കോട്ടയം: വോക്കിങ് കാരുണ്യയുടെ ക്രിസ്മസ് ന്യൂ ഇയർ സമ്മാനമായി ഒരു ലക്ഷം രൂപ ഭിന്ന ശേഷിക്കാരനായ സജിക്ക് എംഎൽഎ പി സി ജോർജ് കൈമാറി. തദവസരത്തിൽ സാമൂഹിക പ്രവർത്തകനായ ടോണിയും സന്നിഹിതനായിരുന്നു. സജി ചികിത്സയുടെ ഭാഗമായി ഹോസ്പിറ്റലിൽ അഡ്മിറ്റ് ആയിരുന്നതിനാൽ പി സി ജോർജ് ഹോസ്പിറ്റലിൽ പോയി ചെക്ക് കൈമാറുകയായിരുന്നു. മണിമല പഞ്ചായത്തിൽ കരിക്കാട്ടൂർ താമസിക്കുന്ന സജി ഇന്ന് അസുഖങ്ങളുടെ നടുവിലാണ്. ജന്മനാ ഭിന്നശേഷിക്കാരനയാ സജി കൂലിവേല ചെയ്തായിരുന്നു കുടുംബം നോക്കിയിരുന്നത്. വളരെ നാളുകളായി സജി പ്രമേഹത്തിന് ചികിത്സയിലായിരുന്നു. കോട്ടയം മാതാ ഹോസ്പിറ്റൽ, കോട്ടയം മെഡിക്കൽ കോളേജ് എന്നിവിടങ്ങളിലായിരുന്നു ചികിത്സ. പല ഹോസ്പിറ്റലുകളിൽ ചികിത്സകൾ നടത്തിയെങ്കിലും സജിയുടെ അസുഖങ്ങൾ നാൾക്കുനാൾ വർദ്ധിച്ചു വരികയായിരുന്നു. അതിനെ തുടർന്നാണ് സജിയെ വിദ്‌ഗദ ചികിത്സയ്ക്കായി അമൃതാ ഹോസ്പിറ്റലിലേക്ക് മാറ്റപ്പെടുന്നത്. ഹോസ്പിറ്റലിലെ തുടർന്നുള്ള പരിശോധനകളിൽ ആണ് അറിയാൻ കഴിഞ്ഞത് സജിയുടെ ആമാശയത്തിൻെറ ഒരുഭാഗം തളർന്നു ദഹനശേഷി നഷ്ടപ്പെട്ടുപോയി എന്നത്. അതിനോടൊപ്പം തന്നെ കരളിനും പാൻക്രിയാസിനും കിഡ്‌നിക്കും ശേഷിക്കുറവ് സംഭവിച്ചു എന്ന് അറിയാൻ കഴിഞ്ഞത്.
ആകെയുള്ള പത്തുസെന്റ്‌ സ്ഥലവും ഒറ്റമുറിവീടും പണയം വച്ചാണ് ഇതുവരെയുള്ള ചികിത്സകൾ മുൻപോട്ടു കൊണ്ടുപോയത്. സജിക്ക് ഒരുമാസം പതിനായിരത്തോളം രൂപ ചികിത്സയ്ക്കായി മാത്രം ചിലവാകുന്നുണ്ട്. ഇത്രയും കാലത്തെ ചികിത്സകളും കുടുംബ ചിലവുകളും സജിയെ വലിയ ഒരു കടക്കെണിയിൽ എത്തിച്ചിരിക്കുകയാണ്. നല്ലവരായ നാട്ടുകാരുടെയും സുഹൃത്തുക്കളുടെയും കാരുണ്യത്തിലാണ് സജിയും കുടുംബവും ദിവസങ്ങൾ തള്ളിനീക്കുന്നത്. ഞങ്ങളുടെ പ്രതിനിധി സജിയുടെ വിവരങ്ങൾ തിരക്കുവാൻ ചെന്നപ്പോൾ സജി കിഡ്‌നി ഇൻഫെക്ഷൻ ബാധിച്ചു ഹോസ്പിറ്റലിൽ അഡ്മിറ്റായിരുന്നു. ഈ അവസരത്തിൽ ചികിത്സകൾ എങ്ങനെ മുന്നോട്ട് കൊണ്ടുപോകണം എന്നറിയാതെ വലയുകയാണ് സജിയും കുടുംബവും. തകർന്നിരുന്ന ഈ കുടുംബത്തെ സഹായിക്കുവാൻ സന്മനസുകാണിച്ച എല്ലാ സുഹൃത്തുക്കൾക്കും വോക്കിങ് കാരുണ്യയുടെ അകമഴിഞ്ഞ നന്ദി.
Registered Charity Number 1176202 https://www.facebook.com/…/Woking-Karunya-Charitable…/posts/ Charitties Bank Account Details Bank Name: H.S.B.C. Account Name: Woking Karunya Charitable Society. Sort Code:404708 Account Number: 52287447
കുടുതല്‍വിവരങ്ങള്‍ക്ക് ജെയിൻ ജോസഫ്: 07809702654 ബോബൻ സെബാസ്റ്റ്യൻ: 07846165720 സാജു ജോസഫ്: 07507361048
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!
