സഖറിയ പുത്തന്‍കളം
ചെല്‍ട്ടണ്‍ഹാം: ജൂലൈ എട്ടിന് ചെല്‍ട്ടണ്‍ഹാമിലെ ജോക്കി ക്ലബ്ബില്‍ 16-ാമത് യു.കെ.കെ.സി.എ കണ്‍വെന്‍ഷന്‍ നടക്കുമ്പോള്‍ അഞ്ച് മക്കള്‍ ഉള്ള ദമ്പതികളെ പ്രത്യേകമായി ആദരിക്കും. അണുകുടുംബ ചിന്താഗതിയില്‍ നിന്നും ദൈവം ദാനമായി നല്‍കിയ മക്കളെ സ്നേഹപൂര്‍വ്വം സ്വീകരിച്ച ദമ്പതികളെ കണ്‍വെന്‍ഷന്‍ വേദിയില്‍ പ്രത്യേകമായി അനുമോദിക്കുകയും ആദരിക്കുകയും ചെയ്യും. യു.കെ.കെ.സി.എയുടെ യൂണിറ്റുകളില്‍ അഞ്ച് മക്കള്‍ ഉള്ള, ഇതിനുമുന്‍പ് ആദരിക്കാത്ത കുടുംബങ്ങളുടെ വിവരം യു.കെ.കെ.സി.എ സെന്‍ട്രല്‍ കമ്മിറ്റി അംഗങ്ങളെ അറിയിക്കേണ്ടതാണ്.
16-ാമത് യു.കെ.കെ.സി.എ കണ്‍വെന്‍ഷനില്‍ ഇത്തവണ റാലിയില്‍ കടുത്ത മത്സരമായിരിക്കും നടക്കുക. ഓരോ യൂണിറ്റുകളും അതീവ രഹസ്യമായി റാലിയില്‍ മികച്ച പ്രകടനം കാഴ്ച വെയ്ക്കുന്നതിനുള്ള തയ്യാറെടുപ്പിലാണ്. ”സഭാ സമുദായ സ്നേഹം ആത്മാവില്‍ അഗ്‌നിയായി ക്നാനായ ജനത” എന്ന ആപ്തവാക്യത്തില്‍ അധിഷ്ഠിതമായി ഓരോ യൂണിറ്റും ശക്തിപ്രകടനത്തിനായി ഒരുങ്ങുകയാണ്.
ക്നാനായ അസ്തിത്വവും രാജകീയ പ്രൗഢിയും ജ്വലിക്കുന്ന കണ്‍വെന്‍ഷന്‍ വേദിയില്‍ അതിമനോഹരവും നയനാനന്ദകരവുമായ കലാപരിപാടികള്‍ അരങ്ങേറും. കലൈഡോസ്‌കോപ്പും നിരവധി വര്‍ണ ലൈറ്റുകളും രാജകീയമായ വേദിയെ വര്‍ണാഭമാക്കും.
കണ്‍വെന്‍ഷന്റെ വിജയത്തിനായി യു.കെ.കെ.സി.എ പ്രസിഡന്റ് ബിജു മടക്കക്കുഴി, ജനറല്‍ സെക്രട്ടറി ജോസി നെടുംതുരുത്തി പുത്തന്‍പുര, ട്രഷറര്‍ ബാബു തോട്ടം, വൈസ് പ്രസിഡന്റ് ജോസ് മുഖച്ചിറ, ജോ. സെക്രട്ടറി സഖറിയ പുത്തന്‍കളം, ജോ. ട്രഷറര്‍ ഫിനില്‍ കളത്തികോട്ട്, ഉപദേശക സമിതി അംഗങ്ങളായ ബെന്നിമാവേലില്‍, റോയി സ്റ്റീഫന്‍ എന്നിവരുടെ നേതൃത്വത്തില്‍ പ്രവര്‍ത്തിക്കുന്നു.
Leave a Reply