മെക്‌സിക്കോസിറ്റി: മെക്‌സിക്കോയില്‍ അഭയാര്‍ഥികളുമായി പോവുകയായിരുന്ന ട്രക്ക് മറിഞ്ഞ് 54 പേര്‍ മരിച്ചു. തെക്കന്‍ മെക്‌സിക്കന്‍ സംസ്ഥാനമായ ചിയാപാസിലെ ടക്‌സ്റ്റ്‌ല ഗുട്ടെറെസിലായിരുന്നു അപകടം. 49 പേര്‍ സംഭവസ്ഥലത്തും അഞ്ച് പേര്‍ ആശുപത്രിയില്‍ എത്തിയ ശേഷവും മരിച്ചതായി ചിയാപാസ് ഗവര്‍ണര്‍ റുട്ടിലിയോ എസ്‌കാന്‍ഡന്‍ പറഞ്ഞു. നിരവധി പേര്‍ക്ക് പരിക്കേല്‍ക്കുകയും ചെയ്തു. വലിയ വളവ് തിരിഞ്ഞപ്പോള്‍ ട്രക് നിയന്ത്രണം നഷ്ടപ്പെട്ട് മറിയുകയായിരുന്നു.
മധ്യ അമേരിക്കയില്‍ നിന്ന് യുഎസിലേക്ക് കടക്കാന്‍ ശ്രമിച്ചവരാണ് അപകടത്തില്‍പ്പെട്ടത്. ട്രക്കില്‍ നൂറിലേലെ പേര്‍ ഉണ്ടായിരുന്നു.
അപകടത്തില്‍ പരിക്കേറ്റവരില്‍ പലരും ഇമിഗ്രഷന്‍ ഉദ്യോഗസ്ഥര്‍ പിടിക്കുമെന്ന് ഭയന്ന് സംഭവസ്ഥലത്തുനിന്നും ഓടി രക്ഷപെട്ടു. മരിച്ചവരില്‍ സ്ത്രീകളും കുട്ടികളും ഉൾപ്പെടും.
Leave a Reply