ബേസില്‍ ജോസഫ്
ചേരുവകള്‍
ചിക്കന്‍ വിങ്സ് -8 എണ്ണം
സോയാസോസ് -2 ടേബിള്‍ സ്പൂണ്‍
നാരങ്ങാ നീര് -1 ടേബിള്‍ സ്പൂണ്‍
വെള്ളം -2 ടേബിള്‍ സ്പൂണ്‍
ടൊമാറ്റോ സോസ് -1 ടേബിള്‍ സ്പൂണ്‍
വെളുത്തുള്ളി -5 അല്ലി (പൊടിയായി അരിഞ്ഞത്)
ഇഞ്ചി -1 ടീസ്പൂണ്‍ (പൊടിയായി അരിഞ്ഞത്)
കാശ്മീരി ചില്ലി പൗഡര്‍ -1 ടീസ്പൂണ്‍
കുരുമുളകുപൊടി -1 / 2 ടീസ്പൂണ്‍
ഉപ്പ് പാകത്തിന്
സെസെമി സീഡ് -10 ഗ്രാം
പാചകം ചെയ്യുന്ന വിധം
ചിക്കന്‍ വിങ്സ് നന്നായി കഴുകി വൃത്തിയാക്കി വെള്ളം മുഴുവന്‍ തോരാനായി മാറ്റി വയ്ക്കുക. ഒരുമിക്‌സിങ് ബൗളില്‍ സോയാസോസ്, നാരങ്ങാ നീര്, ടൊമാറ്റോ സോസ്, വെളുത്തുള്ളി, ഇഞ്ചി, കാശ്മീരി ചില്ലി പൗഡര്‍, കുരുമുളകുപൊടി, ഉപ്പ് എന്നിവ നന്നായി യോജിപ്പിച്ചെടുക്കുക. ഇതിലേയ്ക്ക് ചിക്കന്‍ വിങ്സ് ചേര്‍ത്ത് നന്നായി മിക്‌സ് ചെയ്ത് ഫ്രിഡ്ജില്‍ 2 മണിക്കൂര്‍ തണുപ്പിക്കുക. ഓവന്‍ 180 ഡിഗ്രിയില്‍ ചൂടാക്കുക. ഒരു ബേക്കിംഗ് ഷീറ്റില്‍ അലുമിനിയം ഫോയില്‍ വിരിച്ചു വിങ്സ് ഒരേ നിരപ്പില്‍ നിരത്തി ചൂടാക്കി കിടക്കുന്ന ഓവനില്‍ വച്ച് 30 മിനിറ്റ് ബേക്ക് ചെയ്യുക. ഓവന്‍ തുറന്നു വിങ്സ് തിരിച്ചിട്ട് വീണ്ടും 15 മിനിറ്റ് കൂടി ബേക്ക് ചെയ്‌തെടുത്ത് അല്‍പ്പം സെസെമി സീഡ് കൂടി വിതറി ചൂടോടെ വിളമ്പുക
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
Leave a Reply