ന്യൂസ് ഡെസ്ക് മലയാളം യുകെ ന്യൂസ്

ലണ്ടൻ : വിലക്കയറ്റം നിയന്ത്രിക്കാനുള്ള പദ്ധതികൾ ഉൾപ്പെടുത്തിക്കൊണ്ട് സർക്കാരിന് അടിയന്തര ബജറ്റ് അവതരിപ്പിക്കാമെന്ന നിർദേശം തള്ളി മൈക്കൽ ഗോവ്. ജീവിതചെലവ് ലഘൂകരിക്കുന്നതിനുള്ള ആശയങ്ങൾ പരിഗണനയിലാണെന്ന് നമ്പർ 10 ഉറവിടം പറഞ്ഞു. പൊതുജനങ്ങളെ സഹായിക്കാൻ ആവശ്യമായ പദ്ധതികൾ രാജ്ഞിയുടെ പ്രസംഗത്തിൽ അടങ്ങിയിട്ടില്ലെന്ന് ലേബർ പാർട്ടി കുറ്റപ്പെടുത്തി. രാജ്ഞിയുടെ അഭാവത്തിൽ ചാൾസ് രാജകുമാരൻ നടത്തിയ പ്രസംഗത്തിൽ വരും വർഷത്തേക്കുള്ള 38 ബില്ലുകളെപറ്റിയും കരട് ബില്ലുകളെപറ്റിയും പറയുന്നുണ്ട്. എന്നാൽ പ്രതിദിനം വർധിച്ചുവരുന്ന പ്രതിസന്ധി ഒഴിവാക്കാൻ സർക്കാർ അടിയന്തര ബജറ്റ് പ്രഖ്യാപിക്കണമെന്ന ആവശ്യം പല കോണിൽ നിന്നുയർന്നിരുന്നു.

WhatsApp Image 2024-12-09 at 10.15.48 PM

Migration 2

AHPRA Registration

STEP into AHPRA NCNZ

എണ്ണ, വാതക കമ്പനികൾക്ക് വിൻഡ്‌ഫാൾ ടാക്സ് ഏർപ്പെടുത്താൻ ചാൻസലർ ഋഷി സുനക് അടിയന്തര ബജറ്റ് പ്രഖ്യാപിക്കണമെന്നുൾപ്പെടെയുള്ള അഭിപ്രായങ്ങൾ ഉയർന്നു. എന്നാൽ പൊതുജനങ്ങൾക്ക് ആശ്വാസമാകുന്ന നടപടികൾ വരും ദിവസങ്ങളിൽ താനും ചാൻസലറും ചേർന്ന് പറയുമെന്ന് പ്രധാനമന്ത്രി ബോറിസ് ജോൺസൺ അറിയിച്ചു.

യഥാർത്ഥ വരുമാനം കുറയുന്നതിലൂടെ രണ്ടര ലക്ഷത്തിലധികം ആളുകൾ ഈ വർഷം ദരിദ്രാവസ്ഥയിലേക്ക് വഴുതിവീഴുമെന്ന് നാഷണൽ ഇൻസ്റ്റിറ്റ്യൂട്ട് ഫോർ ഇക്കണോമിക് ആൻഡ് സോഷ്യൽ റിസർച്ച് പറയുന്നു. ബുദ്ധിമുട്ടിനു താത്കാലിക പരിഹാരം എന്ന നിലയിൽ ആഴ്‌ചയിൽ 25 പൗണ്ടിന്റെ ആനുകൂല്യങ്ങൾ വർദ്ധിപ്പിക്കാനും ദരിദ്ര കുടുംബങ്ങൾക്ക് ഒറ്റത്തവണയായി 250 പൗണ്ട് നൽകാനും തിങ്ക് ടാങ്ക് ആവശ്യപ്പെട്ടു.