കാസ്ഗഞ്ച്: പേരിടൽ ചടങ്ങിന്റെ തിരക്കിനിടയിൽ ഒമ്പത് വയസ്സുകാരന്റെ ജീവനെടുത്ത ക്രൂര സംഭവമാണ് യാകുത്ഗഞ്ച് ഗ്രാമത്തിൽ റിപ്പോർട്ട് ചെയ്തത്. മദ്യലഹരിയിലായിരുന്ന ബന്ധു കുട്ടിയോട് വെള്ളം കൊണ്ടുവരാൻ ആവശ്യപ്പെട്ടതിനെ തുടർന്ന് ഉണ്ടായ വാക്കുതർക്കമാണ് ദാരുണ സംഭവത്തിലേക്ക് വഴിവച്ചത്.
കുട്ടി ആവശ്യത്തെ നിരസിച്ചതോടെ പ്രകോപിതനായ പ്രതി പെട്ടെന്ന് തോക്ക് പുറത്തെടുത്ത് വയറ്റിലേക്ക് വെടിയുതിർക്കുകയായിരുന്നു. വെടിവെപ്പിനെ തുടർന്ന് ചടങ്ങിൽ ഉണ്ടായ പരിഭ്രാന്തിയിൽ കുട്ടിയെ അടിയന്തിരമായി ജില്ലാ ആശുപത്രിയിൽ പ്രവേശിപ്പിച്ചെങ്കിലും, നില ഗുരുതരമായതിനാൽ പിന്നീട് അലിഗഡിലേക്ക് മാറ്റി; ചികിത്സയ്ക്കിടെ മരണം സംഭവിച്ചു.
സംഭവത്തിന് പിന്നാലെ ഒളിവിൽ പോയ പ്രതിയെ പോലീസ് തിരച്ചിലിനൊടുവിൽ പിടികൂടി. ഇയാളുടെ പക്കൽ നിന്ന് ഉപയോഗിച്ച തോക്കും കണ്ടെത്തിയതായി പോലീസ് വ്യക്തമാക്കി; കേസിൽ കൂടുതൽ അന്വേഷണം പുരോഗമിക്കുകയാണ്.
Leave a Reply