ഷാജു കടമറ്റം.

പത്താം വർഷികം ആഘോഷിക്കുന്ന ഇപ് സ്വിച് മലയാളി അസോസിയേഷന്റെ പൊതുസമ്മേളനവും, ആനുവൽ ജനറൽ ബോഡി യോഗവും ഇപ് സ്വിച്ചിലെ ലെ സ്കൗട്ട് ഹാളിൽ ജൂൺ 2ന് ഞായറാഴ്ച വൈകുന്നേരം ചേരുകയുണ്ടായി. അസോസിയേഷൻ പ്രസിഡൻറ് ജോ ജോ തോമസിന്റെ അദ്ധ്യക്ഷതയിൽ കൂടിയ യോഗത്തിൽ സെക്രട്ടറി ജെയിൻ കുര്യാക്കോസ് വിശദമായ പ്രവർത്തന റിപ്പോർട്ട് അവതരിപ്പിച്ചു.

പ്രളയ ദുരിതാശ്വാസവുമായി ബന്ധപ്പെട്ട് ഐ എം എ നടത്തിയിട്ടുള്ള സേവനങ്ങളും ഭവന നിർമ്മാണ പദ്ധതിയും കരഘോഷത്തോടെയാണ് സദസ്സ് ഏറ്റുവാങ്ങിയത്. വൈസ് പ്രസിഡന്റ് സെബാസ്റ്റ്യൻ ഭരണികുളങ്ങര സദസ്സിനെ അഭിസംബോദ ന ചെയ്ത് സംസാരിച്ചു. അതിനു ശേഷം ട്രെഷറർ ബാബു റ്റി.സി അവതരിപ്പിച്ച വിശദമായ വരവ് ചില വ് കണക്കുകൾ യോഗം പാസാക്കി. ചുരുങ്ങിയ കാലയളവിൽ ഒട്ടേറെ ജനോപകാരപ്രദമായ കാര്യങ്ങൾ നടപ്പിലാക്കുവാൻ സഹകരിച്ച ഏവരോടും പ്രസിഡന്റ് ജോ ജോ തോമസ് നന്ദി രേഖപ്പെടുത്തുന്നതോടൊപ്പം സദസ്സിന്റെ അനുമതിയോടെ കമ്മിറ്റി പിരിച്ചു വിട്ടതായി പ്രഖ്യാപിച്ചു. അതിനു ശേഷം നടന്ന പൊതുയോഗം ഐക്യകണ്ഠേനെയാണ് അടുത്ത രണ്ടു വർഷത്തേയ്ക്കുള്ള ഭരണ സാരഥികളെ തെരഞ്ഞെടുത്തത്.

പ്രസിടന്റ്
ജെയ്സൻ സെബാസ്റ്റ്യൻ.
ഇപ് സ്വിച്ച് നിവാസികൾക്ക് എക്കാലത്തെയും പ്രീയങ്കരനും, ഐ എം എ യുടെ സ്ഥാപക നേതാക്കളിലൊരാളുമായ ജെയ്സൻ സെബാസ്റ്റ്യന്റെ നേതൃത്ത പാoവം ഐ എം എ യെ വിജയ വീഥികളിലൂടെ നയിക്കുമെന്ന് നിസ്സംശയം പറയാം.
സെക്രട്ടറി
ബിബിൻ ആഗസ്തി
ഐ എം എ യുടെ സന്തത സഹചാരിയും സർവ്വോപരി സാമൂഹിക പ്രവർത്തനങ്ങളിൽ അതീവ തല്പരനുമാണ് ബിബിൻ.പ്രളയം തകർത്തെറിഞ്ഞ കോട്ടയം സ്വദേശി വാളയാനിയിൽ തമ്പിക്കും കുടുംബത്തിനും ഐ എം എ യുടെ ആഭിമുഖ്യത്തിൽ വീട് വച്ച് നൽകുന്നതിൽ മുഖ്യ പങ്ക് വഹിച്ചിട്ടുള്ള ആളാണ്. ആ സത് പ്രവർത്തി ഐ എം എ യെ പ്രശസ്തിയുടെ പടവുകൾ കയറുന്നതിനോടൊപ്പം നിരവധി പുരസ്ക്കാരങ്ങൾക്ക് അർഹമാക്കുകയും ചെയ്തിരുന്നു.
ട്രെഷറർ
പോൾ ഗോപുരത്തിങ്കൽ
ഐ എം എ യുടെ മുൻകാലത്തെ സെക്രട്ടറി ,കമ്മിറ്റി അംഗം എന്ന നിലയിൽ പ്രവർത്തിച്ച് തന്റേതായ വ്യക്തി മുദ്ര പതിപ്പിച്ച് ഐ എം എ യെ വിജയ വീഥികളിലൂടെ നയിക്കുന്നതിൽ വിജയിച്ച പോളിന്റെ പ്രവർത്തന ചാതുരി ഈ കമ്മിറ്റിയ്ക്കും ഗുണപ്രദമാകുമെന്ന് അർത്ഥശങ്കയ്ക്കിടമില്ലാതെ പറയാം.
വൈസ് പ്രസിഡന്റ്
ഷിബി വൈറ്റസ്
ഐ.എം എ യുടെ സ്ഥാപക നേതാവും പ്രഥമ  സെക്രട്ടറിയും ,എക്കാലത്തെയും ഐ എം എ യു ടെ ആവേശവുമായ ഷിബി വൈറ്റ സിന്റെ പ്രവർത്തന ശൈലി ഈ കമ്മിറ്റിക്കും ഗുണം ചെയ്യും
ജോയിൻറ് സെക്രട്ടറി
നിഷ ജിനീഷ്
കുട്ടികളിലെയും മുതിർന്നവരിലെയും കലാവാസനകൾ തിരിച്ചറിഞ്ഞ് അവയെ പരിപോഷിപ്പിച്ച് അർഹമായ അംഗീകാരങ്ങൾ നേടിക്കൊടുക്കുന്നതിൽ കഴിവ് തെളിയിച്ചിട്ടുള്ള വ്യക്തിയാണ് നിഷ.ജോയിന്റ് സെക്രട്ടറിയായുള്ള നിഷയുടെ മുൻകാല പരിചയം ഐ എ യെ വളർച്ചയുടെ പടവുകൾ താണ്ടുവാൻ ഏറെ സഹായകമാക്കും
ഐ റ്റി കോർഡിനേറ്റർ
ബാബു മത്തായി
&
ബിൻ സു  ബാസി
ഐ എം എ യുടെ സ്ഥാപക നേതാവും, പ്രഥമ പ്രസിഡന്റും, പ്രസഥാനത്തിന്റെ വളർച്ചയിൽ നിർണ്ണായക പങ്കു വഹിച്ചിട്ടുമുള്ള ബാബു മത്തായിയുടെ പ്രവർത്തനം ഐ.എം എ യ്ക്ക് ഇതര അസേ സിയേഷന് കളിൽ നിന്നും വേറിട്ട് തനതായ ശൈലി കൈവരിച്ച് മുന്നേറുന്നതിൽ സഹായകമാകും.
ബിൻ സു ബാസിയുടെ തുടർന്നുള്ള പ്രവർത്തനം ഐ എം എ യെ പൊതുജന സമക്ഷത്തു പ്രശസ്തിയുടെ പടവുകൾ താണ്ടാൻ സഹായിക്കുമെന്ന് നിസ്സംശയം പറയാം.
ആർട്സ് കോർഡിനേറ്റർ
ജോസ് ഗീവർഗിസ്
നല്ലൊരു ഗായകൻ,വൈസ് പ്രസിഡന്റ് കമ്മിറ്റി അംഗം എന്നീ നിലകളിൽ സേവനം അനുഷ്ടിച്ചിട്ടുള്ള ജോസിന്റെ അനുഭവ സമ്പത്ത് ഐ എം എ യ്ക്ക് ഏറെ ഗുണം ചെയ്യും
സ്പോർട്സ് കോർഡിനേറ്റർ
ബാബു മങ്കുഴയിൽ
ഐ എം എ മുൻ പ്രസിഡന്റ് ,ട്രഷറർ കമ്മിറ്റി   അംഗം എന്നീ നിലകളിൽ പ്രവർത്തിച്ചു പരിചയമുള്ള  ബാബു മങ്കുഴിയിൽ യുക്മ ഈസ്റ്റ് ആഗ്ലിയയുടെ നിലവിലെ പ്രസിഡന്റായി സേവനമനുഷ്ടിക്കുന്നു.
പബ്ലിക് റിലേഷൻസ് ഓഫീസർ
ഷാജു കടമറ്റം.
ഐ എം എ യുടെ എക്കാലത്തെയും സന്തത സഹചാരിയും, സ്ഥാപക നേതാക്കളിലൊരാളുമാണ്.ഐ എം എ യുടെ വളർച്ചയുടെ പാതയിൽ നേർവഴി കാട്ടിക്കൊടുക്കുന്നതിൽ നിർണ്ണായക സാന്നിദ്ധ്യമാണ്.
യുക്മ പ്രതിനിധികളായി യഥാക്രമം ബാബു മങ്കുഴിയിൽ, ഷിബി വൈറ്റസ്, ജിനീഷ് ലൂക്ക എന്നിവരെ യോഗം ഐക്യകണ്ഠേന തിരഞ്ഞെടുത്തു.
പത്താം  വർഷത്തിലേയ്ക്ക് പ്രവേശിക്കുന്ന ഐ എം എ നിരവധി കർമ്മ പദ്ധതികളാണ് വിഭാവനം ചെയ്യുന്നത്.തുടർന്നുള്ള ഭാവി പദ്ധതികൾക്ക് സ്ഥാനമൊഴിയുന്ന മുൻ പ്രസിഡന്റ് ജോ ജോ തോമസ് എല്ലാ പിന്തുണയും ആശംസകളും നേർന്നു.ഐ എം എ യുടെ പ്രവർത്തനങ്ങളിൽ സഹകരിച്ച എല്ലാവരോടും   മുൻ സെക്രട്ടറി ജെയിൻ കുര്യാക്കോസ് നന്ദി രേഖപ്പെടുത്തി.
സമ്മേളനാനന്തരം അംഗങ്ങൾ തയാറാക്കിയ വിഭവ സമൃദ്ധമായ വിരുന്ന്  സൽക്കാരത്തിൽ എവരും പങ്കുകൊണ്ടു.