ബേസില്‍ ജോസഫ്
ചേരുവകള്‍
മാങ്ങാ – 2 എണ്ണം (നന്നായി പഴുത്തത്)
മില്‍ക്ക് -200 എംഎല്‍
വാനില ഐസ്‌ക്രീം -3 സ്‌കൂപ്
തേന്‍ -50 എംഎല്‍
കശുവണ്ടി -6 എണ്ണം
ആല്‍മന്‍ഡ്‌സ് – 6 എണ്ണം
ചെറി -ഗാര്‍ണിഷിന് (optional)
തയ്യാറാക്കുന്ന വിധം
രണ്ട് സ്റ്റെപ്പ് ആയിട്ടാണ് മാന്‍ഗോ മസ്താനി തയാറാക്കുന്നത്. ആദ്യ ഘട്ടം ഷേക്ക് ഉണ്ടാക്കുക എന്നതാണ്. അതിനായി മാന്‍ഗോ നന്നായി ക്ലീന്‍ ചെയ്ത് ചെറിയ കഷണങ്ങള്‍ ആക്കുക. അല്പം മാന്‍ഗോ എടുത്തു മാറ്റി വയ്ക്കുക. പിന്നീട് സെറ്റ് ചെയ്യുമ്പോള്‍ ഉപയോഗിക്കാനാണ്. ഒരു ബ്ലെന്‍ഡര്‍ എടുത്തു അതിലേക്ക് മാന്‍ഗോ, തണുപ്പിച്ച പാല്‍ (പാല്‍ തണുത്തത് അല്ലാ എങ്കില്‍ 2 ഐസ് ക്യൂബ് ചേര്‍ത്താല്‍ മതി) 2 സ്‌കൂപ് ഐസ് ക്രീം, തേന്‍ എന്നിവ ചേര്‍ത്ത് നന്നായി അടിച്ചെടുക്കുക. അല്പം കട്ടിയുള്ള ഒരു മിശ്രിതം ആയിരിക്കും. കട്ടി കുറക്കണം എങ്കില്‍ അല്പം കൂടി പാല്‍ ചേര്‍ക്കുക. ഒരു വലിയ ഗ്ലാസ് എടുത്ത് (ഫലൂദ ഗ്ലാസ്സോ, ബിയര്‍ മഗ്ഗ് etc) അതിലേയ്ക്ക് മാറ്റി വച്ച മാങ്ങ ഇടുക. ഇതിനു മുകളിലേയ്ക്ക് തയാറാക്കി വച്ചിരിക്കുന്ന മിശ്രിതം ഗ്ലാസിന്റെ മുക്കാല്‍ വരെഒഴിക്കുക. ഇതിന്റെ മുകളിലേയ്ക്ക് ബാക്കിയുള്ള ഒരു സ്‌കൂപ് ഐസ് ക്രീം ചേര്‍ക്കുക. ഐസ്‌ക്രീമിന്റെ മുകളില്‍ ചെറുതായി നുറുക്കി വച്ചിരിക്കുന്ന കശുവണ്ടിയും ആല്‍മന്‍ഡ്‌സും ചെറിയും കൊണ്ട് അലങ്കരിച്ചു സെര്‍വ് ചെയ്യുക. ചൂട് കാലത്തു വളരെ റിഫ്രഷിങ് ആയിട്ടുള്ള ഒരു ഡ്രിങ്ക് ആണ് മാന്‍ഗോ മസ്താനി.
ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
Leave a Reply