ലിസ മാത്യു, മലയാളം യു കെ ന്യൂസ്‌ ടീം
യു കെ :- 2022 ലെ പുതിയ ടാക്സ് വർദ്ധനവുകൾ ഏറ്റവും കൂടുതൽ ബാധിക്കുക പെട്രോൾ, ഡീസൽ കാർ ഉടമകളെയാകുമെന്ന് റിപ്പോർട്ട്. എന്നാൽ പുതിയ വർദ്ധനവ് സംബന്ധിച്ച് ഗവൺമെന്റ് ഇതുവരെയും ഔദ്യോഗിക സ്ഥിരീകരണം നടത്തിയിട്ടില്ല. കാറിൽ നിന്നും പുറന്തള്ളപ്പെടുന്ന കാർബൺഡയോക്സൈഡ് എമിഷനുകളെ അനുസരിച്ചായിരിക്കും കാർ ടാക്സുകൾ ഇത്തവണയും വർദ്ധിപ്പിക്കുക. കാർബൺ ഡയോക്സൈഡ് എമിഷനുകൾ കൂടുതൽ പുറന്തള്ളുന്ന പെട്രോൾ, ഡീസൽ കാറുകൾക്ക് കൂടുതൽ തുകകൾ ടാക്സായി അടയ്ക്കേണ്ടതായി വരും. കിലോമീറ്ററിൽ അഞ്ച് ഗ്രാമിനും 51 ഗ്രാമിനുമിടയിൽ കാർബൺ എമിഷൻ നടത്തുന്ന വാഹനങ്ങൾക്ക് ആദ്യവർഷം 25 പൗണ്ട് അധിക തുകയാണ് ടാക്സ് ആയി അടയ് ക്കേണ്ടത്.
കിലോമീറ്ററിൽ 255 ഗ്രാമിൽ കൂടുതൽ കാർബൺ എമിഷനുകൾ നടത്തുന്ന വാഹനങ്ങൾക്ക് നിലവിലെ തുകയായ 2245 പൗണ്ടിൽ നിന്നും 2,365 പൗണ്ടായി ടാക്സ് വർധിപ്പിക്കും. 226 മുതൽ 255 ഗ്രാം കാർബൺ എമിഷൻ ഉള്ള വാഹനങ്ങൾക്ക് നിലവിലെ തുകയായ 1910 ൽ നിന്നും 2015 പൗണ്ട് ആയി വർധനവും ഉണ്ടാകും. എന്നാൽ ഇലക്ട്രിക് കാറുകൾക്ക് ഈ ടാക്സ് വർദ്ധനവുകൾ ബാധകമല്ല.
ടാക്സ് വർദ്ധനവുകൾ യുകെ മലയാളികളെയും ബാധിക്കും എന്നാണ് പ്രാഥമിക നിഗമനം. കൂടുതൽ ആളുകളുടെ കയ്യിലും പെട്രോൾ ഡീസൽ കാറുകൾ ഉള്ളതിനാൽ കൂടുതൽ ടാക്സുകൾ അടയ് ക്കേണ്ടതായി വരും.
Leave a Reply