നമ്മുടെ അമ്മയായ ജന്മഭൂമിയെ നാശത്തിൽ നിന്ന് രക്ഷിക്കുന്നതിന് നടൻ മോഹൻലാലിൻറെ ശ്രമം. അതിനായി നടക്കുന്ന ഭൗമമണിക്കൂര്‍ ആചരണത്തില്‍ വിളക്കണച്ച് മോഹന്‍ലാലിന്റെ ഫെയ്‌സ്ബുക്ക് ലൈവ്. കാലാവസ്ഥാ വ്യതിയാനത്തിന്റെയും ആഗോള താപനത്തിന്റെയും കെടുതികളില്‍ നിന്നും ഭൂമിയെ രക്ഷിക്കുക, വായു മലിനീകരണം, ഊര്‍ജ്ജ ഉപഭോഗത്തിന്റെ ഭീഷണിയെയും ബദല്‍ ഊര്‍ജ്ജ സ്രോതസുകള്‍ ഉപയോഗിക്കേണ്ടതിന്റെ അനിവാര്യതയെയും കുറിച്ച് മനുഷ്യരെ ഓര്‍മ്മപ്പെടുത്തുക. എന്നീ ഉദ്ദേശ്യങ്ങളോടെ വേള്‍ഡ് വൈഡ് ഫണ്ട് ഫോര്‍ നാച്ച്വറാണ് ആഗോളതലത്തില്‍ ഭൗമ മണിക്കൂര്‍ ആചരണം സംഘടിപ്പിക്കുന്നത്. ഈ സന്ദേശം ഉള്‍ക്കൊണ്ടാണ് മോഹന്‍ലാലും ഭൗമമണിക്കൂര്‍ ആചരണത്തില്‍ പങ്കു ചേര്‍ന്നത്. ഈ ബോധവൽക്കരണത്തിൽ എല്ലാവരും സജീവമായി നിന്ന് തങ്ങളാൽ കഴിയുന്ന തരത്തിൽ ഈ ഭൂമിയെ രക്ഷിക്കാൻ സാധിക്കുമാറാകട്ടെ എന്ന് ആശിക്കാം..
