ന്യൂസ് ഡെസ്ക്, മലയാളം യുകെ
ലണ്ടൻ: ബ്രിട്ടീഷ് പ്രധാനമന്ത്രി ആൻഡി ബേൺഹാം ഇന്ന് ഫ്രഞ്ച് പ്രസിഡന്റ് എമ്മാനുവൽ മാക്രോണുമായി ഡൗണിംഗ് സ്ട്രീറ്റിൽ കൂടിക്കാഴ്ച നടത്തും. പ്രധാനമന്ത്രിയായ ശേഷം ഒരു വിദേശ രാഷ്ട്രത്തലവനുമായുള്ള ബേൺഹാമിന്റെ ആദ്യ ഔദ്യോഗിക കൂടിക്കാഴ്ചയായ ഇത് അനധികൃത കുടിയേറ്റം, യൂറോപ്യൻ യൂണിയനുമായുള്ള ബന്ധം, ഉക്രെയ്ൻ വിഷയങ്ങൾ തുടങ്ങിയ സുപ്രധാന വിഷയങ്ങളിൽ കേന്ദ്രീകരിച്ചായിരിക്കും.
ഇംഗ്ലീഷ് ചാനൽ വഴി ചെറുബോട്ടുകളിൽ എത്തുന്ന കുടിയേറ്റക്കാരുടെ ഒഴുക്ക് നിയന്ത്രിക്കുന്നതിനായി ഫ്രാൻസും ബ്രിട്ടനും സംയുക്ത നടപടികൾ ശക്തമാക്കാൻ ധാരണയിലെത്തുമെന്നാണ് പ്രതീക്ഷ. വടക്കൻ ഫ്രാൻസിൽ ചെറുബോട്ട് യാത്രകൾ തടയുന്നതിനായി പ്രവർത്തിക്കുന്ന ഫ്രഞ്ച് പൊലീസ് ഉദ്യോഗസ്ഥരുടെ എണ്ണം ഗണ്യമായി വർധിപ്പിക്കുമെന്നും മനുഷ്യക്കടത്ത് സംഘങ്ങൾക്കെതിരായ പ്രത്യേക നടപടികൾ സ്വീകരിക്കുമെന്നും ഡൗണിംഗ് സ്ട്രീറ്റ് അറിയിച്ചു.
യൂറോപ്യൻ യൂണിയനുമായുള്ള പുതിയ കരാറിനുള്ള ചർച്ചകളും ഇന്നത്തെ കൂടിക്കാഴ്ചയിലെ പ്രധാന വിഷയമാകും. വൈദ്യുതി, കാർഷിക ഉൽപന്നങ്ങളുടെ വ്യാപാരം കൂടുതൽ എളുപ്പമാക്കുന്ന കരാറുകളാണ് ബ്രിട്ടൻ ലക്ഷ്യമിടുന്നത്. അതേസമയം, യുവജന സഞ്ചാരപദ്ധതിയും യൂറോപ്യൻ വിദ്യാർഥികൾക്ക് ബ്രിട്ടനിൽ പ്രാദേശിക ഫീസ് ആനുകൂല്യം നൽകുന്നതും സംബന്ധിച്ച യൂറോപ്യൻ യൂണിയന്റെ ആവശ്യങ്ങളിൽ ബേൺഹാം കടുത്ത നിലപാട് സ്വീകരിച്ചേക്കുമെന്നാണ് റിപ്പോർട്ടുകൾ.
Leave a Reply