾ? പിഴ കൂടാതെ ലൈസൻസ് പുതുക്കാൻ ഇനി രണ്ട് ദിവസം മാത്രം. കോവിഡ് പ്രതിസന്ധി കാരണം 2020 ഫെബ്രുവരി 1 നും ഡിസംബർ 31 നും ഇടയിൽ കാലഹരണപ്പെട്ട ലൈസൻസ് പുതുക്കാൻ നീട്ടി നൽകിയ സമയം ഈ മാസം അവസാനിക്കും. ലൈസൻസ് പുതുക്കാത്ത ഡ്രൈവർമാരിൽ നിന്ന് 1,000 പൗണ്ട് പിഴ ഈടാക്കും. കോവിഡ് നിയന്ത്രണങ്ങൾ കാരണമാണ് ലൈസൻസ് കാലാവധി 11 മാസം കൂടി നീട്ടി നൽകിയത്. പുതിയ ലൈസൻസുകളിൽ പത്ത് ആഴ്ച വരെ കാലതാമസം ഉണ്ടായേക്കുമെന്ന് ഡിവിഎൽഎ ( ഡ്രൈവർ & വെഹിക്കിൾ ലൈസൻസിംഗ് ഏജൻസി ) മുന്നറിയിപ്പ് നൽകിയിട്ടുണ്ട്.
എന്നാൽ വാഹനമോടിക്കുന്നവർക്ക്, അവരുടെ അപേക്ഷ പ്രോസസ്സ് ചെയ്യുന്നതായി സ്ഥിരീകരണം ലഭിച്ചാൽ ഡ്രൈവിംഗ് തുടരാവുന്നതാണ്. 2021 ജനുവരി ഒന്നിനോ അതിന് ശേഷമോ കാലാവധി തീർന്ന ലൈസൻസുകൾ സാധാരണ രീതിയിൽ പുതുക്കണം. 70 വയസ്സിന് താഴെയുള്ളവർ ഓരോ പത്ത് വർഷത്തിലും ഡ്രൈവിംഗ് ലൈസൻസ് പുതുക്കേണ്ടതുണ്ട്. എഴുപത് കഴിഞ്ഞവർ ഓരോ മൂന്നു വർഷത്തിലും. നിലവിലെ ലൈസൻസ് കാലാവധി അവസാനിക്കുന്നതിന് മുമ്പ് നിങ്ങൾക്ക് അറിയിപ്പ് ലഭിക്കുന്നതാണ്.
ഓൺലൈനായി Gov.uk വെബ്‌സൈറ്റ് വഴിയോ പോസ്റ്റ് ഓഫീസിലൂടെയോ ഡി‌വി‌എൽ‌എയിൽ അപേക്ഷ സമർപ്പിച്ചോ ലൈസൻസ് പുതുക്കാം. 12 മാസത്തിനുള്ളിൽ നിങ്ങളുടെ പൂർണമായ അപേക്ഷ ഡിവിഎൽഎയ്ക്ക് ലഭിച്ചിരിക്കണം.
Leave a Reply