പ്രിയ യുകെ മലയാളികളെ, ഒടുവിൽ നമ്മൾ കേൾക്കാൻ ആഗ്രഹിക്കാതിരുന്ന ആ വാർത്തയെത്തി. എല്ലാ പ്രാർഥനകളും മുറിയപ്പെട്ട് നമ്മുടെ പ്രിയപ്പെട്ട അനൂജ് (അനൂജ് കുമാർ കുറ്റിക്കോട്ടു വീട്, ഉഴവൂർ,കോട്ടയം ) യാത്രയായി. കഴിഞ്ഞ കുറെ നാളുകളായി കോവിഡിനോട് യുദ്ധം ചെയ്ത് ബോസ്റ്റണിലും ലസ്റ്ററിലുമുള്ള ഹോസ്പിറ്റലുകളിൽ ജീവൻ രക്ഷാ ഉപകരണങ്ങളുടെ സഹായത്തോടെ കഴിയുകയായിരുന്നു.

ഇന്നലെ രാത്രി 11.15 നോടെ ലസ്റ്ററിലെ ഗ്ലെൻഫീൽഡ് ഹോസ്പിറ്റലിലായായിരുന്നു അന്ത്യം. ഭാര്യ സന്ധ്യയും മകൻ അ കുലും ഇന്നലെ അവിടെ എത്തി അനൂജിനെ കണ്ടിരുന്നു. നിങ്ങളുടെ പ്രാർഥനയിൽ നമ്മുടെ ഈ സഹോദരനെ കൂടെ ഓർക്കുക. അനൂ ജിൻ്റെ ഭാര്യ സന്ധ്യയ്ക്കും, മക്കൾ അകുലിനും, ഗോകുലിനും മറ്റു കുടുംബാംഗങ്ങൾക്കും ഈ വിഷമഘട്ടം തരണം ചെയ്യാനുള്ള ശക്തിയും ലഭിക്കട്ടെ എന്ന് പ്രത്യാശിക്കാം.

അകാലത്തിൽ ഉള്ള അനൂജിന്റെ വിയോഗത്തിൽ ദുഃഖാർത്ഥരായ കുടുംബാംഗങ്ങളെ മലയാളം യുകെയുടെ അനുശോചനം അറിയിക്കുന്നു. സംസ്കാരത്തിൻ്റെ വിവരങ്ങൾ പിന്നീട് അറിയിക്കുമെന്നാണ് ലഭിക്കുന്ന വിവരം .