എന്റെ പേളി ആകെ മാറിപ്പോയി. ജീവിതത്തിലെ വലിയൊരു പരീക്ഷയുടെ റിസല്‍ട്ട് അറിയാനായി കാത്തിരിക്കുന്ന അവസ്ഥയായിരുന്നു അന്ന് …… ശ്രീനിഷ് പറയുന്നു

എന്റെ പേളി ആകെ മാറിപ്പോയി. ജീവിതത്തിലെ വലിയൊരു പരീക്ഷയുടെ റിസല്‍ട്ട് അറിയാനായി കാത്തിരിക്കുന്ന അവസ്ഥയായിരുന്നു അന്ന് …… ശ്രീനിഷ് പറയുന്നു
October 24 05:58 2020 Print This Article

പ്രമുഖ റിയാലിറ്റി ഷോയായ ബിഗ് ബോസിലൂടെ പ്രേക്ഷകരെ സാക്ഷിയാക്കി പ്രണയിച്ച് വിവാഹിതരായവരാണ് നടിയും അവതാരകയായ പേളി മാണിയും സീരിയല്‍ നടന്‍ ശ്രീനിഷ് അരവിന്ദും. ഇരുവരുടെയും വിവാഹശേഷമുള്ള വിശേഷങ്ങളും യാത്രകളുമെല്ലാം ആരാധകരുമായി പങ്കുവയ്ക്കാറുണ്ട്. ഇരുവരും ആരാധകരോട് സന്തോഷത്തോടെ പങ്കുവെച്ച കാര്യമാണ് പേളി ഗര്‍ഭിണിയാണെന്നുള്ള വാര്‍ത്ത. പേളി ഗര്‍ഭിണിയായപ്പോള്‍ മുതല്‍ തന്നിലെ അച്ഛനും ജനിച്ചുവെന്നായിരുന്നു ശ്രീനിഷ് പറയുന്നത്. ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തിലാണ് ശ്രീനിഷ് അച്ഛനാകാന്‍ ഒരുങ്ങുന്നതിന്റെ സന്തോഷവും പേളിയുടെ വിശേഷങ്ങളും പങ്കുവച്ചത്.

” ഭക്ഷണം കഴിക്കാനോ പ്രത്യേകിച്ച് എന്തെങ്കിലും ചെയ്യാനോയൊന്നും താല്‍പര്യമില്ലാത്ത പോലെയായിരുന്നു പേളി. ആ സമയത്താണ് ഗര്‍ഭിണിയുടെ ലക്ഷണങ്ങളെക്കുറിച്ച് ഗൂഗിളില്‍ തപ്പിയത്. ലക്ഷണങ്ങള്‍ കണ്ടപ്പോഴേ പേളി ഗര്‍ഭിണിയാണെന്ന് ഉറപ്പിച്ചിരുന്നു. ടെസ്റ്റ് ചെയ്ത് രണ്ട് വര കൂടി കണ്ടപ്പോള്‍ സന്തോഷം കൊണ്ട് തുള്ളിച്ചാടുകയായിരുന്നു. അതിന് ശേഷമായാണ് ആശുപത്രിയില്‍ പോയത്. നിരവധി ടെസ്റ്റുകളായിരുന്നു അവര്‍ നടത്തിയത്. ജീവിതത്തിലെ വലിയൊരു പരീക്ഷയുടെ റിസല്‍ട്ട് അറിയാനായി കാത്തിരിക്കുന്ന അവസ്ഥയായിരുന്നു അത്. മൂന്നാമത്തെ മാസം ശരിക്കും കഷ്ടപ്പാടായിരുന്നു.

രാവിലെ എഴുന്നേല്‍ക്കുമ്പോഴേ പേളി ഛര്‍ദ്ദിക്കാന്‍ തുടങ്ങും. പുറംതടവിക്കൊടുക്കലായിരുന്നു എന്റെ പണി. ജ്യൂസും ഉണ്ടാക്കിക്കൊടുക്കാറുണ്ടായിരുന്നു. ഗര്‍ഭിണിയായതോടെ വൈകി ഭക്ഷണം കഴിക്കുന്ന ശീലം ഞങ്ങള്‍ നിര്‍ത്തിയിരുന്നു. പാനിപൂരിയുടെ കാര്യത്തില്‍ മാത്രം ഇളവ് വരുത്തിയിരുന്നു. സദ്യയും പേളിക്ക് ഇപ്പോള്‍ വലിയ ഇഷ്ടമാണ്. ഐസ്‌ക്രീമും ചോക്ലേറ്റുമൊന്നും ഇപ്പോള്‍ അത്ര താല്‍പര്യമില്ല. പേളിക്ക് ഒരുപാട് മാറ്റങ്ങള്‍ വന്നിട്ടുണ്ട്. മുന്‍പ് മുട്ടയും പാലുമൊന്നും കഴിക്കാത്തയാള്‍ ഇപ്പോള്‍ അതൊക്കെ സന്തോഷത്തോടെ കഴിക്കുന്നുണ്ട്. കുഞ്ഞിനായാണ് അതൊക്കെ ചെയ്യുന്നത്. തനിക്ക് നെഗറ്റീവ് എനര്‍ജി ഇല്ലാതിരിക്കാനുള്ള ശ്രമങ്ങളും പേളി നടത്തുന്നുണ്ട്. എപ്പോഴും പോസിറ്റീവാണ്. വാര്‍ത്തകളൊന്നും കാണാറില്ല.

ലൊക്കേഷനില്‍ ആരുമായും ഞാന്‍ അങ്ങനെ ഇടപെടാറില്ല. മുന്‍കരുതലുകളെല്ലാമെടുത്താണ് പോവുന്നത്. ഷൂട്ട് കഴിഞ്ഞാല്‍ പേളിയ്ക്ക് അരികിലേക്ക് ഓടിയെത്തും. കുഞ്ഞ് ആദ്യമായി അനങ്ങിയ സമയത്ത് ഞാന്‍ പേളിക്കൊപ്പമുണ്ടായിരുന്നില്ല. ഷൂട്ടിങ്ങിലായിരുന്നു. ആ സമയത്ത് കൂടെയില്ലാതിരുന്നതില്‍ സങ്കടം തോന്നിയിരുന്നു. ഓരോ ഷെഡ്യൂള്‍ കഴിയുമ്പോഴും വീട്ടിലേക്ക് ഓടുമായിരുന്നു. തനിക്കും കുഞ്ഞ് അനങ്ങുന്നത് അറിയാനായിരുന്നു. അവള്‍ ചോക്ലേറ്റ് കഴിക്കുമ്പോള്‍ കുഞ്ഞ് അനങ്ങുന്നത് അറിയാനാവും. ആ സമയത്ത് വല്ലാത്ത സന്തോഷം തോന്നും. എങ്ങനെയാണ് അതേക്കുറിച്ച് പറയേണ്ടതെന്നറിയില്ല” – ശ്രീനിഷ് പറയുന്നു.

  Categories:


വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

Comments
view more articles

Related Articles