ആസ്​ട്രേലിയയിലെ കിഴക്കൻ തീരമായ ന്യൂ സൗത്ത്​ വെയിൽസിൽ കനത്ത മഴയെ തുടർന്ന്​ സിഡ്​നിയിൽനിന്ന്​ ജനങ്ങളെ ഒഴിപ്പിക്കുന്നു. വെള്ളപ്പൊക്ക സാധ്യതയെ തുടർന്നാണ്​ ഒഴ​ിപ്പിക്കൽ.

ന്യൂ സൗത്ത്​ വെയിൽസിലെ 12 പ്രദേശങ്ങളിൽ നിന്നാണ്​ ആളു​കളെ ഒഴിപ്പിക്കുന്നത്​. നദികളെല്ലാം കരകവിഞ്ഞൊഴുകി. വരും ദിവസങ്ങളിലും മഴ കനക്കുമെന്നാണ്​ വിവരം.

എമർജൻസി നമ്പറിലേക്ക്​ കഴിഞ്ഞദിവസം രാ​ത്രി 600 ഓളം ഫോൺ വിളികൾ വന്നതായി അധികൃതർ അറിയിച്ചു. ഇതിൽ 60 എണ്ണം വെള്ളപ്പൊക്കത്തിൽനിന്ന്​ രക്ഷിക്കണമെന്ന്​ അഭ്യർഥിച്ചാണെന്നും നിരവധി പേരെ രക്ഷപ്പെടുത്തിയതായും അധികൃതർ കൂട്ടിച്ചേർത്തു.

  70 വി​ദേ​ശ രാ​ജ്യ​ങ്ങ​ളി​ലാ​യി കോവിഡ് ബാധിച്ചു മരിച്ചത് 3570 ഇ​ന്ത്യ​ക്കാ​ർ; ഏറ്റവും കൂടുതല്‍ ആളുകള്‍ മരണപ്പെട്ടത് സൗദി അറേബ്യയിൽ

താഴ്​ന്ന പ്ര​ദേശങ്ങളിലേക്ക്​ വെള്ളം അടിച്ചുകയറുകയാണ്. നിരവധി വീടുകൾ നശിക്കുകയും മരങ്ങൾ കടപുഴകി വീഴുകയും ചെയ്​തു. റോഡ്​ ഗതാഗതം പൂർണമായി തടസപ്പെടുകയും ​േറാഡുകൾ തകരുകയും ചെയ്​തു. താഴ്​ന്ന പ്രദേശങ്ങളിലെ സ്​കൂളുകൾ അടച്ചിട്ടു.

കനത്ത മഴ നാശം വിതക്കുന്നതോടെ സിഡ്​നിയിലെ കോവിഡ്​ പ്രതിരോധ പ്രവർത്തനങ്ങൾ തടസപ്പെട്ടു. ആദ്യ ഘട്ട കോവിഡ്​ വാക്​സിൻ വിതരണം നടന്നുകൊണ്ടിരിക്കെയാണ്​ വെള്ള​െപ്പാക്കം വലക്കുന്നത്​.