ന്യൂസ് ഡെസ്ക്, മലയാളം യുകെ

സ്പെയിനിലെ ടെനറൈഫിൽ ബ്രിട്ടീഷുകാരനെ കാണാതായി. 19 വയസ്സ് പ്രായമുള്ള ജെയ് സ്ലേറ്ററിനെ ആണ് തിങ്കളാഴ്ച മുതൽ കാണാതായിരിക്കുന്നത്. ലങ്ക ഷെറിൽ നിന്നുള്ള ജെയ് സ്പാനിഷ് ദ്വീപിൽ അവധി ആഘോഷിക്കാൻ എത്തിയതായിരുന്നു.

ഷോർട്ട്സും വെള്ള ടീഷർട്ടും ആണ് ജെയ് ധരിച്ചിരുന്നത്. ഒരു കറുത്ത ബാഗും ഇയാളുടെ കൈയ്യിൽ ഉണ്ടായിരുന്നതായാണ് കരുതപ്പെടുന്നത് . സംഭവം അറിഞ്ഞതിനെ തുടർന്ന് ജെയിയുടെ അമ്മ യുകെയിൽ നിന്ന് ടെനറൈഫിലേയ്ക്ക് പോയിട്ടുണ്ട്. പോലീസ് ഊർജിതമായി അന്വേഷണം നടത്തുന്നുണ്ടെന്നും സംഭവത്തെ തുടർന്ന് അധികൃതരുടെ ഭാഗത്തുനിന്നും ഉണ്ടായ നടപടികളിൽ താൻ തൃപ്തയാണെന്നും ജെയിയുടെ അമ്മ മാധ്യമങ്ങളോട് പ്രതികരിച്ചു .