തിരുവനന്തപുരം: ചെങ്കോട്ടുകോണം തുണ്ടത്തിൽ പ്രവർത്തിക്കുന്ന ട്രിവാൻഡ്രം സ്കോട്ടിഷ് സ്കൂളിൽ ഉണ്ടായ തീപിടിത്തത്തിൽ മൂന്ന് സ്കൂൾ ബസുകൾ പൂർണമായും കത്തിനശിച്ചു. സ്കൂൾ ഗ്രൗണ്ടിൽ പാർക്ക് ചെയ്തിരുന്ന ബസുകളിലാണ് പുലർച്ചെ മൂന്ന് മണിയോടെയുണ്ടായ തീപിടിത്തം. ഒരു ബസ് ഭാഗികമായും തീപിടിത്തത്തിൽ കേടുപാടുകൾക്ക് വിധേയമായി.
തീ ആളിക്കത്തുന്നത് ശ്രദ്ധയിൽപ്പെട്ട നാട്ടുകാരാണ് ഫയർഫോഴ്സിനെ വിവരം അറിയിച്ചത്. തുടർന്ന് സ്ഥലത്തെത്തിയ അഗ്നിശമന സേന തീയണച്ചു. സംഭവസമയത്ത് സ്കൂൾ പരിസരത്ത് ഒരു സുരക്ഷാ ജീവനക്കാരൻ മാത്രമാണ് ഉണ്ടായിരുന്നതെന്ന് വിവരം.
തീപിടിത്തത്തിന് കാരണമായ സാഹചര്യങ്ങൾ ഇതുവരെ വ്യക്തമായിട്ടില്ല. സിസിടിവി ദൃശ്യങ്ങൾ ഉൾപ്പെടെ പരിശോധിച്ച് പൊലീസ് അന്വേഷണം ആരംഭിച്ചിട്ടുണ്ട്.
Leave a Reply