സ്പിരിച്വൽ ഡെസ്ക്. മലയാളം യുകെ
ഇന്ന് മെയ് മുപ്പത്തിയൊന്ന്. പരിശുദ്ധ കന്യകയുടെ വണക്കമാസം വീടലും പെന്തക്കുസ്താ തിരുന്നാളും ക്രൈസ്തവർ ഒരുമിച്ചാഘോഷിക്കുന്ന ദിവസം. മരിയഭക്തി ആധുനിക തലമുറയിൽ വളർത്തുക എന്ന ലക്ഷ്യവുമായി മെയ് ആദ്യം മുതൽ മലയാളം യുകെ സ്പിരിച്വൽ ടീം മാതാവിൻ്റെ വണക്കമാസം പ്രസിദ്ധീകരിച്ചു വരികയായിരുന്നു. വായനക്കാരുടെ പ്രത്യേക അഭ്യർത്ഥന പ്രകാരം വണക്കമാസം തുടർന്ന് ഓഡിയോ രൂപത്തിൽ പ്രസിദ്ധീകരണം ആരംഭിച്ചു. ശ്രോതാക്കൾക്ക് മനസ്സിലാകുവാൻ പാകത്തിന് വളരെ ലളിതമായ ഭാഷയിൽ വണക്കമാസ പുസ്തകത്തിൻ്റെ അതേ രൂപത്തിൽ ഗുജറാത്തിൽ ആത്മീയ ശുശ്രൂഷ ചെയ്യുന്ന ഫാ. ബിനോയ് ആലപ്പാട്ട് CMF മാതാവിൻ്റെ വണക്കമാസം ഓഡിയോ രൂപത്തിലാക്കി.
വായിക്കുന്നതിനേക്കാൾ കേൾക്കുമ്പോഴാണ് കാര്യങ്ങൾ കൂടുതൽ ഗ്രഹിക്കുവാൻ സാധിക്കുന്നത് എന്നാണ് ഫാ. ബിനോയിയുടെ അഭിപ്രായം.
ഗുജറാത്തിലെ ഗാന്ധിനഗർ ഇടവകയിൽ സീറോ മലബാർ വിശ്വാസികൾക്ക് വേണ്ടി സേവനമനിഷ്ഠിക്കുന്ന ഫാ. ബിനോയി ആലപ്പാട്ട് ക്ലരീഷ്യൻ മിഷിനറീസ് സഭാംഗമാണ്. കേരളത്തിൽ കുട്ടനാട്ടിലെ തെക്കേക്കരയിലാണ് ഫാ. ബിനോയിയുടെ ജന്മദേശം. കരിസ്മാറ്റിക് ധ്യാനഗുരു കൂടിയാണദ്ദേഹം.
പരിശുദ്ധ അമ്മയിലൂടെ ലഭിച്ച അനുഗ്രഹം വിശ്വാസികളുമായി പങ്കുവെയ്ക്കാൻ ബഹുമാനപ്പെട്ട വൈദീകർ അടക്കം നിരവധിയാളുകൾ മലയാളം യുകെ സ്പിരിച്ച്വൽ ടീമിനോടൊപ്പം ചേർന്ന് പ്രവർത്തിച്ചിരുന്നു.
പെന്തക്കുസ്ത തിരുന്നാളിൽ മാതാവിൻ്റെ വണക്കമാസം കാലം കൂടുമ്പോൾ ഫാ. ബിനോയ് ആലപ്പാട്ട് മരിയഭക്തരോട് നേരിട്ട് സംസാരിക്കുകയാണ്. വീഡിയോ കാണുക.
Leave a Reply