ശ്രീകാന്ത് താമരശ്ശേരി

ഡിസി ബുക്സ് സുവർണ്ണ ജൂബിലിയോടനുബന്ധിച്ചു പുറത്തിറക്കിയ, മലയാളത്തിലെ യുവകവികളിൽ ശ്രദ്ധേയനായി കൊണ്ടിരിക്കുന്ന , മാമ്പഴം കവിതാ റിയാലിറ്റി ഷോ സീസൺ 2 വിജയി ശ്രീകാന്ത് താമരശ്ശേരിയുടെ ആദ്യ കവിതാ സമാഹാരം ‘കടൽ കടന്ന കറിവേപ്പുക’ളുടെ പ്രകാശന ത്തോടനുബന്ധിച്ചുള്ള സഹൃദയ സംഗമവും കവിതാസായാഹ്നവും 2023 സെപ്റ്റംബർ 16 വൈകുന്നേരം 4 മുതൽ 6 .30 വരെ തിരുവനന്തപുരം വഴുതക്കാട് ‘ഭാരത് ഭവ’നിൽ വെച്ച് നടന്നു.

4 മുതൽ 5 മണി വരെയുള്ള കവിതാ സായാഹ്നത്തിൽ പ്രശസ്ത കവികളായ ചായം ധർമ്മരാജൻ, ആര്യാംബിക, എസ് സരസ്വതി, സുമേഷ് കൃഷ്ണൻ, ധന്യ ജി ,അനഘ ജെ കോലത്ത് തുടങ്ങിയവർ പങ്കെടുത്തു.

കവി പ്രഭാവർമ്മ അധ്യക്ഷത വഹിച്ച പ്രകാശനച്ചടങ്ങിൽ തദ്ദേശസ്വയംഭരണ-എക്സൈസ് വകുപ്പു മന്ത്രി ശ്രീ എം ബി രാജേഷ് പുസ്തക പ്രകാശനം നിർവഹിച്ചു, കവിയുടെ അമ്മ ശ്രീമതി ഈ ആർ സാവിത്രീ ദേവി പുസ്തകം ഏറ്റുവാങ്ങി. മുൻ ചീഫ് സെക്രട്ടറി ശ്രീ വി പി ജോയി മുഖ്യ പ്രഭാഷണം നടത്തി.ശ്രീ ടി കെ വിനോദൻ, എൽ വി ഹരികുമാർ, സി റഹീം തുടങ്ങിയവർ ആശംസകൾ നേർന്നു.