ബേസില്‍ ജോസഫ്

ബീഫ് – 1 കിലോഗ്രാം
മല്ലിപ്പൊടി – 1 ടീസ്പൂണ്‍
മുളകുപൊടി – 1 ടീസ്പൂണ്‍
കുരുമുളകുപൊടി – 1 ടീസ്പൂണ്‍
മീറ്റ്മസാല – 1 ടീസ്പൂണ്‍
ഇഞ്ചി – 1 കഷണം
വെളുത്തുള്ളി – 1 കുടം
ചെറിയ ഉള്ളി – 8 എണ്ണം
തേങ്ങാക്കൊത്ത് – 1/ 4 കപ്പ്
കടുക് – 1/ 4 ടീസ്പൂണ്‍
ഓയില്‍ – 3 ടീസ്പൂണ്‍
ഉപ്പ് – ആവശ്യത്തിന്

പാചകം ചെയ്യുന്ന വിധം

ബീഫ് ചെറിയ കഷണങ്ങളാക്കി മുറിച്ച് കഴുകി വാര്‍ത്തെടുക്കുക. ഇഞ്ചി, വെളുത്തുള്ളി, ചെറിയ ഉള്ളി എന്നിവ ചെറുതായി അരിഞ്ഞ് വയ്ക്കുക. മല്ലിപ്പൊടി, മുളകുപൊടി, മഞ്ഞള്‍പൊടി, ഉപ്പ് എന്നിവ ചേര്‍ത്ത് ബീഫ് വെള്ളം വറ്റുന്നത് വരെ നന്നായി കുക്ക് ചെയ്യുക. ഒരു പാനില്‍ ഓയില്‍ ചൂടാക്കി കടുക് പൊട്ടിക്കുക. ഇതിലേയ്ക്ക് തേങ്ങാക്കൊത്ത് ചേര്‍ത്ത് 23 മിനിട്ട് ഇളക്കുക. ഇഞ്ചി, വെളുത്തുള്ളി, ചെറിയ ഉള്ളി, ആവശ്യത്തിന് ഉപ്പ് എന്നിവ ഓരോന്നായി ചേര്‍ത്ത് ഇളക്കുക. ഗോള്‍ഡന്‍ നിറമാകുമ്പോള്‍ മീറ്റ് മസാല ചേര്‍ത്ത് നന്നായി ഇളക്കുക. ഇതിലേയ്ക്ക് കുക്ക് ചെയ്ത് വച്ചിരിക്കുന്ന ബീഫ് ചേര്‍ത്ത് മസാലയുമായി നന്നായി മിക്‌സ് ചെയ്യുക. ഇതിലേയ്ക്ക് കുരുമുളക്‌പൊടി ചേര്‍ത്തിളക്കി നന്നായി വരട്ടി എടുക്കുക.

ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്