ന്യൂസ് ഡെസ്ക് മലയാളം യുകെ

ഇന്ത്യയിലെ ക്ലാസ് മുറിയിൽ പുള്ളിപ്പുലി പ്രവേശിച്ചത് വാർത്തയാക്കി ബിബിസി. വടക്കേ ഇന്ത്യൻ നഗരമായ അലിഗഢിലാണ് സംഭവം. പുള്ളിപ്പുലി ഒളിച്ചിരിക്കുന്നത് കണ്ട് ക്ലാസ്സ് മുറിയിൽ നിന്ന് ഇറങ്ങി ഓടിയെന്ന് പരിക്കേറ്റ വിദ്യാർത്ഥി പറഞ്ഞു. 11 മണിക്കൂർ നീണ്ട പരിശ്രമത്തിനൊടുവിലാണ് അഞ്ച് വയസ്സുള്ള പുലിയെ പിടികൂടാനായത്. സമീപപ്രദേശത്ത് വനമേഖലയിൽ നിന്നാണ് പുലി സ്കൂളിൽ പ്രവേശിച്ചതെന്നാണ് നിഗമനം.

വന്യമൃഗങ്ങളുടെ ആവാസവ്യവസ്ഥയിൽ മാറ്റം വരുന്നതാണ് ഇവയെ ജനവാസമേഖലയിൽ ഭക്ഷണം തേടാൻ പ്രേരിപ്പിക്കുന്നത് എന്നതാണ് ഈ രംഗത്തെ വിദഗ്ധരുടെ അഭിപ്രായം. ഇന്ത്യയിൽ വനാതിർത്തി മേഖലകളിൽ മനുഷ്യനും വന്യമൃഗങ്ങളുമായിട്ടുള്ള ഏറ്റുമുട്ടലിൻെറ വാർത്തകൾ നിത്യസംഭവമാണ്. ഈയിടെ വയനാട്ടിൽ മുറിവേറ്റ കടുവ മനുഷ്യനും വളർത്ത് മൃഗങ്ങൾക്കും കടുത്ത ഭീഷണിയായിരുന്നു.