ബേസില്‍ ജോസഫ്ചേരുവകള്‍
ഏത്തപ്പഴം 7എണ്ണം
തേങ്ങാപ്പാല്‍ 1തേങ്ങയുടെ
ശര്‍ക്കര 500ഗ്രാം
ഏലക്ക 5എണ്ണംപൊടിച്ചത്
ജീരകപ്പൊടി 1 / 2ടീസ്പൂണ്‍
നെയ്യ് 200എംല്‍
മിക്സഡ് നട്സ്50ഗ്രം
പാചകംചെയ്യുന്നവിധം
ഏത്തപ്പഴം ആവിയില്‍ പുഴുങ്ങി തൊലി കളഞ്ഞു നന്നായി ഉടച്ചെടുക്കുക. ഒരു ഉരുളി അല്ലെങ്കില്‍ ചുവടു കട്ടിയുള്ള ഒരു പാനില്‍ ശര്‍ക്കര ഉരുക്കി ഉടച്ചു വച്ചിരിക്കുന്ന ഏത്തപ്പഴം ചേര്‍ത്ത്നന്നായി മിക്‌സ്ചെയ്യുക. നന്നായി തിളച്ചു ചൂടായി കഴിയുമ്പോള്‍ തേങ്ങാപ്പാല്‍ ചേര്‍ത്ത് വീണ്ടും ഇളക്കുക. തേങ്ങാപ്പാല്‍ നന്നായി തിളച്ചു കഴിയുമ്പോള്‍ നിര്‍ത്താതെ ഇളക്കി കൊടുത്തു കൊണ്ടിരിക്കുക. ഈ മിശ്രിതം നന്നായി ഡ്രൈ ആയി വരുന്നതു വരെ ഇടയ്ക്കിടെ നെയ്യും ചേര്‍ത്ത്നിര്‍ത്താതെ ഇളക്കി കൊടുത്തു കൊണ്ടിരിക്കുക. പാത്രത്തിന്റെ അടിയില്‍ പിടിക്കാതിരിക്കാന്‍ പ്രത്യേകം ശ്രദ്ധിക്കുക. നന്നായി ഡ്രൈ ആയി നെയ്യ് വലിഞ്ഞു തുടങ്ങുമ്പോള്‍ ഏലക്ക, ജീരകപ്പൊടി മിക്സഡ് നട്സ് എന്നിവ ചേര്‍ത്ത്മിക്‌സ്ചെയ്യുക. ഇപ്പോള്‍ നല്ല കട്ടിയുള്ള ഒരു പരുവത്തില്‍ ആകും ഈ മിശ്രിതം. തീ ഓഫ്ചെയ്തു ചൂടോടു കൂടി ഒരു പാത്രത്തിലേക്ക് മാറ്റി ഒരു സ്പാട്യുല കൊണ്ട് പരത്തി ഷേപ്പ്ആക്കി എടുക്കുക. ഉടച്ചനട്‌സ് കൊണ്ട് ഗാര്‍ണിഷ്ചെയ്യുക. അല്പം തണുത്തു കഴിയുമ്പോള്‍ ഒരു ട്രേയിലേയ്ക്ക് മറിച്ചു ചെറിയ കഷണങ്ങള്‍ ആക്കി സെര്‍വ്ചെയ്യുക.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
Leave a Reply