ന്യൂസ് ഡെസ്ക് മലയാളം യുകെ ന്യൂസ്

ലണ്ടൻ: പ്രമുഖ ബ്രിട്ടീഷ് ഗിറ്റാറിസ്റ്റ് ജെഫ് ബെക്ക്(78) അന്തരിച്ചു. ബാക്ടീരിയൽ മെനിഞ്ചൈറ്റിസ് രോഗബാധയെ തുടർന്നാണ് അന്ത്യം. ആഴ്ചകൾക്ക് മുമ്പ് ജോണി ഡെപ്പിനൊപ്പം വിവിധ പരിപാടികൾ പൂർത്തിയാക്കി തിരിച്ചെത്തിയ അദ്ദേഹം ബുധനാഴ്ച വൈകിട്ടാണ് വിട പറഞ്ഞത്. ഗിറ്റാറുമായി സ്റ്റേജിൽ നിൽക്കുന്ന താരത്തിന്റെ ചിത്രത്തിനൊപ്പം അദ്ദേഹത്തിന്റെ കുടുംബം ഔദ്യോഗിക ട്വിറ്റർ ഹാൻഡിലിൽ മരണവാർത്ത സ്ഥിരീകരിച്ചിട്ടുണ്ട്.

യുകെയിലെ മൂന്ന് ബ്രിട്ട് അവാർഡുകൾക്ക് നാമനിർദേശം ചെയ്യപ്പെട്ട, മുൻ യാർഡ്‌ബേർഡ്‌സ് താരം ഡെപ്പിനൊപ്പം ചെയ്ത 18 എന്ന ആൽബം ഇതിനോടകം തന്നെ വലിയ തരംഗമാണ് സൃഷ്ടിച്ചിരിക്കുന്നത്. ഇതിന്റെ ഭാഗമായുള്ള അറ്റ്ലാന്റിക് പര്യടനം പൂർത്തിയാക്കി ഇരുവരും തിരിച്ചെത്തിയതിനു പിന്നാലെയാണ് ജെഫിന്റെ വേർപിരിയൽ. ഇരുവരും ഏറ്റവും അടുത്ത സുഹൃത്തുക്കൾ ആയിരുന്നു എന്നും വർത്താകേന്ദ്രങ്ങൾ വ്യക്തമാക്കി.

അപ്രതീക്ഷിതമായാണ് രോഗം പിടിപ്പെട്ടതെന്നും, മരണം വലിയൊരു നഷ്ടമാണ് ഉണ്ടാക്കിയതെന്നും ബെക്കിന്റെ ഏജന്റ് പറഞ്ഞു. നിലവിൽ ബെക്കിനോടൊപ്പമുള്ളത് ആറാമത്തെ ഭാര്യ സാന്ദ്രയാണ്. 2005 ൽ സർ പോൾ മക്കാർട്ട്‌നിക്കൊപ്പം ടൺബ്രിഡ്ജ് വെൽസിൽ വെച്ച് അദ്ദേഹത്തിന് 61 വയസ്സും സാന്ദ്രയ്ക്ക് 41 വയസ്സും ഉള്ളപ്പോഴാണ് ഇരുവരും വിവാഹിതരായത്. ഏറ്റവും നൂതനമായ ചികിത്സയാണ് ബെക്കിന് നൽകിയതെന്നും, എന്നാൽ രോഗം നല്ല രീതിയിൽ വ്യാപിച്ചിട്ടുണ്ടായിരുന്നെന്നുമാണ് പുറത്ത് വരുന്ന പ്രാഥമിക വിവരം