കൊച്ചി: തത്കാൽ സംവിധാനത്തിൽ പാസ്പോർട്ടുകൾക്ക് അപേക്ഷിക്കാനുള്ള വ്യവസ്ഥകളിൽ ഇളവുകൾ വരുത്തി. പാൻ കാർഡ്, തിരിച്ചറിയൽ കാർഡ് എന്നിവ മുമ്പ് നിർബന്ധമായിരുന്നു. ഇവയിലാണ് ഇളവ് വരുത്തിയിരിക്കുന്നത്. അതേസമയം ആധാർ നിർബന്ധമാക്കിയിട്ടുണ്ട്. റേഷൻ കാർഡ് ഇനിമുതൽ ആധികാരിക രേഖയായി പരിഗണിക്കും.
18 വയസിൽ താഴെ പ്രായമുള്ള കുട്ടികൾക്ക് വിദ്യാഭ്യാസ സ്ഥാപനങ്ങളിൽ നിന്നുള്ള തിരിച്ചറിയൽ കാർഡ് നൽകിയാൽ മതിയാകും. പുതുക്കിയ നിയമമനുസരിച്ച് ആധാർ കാർഡിനൊപ്പം ഏതെങ്കിലും രണ്ട് തിരിച്ചറിയൽ രേഖകൾ ഹാജരാക്കിയാൽ മതി. ജനന സര്‍ട്ടിഫിക്കേറ്റ്, റേഷന്‍ കാര്‍ഡ് എന്നിവ ഇതിനായി പരിഗണിക്കും. ആധാർ ഇല്ലാത്തവർക്ക് അതിനായി അപേക്ഷിച്ച ശേഷം നമ്പർ നൽകിയാൽ മതിയാകും.
പാൻകാർഡ്, തിരിച്ചറിയൽ കാർഡ് എന്നിവ ഇല്ലാത്തവർക്ക് മുമ്പ് തത്കാൽ പാസ്പോർട്ടുകൽ ലഭിക്കാൻ ബുദ്ധിമുട്ടായിരുന്നു. എന്നാൽ പുതിയ നിബന്ധനകൾ ഈ ബുദ്ധിമുട്ടുകൾ ഒഴിവാക്കുമെന്നാണ് വിലയിരുത്തപ്പെടുന്നത്.
Leave a Reply