ന്യൂസ് ഡെസ്ക് മലയാളം യുകെ

ഡെസിമലൈസേഷന്റെ അമ്പതാം വാർഷികത്തോടനുബന്ധിച്ച് പ്രചാരത്തിലുള്ള അപൂർവ്വ 50 പെൻസ് നാണയങ്ങളെ കുറിച്ചുള്ള വിവരങ്ങൾ റോയൽ മിന്റ് പ്രസിദ്ധീകരിച്ചു. 210000 പകർപ്പുകളുള്ള പ്രസിദ്ധമായ ക്വീവ് ഗാർഡൻസന്റെ പതിപ്പാണ് പ്രചാരത്തിലുള്ള ഏറ്റവും പ്രിയപ്പെട്ട നാണയമായി കണക്കാക്കപ്പെട്ടിരിക്കുന്നത്. 2011 -ൽ ഒളിമ്പിക്സ് പ്രമേയമാക്കി രൂപകൽപന ചെയ്ത നാണയങ്ങളും പ്രിയപ്പെട്ട നാണയങ്ങളുടെ പട്ടികയിൽ മുന്നിൽ തന്നെയുണ്ട്.

2019 -ൽ ആർതർ കൊനൊൻ ഡോയ്ൽസ്,അദ്ദേഹത്തിൻെറ കഥാപാത്രം ഡിറ്റക്ടീവ് ഷെർലോക് ഹോംസ്, പാഡിംഗ്ടൺ ബിയർ അറ്റ് സെന്റ് പോൾസ് കത്തീഡ്രൽ , ലണ്ടൻ ടവർ എന്നിങ്ങനെ വ്യത്യസ്ത ഡിസൈനുകളിൽ ഏകദേശം 500 മില്യണിലധികം നാണയങ്ങളാണ് പ്രചാരത്തിലായത്.

ഈ ഫെബ്രുവരി 15നാണ് ഡെസിമലൈസേഷന്റെ അമ്പതാം വാർഷികം. നാണയ ശേഖരണം എന്നും പലരുടെയും ഇഷ്ടവിനോദങ്ങളിൽ മുൻപന്തിയിൽ ആണ്. കൂടാതെ 2019 -ൽ നിരവധി പ്രത്യേക ഡിസൈനുകൾ പ്രചാരത്തിൽ വന്നതിൽ തങ്ങൾക്ക് സന്തോഷമുണ്ടെന്ന് റോയൽ മിൻറ് യുകെ കറൻസി ഡയറക്ടർ മാർക്ക് ലവറിഡ്ജ് പറഞ്ഞു.