സ്വന്തം ലേഖകന്‍

കഴിഞ്ഞ ഒരു വ്യാഴവട്ടക്കാലമായി ഗ്രെയ്റ്റര്‍ മാഞ്ചസ്റ്ററില്‍ പ്രവര്‍ത്തിച്ചുവരുന്ന, കാര്യക്ഷമതകൊണ്ടും, കര്‍മ്മശേഷി കൊണ്ടും യുകെയിലെ തന്നെ ഏറ്റവും വലിയ ഹിന്ദു സമാജങ്ങളിലൊന്നായ, ഗ്രേറ്റര്‍ മാഞ്ചസ്റ്റര്‍ മലയാളി ഹിന്ദു കമ്മ്യൂണിറ്റിയുടെ വാര്‍ഷിക പൊതുയോഗം മാഞ്ചസ്റ്റര്‍ ജെയിന്‍ കമ്മ്യൂണിറ്റി സെന്ററില്‍ ഫെബ്രുവരി 18ന് നടത്തി. പ്രസിഡന്റ് രജനി ജീമോന്റെ അധ്യക്ഷതയില്‍ നടന്ന പൊതുയോഗത്തില്‍ സെക്രട്ടറി ഹരി മേനോൻ പ്രവർത്തന റിപ്പോര്‍ട്ട് അവതരിപ്പിക്കുകയും, ട്രഷറർ സുനിൽ ഉണ്ണി ഈ വര്‍ഷത്തെ വരവ് ചിലവ് കണക്കുകള്‍ അവതരിപ്പിക്കുകയും പൊതുയോഗം അംഗീകരിക്കുകയും ചെയ്തു.

തുടർന്ന് നടന്ന തെരഞ്ഞെടുപ്പിൽ പ്രസിഡന്റായി രാധേഷ് നായരെയും , സെക്രട്ടറിയായി ധനേഷ് ശ്രീധറിനെയും ട്രഷററായി സുനില്‍ ഉണ്ണിയേയും വൈസ് പ്രസിഡന്റായി ദിനേശ് ഡി കെ യെയും ജോയിന്റ് സെക്രട്ടറിയായി ഹരീഷ് ചന്ദ്രനെയും പൊതുയോഗം ഐക്യകണ്ഡേന തെരഞ്ഞെടുത്തു. കമ്മിറ്റി അംഗങ്ങളായി തിരഞ്ഞെടുക്കപ്പെട്ടത് അനീഷ് റോണ്‍, ചിഞ്ചു സന്ദീപ് ,മേഖല ഷാജി ,ദീപ ആസാദ് ,ശബരീ നാഥ് ,രഞ്ജിത്ത് പിള്ള , രതീഷ് എം ജെ, പ്രവീൺ പ്രഭാകർ, ജീമോൻ അരുൺ പ്രസാദ് എന്നിവരാണ്.

ഈ വരുന്ന വര്‍ഷക്കാലയളവില്‍ നടക്കാനിരിക്കുന്ന ജിഎംഎംഎച്ച്സിയുടെ എല്ലാ പ്രവര്‍ത്തനങ്ങളിലും ജിഎംഎംഎച്ച്സി കുടുംബാംഗങ്ങളുടെ സഹകരണം തുടര്‍ന്നും ഉണ്ടാവണമെന്ന് പ്രസിഡന്റ് രാധേഷ് നായർ അഭ്യര്ഥിക്കുകയുണ്ടായി . കഴിഞ്ഞ വർഷത്തെ എല്ലാ പരിപാടികളും , പ്രത്യേകിച്ച് കഴിഞ്ഞ മകരവിളക്കുത്സവം യുകെ ഹിന്ദു കമ്മ്യൂണിറ്റിക്കു ഒരു ചരിത്ര മുഹൂർത്തമാക്കുവാൻ സഹകരിച്ച എല്ലാ അംഗങ്ങള്‍ക്കും മുന്‍ സെക്രട്ടറി നന്ദി പ്രകാശിപ്പിച്ചുകൊണ്ട് പൊതുയോഗം അവസാനിച്ചു. തുടര്‍ന്ന് അന്നദാനവും നടത്തപ്പെട്ടു.

ജിഎംഎംഎച്ച്സിയുടെ ഭാവി പരിപാടികളെ കുറിച്ച് അറിയുവാൻ ദയവായി താഴെ കാണുന്ന നമ്പറുകളിൽ ബന്ധപ്പെടുക.
രാധേഷ് നായർ (പ്രസിഡന്റ്) (07815819190 )
ധനേഷ് ശ്രീധർ (സെക്രട്ടറി)   (07713154374 )

ലണ്ടൻ : 2023 ഏപ്രിൽ 28 മുതൽ എല്ലാ മാസവും അവസാനത്തെ വെള്ളിയാഴ്ച ഉച്ച കഴിഞ്ഞ് രണ്ടു മണിക്കൂർ വേൾഡ് മലയാളി കൗൺസിൽ യൂറോപ്പ് റീജിയൻ പ്രവാസി മലയാളികൾക്കായി വെർച്വൽ പ്ലാറ്റ്ഫോമിൽ കലാസാംസ്കാരിക പരിപാടികൾ സംഘടിപ്പിക്കുന്നു.

എല്ലാ ആഗോള വേൾഡ് മലയാളി കൗൺസിൽ അംഗങ്ങൾക്കും പ്രവാസി മലയാളികൾക്കും പരിപാടിയിൽ പങ്കെടുക്കാൻ അവസരം ഉണ്ട്.

പ്രവാസി മലയാളികൾക്കായി സംഘടിപ്പിക്കുന്ന ഈ ആഗോള കൂട്ടായ്മയിൽ അവരുടെ കവിതകൾ ചെല്ലാനും പാട്ടുകൾ പാടാനും സ്വന്തം കലാസൃഷ്ടികൾ അവതരിപ്പിക്കാനും സമകാലിക വിഷയങ്ങളെക്കുറിച്ച് സംവദിക്കാനും അവസരം ഉണ്ടാകും. പരിപാടിയുടെ സൂം മീറ്റിങ്ങിന്റെ ഐഡിയും പാസ്‌വേർഡും താഴെ കൊടുത്തിരിക്കുന്ന പോസ്റ്ററിൽ ഉണ്ട്.

ജെഗി ജോസഫ്

യുകെയിലെ പ്രമുഖ മലയാളി അസോസിയേഷനായ ഗ്ലോസ്റ്റര്‍ഷെയര്‍ മലയാളി അസോസിയേഷന്റെ 20ാം വാര്‍ഷിക ആഘോഷം കെങ്കേമമായി. ഉച്ചയ്ക്ക് രണ്ടു മണിയോടെ ഗ്ലോസ്റ്ററിലെ ചര്‍ച്ച് ഡൗണ്‍ ഹാളില്‍ തുടങ്ങിയ കലാ സന്ധ്യ എട്ടു മണിക്കൂറോളം നീണ്ടു.ഷോയുടെ മുഖ്യ ആകർഷണമായിരുന്ന പെജന്റ് ഷോയില്‍ മികച്ച ദമ്പതികളായി ഫോറസ്റ്റ് ഓഫ് ഡീനിൽ നിന്നുള്ള ഷാരോൺ അനിത ദമ്പതികളെ തെരഞ്ഞെടുത്തു.

ഏഷ്യനെറ്റ് സ്റ്റാര്‍ സിങ് ഫെയിം വില്യം, ആന്റണി ജോണ്‍, ഡെല്‍സി നൈനാന്‍ എന്നിവരുടെ നേതൃത്വത്തില്‍ നടന്ന സംഗീത പരിപാടി ആസ്വാദകരുടെ ഹൃദയം കവര്‍ന്നു. ജിഎംഎയുടെ വെല്‍ക്കം ഡാന്‍സ് ഏറെ ശ്രദ്ധേയമായി. ജിഎംഎ അംഗങ്ങള്‍ക്ക് നല്‍കിയ മികച്ച വിരുന്നായി മാറി ഈ ദിവസം.
ജിഎംഎ സെക്രട്ടറി ദേവലാല്‍ സഹദേവന്‍ ഏവർക്കും സ്വാഗതം ആശംസിച്ചു. ജി എം എ പ്രസിഡന്റ് ജോ വില്‍ട്ടണ്‍ അധ്യക്ഷ പ്രസംഗം നടത്തി. ജിഎംഎയോട് നിങ്ങള്‍ കാണിക്കുന്ന സ്‌നേഹത്തിന് അദ്ദേഹം നന്ദി പറഞ്ഞു. ട്രഷറര്‍ മനോജ് വേണുഗോപാല്‍ എല്ലാവര്‍ക്കും നന്ദി രേഖപ്പെടുത്തി . വൈസ് പ്രസിഡണ്ട് സന്തോഷ് ലൂക്കോസ് ,ജോയിന്റ് സെക്രട്ടറി സജി വർഗ്ഗീസ്, ജോയിന്റ് ട്രഷറര്‍ സ്റ്റീഫൻ അലക്സ് തുടങ്ങിയവരുടെ നേതൃത്വത്തിൽ അസോസിയേഷന്റെ എക്‌സിക്യൂട്ടീവ് കമ്മറ്റി അംഗങ്ങൾ മികച്ച മുന്നൊരുക്കം നടത്തിയാണ് പരിപാടി വിജയകരമാക്കിയത്.

ജിഎംഎയുടെ വിവിധ കാലഘട്ടങ്ങളിലുള്ള പ്രവര്‍ത്തന നേട്ടങ്ങൾ ആങ്കർമാരായ ബോബന്‍ ഇലവുങ്കലും അനില മഞ്ജിതും ഒരിക്കൽ കൂടി ഓർമിപ്പിച്ചു.പരിപാടിയുടെ മുഖ്യ ആകർഷണമായിരുന്ന പേജന്റ് ഷോയില്‍ ആറ് യങ് കപ്പിള്‍സ് ആണ് മത്സരിച്ചത്. ചുറുചുറക്കും മികച്ച സംസാര രീതിയിലും ചോദ്യോത്തര വേളയിലെ പെര്‍ഫോമന്‍സും കപ്പിള്‍സിന്റെ മത്സരം ആകര്‍ഷണീയമാക്കി.ഓര്‍മ്മയില്‍ സൂക്ഷിച്ചു നില്‍ക്കാവുന്ന ഒരുപിടി നല്ല മുഹൂര്‍ത്തങ്ങളാണ് പേജന്റ് ഷോയിൽ ഉണ്ടായിരുന്നത്. മൂന്ന് ഘട്ടങ്ങളായി നടന്ന പേജന്റ് ഷോ ഏവരുടെയും ഹൃദയം കീഴടക്കി. പേജന്റ് ഷോയുടെ മുഖ്യ കോർഡിനേറ്ററും അവതാരകനും ആയിരുന്ന റോബി മേക്കരയെ ജി എം എ പൊന്നാടയണിയിച്ച് ആദരിച്ചു. ഷാരോണ്‍ അനിത ദമ്പതികള്‍ പെജന്റ് ഷോയില്‍ വിജയികളായി. വിജേഷ് രമ്യ ദമ്പതികള്‍ റണ്ണറപ്പായും ജെയ്‌സണ്‍ മില്‍ഡ ദമ്പതികള്‍ സെക്കന്റ് റണ്ണറപ്പുമായി. മികച്ച ഫോട്ടോജനിക് കപ്പിൾസ് ആയി ആര്‍ബട്ട് -ശ്വേത ദമ്പതികളും , മോസ്റ്റ് ഐ ഇൻടെറാക്ടിവ് കപ്പിളായി ലിനു-രേഷ്മയും, മോസ്റ്റ് സ്റ്റൈലിഷ് കപ്പിളായി സഫെയര്‍ ജെസ്‌ന ദമ്പതികളും തിരഞ്ഞെടുക്കപ്പെട്ടു. കലാഭവൻ നൈസ്, ദീപ നായർ,മോനി ഷിജോ എന്നിവർ ഫാഷൻ ഷോയുടെ വിധി കർത്താക്കളായിരുന്നു.

ജി എം എയുടെ ഇരുപതാം വാർഷികത്തിന്റെ ഭാഗമായി പ്രകാശനം ചെയ്ത ” തണൽ ” എന്ന മാഗസിൻ ജി എം എയുടെ കഴിഞ്ഞ ഇരുപതു വർഷത്തെ ചരിത്രം ആലേഖനം ചെയ്തിരിക്കുന്നു. മാഗസിൻ എഡിറ്റർ ബിനു പീറ്റർ , യുക്മ നാഷണൽ പ്രസിഡന്റ് ഡോ . ബിജു പെരിങ്ങത്തറക്കു നൽകി കൊണ്ട് ഇരുപതാം വാർഷിക സുവനീർ പ്രകാശനം ചെയ്തു. മാഗസീനായി മികച്ച രീതിയില്‍ പ്രവര്‍ത്തിച്ച ബിനുവിനെ ഗ്ലോസ്റ്റര്‍ഷെയര്‍ മലയാളി അസോസിയേഷന്‍ അംഗങ്ങള്‍ അനുമോദിച്ചു. ജി എം എ യുടെ പുതിയ ലോഗോയ്ക്ക് വേണ്ടിയുള്ള മത്സരത്തിൽ വിജയിയായ ജെയിംസ് മംഗലത്തിനെ സമ്മാനം നൽകി വേദിയിൽ ആദരിച്ചു. യുവത്വം തുളുമ്പുന്ന ജിഎംഎ യുടെ പുതിയ ലോഗോയുടെ പ്രകാശനവും വേദിയിൽ നടന്നു.

മറക്കാനാകാത്ത ഒരു ദിനം കൂടി അംഗങ്ങള്‍ക്ക് സമ്മാനിക്കാന്‍ ഗ്ലോസ്റ്റര്‍ഷെയര്‍ മലയാളി അസോസിയേഷന് സാധിച്ചു. യുകെയിലെ പ്രമുഖ മോര്‍ട്ട്‌ഗേജ് അഡ് വൈസിംഗ്‌ സ്ഥാപനമായ ഇന്‍ഫിനിറ്റി മോർട്ട്ഗേജ് പരിപാടിയുടെ മുഖ്യസ്‌പോണ്‍സറായിരുന്നു. ലെജൻറ് സോളിസിറ്റേഴ്‌സ് , പ്രൈം കെയർ , പോൾ ജോൺ സോളി സിറ്റേഴ്സ് , ട്യൂട്ടേഴ്സ് വാലി , ടൂർ ഡിസൈനേഴ്സ് , ബഡ്ജൻസ് , എൻ ജെ ഗ്യാസ് ആൻറ് ഹീറ്റിംഗ് , മുത്തൂറ്റ് ഫിനാൻസ് , തുടങ്ങിയവർ സ്പോൺസേഴ്സായിരുന്നു.

ബോൾട്ടൺ മലയാളി അസോസിയേഷന്റെ ആഭിമുഖ്യത്തിൽ, ബോൾട്ടൺ സമൂഹത്തിൽ നിന്നും അകാലത്തിൽ പൊലിഞ്ഞ മൂന്ന് കുട്ടികളായ, ജോയൽ ജേസൺ, എവ്‌ലിൻ എന്നിവരുടെ മെമ്മോറിയൽ ട്രോഫിക്ക് വേണ്ടിയുള്ള ബാഡ്മിന്റൺ ടൂർണമെന്റ് ഏപ്രിൽ മാസം 29ന് ബോൾട്ടനിലെ എസ്സ, അക്കാടമിലയിൽ വെച്ച് നടത്തപ്പെടുന്ന വിവരം എല്ലാ ബാഡ്മിന്റൺ പ്രേമികളെയും അറിയിക്കുന്നു.

മത്സര വിജയികൾക്ക്, ജോയൽ, ജേസൺ, എവ്‌ലിൻ മെമ്മോറിയൽ ട്രോഫിയും,
ഒന്നാം സമ്മാനം: സ്കാൻ കബ്യുട്ടേഴ്‌സ് ബോൾട്ടൻ നൽകുന്ന £301ക്യാഷ് പ്രൈസും,
രണ്ടാം സമ്മാനം :GK Telecom നൽകുന്ന £250 ക്യാഷ് പ്രൈസും,
മൂന്നാം സമ്മാനം :AKMG Ltd നൽകുന്ന £101 ക്യാഷ് പ്രൈസും,
നാലാം സമ്മാനം Thira രസറന്റ്, Bolton, നൽകുന്ന £50 ക്യാഷ് പ്രൈസും
സമ്മാനമായി ലഭിക്കും.
ഏപ്രിൽ 29ന് രാവിലെ 9മണിക്ക് ആരംഭിക്കുന്ന മത്സരങ്ങളിൽ പങ്കെടുക്കാൻ താല്പര്യമുള്ളവർ,
താഴെ കൊടുത്തിരിക്കുന്ന നമ്പരുകളിൽ വിളിച്ച് നിങ്ങളുടെ അവസരം ബുക്ക്‌ ചെയ്യൂ,
രെജിസ്ട്രേഷൻ ഫീസ് £30.
Please contact,
Antony Chacko-07860480923
Sharon Joseph-07458157661

ലീഡ്സ് മലയാളി അസോസിയേഷന് നവ സാരഥികൾ. യുകെയിലെ വലിയ മലയാളി സംഘടനയായ ലീഡ്സ് മലയാളി അസോസിയേഷന്റെ പുതിയ പ്രസിഡന്റായി സാബുഘോഷിനേയും സെക്രട്ടറിയായി ബിനോയി ജേക്കബിനേയും ട്രഷററായി അജിനു സൈമൺ മാർക്കോസിനേയും തെരഞ്ഞടുത്തു. വൈസ് പ്രസിഡന്റായി റീന ഫിലിപ്സ് കടവിലിനേയും പ്രോഗ്രാം കോർഡിനേറ്ററായി അലക്സ് ജേക്കബിനേയും നിഥിൻ സ്റ്റാൻലിയേയും കമ്മറ്റി മെംബേഴ്സായി അജു ബേബിയും ബിനുമോൻ ജേക്കബും ജോസ് സെബാസ്റ്റൃൻ പടിപ്പുരയ്ക്കലും തെരഞ്ഞെടുക്കപ്പെട്ടു.

ഉണ്ണികൃഷ്ണൻ ബാലൻ

ഫെബ്രുവരി 4-ാം തീയതി ശനിയാഴ്ച്ച കെറ്ററിംഗിൽ ആരംഭിച്ച സമീക്ഷ യുകെയുടെ ആറാമത് ദേശീയ സമ്മേളനത്തോടനുബന്ധിച്ച് നടത്തുന്ന നാഷ്ണൽ ബാഡ്മിന്റൺ ടൂർണമെന്റിന്റെ റീജിയണൽ മത്സരങ്ങൾ പുരോഗമിക്കുന്നു. ഈ ശനിയും ഞായറുമായി (25,26) നാല് റീജണൽ മത്സരങ്ങൾ ആണ് നടക്കുന്നത്. മാഞ്ചസ്റ്റർ, നോർത്താംപ്റ്റൺ, ഷെഫീൽഡ് എന്നീ മൂന്ന് റീജിയണുകളിൽ ശനിയാഴ്ചയാണ് മത്സരങ്ങൾ. 26 ഞായറാഴ്ചയാണ് ഗോൾസ്റ്റർഷെയർ റീജിയണൽ മത്സരം.

നോർത്താംപ്റ്റൺ എലിസബത്ത് വുഡ്‌വില്ലെ സ്കൂളിൽ വെച്ചു നടക്കുന്നു. മത്സരത്തിൽ 16 ടീമുകൾ മാറ്റുരക്കും. മാഞ്ചസ്റ്റർ ന്യൂവാൾ ഗ്രീനിൽ വെച്ചു നടക്കുന്ന മത്സരത്തിൽ 22 ടീമുകൾ മത്സരിക്കും. ഷെഫീൽഡ് റീജണൽ മത്സരം നടക്കുന്നത് ബോൾസോവർ ഡിസ്ട്രിക്ട് കൗൺസിലിൽ വെച്ചാണ് . 18 ടീമുകളാണ് ഷെഫീൽഡിൽ മത്സരിക്കുക. 26 ഞായറാഴ്ച്ച മത്സരം നടക്കുന്ന ഗോൾസ്റ്റർഷെയർ റീജിയണിൽ ഇതിനകം 20 ടീമുകൾ റജിസ്റ്റർ ചെയ്തുകഴിഞ്ഞു. ഗ്ലൗസെസ്റ്റർ ഓക്സ്സ്റ്റൽസ് അറീനയാണ് മത്സരവേദി.

എല്ലാ റീജിയണലിലും മത്സര വിജയകൾക്ക് ക്യാഷ് പ്രൈസും ട്രോഫിയും ഉൾപ്പെടെയുള്ള സമ്മാനങ്ങളാണ് ലഭിക്കുക. കൂടാതെ റീജിയണൽ മത്സരങ്ങളിലെ വിജയികൾ മാർച്ച് 25 ന് മാഞ്ചസ്റ്ററിൽ വച്ച് നടക്കുന്ന ഗ്രാൻഡ് ഫിനാലെയിൽ പങ്കെടുക്കും . 1001 പൗണ്ടും എവറോളിങ്ങ് ട്രോഫിയുമാണ് ഗ്രാൻറ് ഫിനാലെയിലെ വിജയിക്ക് ലഭിക്കുക. വരും ആഴ്ചകളിലെല്ലാം വിവിധ റീജിയണലുകളിൽ മത്സരങ്ങൾ നടക്കുമെന്നും അതിന്റെ പ്രവർത്തനങ്ങൾ പുരോഗമിച്ചു വരുകയാണെന്നും റീജണൽ കോർഡിനേറ്റേഴ്സ് ആയ ജിജു സൈമൺ, ജോമിൻ ജോ എന്നിവർ അറിയിച്ചു. സമീക്ഷ യുകെ നാഷ്ണൽ ബാഡ്മിന്റൺ ടൂർണമെൻറിന് നൽകുന്ന പിന്തുണയ്ക്ക് യുകെയിലെ എല്ലാ വിഭാഗത്തിൽ പെട്ട ജനങ്ങളോടും നന്ദി അറിയിക്കുന്നതായും സംഘാടകർ അറിയിച്ചു.

സ്കോട്ട്ലൻഡിലെ ഫാൾകിർക് മലയാളികളുടെ കൂട്ടായ്മയായ F M K രൂപംകൊണ്ടിട്ടു അഞ്ചു വർഷം തികയുന്ന ഈ വേളയിൽ 2023 ഫെബ്രുവരി 22-ാം തീയതി നടന്ന പൊതുയോഗത്തിൽ 2023-2024 വർഷത്തിലേക്കുള്ള ഭാരവാഹികളെ തിരഞ്ഞെടുത്തു.

ഫ്രാൻസിസ് മാത്യു (പ്രസിഡൻറ് ),ബിജു ചെറിയാൻ (സെക്രട്ടറി) ,സണ്ണി സെബാസ്റ്റ്യൻ (ട്രഷറർ) ,മീന സാബു (വൈസ് പ്രസിഡൻറ് ), ജയ്സി ജോസഫ് (ജോയിന്റ് സെക്രട്ടറി) ,സജി ജോർജ് (ജോയിൻ ട്രഷറർ )എന്നിവരാണ് പുതിയ സാരഥികൾ .

ആക്ടിവിറ്റി കോഡിനേറ്റർമാരായി ടിസ്സൻ തോമസ് ,ലിസി ജിജോ ,ജെസി റോജൻ , ബിന്ദു സജി എന്നിവരെ തിരഞ്ഞെടുത്തു.

2020 മുതൽ 2023 വരെ കമ്മിറ്റിയെ ആത്മാർത്ഥമായി നയിച്ച സിജു അഗസ്റ്റിൻ ,ജിജോ തരകൻ ,ജെറി ജോസ് എന്നിവരെയും ലാലി ജോർജ് , ഡെയ്സി റോബിൻ ,നൈജോ പൗലോസ് ആക്ടിവിറ്റി കോർഡിനേറ്റർമാരായ ജെറീഷ് ഫിലിപ്പ് , അനീഷ രതീഷ് , റെനി സജി ,ബിൻസി ഷിബു എന്നിവരെയും യോഗം പ്രശംസിക്കുകയും നന്ദി അറിയിക്കുകയും ചെയ്തു.

2023 -2024 വർഷത്തിലേക്കുള്ള വിവിധ കർമ പരിപാടികൾക്ക് രൂപം കൊടുത്തുകൊണ്ട് കലാകായിക സാംസ്കാരിക സാമൂഹിക രംഗത്ത് മാതൃകാപരമായ പ്രവർത്തനം കാഴ്ചവെക്കും എന്നും സംഘടനയെ സ്കോട്ട്‌ലൻഡ് മലയാളികളുടെ അഭിമാനമായി ഉയർത്തുവാൻ എല്ലാവിധ പ്രവർത്തനങ്ങളും നടത്തുമെന്നും അതിനായി എല്ലാ അംഗങ്ങളുടെയും സഹകരണം ഉണ്ടാകണമെന്നും പ്രസിഡൻറ് ഫ്രാൻസിസ് മാത്യു അഭ്യർത്ഥിച്ചു.

ഉണ്ണികൃഷ്ണൻ ബാലൻ

സമീക്ഷ യു.കെ ആറാം ദേശീയ സമ്മേളന ലോഗോ പ്രകാശനം CPI(M) സംസ്ഥാന സെക്രട്ടറിയേറ്റംഗം സ.എം.സ്വരാജ് നിർവ്വഹിച്ചു. യു.കെ യിൽ നിന്നും,ലോകത്തിൻ്റെ വിവിധ കോണുകളിൽ നിന്നുമായി പങ്കെടുത്ത നിരവധി പേരുടെ നിറഞ്ഞ സാന്നിദ്ധ്യത്തിലായിരുന്നു സൂമിലൂടെയുള്ള പ്രകാശന കർമ്മം നിർവ്വഹിക്കപ്പെട്ടത്.

2019 ൽ “ലണ്ടൻ – ഹീത്രുവിൽ വച്ചു നടന്ന ദേശീയ സമ്മേളനത്തിൽ മുഖ്യാതിഥിയായും, ആറാം ദേശീയ സമ്മേളനത്തിന് ലോഗോ പ്രകാശനത്തിനായും പങ്കെടുക്കുമ്പോൾ, നാഷണൽ സെക്രടറി സ്വാഗത ഭാഷണത്തിൽ വിശേഷിപ്പിച്ച പോലെ സമീക്ഷ കുടുബത്തിൽ താനുമൊരംഗമാണെന്ന വികാരമാണ് എന്നിലുളവാകുന്നതെന്നും, ആ വിശേഷണം ഒരംഗീകാരമായിത്തന്നെ ഞാൻ സ്വീകരിക്കുന്നു”വെന്നും സ.സ്വരാജ് ആമുഖമായി പറഞ്ഞു.

യൂറോപ്യൻ നാടുകളിലെ പ്രവാസി സംഘടനകളിൽ നിന്ന് വ്യത്യസ്ഥമായി ഗൾഫ് മലയാളി സംഘടനകൾ നാടിൻ്റെ ദൈനംദിന പ്രശ്നങ്ങളിൽ ഏറെ താല്പര്യത്തോടെ ഇടപെടുന്നതായാണ് പൊതുവെ കണ്ടു വരുന്നത്. എന്നാൽ പിറന്ന നാടിൻ്റെ ഓരോ സ്പന്ദനങ്ങളോടും ഇടതുപക്ഷ പുരോഗമനാശയങ്ങൾ ഉയർത്തി പിടിച്ച് ക്രിയാത്മകമായി പ്രതികരിക്കുന്ന സമീക്ഷ യു.കെ യുറോപ്യൻ രാജ്യങ്ങളിലെ പ്രത്യേകിച്ച് യു.കെയിലെ മറ്റു പ്രവാസി സംഘടനകളിൽ നിന്നും വേറിട്ടു നിൽക്കുന്നുവെന്ന് എം.സ്വരാജ് അഭിപ്രായപ്പെട്ടു.

അവിചാരിതമായ ചില അസൗകര്യങ്ങൾ കാരണം മുഖ്യ പ്രഭാഷകനായിരുന്ന സ .കെ .ജയദേവന് ചടങ്ങിൽ സംബന്ധിക്കാനായില്ല.

സ.ചിഞ്ചു സണ്ണിയുടെ ആമുഖ പ്രസംഗത്തോടെ ചടങ്ങ് ആരംഭിച്ചു. ദേശീയ സെക്രട്ടറി സ: ദിനേശ് വെള്ളാപ്പള്ളി സ്വാഗതമാശംസിച്ചു. ദേശീയ പ്രസിഡൻ്റ് സ.ശ്രീകുമാർ ഉള്ളപ്പിള്ളിൽ സമീക്ഷയുടെ നേതൃത്വത്തിൽ പുരോഗമിക്കുന്ന ഷെയർ & കെയർ കമ്മ്യൂണിറ്റി പ്രോജക്റ്റിനെപ്പറ്റി വിശദീകരിച്ചു. സ.രാജി രാജൻ നന്ദി പ്രകാശിപ്പിച്ചു. സ.ശ്രീകാന്ത്, സ. മിഥുൻ, എന്നിവർ ഐ ടി വിഭാഗം കൈകാര്യം ചെയ്തു.

സ. ചിഞ്ചു സണ്ണിയുടെ ഉപസംഹാര പ്രസംഗത്തോടെ യോഗനടപടികൾ അവസാനിച്ചു.

രാജേഷ് നടേപ്പിള്ളി

യുകെയിലെ ഏറ്റവും പ്രമുഖ സംഘടനകളിൽ ഒന്നായ വിൽഷെയർ മലയാളി അസോസിയേഷന്റെ നേതൃത്വത്തിൽ ആരംഭിച്ച ‘അക്ഷരച്ചെപ്പ്’ മലയാളം സ്കൂളിന്റെ ഉദ്ഘാടനം പ്രൗഡോജ്വലമായി സംഘടിപ്പിച്ചു. ആഹ്ലാദം നിറഞ്ഞ അന്തരീക്ഷത്തിൽ ആദ്യ ദിനത്തിൽ തന്നെ അറുപത് കുരുന്നുകളാണ് മലയാളഭാഷയുടെ ആദ്യാക്ഷരം കുറിക്കുവാൻ എത്തി ഏവർക്കും മാതൃകയായത്.

മലയാളം മിഷൻ യുകെ ചാപ്റ്ററിന്റെ സഹകരണത്തോടെ വിൽഷെയർ മലയാളി അസോസിയേഷന്റെ പോഷക വിഭാഗമായ വുമൺസ് ഫോറവുമായി ചേർന്നാണ് സ്വിൻഡനിലും സമീപ പ്രദേശങ്ങളിലുമുള്ള മലയാളികൾക്ക് തങ്ങളുടെ വരുംതലമുറകളിലെ കുട്ടികൾ മലയാള ഭാഷ ശരിയായ രീതിയിൽ എഴുതുകയും വായിക്കുകയും സംസാരിക്കുകയും ചെയ്യണമെന്ന ലക്ഷ്യത്തോടെ ‘അക്ഷരച്ചെപ്പ്’ എന്ന പേരിൽ മലയാളം സ്കൂളിന് തുടക്കം കുറിച്ചത്.

കുട്ടികളും അധ്യാപകരും മാതാപിതാക്കളുമുൾപ്പെടെ തിങ്ങിനിറഞ്ഞ സദസ്സിനെ സാക്ഷിനിർത്തി ‘അക്ഷരചെപ്പ്’ മലയാളം സ്കൂളിന്റെ ഉദ്ഘാടനം മലയാളം മിഷൻ യു കെ ചാപ്റ്റർ പ്രസിഡന്റും ലോക കേരളസഭ അംഗവുമായ സി എ ജോസഫ് ഭദ്രദീപം തെളിച്ച് നിർവഹിച്ചു. വരുംതലമുറയിലേക്ക് നമ്മുടെ ഭാഷയും സംസ്കാരവും പൈതൃകവും പകർന്നു നൽകുന്നതിനുവേണ്ടി വിൽഷെയർ മലയാളി അസോസിയേഷൻ ‘അക്ഷരചെപ്പ്’ എന്ന പേരിൽ ആരംഭിച്ച മലയാളം ക്ലാസിനോടൊപ്പം കുട്ടികളുടെ ബുദ്ധിപരമായ വികാസത്തിന് പ്രചോദനമാകുന്ന ചെസ്സ് പരിശീലനവും നൽകുന്നതിലൂടെ വിൽഷെയർ മലയാളി അസോസിയേഷൻ മറ്റ് മലയാളി സംഘടനകൾക്കും കൂട്ടായ്മകൾക്കും മാതൃകയും പ്രചോദനവും വേറിട്ട കാഴ്ചപ്പാടുമാണ് നൽകുന്നതെന്നും സി എ ജോസഫ് സൂചിപ്പിച്ചു.

വിൽഷെയർ മലയാളി അസോസിയേഷൻ പ്രസിഡന്റും ‘അക്ഷരച്ചെപ്പ്’ മലയാളം സ്കൂളിന്റെ രക്ഷാധികാരിയുമായ പ്രിൻസ്മോൻ മാത്യു ചടങ്ങിൽ അധ്യക്ഷത വഹിച്ചു. വിദേശരാജ്യങ്ങളിൽ ജീവിക്കുന്ന മലയാളികളായ മാതാപിതാക്കൾ തങ്ങൾക്ക് പൈതൃകമായി ലഭിച്ചതും ജീവിതത്തിൽ എന്നും സുപ്രധാനമായ സ്ഥാനം നൽകുന്നതുമായ മാതൃഭാഷ തങ്ങളുടെ കുട്ടികളിലേക്കും ലഭ്യ മാക്കുന്നതിനുവേണ്ടിയുള്ള ധാർമ്മീകമായ വലിയ ഒരു ഉത്തരവാദിത്വമാണ് വിൽഷെയർ മലയാളി അസോസിയേഷൻ ഏറ്റെടുത്ത് നടപ്പിലാക്കുന്നതെന്നും ഈ ഉദ്യമത്തിന് സ്വിണ്ടനിലെയും സമീപ പ്രദേശങ്ങളിലെയും മുഴുവൻ മലയാളി കുടുംബാംഗങ്ങളുടെയും സഹകരണവും പ്രോത്സാഹനവും ഉണ്ടാവണമെന്നും അസോസിയേഷൻ പ്രസിഡന്റ് പ്രിൻസ്മോൻ മാത്യു തന്റെ അധ്യക്ഷപ്രസംഗത്തിൽ പ്രത്യേകമായി എടുത്തുപറഞ്ഞൂ.

എഡ്യൂക്കേഷൻ പ്രോഗ്രാം ലീഡ് ആന്റണി കൊച്ചിതറ, ചെസ്സ് ട്രെയിനർ ശ്രീനിവാസൻ ചിദംബരം, വുമൺസ് ഫോറം പ്രതിനിധി ഗീതു അശോകൻ തമ്പി, ജോയിന്റ് സെക്രട്ടറി സോണി കാച്ചപ്പള്ളി, ജോയിന്റ് ട്രഷറർ ജെയ്മോൻ ചാക്കോ എന്നിവർ ആശംസകളുമർപ്പിച്ചു.

കുട്ടികളെ സുഗമമായ രീതിയിൽ മലയാളം പഠിപ്പിക്കുന്നതിനായി പന്ത്രണ്ട് അധ്യാപകരുടെ പാനൽ രൂപീകരിക്കുവാൻ സാധിച്ചതും മലയാള ഭാഷയുടെ ആദ്യാക്ഷരം കുറിക്കുവാൻ തുടക്കത്തിൽ തന്നെ അറുപതോളം കുട്ടികളും മാതാപിതാക്കളും എത്തിച്ചേർന്നതും അസോസിയേഷൻ ആരംഭിച്ച ‘അക്ഷരച്ചെപ്പ്’ മലയാളം സ്കൂളിന് മലയാളി കുടുംബങ്ങൾ നൽകിയ വൻ സ്വീകാര്യതയും പ്രോത്സാഹനവുമാണ് ഉദ്ഘാടന പരിപാടിയിൽ പ്രതിഫലിച്ചത്. പരിപാടിയിൽ പങ്കെടുത്ത മുഴുവൻ ആളുകൾക്കും അസോസിയേഷൻ സെക്രട്ടറി പ്രദീഷ് ഫിലിപ്പ് സ്വാഗതമാശംസിച്ചു. പരിപാടിയുടെ വിജയത്തിനായി പ്രവർത്തിച്ചവർക്കും പങ്കെടുത്ത മുഴുവൻ ആളുകൾക്കും വൈസ് പ്രസിഡന്റ് ജോർജ്ജ് തോമസ് നന്ദിയും രേഖപ്പെടുത്തി.

ലുട്ടണിൽ നടക്കുന്ന ഈസ്റ്റ് ആംഗ്ലിയ റീജിയൻ ബാഡ്മിന്റൺ ടൂർണമെന്റിനുള്ള രജിസ്‌ട്രേഷൻ 20 ന് അവസാനിക്കും … യുകെയിലെ വിവിധ ഭാഗങ്ങളിൽ നിന്നുള്ള മലയാളികൾക്കായി നടത്തുന്ന ടൂർണമെന്റിന്റെ രജിസ്ട്രേഷന് ആവേശോജ്വല തുടക്കം …ഏകദേശം മുപ്പത്താറോളം ടീമുകൾ ഇതിനോടകം രജിസ്‌ട്രേഷൻ നടപടികൾ പൂർത്തിയാക്കിയതായി സംഘാടകർ അറിയിച്ചു …ആദ്യം രജിസ്റ്റർ ചെയ്യുന്ന 40 ടീമുകൾക്കാണ് ടൂർണമെന്റിൽ പങ്കെടുക്കുവാൻ സാധിക്കുക .

ഒരു ടീമിന് 40 പൗണ്ട് രജിസ്ട്രേഷൻ ഫീ ഈടാക്കുന്ന ടൂർണമെന്റിൽ ഒന്നാം സമ്മാനമായി 501 പൗണ്ടും ട്രോഫിയും 2 ആം സമ്മാനമായി 301 പൗണ്ടും ട്രോഫിയും 3ആം സമ്മാനമായി 201 പൗണ്ടും ട്രോഫിയും 4ആം സമ്മാനമായി 101 പൗണ്ടും ട്രോഫിയും നൽകുന്നതാണ് ..

ചുവടെ ചേർത്തിരിക്കുന്ന ലിങ്കിൽ ക്ലിക്ക് ചെയ്തു രജിസ്ട്രേഷൻ നടത്താവുന്നതാണ്.

https://forms.gle/RKcMENEsZKvhxWWF6

കൂടുതൽ വിവരങ്ങൾക്ക് റീജിയണൽ പ്രസിഡന്റ് ജെയ്സൺ ചാക്കോച്ചൻ (07403 957439) സെക്രട്ടറി ജോബിൻ ജോർജ് (07574674480). സ്പോർട്സ് കോഡിനേറ്റർ ഭുവനേഷ് പീതാംബരൻ .(07862273000) ഇവന്റ് കോഡിനേറ്റർമാരായ പ്രവീൺ . (07703463495) ജെയ്സൺ (07404796982) തുടങ്ങിയവരെ ബന്ധപ്പെടേണ്ടതാണ് .

Venue:Putteridge High School
Putteridge Rd, Luton LU2 8H