ടോം ജോസ് തടിയംപാട്

ഇംഗ്ലണ്ടിലെ ലിവര്‍പൂളിനടുത്തുള്ള വിരാളില്‍ താമസിക്കുന്ന ഇടുക്കി തൊടുപുഴ സ്വദേശി അല്‍ഫോന്‍സ് സാറ പുന്നൂസ് ഈ വര്‍ഷത്തെ GCSE പരീക്ഷയില്‍ രണ്ടു ഡബിള്‍ എ സ്റ്റാറും, 7 എ സ്റ്റാറും, ഒരു എ യും നേടി മലയാളി സമൂഹത്തിനു തന്നെ അഭിമാനമായി മാറി. അല്‍ഫോന്‍സ് സാറ പുന്നൂസ് വിരാളിലെ ഇര്‍ബിയില്‍ താമസിക്കുന്ന തൊടുപുഴ സ്വദേശി പച്ചിക്കര ബിജോയ് അനിത ദമ്പതികളുടെ മകളാണ്. അല്‍ഫോന്‍സിനു രണ്ടു സഹോദരിമാര്‍ കൂടിയുണ്ട്.

 

തിളങ്ങുന്ന വിജയം കരസ്ഥമാക്കിയ ഈ മിടുക്കിയുടെ ആഗ്രഹം ഭാവിയില്‍ ഡോക്ടര്‍ ആകണമെന്നാണ്. അല്‍ഫോന്‍സ് വെസ്റ്റ് കേര്‍ബി ഗ്രാമര്‍ സ്‌കൂളിലാണ് പഠിച്ചത്. സ്‌കൂളിലെ ടീച്ചറന്‍മാരുടെ ഭാഗത്തുനിന്നും വലിയ പിന്തുണയാണ് ഈ കൊച്ചുമിടുക്കിക്ക് ലഭിച്ചിരുന്നത്. അല്‍ഫോന്‍സിന്റെ പിതാവ് പുന്നൂസ് എഞ്ചിനീയറാണ് അമ്മ സ്റ്റാഫ് നഴ്‌സ് ആയി ആരോപാര്‍ക്ക് ഹോസ്പിറ്റലില്‍ ജോലി ചെയ്യുന്നു. അഭിനന്ദനങ്ങള്‍!