മലപ്പുറം: രഹസ്യ വിവരത്തെ തുടർന്ന് നടത്തിയ പരിശോധനയിൽ കോളജ് വിദ്യാർഥിനിയടക്കം നാല് പേരെ ലഹരി ഉപയോഗത്തിനിടെ പൊലീസ് പിടികൂടി. മലപ്പുറം ജില്ലാ പൊലീസ് മേധാവി ചൈത്ര തെരേസ ജോണിന് ലഭിച്ച വിവരത്തിന്റെ അടിസ്ഥാനത്തിൽ കൈപ്പക്കുളത്തെ സ്വകാര്യ ലോഡ്ജിൽ നടത്തിയ റെയ്ഡിലാണ് സംഘം കുടുങ്ങിയത്. 20 വയസ്സുകാരിയായ ഫിദ ഫാത്തിമ ഉൾപ്പെടെ നാല് പേരെയാണ് കസ്റ്റഡിയിലെടുത്തത്.
ലോഡ്ജ് മുറിയിൽ ലഹരി ഉപയോഗവും വിതരണവുമായി ബന്ധപ്പെട്ട പ്രവർത്തനങ്ങൾ നടക്കുന്നതായി ലഭിച്ച വിവരത്തെ തുടർന്നാണ് പൊലീസ് പരിശോധന നടത്തിയത്. പരിശോധനയിൽ ലഹരി വസ്തുക്കളും ഉപയോഗത്തിനുള്ള ഉപകരണങ്ങളും കണ്ടെത്തിയതായി പൊലീസ് അറിയിച്ചു. പ്രതികൾക്കെതിരെ എൻഡിപിഎസ് നിയമപ്രകാരം കേസ് രജിസ്റ്റർ ചെയ്തിട്ടുണ്ട്.
സംഭവവുമായി ബന്ധപ്പെട്ട് ലഹരിവസ്തുക്കൾ എത്തിച്ചവരെയും സംഘത്തിന്റെ മറ്റ് ബന്ധങ്ങളെയും കണ്ടെത്താൻ അന്വേഷണം വ്യാപിപ്പിച്ചതായി പൊലീസ് അറിയിച്ചു. വിദ്യാർഥികളെയും യുവാക്കളെയും ലക്ഷ്യമിട്ട് പ്രവർത്തിക്കുന്ന ലഹരി ശൃംഖലകളെ കണ്ടെത്താൻ ജില്ലയിൽ പരിശോധനകൾ കൂടുതൽ ശക്തമാക്കുമെന്നും അധികൃതർ വ്യക്തമാക്കി.
Leave a Reply