കൊല്ലം: എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശൻ, മന്ത്രി ഗണേഷ് കുമാറിനെയും മുസ്ലിം ലീഗിനെയും കടുത്ത ഭാഷയിൽ വിമർശിച്ചു. പുനലൂരിൽ നടന്ന എസ്എൻഡിപി നേതൃസംഗമത്തിലാണ് അദ്ദേഹം പ്രതികരിച്ചത്. ഗണേഷ് കുമാർ “തറ മന്ത്രി”യാണെന്നും കെഎസ്ആർടിസിയിൽ തുഗ്ലക് ഭരണമാണ് നിലനിൽക്കുന്നതെന്നും വെള്ളാപ്പള്ളി ആരോപിച്ചു.
മുസ്ലിം ലീഗ് വർഗീയ പാർട്ടിയാണെന്നും “വർണ്ണ കടലാസിൽ പൊതിഞ്ഞ പൊട്ടാസ്യം സയനൈഡ്” ആണെന്നും വെള്ളാപ്പള്ളി പറഞ്ഞു. ലീഗുകാർക്ക് മനുഷ്യത്വമില്ലെന്നും, അവർക്കോ അവരുടെ കൂട്ടാളികൾക്കോ വോട്ട് നൽകുന്നത് സമൂഹത്തിന് അപകടമാണെന്നും അദ്ദേഹം അഭിപ്രായപ്പെട്ടു. മുസ്ലിം ലീഗിൽ മുസ്ലിം അല്ലാത്ത ഒരു എംഎൽഎയുമില്ലെന്ന വാദവും മുന്നോട്ടുവച്ചു.
ലീഗിന്റെ ഭരണം വന്നാൽ നാടുവിടേണ്ടി വരുമെന്നും, ആത്മഹത്യ ചെയ്യേണ്ടി വരുമെന്നും വെള്ളാപ്പള്ളി പറഞ്ഞു. മതേതരത്വം മുഖംമൂടിയാക്കിയ മതാധിഷ്ഠിത രാഷ്ട്രീയമാണ് ലീഗ് നടത്തുന്നതെന്ന് അദ്ദേഹം ആരോപിച്ചു. ലീഗിനെയും അതിന്റെ കൂട്ടുകക്ഷികളെയും ജയിപ്പിക്കുന്നത് സമൂഹത്തിനുള്ള ഭീഷണിയാണെന്ന മുന്നറിയിപ്പോടെയാണ് വെള്ളാപ്പള്ളി പ്രസംഗം അവസാനിപ്പിച്ചത്.
Leave a Reply