ന്യൂസ് ഡെസ്ക് മലയാളം യുകെ
അടുത്ത കാലത്ത് വൻ ജനപ്രീതിയാണ് ഇലക്ട്രിക്ക് കാറുകൾക്ക് ലഭിച്ചിരിക്കുന്നത്. അന്തരീക്ഷ മലിനീകരണം ഉളവാക്കുന്ന പെട്രോളിയം ഉൽപ്പന്നങ്ങളെക്കുറിച്ച് ജനങ്ങൾക്കുള്ള അവബോധം ഇതിൽ വലിയൊരു പങ്ക്‌ വഹിക്കുന്നുണ്ട്. എന്നാൽ നമ്മളിൽ പലർക്കും ഇപ്പോഴും ഇലക്ട്രിക്ക് കാറുകളെ കുറിച്ച് പല സംശയങ്ങളും ഉണ്ട്. ഉദാഹരണത്തിന് എത്ര ദൂരം വരെ ഇവയ്ക്കു റീചാർജ് ചെയ്യുന്നതിന് മുൻപ് സഞ്ചരിക്കുവാൻ സാധിക്കും?
ഒരു ഇലക്ട്രിക് കാറിന് സഞ്ചരിക്കാൻ സാധിക്കുന്ന ദൂരം കാലാവസ്ഥ, നിങ്ങളുടെ ഡ്രൈവിംഗ് എന്നിങ്ങനെയുള്ള ഘടകങ്ങളെ ആശ്രയിച്ചായിരിക്കും ഇരിക്കുക. സാധാരണയായി, ചെറിയ ഇലക്ട്രിക് സിറ്റി കാറുകൾക്ക് സിംഗിൾ ചാർജിൽ ഏകദേശം 100 മുതൽ 150 മൈൽ വരെ സഞ്ചരിക്കാൻ സാധിക്കും. മറ്റു ചില മുൻകിട വാഹനങ്ങൾക്ക് ഇതേ സമയം സിംഗിൾ ചാർജിൽ 300 മൈലുകളിലേറെ സഞ്ചരിക്കാൻ സാധിക്കും. ഇനി നിങ്ങളുടെ കാറിൻെറ ചാർജ് കുറഞ്ഞാൽ തന്നെ ചാർജിംഗ് പോയിന്റുകൾ തപ്പി അലയേണ്ടി വരുമെന്ന ഭയം വേണ്ട . യുകെയിൽ വിവിധ സ്ഥലങ്ങളിലായി ഏകദേശം 15,000 ചാർജിംഗ് പോയിന്റുകളാണുള്ളത് . നിങ്ങളുടെ കാറിലെ ചാർജ് തീർന്നാൽ അതിൻെറ പ്രവർത്തനം നിലയ്ക്കും. എന്നാൽ നിങ്ങളുടെ കാറിൻെറ ചാർജ് 20% ആകുമ്പോൾ തന്നെ മുന്നറിയിപ്പ് ലഭിക്കും. ഇതുകൂടാതെ വാഹനത്തിൻെറ ചാർജ് പൂർണമായി തീരുന്നതിനു മുൻപ് അത് ഫേയിൽ സേഫ് മോഡിലേക്ക് എത്തും ഇത് വാഹനത്തെ സുരക്ഷിതമായി റോഡിന്റെ സൈഡിൽ നിർത്തിയിടാൻ നമ്മെ സഹായിക്കും.
Leave a Reply