ന്യൂസ് ഡെസ്ക് മലയാളം യുകെ

ആഷ്ഫോർഡിൽ വീടിനുള്ളിലുണ്ടായ സ്ഫോടനത്തിൽ രണ്ടു പേർക്ക് ഗുരുതരമായ പരിക്ക് പറ്റി. അയൽക്കാരും അഗ്നിശമന സേനാംഗങ്ങളും ചേർന്നാണ് സ്ഫോടനത്തിൽ കുടുങ്ങിപ്പോയവരെ രക്ഷപ്പെടുത്തിയത് . പാചകവാതകത്തിന് തീ പിടിച്ചതാണ് സ്ഫോടനത്തിന് കാരണമെന്ന് പ്രാഥമിക വിലയിരുത്തൽ. പ്രായമായ ദമ്പതികൾ ഉൾപ്പെടെയാണ് ഈ വീട്ടിൽ താമസിച്ചിരുന്നത്. വീട്ടിൽ നിന്ന് രക്ഷപ്പെടുത്തിയ സ്ത്രീക്ക് 100 വയസ്സ് പ്രായം ഉണ്ടെന്ന് അയൽക്കാർ പറഞ്ഞു.

സംഭവത്തിൽ 7 പേർക്ക് പരിക്കേറ്റു . രണ്ടുപേരുടെ നില വളരെ ഗുരുതരമാണ്. ഇന്ന് രാവിലെ ഏകദേശം എട്ടുമണിക്ക് ഉണ്ടായ സ്ഫോടനത്തിൽ വീട് പൂർണമായും കത്തി നശിച്ചു. സ്ഫോടനത്തിൻെറ വ്യാപ്തി ആകാശ ദൃശ്യങ്ങളിലൂടെ വ്യക്തമാണ്. അപകടത്തെ തുടർന്ന് അയൽ വീടുകളിലും നാശനഷ്ടം ഉണ്ടായിട്ടുണ്ട്. അപകടത്തിൽ ഗുരുതരമായി പരിക്കേറ്റ രണ്ട് പേരെ ലണ്ടനിലെ ആശുപത്രിയിലാണ് പ്രവേശിപ്പിച്ചിരിക്കുന്നതെന്ന് അറിയാൻ സാധിച്ചത്. സ്ഫോടനത്തിൻെറ പ്രകമ്പനങ്ങൾ തങ്ങളുടെ വീടുകളിലും അനുഭവപ്പെട്ടു എന്ന് അയൽവാസികളിലൊരാൾ മാധ്യമങ്ങളോട് പറഞ്ഞു.