ഇന്നലെ ഒരു ഓണ്‍ലൈന്‍ മാധ്യമത്തിനു നല്‍കിയ അഭിമുഖത്തില്‍ തനിക്ക് നേരെ ദിലീപ് നടത്തിയ ആരോപണങ്ങള്‍ക്ക് മറുപടിയുമായി പല്ലിശ്ശേരി രംഗത്ത് .മാധ്യമരംഗത്ത് 35 വർഷമായി,ഇതിനിടയിൽ എന്റെ ശത്രുക്കൾ പോലും ഞാൻ ഒരിക്കലെങ്കിലും പണം വാങ്ങിയെന്നോ, മദ്യപിച്ചുവെന്നോ, പെണ്ണ് പിടിച്ചുവെന്നോ പറഞ്ഞിട്ടില്ല എന്ന് മംഗളം സിനിമയുടെ എഡിറ്റർ ഇൻ ചാർജ് പല്ലിശ്ശേരി പറയുന്നു . പല്ലിശേരിയുടെ പ്രതികരണം ഇങ്ങനെ:
1991 ലാണ് ദിലീപ് അവസാനമായി അസിസ്റ്റന്റ് ഡയറക്ടറായിട്ടുള്ളത്. അതായത് 26 വർഷം മുമ്പത്തെ കാര്യമാണ് പറയുന്നത്. ഇത്രയും വർഷം മുമ്പ് അവൻ അധികം പടത്തിൽ വന്നിട്ടില്ല. തനിക്കെതിരെ നടത്തിയ വ്യക്തിഹത്യയ്ക്ക് എതിരെ കോടതിയിൽ പോകും. മാനം ഉള്ളവർ കോടതിയിൽ പോകും. അതിനാൽ ദിലീപിനെതിരെ കേസ് കൊടുത്ത് കോടതിയിൽ പോകാനാണ് ഇപ്പോഴത്തെ തീരുമാനം. കേസ് കൊടുക്കുമ്പോൾ ഈ കേസ് മാത്രമാകില്ല. ഇവൻ പറയാത്ത കുറേ കാര്യങ്ങൾ ഉണ്ട്. വിവാഹമോചനം, രണ്ടാം വിവാഹം, മറ്റ് കേസുകൾ, കോടികൾ സമ്പാദിച്ചത് സംബന്ധിച്ച്, ഇതിനെല്ലാം കണക്ക് പറഞ്ഞ് കോടിതിയിൽ കയറ്റും എന്നും പല്ലിശ്ശേരി .
കൊച്ചയിൽ നടി ആക്രമിക്കപ്പെട്ട കേസിൽ പല തുറന്നെഴുത്തലുകളും പല്ലിശേരി നടത്തിയിരുന്നു. പൾസർ സുനിയും ദിലീപും തമ്മിലെ ബന്ധമുൾപ്പെടെ ഉയർത്തിക്കാട്ടിയിരുന്നു .. സംഭത്തിൽ ദിലീപിന് പങ്കുണ്ടെന്ന് പല്ലിശേരി ആരോപിച്ചിരുന്നില്ല. എന്നാൽ നടിയും ദിലീപും തമ്മിൽ പ്രശ്‌നങ്ങളുണ്ടായിരുന്നുവെന്നാണ് പല്ലിശേരി എഴുതിയത്. മഞ്ജുവാര്യരുമായി ദിലീപ് വിവാഹ മോചനത്തിലേക്ക് എത്തിയ സാഹചര്യവും വിശദീകരിച്ചിരുന്നു. ഈ സാഹചര്യത്തിലാണ് പല്ലിശേരിയെ ദിലീപ് കടന്നാക്രമിക്കുന്നത്. ഇതിനുള്ള മറുപടിയിലാണ് നടനെതിരെ നിയമനടപടിക്കൊരുങ്ങുമെന്ന് പല്ലിശേരി വ്യക്തമാക്കുന്നത്.
പല്ലിശ്ശേരിയുടെ മകനെ സഹ ഡയറക്ടര്‍ ആക്കാന്‍ വന്നപ്പോള്‍ അനുവദിക്കാതെ ഇരുന്നതില്‍ പല്ലിശ്ശേരിയ്ക്ക് തന്നോട് പക ഉണ്ടെന്നു ദിലീപ് അഭിമുഖത്തില്‍ പറഞ്ഞിരുന്നു .ഇതിനു എതിരെയും പല്ലിശ്ശേരി പ്രതികരിക്കുന്നുണ്ട് .എനിക്ക് ഒരേയൊരു മകനേ ഉള്ളു.. അവൻ എംബിഎ ഉയർന്ന മാർക്കോടെ പാസായി മാന്യമായി ജോലി ചെയ്തു ജീവിക്കുകയാണ്. മറ്റുള്ളവർക്ക് വേണ്ടി പലപ്പോഴും പലരോടും ചാൻസ് ചോദിച്ചിട്ടുണ്ട്. മാത്രമല്ല ദീലീപ് ആര്.? ദിലീപ് നല്ല സംവിധായകനല്ല. അങ്ങനെ എനിക്ക് ആവശ്യമുണ്ടായിരുന്നേൽ അവനെക്കാൾ നല്ല സൂപ്പർ ഡയറക്ടർമാർ ഉണ്ട് എന്റെ അടുത്ത സുഹൃത്തുക്കളായി. ഏത് ഭാഷയിലും വേണമെങ്കിൽ പടം എടുക്കാൻ പറ്റിയ സുഹൃത്തുക്കളുണ്ട്. അങ്ങനെ ഞാൻ ചാൻസ് ചോദിച്ചിട്ടുണ്ടേൽ അത് തെളിയിക്കാൻ വെല്ലുവിളിക്കുകയാണ് എന്നും പല്ലിശ്ശേരി പറയുന്നു .
ദീലീപ് ശരിക്കും സൈലന്റ് പ്രതികാരിയാണ്. ചിരിച്ചുകൊണ്ടാണ് കഴുത്തറുക്കുക. ആയിരം കുറുക്കന്മാരുടെ കൗശലം ഉള്ളയാളാണ് ഇയാൾ. ഈ നടിയെ മാത്രമല്ല, മഞ്ജൂവിനെയും ഇയാൾ പീഡിപ്പിച്ചുകൊണ്ടിരിക്കുകയാണ്. പടത്തിൽ നിന്ന് ഔട്ടാക്കാൻ അവർക്കെതിരെ എന്തെല്ലാം ചെയ്ത്കൊണ്ടിരിക്കുന്നു..? എത്ര സംവിധായകരോട് ഇയാൾ പറഞ്ഞിട്ടുണ്ട് അവളെവെച്ച് പടം എടുക്കരുതെന്ന്. അക്രമിക്കപെട്ട നടിയുമായി കുറേ സ്വത്ത് ഇടപാട് ഉണ്ടായിരുന്നു ഇവർക്ക്. കാവ്യയുമായി വിവാഹം കഴിക്കും മുമ്പ് ഈ നടിയും കാവ്യയും ദിലീപും അടങ്ങുന്ന ഒരു ബിസിനസ്സ് ഗ്രൂപ്പ് ഉണ്ടായിരുന്നു. അത് തെറ്റിയപ്പോഴാണ് ആക്രമണം നടന്നത്.
കാവ്യയെ ആരും പ്രതിസ്ഥാനത്തേക്ക് ഇതുവരെ കൊണ്ടുവന്നിട്ടില്ല എന്നും പല്ലിശ്ശേരി പറയുന്നു .പൾസറിന്റെ കേസിൽ ബ്യൂട്ടിഷ്യനെ അറസ്റ്റ് ചെയ്തിട്ടുണ്ടല്ലോ..? കാവ്യയുമായി അടുത്ത ബന്ധം ഉള്ളയാളാണ് ഈ ബ്യൂട്ടിഷ്യൻ. നടിക്ക് ദിലീപുമായി കുറച്ച് റിലേഷൻസ് ഉണ്ടായിരുന്നു. വീണ്ടും അവർ തമ്മിൽ അടുക്കുകയാണെന്ന് തോന്നൽ കാവ്യയ്ക്ക് ഉണ്ടായി. നടിയെ കെട്ടിയിട്ട് രണ്ട് അടി കൊടുക്കണമെന്നാണ് കാവ്യ പറഞ്ഞത്. ഇതെല്ലാം ബ്യൂട്ടീഷ്യൻ റിക്കോർഡ് ചെയ്യുന്നുണ്ടായിരുന്നു. ആ ലേഡി ഇവരുടെ കയ്യിൽ നിന്നും കാശ് വാങ്ങിക്കാം, നടിയുടെ കയ്യിൽ നിന്നും കാശ് വാങ്ങിക്കാം എന്നായിരുന്നു വിചാരിച്ചത്. ഇതെല്ലാം കിട്ടുന്ന അറിവുകൾ മാത്രമാണ് എന്നും പല്ലിശേരി പറയുന്നു.ഇനിയും ഒരുപാട് സത്യങ്ങള്‍ പുറത്തു വരാന്‍ ഇരിക്കുന്നതേ ഉള്ളൂ എന്നും പല്ലിശ്ശേരി പറയുന്നു .
Leave a Reply