സഖറിയ പുത്തന്‍കളം
ബര്‍മിങ്ങ്ഹാം: യു.കെ. ക്‌നാനായ കാത്തലിക് അസോസിയേഷന്റെ നേതൃത്വത്തില്‍ യൂണിറ്റ് അംഗങ്ങള്‍ക്കായിട്ടുള്ള കലാമേള നവംബര്‍ 26-ന് ബര്‍മിങ്ങ്ഹാമിലെ ബഥേല്‍ കണ്‍വെന്‍ഷന്‍ സെന്റററില്‍ നടക്കും. കലാമേളയ്ക്ക് ശേഷം യു.കെ.കെ.സി.എ ഇദംപ്രഥമായി നടത്തുന്ന അവാര്‍ഡ് നൈറ്റും മാറ്റ് കൂട്ടുവാന്‍ എം ജി ശ്രീകുമാറിന്റെ നേതൃത്വത്തില്‍ രമേഷ് പിഷാരടി, ശ്രേയ എന്നിവര്‍ നേതൃത്വം നല്‍കുന്ന മ്യൂസിക്കല്‍ നൈറ്റും നടക്കും. മ്യൂസിക്കല്‍ നൈറ്റിന്റെ പ്രവേശനം പാസ് മൂലമാണ്.
കലാമേള 26ന് രാവിലെ 8ന് ദിവ്യബലിയോടെ ആരംഭിക്കും. തുടര്‍ന്ന് കൃത്യം ഒന്‍പതിന് വിവിധ കാറ്റഗറി മത്സരങ്ങള്‍ ആരംഭിക്കും.
കിഡീസ് (4 വയസ്സ് മുതല്‍ 7 വരെ)
കളറിംഗ്, പുഞ്ചിരി മത്സരം, ഫാന്‍സി ഡ്രസ്സ്
സബ് ജൂനിയര്‍ (7 വയസ്സ് മുതല്‍ 12 വരെ)
കളറിംഗ്, ഫാന്‍സിഡ്രസ്, സിംഗിള്‍ സോങ്ങ്, നാടോടി നൃത്തം, സിനിമാറ്റിക് (ഗ്രൂപ്പ്), ഭരതനാട്യം, ക്വിസ്, പദ്യോച്ചാരണം (മലയാളം), പ്രസംഗം.
ജൂനിയേഴ്‌സ് (12 വയസ് – 18)
ഡ്രോയിംഗ്, ഫാന്‍സി ഡ്രസ്, സിംഗിള്‍ സോങ്ങ്, ഭരതനാട്യം, സിനിമാറ്റിക് ഗ്രൂപ്പ്, നാടോടി നൃത്തം, പദ്യോച്ചാരണം, ക്വിസ്, പ്രസംഗമത്സരം
സീനിയേഴ്‌സ്
പ്രസംഗം, സീനിയേഴ്‌സ്, പദ്യോച്ചാരണം, ക്വിസ്
യൂണിറ്റ് മത്സരങ്ങള്‍
പുരാതന പാട്ട്, നടവിളി, പരിചമുട്ട് കളി, മാര്‍ഗംകളി
കഥാപ്രസംഗം (12 വയസിനു മുകളില്‍)
കൂടാതെ ക്‌നാനായ മങ്ക, ക്‌നാനായ കേസരി മത്സരങ്ങളും നടക്കും.
കലാമേള രജിസ്റ്റര്‍ ചെയ്യേണ്ട അവസാന തീയതി നവംബര്‍ നാല്. വിശദ വിവരങ്ങള്‍ നാഷണല്‍ കൗണ്‍സിലിനു ഇ-മെയില്‍ അയച്ചിട്ടുണ്ട്.
കലാമേളയും മ്യൂസിക്കല്‍ അവാര്‍ഡ് നൈറ്റ് സുഗമമാക്കുവാന്‍ പ്രസിഡന്റ് ബിജു മടക്കക്കുഴി, സെക്രട്ടറി ജോസി നെടുംതുരുത്തി പുത്തന്‍പുര, ട്രഷറര്‍ ബാബു തോട്ടം, വൈസ് പ്രസിഡന്റ് ജോസ് മുഖച്ചിറ, ജോ.സെക്രട്ടറി സഖറിയ പുത്തന്‍കളം, ജോ. ട്രഷറര്‍ ഫിനില്‍ കളത്തിക്കോട്ട്, അഡൈ്വസര്‍മാരായ ബെന്നി മാവേലില്‍, റോയി സ്റ്റീഫന്‍ എന്നിവരുടെ നേതൃത്വത്തില്‍ നടന്നുവരുന്നു.
Leave a Reply