തിരുവനന്തപുരം: മുൻമുഖ്യമന്ത്രിയുടെ മകൾ വീണ ടി.ക്കെതിരായ അന്വേഷണത്തിന്റെ ഭാഗമായി വിദേശത്തേക്ക് പണം അയച്ചതിൽ ഫെമ (FEMA) ചട്ടലംഘനം നടന്നിട്ടുണ്ടോയെന്നും എൻഫോഴ്സ്മെന്റ് ഡയറക്ടറേറ്റ് (ഇഡി) പരിശോധിക്കും. വീണയുടെ ഡയറിയിൽ ദുബായിലേക്ക് 85 ലക്ഷം രൂപ അയച്ചതായി രേഖപ്പെടുത്തിയിട്ടുണ്ടെന്നാണ് വിവരം. ഈ തുക എങ്ങനെയാണ് കൈമാറിയത്, ആർക്കാണ് നൽകിയതെന്നതടക്കമുള്ള കാര്യങ്ങളാണ് അന്വേഷണത്തിന്റെ പരിധിയിൽ വരുന്നത്.
വ്യാജ സിം കാർഡ് ഉപയോഗിച്ചതിന് പിന്നിൽ ഹവാല ഇടപാടുകൾ ഉണ്ടായിരുന്നോ എന്ന സംശയവും അന്വേഷണ സംഘത്തിനുണ്ട്. വിദേശത്തേക്കുള്ള പണമിടപാടുമായി ഇതിന് ബന്ധമുണ്ടായിരുന്നോ എന്നതടക്കമുള്ള കാര്യങ്ങൾ പരിശോധിച്ചുവരികയാണ്. പണം കൈമാറ്റം ചെയ്ത രീതിയും ഇടപാടുമായി ബന്ധപ്പെട്ട വ്യക്തികളെയും കേന്ദ്രീകരിച്ചായിരിക്കും കൂടുതൽ അന്വേഷണം.
ദുബായിലേക്ക് അയച്ചതായി ഡയറിയിൽ രേഖപ്പെടുത്തിയ 85 ലക്ഷം രൂപയുടെ ഉറവിടവും ഇഡി പരിശോധിക്കുന്നുണ്ട്. ഫെമ ചട്ടങ്ങൾ പാലിച്ചാണോ വിദേശത്തേക്ക് പണം കൈമാറിയത്, ഇടപാടുകൾക്ക് ആവശ്യമായ രേഖകൾ ഉണ്ടായിരുന്നോ തുടങ്ങിയ കാര്യങ്ങളും അന്വേഷണത്തിൽ പരിശോധിക്കും. വ്യാജ സിം ഉപയോഗിച്ചതുമായി ബന്ധപ്പെട്ട സംശയങ്ങളും സാമ്പത്തിക ഇടപാടുകളുമായി ബന്ധപ്പെടുത്തി പരിശോധിക്കുന്നുണ്ടെന്നാണ് വിവരം.
Leave a Reply