കോടഞ്ചേരി: ഓസ്‌ട്രേലിയയിൽ സ്വിമ്മിങ് പൂളിൽ വീണ് ചികിത്സയിലായിരുന്ന മലയാളി ബാലൻ മരിച്ചു. ഓസ്‌ട്രേലിയയിൽ ജോലി ചെയ്യുന്ന കോടഞ്ചേരി സ്വദേശികളായ പുന്നത്താനത്ത് ബിനു ജോസ് – ഷെറിൻ ദമ്പതികളുടെ രണ്ടാമത്തെ മകൻ ഡാരൻ (രണ്ട്) ആണു മരിച്ചത്.
ഓസ്‌ട്രേലിയ മൗണ്ട് ഇസായിലെ വീടിനു സമീപത്തെ സ്വിമ്മിങ് പൂളിൽ കുട്ടി അബദ്ധത്തിൽ വീണതിനെ തുടർന്ന് ഒരാഴ്ചയായി ആശുപത്രിയിൽ ചികിത്സയിലായിരുന്നു. പിന്നീട് ന്യുമോണിയ ബാധയെ തുടർന്ന് അവശനായ കുട്ടി കഴിഞ്ഞ ദിവസം മരിച്ചുവെന്ന് കോടഞ്ചേരിയിലെ ഇവരുടെ ബന്ധുക്കൾ പറഞ്ഞു. സംസ്ക്കാരം പിന്നീട്. അഞ്ചു വയസുള്ള ഫാരൻ സഹോദരനാണ്. ബിനു എൻജിനീയറും ഷെറിൻ നഴ്‌സുമാണ്.
Leave a Reply