ലോക്സഭ തെരഞ്ഞെടുപ്പിൽ കനത്ത പോരാട്ടം നടക്കുന്ന പശ്ചിമ ബം​ഗാളിൽ ബിജെപിയും തൃണമൂലും ഇഞ്ചോടിഞ്ച് പോരാട്ടത്തിൽ. 42 ലോക്സഭ മണ്ഡലങ്ങളിലെ വോട്ടുകൾ എണ്ണി തുടങ്ങുമ്പോൾ 15 മണ്ഡലങ്ങളിൽ ബിജെപിയും 22 മണ്ഡലങ്ങളിൽ തൃണമൂൽ കോൺ​ഗ്രസും മുന്നേറുന്നു. ‌42 ലോക്സഭ മണ്ഡലങ്ങളിലായി 466 സ്ഥാനാർത്ഥികളാണ് മത്സരിക്കുന്നത്.

ഡാർജലിംഗ്, അസൻസോൾ, വടക്കൻ ബംഗാളിലെ അലിപൂർഡാർ, ജൽപായ്ഗുരി, കൂച്ച് ബഹാർ പശ്ചിമ ബം​ഗാളിലെ കൃഷ്ണനഗർ, ശ്രീറാംപുർ തുടങ്ങിയ മണ്ഡലങ്ങളിൽ ബിജെപിയുടെ വൻ മുന്നേറ്റമാണ് കാണാൻ കഴിയുന്നത്. ബിജെപിയുടെ തീവ്ര ഹിന്ദുത്വവും ജാതി സമവാക്യങ്ങളും തെരഞ്ഞടുപ്പിൽ വിജയിക്കുന്നതിന് കാരണമായേക്കുമെന്നാണ് വിലയിരുത്തൽ.

അതേസയമം തൃണമൂൽ കോൺ​ഗ്രസ് നേതാവും പശ്ചിമ ബം​ഗാൾ മുഖ്യമന്ത്രിയുമായ മമത ബാനർജി തെരഞ്ഞെടുപ്പ് പ്രചാരണത്തിന് കൊൽക്കത്തെയെക്കാളും കൂടുതൽ പരി​ഗണന നൽകിയത് ഉത്തര ബം​ഗാളിനാണ്. ഭോൽപ്പൂർ, ബിർബം, ബർദ്ധാമൻ ഈസ്റ്റ്, ബർദ്ധമാൻ പടിഞ്ഞാറ് തുടങ്ങിയ മണ്ഡലങ്ങളിൽ വലിയ മുന്നേറ്റമാണ് തൃണമൂൽ നടത്തുന്നത്.

ഉത്തർപ്രദേശ് (80), മഹാരാഷ്ട്ര (48) എന്നീ സംസ്ഥാനങ്ങൾ‌ക്ക് ശേഷം ഏറ്റവും കൂടുതൽ ലോക്സഭ മണ്ഡ‍ലങ്ങളുള്ള സംസ്ഥാനമാണ് പശ്ചിമ ബം​ഗാൾ.