സനു ബേബി
ലോകത്തിലാകമാനം ഇരുൾ പരത്തിയ കോവിഡ് മഹാമാരിയുടെ ഫലമായി അതിജീവനത്തിന്റെ പാതയിലൂടെ മാനവരാശി കടന്നുപോകുമ്പോഴും ഗിൽഫോർഡ് അയൽക്കൂട്ടം കൾച്ചറൽ അസോസിയേഷൻ (ജി എ സി എ ) പൂർണ്ണമായും കോവിഡ് മാനദണ്ഡങ്ങൾ പാലിച്ച് വെർച്യുൽ പ്ലാറ്റ്ഫോമിലൂടെ വേറിട്ട വിസ്മയ കാഴ്ചകളൊരുക്കി ക്രിസ്തുമസ് ന്യൂ ഇയർ ആഘോഷം വർണ്ണാഭമായി നടത്തി. ലോക്ക്ഡൗൺ സമയത്ത് കുട്ടികളും മുതിർന്നവരും അവരവരുടെ വീടുകളിലാണ് വെർച്യുലായി പരിപാടികൾ അവതരിപ്പിച്ചത്. ലോക്ക്ഡൗൺ നിയന്ത്രണങ്ങൾആരംഭിക്കുന്നതിനു മുൻപ് ചിത്രീകരിച്ച പരിപാടികളുമുൾപ്പെടുത്തി അവതരിപ്പിച്ച ആഘോഷങ്ങളുടെ യൂട്യൂബ് വീഡിയോ ഇതിനോടകം നിരവധി ആളുകളുടെ പ്രശംസ ഏറ്റു വാങ്ങുകയുണ്ടായി.
മികച്ച അഭിനയ തനിമയിൽ മനോഹരമായി കുട്ടികൾ ഷാഡോ സ്ക്രീനിൽ അവതരിപ്പിച്ച നേറ്റിവിറ്റി ഷോ കാണികൾക്ക് നവ്യമായ അനുഭവമാണ് നൽകിയത് . മികവാർന്ന വിവരണങ്ങളും നൽകി അവതരിപ്പിച്ച നേറ്റിവിറ്റി ഷോയിൽ പങ്കെടുത്തവർ ബേസിൽ,കിങ്ങിണി,എലിസബത്ത് അനിഷ്ക, ജേക്കബ്, ഗീവർ,കെവിൻ,സ്റ്റീഫൻ, ജിൻസി, ചിന്നു, മോളി, അബിൻ എന്നിവരാണ്. തുടർന്ന് യുക്മ ദേശീയ ജനറൽസെക്രട്ടറി അലക്സ് വർഗീസ് വെർച് വൽ പ്ലാറ്റ്ഫോമിലൂടെ ജി എ സി എ യുടെ ക്രിസ്തുമസ്പുതുവത്സരാഘോഷങ്ങളുടെ ഔപചാരികമായി ഉദ്ഘാടനം നിർവഹിച്ചു. എല്ലാ കുടുംബാംഗങ്ങൾക്കും ക്രിസ്തുമസിന്റെയും പുതുവത്സരത്തിന്റേയും ഹൃദയം നിറഞ്ഞ ആശംസകൾ നേർന്ന അലക്സ് വർഗ്ഗീസ് ജി എസി എ കഴിഞ്ഞ വർഷം യുക്മയിൽ അംഗത്വമെടുത്ത ഉടനെ നടത്തിയ യുക്മ സൗത്ത് ഈസ്റ്റ് റീജിയണൽ കലാമേളയിൽ മികച്ച രീതിയിൽ പങ്കെടുത്ത് വിജയിച്ച ജി എ സി എ യിലെ അംഗങ്ങളെ അഭിനന്ദിക്കുകയുംചെയ്തു. നിരവധി പ്രതിഭകൾ അംഗങ്ങളായുള്ള ജി എ സി എ എന്ന സംഘടന യുക് മയ്ക്കും യു കെ മലയാളി സമൂഹത്തിനും മാതൃകാപരമായ പ്രവർത്തനങ്ങൾ തുടർന്നും നടത്തുവാൻ ഇടയാകട്ടെയെന്നും അദ്ദേഹംആശംസിച്ചു.
വെർച്ച് വൽ പ്ലാറ്റ് ഫോമിൽ നൂതനമായ സാങ്കേതിക മികവിൽ വൈവിധ്യമാർന്ന കലാപരിപാടികളാണ് ആഘോഷങ്ങൾക്ക് മാറ്റു കൂട്ടുവാനായി അവതരിപ്പിച്ചത് . മഞ്ഞണിഞ്ഞ രാവിന്റെയും മിന്നിത്തിളങ്ങുന്ന നക്ഷത്രങ്ങളുടെയും ഉണ്ണിയേശു പിറന്ന പുൽക്കൂടിന്റെയും ദൃശ്യ ഭംഗിയിൽ ജി എ സി എ യിലെ ഗായകർ ക്രിസ്തുമസ് കരോൾ ഗാനമാലയൊരുക്കി അവതരിപ്പിച്ച ‘മെഡ് ലി’ ഏവർക്കും നവ്യമായ സംഗീതാനുഭവം നൽകി. ആസ്വാദകരുടെ മുക്തകണ്ഠമായ പ്രശംസ ഏറ്റുവാങ്ങിയ കരോൾ ഗാനമാലയിൽ ഗാനങ്ങൾ ആലപിച്ചത് അബിൻജോർജ്ജ്, സജി ജേക്കബ് , സി എ ജോസഫ് , സിനി ജോസഫ്, ജെസ്‌വിൻ ജോസഫ്, വിനോദ് പിള്ള, ബിനോദ് ജോസഫ് എന്നിവരാണ്.
ജി എസ് സി എ യുടെ വെർച് വൽ ആഘോഷപരിപാടികളെ സമ്പന്നമാക്കുവാനായി കാണികളെ വിസ്മയിപ്പിച്ച വ്യത്യസ്തതയാർന്ന നൃത്തങ്ങളും അവതരിപ്പിക്കുകയുണ്ടായി. ജി എ സി എ യുടെ കൊച്ചു നർത്തകരായ ബേസിൽ, സ്കാർലെറ്റ് , അൻഷിക, കിങ്ങിണി, എലിസബത്ത്, ഇവ, മനസ്വിനി, എൽസാ, മെറിൻ, സ്റ്റീഫൻ, ഗീവർ, ജേക്കബ്, ദിവ്യ, കെവിൻ എന്നിവർ ചേർന്ന് ഏവർക്കും ആകർഷണീയമായ നൃത്തങ്ങൾ അവതരിപ്പിച്ചപ്പോൾ മുതിർന്നവരായ ആതിര,സരിത,ചിന്നു, ജിനി, ജിൻസി, മോളി ഫാൻസി എന്നിവർ അവതരിപ്പിച്ച നയനാനന്ദകരവും വൈവിധ്യമാർന്നതുമായ നൃത്തങ്ങൾ കാണികളെ ഉന്നതമായ ആസ്വാദനതലങ്ങളിൽ എത്തിച്ചു.
കോവിഡ് മഹാമാരിയുടെ രണ്ടാംവരവിൽ ആളുകൾ വിറങ്ങലിച്ചു നിൽക്കുന്ന അവസരത്തിലും ജി എ സി എ നടത്തിയ വെർച് വൽ ക്രിസ്മസ് ആഘോഷങ്ങളുടെ ഇടയിൽ എല്ലാവർക്കും ആശ്വാസ സന്ദേശവുമായി സന്റാക്ലോസ് എത്തിയത് മുഴുവൻ കുടുംബാംഗങ്ങൾക്കും സന്തോഷമുളവാക്കി. പൂർണ്ണമായും കോവിഡ് മാനദണ്ഡങ്ങൾപാലിച്ച് കൈയുറയും മാസ്ക്കും ധരിച്ചെത്തിയ സാന്റാ ജി എ സി എ യിലെ എല്ലാ അംഗങ്ങൾക്കും കുടുംബങ്ങൾക്കും സന്തോഷത്തിന്റെയും സമാധാനത്തിന്റേയും ക്രിസ്തുമസ് പുതുവത്സരാശംസകൾ നേർന്നു.
കോവിഡ് മഹാമാരിയുടെ ഈ കാലഘട്ടത്തിൽ എല്ലാവരും സുരക്ഷിതരായിരിക്കുവാനായി മാസ്ക് ധരിക്കുക, സാമൂഹിക അകലം പാലിക്കുക, സാനിറ്റൈസർ ഉപയോഗിച്ച് ശുചിത്വം പാലിക്കുക, ആൾക്കൂട്ടങ്ങൾ ഒഴിവാക്കുക തുടങ്ങിയ പ്രതിരോധനടപടികൾ എല്ലാവരും സ്വീകരിക്കണമെന്നും സാന്റാ അഭ്യർത്ഥിച്ചു. കോവിഡ് മാനദണ്ഡങ്ങൾ പാലിക്കേണ്ടതുകൊണ്ട്‌ എല്ലാവരുടെയും ഭവനങ്ങളിൽ അടുത്തവർഷം സമ്മാനങ്ങളുമായി എത്താമെന്നും ഉറപ്പു നൽകിയാണ് സാന്റാ മടങ്ങിയത്. ജി എ സി എ യിലെ അംഗമായ ജോയൽ ജോസഫാണ് സാന്റാ ക്ലോസിന്റെ വേഷമണിഞ്ഞ് ആശംസ നേരുവാനെത്തി എല്ലാവരുടെയും പ്രശംസ പിടിച്ചു പറ്റിയത്.
വെർച് വൽ ആഘോഷപരിപാടികളുടെ തുടക്കം മുതൽ അവസാനം വരെ എല്ലാ പ്രോഗ്രാമുകളുടെയും തിളക്കം നഷ്ടപ്പെടുത്താതെ മികവാർന്ന രീതിയിൽ ആങ്കറിംഗ് നടത്തിയ ജി എ സി എ യിലെ അംഗങ്ങളും നവദമ്പതികളുമായ എൽദോയും ചിഞ്ചുവും ഏവർക്കും പ്രിയങ്കരരായി മാറി. ക്രിസ്മസ് സന്ദേശം നൽകിയ ജി എസി എ പ്രസിഡണ്ട് നിക്‌സൺ ആന്റണി മുഖ്യാതിഥിയായി എത്തിയ യുക്മ ജനറൽ സെക്രട്ടറി അലക്സ് വർഗീസിനും പരിപാടികളിൽ പങ്കെടുത്ത് വിജയിപ്പിച്ച എല്ലാവർക്കും നന്ദിയും പ്രകാശിപ്പിച്ചതിനോടൊപ്പം എല്ലാ കുടുംബാംഗങ്ങൾക്കും ക്രിസ്തുമസ് പുതുവത്സരാശംസകളും നേർന്നു.
ജി എ സി എ യുടെ വെർച്വൽ ആഘോഷപരിപാടികളുടെ വീഡിയോ എഡിറ്റ് ചെയ്ത് അവതരിപ്പിച്ച നിക്‌സൺ ആന്റണിയെയും സഹായങ്ങൾ നൽകിയ ചിന്നു ജോർജിനെയും ജി എ സി എ എക്സിക്യൂട്ടീവ് കമ്മിറ്റി പ്രത്യേകമായി അഭിനന്ദിച്ചു. മഹാമാരിയുടെ സമയത്തും സുരക്ഷിതമായ മാനദണ്ഡങ്ങൾ പാലിച്ചു സംഘടിപ്പിച്ച ക്രിസ്തുമസ് പുതുവത്സരാഘോഷങ്ങൾ വൻ വിജയമാക്കിത്തീർത്ത എല്ലാവർക്കും ജി എ സി എ പ്രസിഡണ്ട് നിക്‌സൺ ആന്റണി, സെക്രട്ടറി സനു ബേബി, ട്രഷറർ ഷിജു മത്തായി എന്നിവർ നന്ദി അറിയിച്ചു. ജി എ സി എയുടെ ക്രിസ്തുമസ് പുതുവത്സരാഘോഷങ്ങളുടെ വീഡിയോ കാണുവാൻ താഴെകൊടുത്തിരിക്കുന്ന ലിങ്ക് ക്ലിക്ക് ചെയ്യുക.
ഈ വർഷവും പതിവുപോലെ ഗംഭീരമായി ക്രിസ്തുമസ്-പുതുവത്സര ആഘോഷങ്ങളുമായി മുന്നോട്ട് വന്നിരിക്കുകയാണ് ബിർമിങ്ഹാം സിറ്റി മലയാളി കമ്മ്യൂണിറ്റി. കൊറോണ രോഗവ്യാപനത്തിൻെറ പശ്ചാത്തലത്തിൽ വിർച്ച്വൽ പ്ലാറ്റ്ഫോമിൽ ആയിരിക്കും ആഘോഷങ്ങൾ നടത്തപ്പെടുന്നത്. ജനുവരി രണ്ടിന് 4 മണി മുതൽ ആണ് ബിസിഎംസിയുടെ ക്രിസ്തുമസ് പുതുവത്സര ആഘോഷങ്ങൾ നടത്തപ്പെടുന്നത്.
ഇതോടൊപ്പംതന്നെ പുൽക്കൂട് മത്സരവും നടത്തപ്പെടുന്നുണ്ട്. പുൽക്കൂട് മത്സരത്തിൻെറ എൻട്രികൾ അയക്കേണ്ടത് [email protected] എന്ന ഇമെയിൽ അഡ്രസ്സിലേയ്ക്കാണ്. എൻട്രികൾ ലഭിക്കേണ്ട അവസാന തീയതി ഡിസംബർ 30 ആണ്.
കൂടുതൽ വിവരങ്ങൾ താഴെ പറയുന്ന ഫോൺ നമ്പറിൽ നിന്ന് ലഭ്യമാണ്.
ഷീന സാജു – 07925915858 , ഷൈനി നോബിൾ – 07809377301 , ബീന ബെന്നി – 07828792935
ഏബ്രഹാം കുര്യൻ
മലയാളം മിഷൻ യുകെ ചാപ്റ്ററിന്റെ ശത ദിന കർമ്മ പരിപാടിയായ മലയാളം ഡ്രൈവിൽ മലയാളത്തിലെ പ്രശസ്ത സാഹിത്യ കാരനും തുഞ്ചത്തെഴുത്തച്ഛൻ മലയാളം സർവ്വകലാശാല വൈസ് ചാൻസിലറുമായ ഡോ. അനിൽ വള്ളത്തോൾ ഇന്ന് (27/12/20) 4പി എമ്മിന് (09.30PM IST) ‘പ്രവാസി മലയാളം: ചില ആലോചനകൾ’ എന്ന വിഷയത്തിൽ പ്രഭാഷണം നടത്തുന്നു. മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ നടത്തുന്ന ഈ പ്രഭാഷണത്തിലും സംവാദത്തിലും പങ്കെടുക്കുവാൻ എല്ലാ മലയാള ഭാഷാസ്നേഹികളെയും ഹാർദ്ദവമായി സ്വാഗതം ചെയ്യുന്നു.
എഴുത്തുകാരൻ അധ്യാപകൻ, വിവിധ സർവ്വകലാശാലകളിൽ ബോർഡ് ഓഫ് സ്റ്റഡീസ് അംഗം, കേന്ദ്ര സാഹിത്യ അക്കാഡമി മലയാള ഉപദേശക സമിതി അംഗം, തുഞ്ചൻ സ്മാരക ട്രസ്റ്റ് അംഗം, എസ് സി ഇ ആർ ടി ഉപദേശക സമിതി അംഗം, വള്ളത്തോൾ വിദ്യാപീഠം ട്രസ്റ്റ് അംഗം എന്നീ നിലകളിൽ ഡോ അനിൽ വള്ളത്തോൾ വ്യക്തി മുദ്ര പതിപ്പിച്ചിട്ടുണ്ട്. വള്ളത്തോളിന്റെ കാവ്യശൈലി, കാവ്യഭാഷാ പഠനങ്ങൾ, വള്ളത്തോൾ പ്രതിഭ, കുറ്റിപ്പുറത്ത് കേശവൻ നായർ, മണിപ്രവാള കാവ്യ മാലിക, ഭാഗവത പഠനങ്ങൾ, ടി എൻ ഗോപിനാഥൻ നായർ തുടങ്ങി പതിനഞ്ചോളം പുസ്തകങ്ങൾ, എഴുപതോളം ഗവേഷണ പ്രബന്ധങ്ങൾ എന്നിവ ഡോ അനിൽ വള്ളത്തോളിന്റേതായുണ്ട് . ഇതിൽ ‘കുറ്റിപ്പുറത്ത് കേശവൻ നായർ’ എന്ന ജീവ ചരിത്ര കൃതിക്ക് 2015ലെ പി കെ പരമേശ്വരൻ നായർ സ്മാരക ട്രസ്റ്റ് പുരസ്കാരം ലഭിച്ചിട്ടുണ്ട്.
മലയാളം മിഷൻ യുകെ ചാപ്റ്റർ കേരളപ്പിറവിദിനത്തിൽ മലയാളഭാഷാ പ്രചാരണത്തിനായി തുടക്കം കുറിച്ച മലയാളം ഡ്രൈവിന്റെ ഭാഗമായി ഫെബ്രുവരി രണ്ടാം വാരം അവസാനിക്കുന്ന നൂറുദിന കർമ്മ പരിപാടികൾ ആണ് വിഭാവനം ചെയ്തിരിക്കുന്നത് . മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ നടത്തുന്ന ഈ സാംസ്കാരിക പരിപാടികൾക്ക് വിവിധ മേഖലകളിൽ നിന്നുമുള്ള ആളുകളുടെ മികച്ച പിന്തുണയാണ് ലഭിച്ചുകൊണ്ടിരിക്കുന്നത് . ഇക്കഴിഞ്ഞ ആഴ്ചകളിൽ മലയാളം മിഷൻ രജിസ്ട്രാർ ശ്രീ എം സേതുമാധവൻ, ദളിത് ആക്ടിവിസ്റ്റ് ശ്രീമതി മൃദുലാദേവി എസ്, ബല്ലാത്ത പഹയൻ ശ്രീ വിനോദ് നാരായണൻ, ഗോൾഡ് 101.3 FM ന്യൂസ് എഡിറ്റർ തൻസി ഹാഷിർ, ഉത്തരാധുനീക സാഹിത്യകാരൻ ശ്രീ പി.എൻ ഗോപീകൃഷ്ണൻ, മാധ്യമ പ്രവർത്തകൻ ശ്രീ സി അനൂപ് എന്നിവർ നടത്തിയിരുന്ന പ്രഭാഷണങ്ങൾ കേൾക്കുവാൻ നിരവധി ആളുകളാണ് താല്പര്യപൂർവ്വം ലൈവിൽ എത്തിയിരുന്നത്ത് .ഭാഷാ സ്നേഹികളായ പല ആളുകളും പ്രഭാഷകാരോട് ചോദ്യങ്ങൾ ചോദിക്കുകയും ക്രിയാത്മകമായ സംവാദങ്ങളിൽ ഏർപ്പെടുകയും ചെയ്തിരുന്നു. ആയിരങ്ങൾ ആ പ്രഭാഷണങ്ങൾ ശ്രവിക്കുകയും ചെയ്തു, എന്നാൽ ഡിസംബർ 20ന് പ്രശസ്ത എഴുത്തുകാരനും, സാഹിത്യ വിമർശകനും, മാധ്യമ പ്രവർത്തകനുമായ ഡോ പി കെ രാജശേഖരന്റെ പ്രഭാഷണം സാങ്കേതിക തടസം മൂലം പൂർത്തിയാക്കുവാൻ കഴിയാഞ്ഞതിൽ മലയാളം മിഷനുള്ള ഖേദം രേഖപ്പെടുത്തുന്നു. ശ്രോതാക്കളുടെ അഭ്യർത്ഥന മാനിച്ച് ഡോ പി കെ രാജശേഖരന്റെ പ്രഭാഷണവും സംവാദവും മലയാളം ഡ്രൈവ് മറ്റൊരു ദിവസം ലൈവ് ചെയ്യുമെന്ന് അറിയിക്കുന്നു.
മലയാളം മിഷൻ അധ്യാപകർക്കും കുട്ടികൾക്കും ഭാഷാ സ്നേഹികൾക്കും പ്രയോജനപ്രദമായ മലയാളം മിഷൻ യുകെ ചാപ്റ്ററിന്റെ നേതൃത്വത്തിൽ നടത്തുന്ന മലയാളം ഡ്രൈവിന്റെ പ്രവർത്തനങ്ങൾ ഏകോപിപ്പിക്കുന്നത് പ്രവർത്തക സമിതി അംഗങ്ങളായ ആഷിക് മുഹമ്മദ് നാസർ, ജനേഷ് നായർ, ബേസിൽ ജോൺ എന്നിവരാണ്.
മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ എല്ലാവർക്കും പ്രയോജനപ്രദമായ ലൈവ് പ്രഭാഷണങ്ങളും, ഭാഷാ ഉന്നമനത്തിനായി നടത്തുന്ന പരിപാടികളും, ഭാഷാസ്നേഹികളായ മുഴുവൻ ആളുകളും പ്രോൽസാഹിപ്പിക്കണമെന്ന് മലയാളം മിഷൻ യുകെ ചാപ്റ്റർ പ്രസിഡന്റ് സി എ ജോസഫും സെക്രട്ടറി ഏബ്രഹാം കുര്യനും അഭ്യർത്ഥിച്ചു.
ഇന്ന് (27-12-20) ഞായറാഴ്ച്ച വൈകിട്ട് യുകെ സമയം 4PM, ഇൻഡ്യൻ സമയം 09.30 PM നുമാണ് ഡോ. അനിൽ വള്ളത്തോൾ ‘പ്രവാസി മലയാളം: ചില ആലോചനകൾ’ എന്ന വിഷയത്തിൽ പ്രഭാഷണവും സംവാദവും നടത്തുന്നത്. തത്സമയം പരിപാടിയിൽ പങ്കെടുക്കുന്നതിന് താഴെ കൊടുത്തിരിക്കുന്ന ലിങ്ക് ക്ലിക്ക് ചെയ്യുക . മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജ് ലൈക്ക് ചെയ്തും പരിപാടികൾ ഷെയർ ചെയ്തും പ്രോത്സാഹിപ്പിക്കുക.
ടോം ജോസ് തടിയംപാട്
കൊറോണമൂലം വളരെ പരിമിതമായ സാഹചര്യത്തിലാണെങ്കിലും ഇന്ന് ക്രിസ്തുമസ് ആഘോഷിക്കാൻ തയാറെടുക്കുന്ന നിങ്ങൾ ദയവായി ഈ കുടുംബത്തിന്റെ കണ്ണുനീർ കാണാതിരിക്കരുത്, നിങ്ങളുടെ ചെറിയ സഹായം ഇടുക്കി കീരിത്തോട് സ്വദേശി പനംതോട്ടത്തിൽ മാത്യുവിന്റെ ജീവൻ രക്ഷിക്കാൻ ഉപകരിക്കും. മാത്യുവിനു വേണ്ടി ഇടുക്കി ചാരിറ്റി ഗ്രൂപ്പ് യു കെ നടത്തുന്ന ചാരിറ്റിക്ക് ഇതുവരെ 435 പൗണ്ട് ലഭിച്ചു. ബാങ്കിന്റെ സമ്മറി സ്റ്റേറ്റ്മെന്റ് താഴെ പ്രസിദ്ധീകരിക്കുന്നു.
ചെറുതോണി ഗിരിജോതി കോളേജിലെ ബസ് ഡ്രൈവർ ജോലികൊണ്ടും ഭാര്യയും ഹൈസ്കൂൾ വിദ്യാർത്ഥിയായ മകനും പിതാവും മാതാവും അടങ്ങുന്ന കുടുംബം നടത്തിയിരുന്ന ഇടുക്കി കീരിത്തോട് സ്വദേശി പനംതോട്ടത്തിൽ മാത്യുവിന്റെ ജീവിതം തകർന്നടിയുന്നത് കഴിഞ്ഞ മാർച്ച് മാസത്തിലാണ്. ജോലികഴിഞ്ഞു വന്ന മാത്യുകുട്ടിയെ ദേഹസ്വാസ്ഥതയെ തുടർന്ന് ആശുപത്രിയിൽ പ്രവശിച്ചപ്പോൾ അറിയുന്നത് കിഡ്‌നിയുടെ പ്രവർത്തനം നിലക്കാറായി എന്നാണ് അന്നുമുതൽ തുടങ്ങിയ ഡയാലിസ് ഇന്നും തുടരുന്നു. കൃഷിക്കാരനായ പിതാവിന് മറ്റു വരുമാനമൊന്നും ഇല്ലാതെ കുടുംബവും കഷ്ടത്തിലായി .
മാത്യുക്കുട്ടിക്ക് വേണ്ടി കിഡ്‌നി നൽകാൻ ഭാര്യ തയ്യാറാണ്. പക്ഷെ മാറ്റിവയ്ക്കാൻ പണം വേണം. ഫ്രീ ആയി ചെയ്തുതരും എന്ന് പരസ്യ൦ കണ്ടു അവിടെ എത്തുമ്പോൾ മിനിമം 5 ലക്ഷമാണ് അവർ ചോദിക്കുന്നത്. കൂടാതെ ഓപ്പറേഷന് ശേഷമുള്ള ചികിത്സയ്ക്കും പണം വേണം. ഇതുതാങ്ങാൻ ഈ കുടുബത്തിന് ആവതില്ല. നിങ്ങളെകൊണ്ട് കഴിയുന്നത് താഴെ കാണുന്ന ഇടുക്കി ചാരിറ്റി ഗ്രൂപ്പ് യുകെയുടെ അക്കൗണ്ടിൽ നൽകുക. ഈ ക്രിസ്തുമസ് ഈ കുടുംബത്തിന് ഒരു കൈതാങ്ങാകട്ടെ. ഞങ്ങളെ മാത്യുക്കുട്ടിയുടെ വിവരങ്ങൾ അറിയിച്ചത് കീരിത്തോടിലെ സാമൂഹിക പ്രവർത്തകനായ അജീഷ് ജോർജ് ആണ് .
പണം തരുന്ന ആരുടെയും പേരുകള്‍ ഒരു പൊതുസ്ഥലത്തും പ്രസിദ്ധീകരിക്കുന്നതല്ല. വിശദമായ ബാങ്ക് സ്റ്റേറ്റ്മെന്റ്റ്‌ മെയില്‍വഴിയോ, ഫേസ് ബുക്ക്‌ മെസ്സേജ് വഴിയോ, വാട്ട്സാപ്പ് വഴിയോ എല്ലാവർക്കും അയച്ചു തരുന്നതാണ്. ഞങ്ങൾ നടത്തിയ എല്ലാ പ്രവര്‍ത്തനങ്ങളും ഇടുക്കി ചാരിറ്റി ഗ്രൂപ്പ് യു കെ എന്ന ഫേസ് ബുക്ക്‌ പേജിൽ പ്രസിദ്ധീകരിച്ചിട്ടുണ്ട്. നിങ്ങളുടെ സഹായങ്ങള്‍ താഴെ കാണുന്ന ഇടുക്കി ചാരിറ്റി ഗ്രൂപ്പ് അക്കൗണ്ടിൽ ദയവായി നിക്ഷേപിക്കുക.
“ദാരിദ്രൃം എന്തെന്നറിഞ്ഞവർക്കെ പാരിൽ പരക്ലേശവിവേകമുള്ളു.””,
ACCOUNT NAME , IDUKKI GROUP
ACCOUNT NO 50869805
SORT CODE 20-50.-82
BANK BARCLAYS.
ഇടുക്കി ചാരിറ്റി വേണ്ടി സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ്‌ 07803276626..
ഏബ്രഹാം കുര്യൻ
മലയാളം മിഷൻ യുകെ ചാപ്റ്ററിന്റെ ശത ദിന കർമ്മ പരിപാടിയായ മലയാളം ഡ്രൈവിൽ മലയാളത്തിലെ പ്രശസ്ത സാഹിത്യ വിമർശകനും മാധ്യമ പ്രവർത്തകനുമായ ‘ ഡോ.പി കെ രാജശേഖരൻ ഇന്ന് (20/12/20) 5 പി എമ്മിന് (10.30PM (IST)(‘മലയാള സാഹിത്യവും ചലച്ചിത്ര ലോകവും’ എന്ന വിഷയത്തിൽ പ്രഭാഷണം നടത്തുന്നു. മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ നടത്തുന്ന ഈ പ്രഭാഷണത്തിലും സംവാദത്തിലും പങ്കെടുക്കുവാൻ എല്ലാ ഭാഷാസ്നേഹികളെയും ഹാർദ്ദവമായി സ്വാഗതം ചെയ്യുന്നു.
പ്രശസ്ത എഴുത്തുകാരനും സാഹിത്യവിമർശകനും പത്രപ്രവർത്തകനുമായി അറിയപ്പെടുന്ന ഡോ.പി കെ രാജശേഖരൻ കേരള യൂണിവേഴ്സിറ്റിയിൽ നിന്നും പിഎച്ച്ഡിയും കരസ്ഥമാക്കിയിട്ടുണ്ട് . സാഹിത്യ നിരൂപണത്തിന് കേരള സാഹിത്യ അക്കാദമി അവാർഡും കേരള സാഹിത്യ അക്കാദമിയുടെ ആദ്യത്തെ വിലാസിനി പുരസ്കാരവും ലഭിച്ചിട്ടുണ്ട് .
കേരള മീഡിയ അക്കാദമി ഫെലോഷിപ്പ് ലഭിച്ചിട്ടുള്ള രാജശേഖരൻ മാതൃഭൂമി ന്യൂസ് എഡിറ്ററുമായിരുന്നു. പിതൃഘടികാരം: ഒ.വി. വിജയന്റെ കലയും ദർശനവും, അന്ധനായ ദൈവം: മലയാള നോവലിന്റെ നൂറുവർഷങ്ങൾ, ഏകാന്തനഗരങ്ങൾ: ഉത്തരാധുനിക മലയാളസാഹിത്യത്തിന്റെ സൗന്ദര്യശാസ്ത്രം, കഥാന്തരങ്ങൾ: മലയാള ചെറുകഥയുടെ ആഖ്യാനഭൂപടം, നിശാസന്ദർശനങ്ങൾ, വാക്കിന്റെ മൂന്നാംകര, നരകത്തിന്റെ ഭൂപടങ്ങൾ, എന്നിവയാണ് തിരുവനന്തപുരം സ്വദേശിയായ ഡോ. പി കെ രാജശേഖരന്റെ പ്രധാന കൃതികൾ.
മലയാളം മിഷൻ യുകെ ചാപ്റ്റർ കേരളപ്പിറവിദിനത്തിൽ മലയാളഭാഷാ പ്രചാരണത്തിനായി തുടക്കം കുറിച്ച മലയാളം ഡ്രൈവിന്റെ ഭാഗമായി ഫെബ്രുവരി രണ്ടാം വാരം അവസാനിക്കുന്ന നൂറുദിന കർമ്മ പരിപാടികൾ ആണ് സംഘാടകർ വിഭാവനം ചെയ്തിരിക്കുന്നത് . മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ നടത്തുന്ന സാംസ്കാരിക പരിപാടികൾക്ക് വിവിധ മേഖലകളിൽ നിന്നുമുള്ള ആളുകളുടെ മികച്ച പിന്തുണയാണ് ലഭിച്ചുകൊണ്ടിരിക്കുന്നത് . ഇക്കഴിഞ്ഞ ആഴ്ചകളിൽ നടത്തിയിരുന്ന പ്രഭാഷണങ്ങൾ കേൾക്കുവാൻ നിരവധി ആളുകളാണ് താല്പര്യപൂർവ്വം ലൈവിൽ എത്തിയിരുന്നത് . ഭാഷാ സ്നേഹികളായ പല ആളുകളും പ്രഭാഷകാരോട് ചോദ്യങ്ങൾ ചോദിക്കുകയും ക്രിയാത്മകമായ സംവാദങ്ങളിൽ ഏർപ്പെടുകയും ചെയ്തിരുന്നു.
മലയാളം അധ്യാപകർക്കും കുട്ടികൾക്കും പൊതുജനങ്ങൾക്കും പ്രയോജനപ്രദമായ മലയാളം മിഷൻ യുകെ ചാപ്റ്ററിന്റെ നേതൃത്വത്തിൽ നടത്തുന്ന മലയാളം ഡ്രൈവിന്റെ പ്രവർത്തനങ്ങൾ ഏകോപിപ്പിക്കുന്നത് പ്രവർത്തക സമിതി അംഗങ്ങളായ ആഷിക് മുഹമ്മദ് നാസർ, ജനേഷ് നായർ, ബേസിൽ ജോൺ എന്നിവരാണ്.
മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ എല്ലാവർക്കും പ്രയോജനപ്രദമായ ലൈവ് പ്രഭാഷണങ്ങളും ഭാഷാ ഉന്നമനത്തിനായി നടത്തുന്ന മുഴുവൻ പരിപാടികളും ഭാഷാസ്നേഹികളായ മുഴുവൻ ആളുകളും പ്രോൽസാഹിപ്പിക്കണമെന്ന് മലയാളം മിഷൻ യുകെ ചാപ്റ്റർ പ്രസിഡന്റ് സി എ ജോസഫും സെക്രട്ടറി ഏബ്രഹാം കുര്യനും അഭ്യർത്ഥിച്ചു.
ഇന്ന് (20-12-20) ഞായറാഴ്ച്ച വൈകിട്ട് യുകെ സമയം 5PM, ഇൻഡ്യൻ സമയം 10.30 PM നുമാണ് ഡോ. പി കെ രാജശേഖരൻ ‘മലയാള സാഹിത്യവും ചലച്ചിത്ര ലോകവും’എന്ന വിഷയത്തിൽ പ്രഭാഷണവും സംവാദവും നടത്തുന്നത്. തത്സമയം പരിപാടിയിൽ പങ്കെടുക്കുന്നതിന് താഴെ കൊടുത്തിരിക്കുന്ന ലിങ്ക് ക്ലിക്ക് ചെയ്യുക . മലയാളം മിഷൻ യുകെ ചാപ്റ്റന്റെ ഫേസ്ബുക്ക് പേജ് ലൈക്ക് ചെയ്തും പരിപാടികൾ ഷെയർ ചെയ്തും പ്രോത്സാഹിപ്പിക്കുക.
ബിജു ഗോപിനാഥ്
കേരളത്തിലെ തദ്ദേശ തെരഞ്ഞെടുപ്പിൽ ഇടതുപക്ഷ ജനാധിപത്യമുന്നണി വൻവിജയം നേടി ചരിത്രം സൃഷ്ടിച്ചിരിക്കുകയാണ് . പ്രതിപക്ഷമായ യുഡിഎഫും ബിജെപിയും മാധ്യമങ്ങളും കേന്ദ്രസർക്കാർ ഏജൻസികളും എല്ലാം ഒന്നിച്ചണിചേർന്നു ഇടതുപക്ഷ സർക്കാരിനെതിരെ നടത്തുന്ന വലിയതോതിലുള്ള അപാവാദപ്രചാരണങ്ങളും കടന്നാക്രമണങ്ങളും അതിജീവിച്ചാണ് ഇടതുപക്ഷ ജനാധിപത്യ മുന്നണി ഈ ഐതിഹാസിക വിജയം കരസ്ഥമാക്കിയത് .
കേരളം പ്രതിസന്ധികൾ നേരിട്ടപ്പോൾ ആ പ്രതിസന്ധികളെ ഒറ്റകെട്ടായി കരുത്തോടെ നേരിട്ട സ.പിണറായി വിജയൻറെ നേതൃത്വത്തിലുള്ള സർക്കാരിനും അതിന്റെ ജനപക്ഷനയങ്ങൾക്കും വികസന കാഴ്‌ചപ്പാടിനുമുള്ള വലിയ അംഗീകാരം ആണ് ഈ ജനവിധി. മഹാമാരിക്കെതിരെ പ്രതിരോധം തീർത്ത്‌, അന്തിയുറങ്ങാൻ വീടുകൾ പണിതു നൽകി, ക്ഷേമപെൻഷൻ എത്തിച്ച്‌, എല്ലാവരുടെയും പട്ടിണിയകറ്റി ജനങ്ങളുടെ ജീവിതത്തിൽ നിരന്തരം ഇടപെട്ട ഇടതുപക്ഷബദൽ രാജ്യത്തിനാകെ മാതൃകയാവുകയാണ്
വസ്തുതകളില്ലാത്ത ആരോപണങ്ങൾ ഉന്നയിച്ചു ജനകീയ സർക്കാരിന്റെ ക്ഷേമപ്രവർത്തനങ്ങൾക്ക് തടയിടാൻ ശ്രമിച്ചവർക്കുള്ള താക്കീതാണു പ്രബുദ്ധരായ മലയാളികൾ നൽകിയത് . വർഗീയശക്തികൾക്കു കേരളത്തിന്റെ മണ്ണിൽ ഒരു സ്ഥാനവും ഇല്ലെന്നു കേരള ജനത ഉറക്കെപ്രഖ്യാപിച്ചു . കേരളത്തെ മറ്റൊരു യുപിയൊ ഗുജറാത്തോ ഒക്കെ ആക്കാൻ തുനിഞ്ഞിറങ്ങിയ സംഘപരിവാർ ശക്തികളെ വോട്ടർമാർ അവജ്ഞയോടെ തള്ളിക്കളഞ്ഞു. ആകെ രണ്ടു മുനിസിപ്പാലിറ്റികളും പത്തോളം പഞ്ചായത്തുകളും മാത്രം ആണ് ബിജെപിയ്ക്ക് നേടാനായത് . ബിജെപി ഭരണം നേടിയ പാലക്കാട് നഗരസഭയിൽ അവരുടെ പ്രവർത്തകർ നടത്തിയ അഴിഞ്ഞാട്ടം പ്രബുദ്ധ കേരളത്തിന് അപമാനകരമായ സംഭവം ആണ്. ഈ വർഗീയശക്തികളെ കേരളം ജാഗ്രതയോടെ ഇനിയും അകറ്റിനിർത്തേണ്ടത് എന്തുകൊണ്ടാണ് എന്ന് ഈ പ്രകടനം വ്യകതമാക്കുന്നുണ്ട് .
ഇടതുപക്ഷ ജനാധിപത്യ മുന്നണി ഉയർത്തിപ്പിടിച്ച അഴിമതിരഹിത, മതനിരപേക്ഷ നവകേരളത്തിന്‌ അനുകൂലമായി ചിന്തിക്കുകയും വോട്ടുചെയ്യുകയും ചെയ്‌ത എല്ലാവരെയും സമീക്ഷ യുകെ അഭിവാദ്യം ചെയ്യുന്നു
ടോം ജോസ് തടിയംപാട്
ഒരു ഡ്രൈവർ ജോലികൊണ്ടു ഭാര്യയും ഹൈസ്കൂൾ വിദ്യാർത്ഥിയായ മകനും പിതാവും മാതാവും അടങ്ങുന്ന കുടുംബം നടത്തിയിരുന്ന ഇടുക്കി കീരിത്തോട് സ്വദേശി പനംതോട്ടത്തിൽ മാത്യുവിന്റെ ജീവിതം തകർന്നടിയുന്നത് കഴിഞ്ഞ മാർച്ച് മാസത്തിലാണ് ജോലികഴിഞ്ഞു വന്ന മാത്യുകുട്ടിയെ ദേഹസ്വാസ്ഥതയേ തുടർന്ന് ആശുപത്രിയിൽ പ്രവശിച്ചപ്പോൾ അറിയുന്നത് കിഡ്‌നിയുടെ പ്രവർത്തനം നിലക്കാറായി എന്നാണ് അന്നുമുതൽ തുടങ്ങിയ ഡയാലിസിസ് ഇന്നും തുടരുന്നു. കൃഷിക്കാരനായ പിതാവിന് മറ്റു വരുമാനമൊന്നും ഇല്ലാ കുടുംബവും കഷ്ടത്തിലായി .
മാത്യുക്കുട്ടിക്ക് വേണ്ടി കിഡ്‌നി നൽകാൻ ഭാര്യ തയ്യാറാണ്. പക്ഷെ മാറ്റിവയ്ക്കാൻ പണം വേണം ഫ്രീ ആയി ചെയ്തുതരും എന്ന് പരസ്യ൦ കണ്ടു അവിടെ എത്തുമ്പോൾ മിനിമം 5 ലക്ഷമാണ് അവർ ചോദിക്കുന്നത്. കൂടാതെ ഓപ്പറേഷന് ശേഷമുള്ള ചികിത്സയ്ക്കും പണം വേണം ഇതുതാങ്ങാൻ ഈ കുടുബത്തിനു ആവതില്ല. നിങ്ങളെകൊണ്ട് കഴിയുന്നത് താഴെ കാണുന്ന ഇടുക്കി ചാരിറ്റി ഗ്രൂപ്പ് യു കെ യുടെ അക്കൗണ്ടിൽ നൽകുക. ഈ ക്രിസ്തുമസ് ഈ കുടുംബത്തിന് ഒരു കൈതാങ്ങു ആകട്ടെ .ഞങ്ങളെ മാത്യുക്കുട്ടിയുടെ വിവരങ്ങൾ അറിയിച്ചത് കീരിത്തോടിലെ സാമൂഹിക പ്രവർത്തകനായ അജീഷാണ് .
ഇടുക്കി ചാരിറ്റി ഗ്രൂപ്പ് യു കെ എന്നത് കേരളത്തിൽ നിന്നും യു കെയിൽ കുടിയേറിയ കഷ്ട്ടപാടും ബുദ്ധിമുട്ടും അറിഞ്ഞവരുടെ ഒരു കൂട്ടായ്‌മയാണ്‌. ഞങ്ങള്‍ ഇതുവരെ സൂതാരൃവും സതൃസന്ധവുമായി ജാതി ,മത ,വർഗ ,വർണ്ണ, സ്ഥലകാല ഭേതമെന്യയെ കേരളത്തിലും, യു കെ യിലും , നടത്തിയ ചാരിറ്റി പ്രവര്‍ത്തനത്തിന് യു കെ മലയാളികൾ നല്‍കിയ വലിയ പിന്തുണയെ നന്ദിയോടെ സ്മരിക്കുന്നു. നിങ്ങളുടെ സഹായം കൊണ്ട് ഇതുവരെ 86 5 ലക്ഷം രൂപയുടെ സഹായം പാവങ്ങൾക്ക് നൽകുവാൻ ഞങ്ങൾക്ക് കഴിഞ്ഞിട്ടുണ്ട് .
പണം തരുന്ന ആരുടെയും പേരുകള്‍ ഒരു പൊതുസ്ഥലത്തും പ്രസിദ്ധികരിക്കുന്നതല്ല.. വിശദമായ ബാങ്ക് സ്റ്റേറ്റ് മെന്റ്റ്‌ മെയില്‍വഴിയോ, ഫേസ് ബുക്ക്‌ മെസ്സേജ് വഴിയോ ,വാട്ടസാപ്പു വഴിയോ എല്ലാവർക്കും അയച്ചു തരുന്നതാണ്.. ഞങ്ങൾ നടത്തിയ എല്ലാ പ്രവര്‍ത്തനങ്ങളും ഇടുക്കി ചരിറ്റി ഗ്രൂപ്പ് യു കെ എന്ന ഫേസ് ബുക്ക്‌ പേജിൽ പ്രസിദ്ധികരിച്ചിട്ടുണ്ട് ..നിങ്ങളുടെ സഹായങ്ങള്‍ താഴെ കാണുന്ന ഇടുക്കി ചാരിറ്റി ഗ്രൂപ്പ് അക്കൗണ്ടിൽ ദയവായി നിക്ഷേപിക്കുക..
“ദാരിദ്രൃം എന്തെന്നറിഞ്ഞവർക്കെ പാരിൽ പരക്ലേശവിവേകമുള്ളു.””,
ACCOUNT NAME , IDUKKI GROUP
ACCOUNT NO 50869805
SORT CODE 20-50.-82
BANK BARCLAYS.
ഇടുക്കി ചാരിറ്റി വേണ്ടി സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ്‌ 07803276626..
പ്രിയ സ്നേഹിതരേ, ഇടുക്കി ജില്ലാ സംഗമം യുകെയുടെ 25 മത് ചാരിറ്റിയും, വാർഷിക ചാരിറ്റിയുമായ ക്രിസ്മസ്-ന്യൂഇയർ ചാരിറ്റി ഈ വർഷം മൂന്ന് കുടുംബങ്ങൾക്കായി നല്കുന്നു. നിരവധി അപ്പീലുകളിൽ ഏറ്റവും അത്യാവശ്യമായതും, കമ്മറ്റി അംഗങ്ങൾ അന്വഷിച്ചതിന് ശേഷം മൂന്ന് കുടുംബങ്ങളെ തെരെഞ്ഞടുത്തു.
ആദ്യ ചാരിറ്റിക്കായി രാജാക്കാട്, മുക്കുടിയിൽ ഉള്ള ബിജുവിനും രോഗിയായ ഭാര്യ ഏലിയാമ്മയ്ക്കും കുടുംബത്തിനും ഒരു ഭവനത്തിനായിട്ടാണ് നമ്മളെ സമീപിക്കുന്നത്. ഇവർക്കുള്ള രണ്ട് മക്കളിൽ ഒരാൾ മുന്നോട്ട് പഠിക്കാൻ സാധിക്കാതെ പഠനം മുടങ്ങുകയും, മറ്റൊരാൾ 10-ാം ക്ലാസിൽ പഠിക്കുകയും ചെയ്യുന്നു. ബിജു ജോലിക്ക് പോയി കിട്ടുന്ന തുക ഭാര്യയുടെ ചികത്സയ്ക്കായി ചിലവിടേണ്ട അവസ്ഥയാണ്. ഇവരുടെ സ്വപ്നമായ ഒരു വീട് പണിയാനുള്ള ഒരു നിർവാഹമില്ലാതെ അവസ്ഥയിലാണ് ഇടുക്കി ജില്ലാ സംഗമത്തിന്റെ ചാരിറ്റിക്ക് മുൻപിൽ സഹായ അപേക്ഷയുമായി വന്നിരിക്കുന്നത്.
രണ്ടാമത്തെ ചാരിറ്റിക്കായി തെരഞ്ഞെടുത്തത് അടിമാലി, വെള്ളത്തൂവലിൽ ഉള്ള പൗലോസിൻ്റ കുടുംബത്തെയാണ്. കൂലി വേല ചെയ്യുന്ന പൗലോസിനും കുടുംബത്തിനും ഉള്ള വീട് പലരുടെയും സഹായത്താൽ പകുതിയാക്കിയിരുക്കുകയാണ്, വഴി സൗകര്യമില്ലാത്തതിനാൽ ജീപ്പ് റോഡിൽ നിന്നും കാൽ നടയായി 30 മിനിറ്റ് നടന്നാലെ ഇവരുടെ സ്ഥലത്ത് എത്താൻ സാധിക്കുകയുള്ളൂ, ഇവരുടെ സ്വപ്നമായ വീടു പണി പൂർത്തിയാക്കാൻ ഇവർക്ക് സാധിച്ചില്ല, ഈ അവസരത്തിലാണ് ഇടുക്കി ജില്ലാ സംഗമത്തിൻ്റെ സഹായം അഭ്യർത്ഥിച്ചത്.
മൂന്നാമതായി കുഞ്ചിതണ്ണി വില്ലേജിൽ എല്ലകല്ലിൽ താമസിക്കുന്ന രോഗിയും, വിധവയുമായ 58 വയസുള്ള അമ്മിണി എന്ന സഹോദരിക്ക് ചികിത്സാ സഹായത്തിനായും സഹായം അഭ്യർത്ഥിക്കുന്നു.
ഏതൊരു മനുഷ്യൻ്റെയും വലിയ സ്വപ്നമാണ് അടച്ചുറപ്പുള്ള ഒരു ഭവനം, ഈ കോവിഡ് കാലഘട്ടത്തിലും ഇടുക്കി ജില്ലാ സംഗമം ഈ രണ്ട് കുടുംബത്തിന്റെയും സ്വപ്നമായ ഭവനം നിർമ്മിച്ച് നൽകുക എന്ന ഉത്തരവാദിത്വം 202l ൽ ഏറ്റെടുക്കുകയാണ് , ഈ സ്വപ്ന സാക്ഷാത്കാരത്തിന് നിങ്ങൾ ഏവരുടെയും സഹായസഹകരണങ്ങൾ പ്രതീക്ഷിച്ചു കൊള്ളുന്നു. നിങ്ങൾക്ക് ഇഷ്ടമുള്ള തുക ഇടുക്കി ജില്ലാ സംഗമം അക്കൗണ്ടിൽ കൈമാറി ഈ കുടുംബങ്ങളുടെ സ്വപ്നങ്ങൾ നിറവേറ്റാൻ പങ്കാളിയാകൂ, ഇടുക്കി ജില്ലാ സംഗമം നാട്ടിലും, യു കെയിലുമായി ഇതുവരെ ഒരു കോടി രണ്ട് ലക്ഷം രൂപയുടെ ചാരിറ്റി നടത്തി കഴിഞ്ഞു.
ഇടുക്കിജില്ലാ സംഗമത്തിന്റ അക്കൗണ്ട് വിവരങ്ങൾ ചുവടെ ചേർക്കുന്നു.
BANK – BARCLAYS
ACCOUNT NAME – IDUKKI JILLA SANGAMAM .
ACCOUNT NO — 93633802.
SORT CODE — 20 76 92.
ഇടുക്കി ജില്ലാ സംഗമം കമ്മറ്റിക്ക് വേണ്ടി കൺവീനർ,
ജിമ്മി ജേക്കബ്.
07572 880046
കോവിഡ് മഹാമാരിയുടെ പശ്ചാത്തലത്തിൽ സാങ്കേതിക വിദ്യയുടെ സാധ്യതകൾ പ്രയോജനപ്പെടുത്തി കൊണ്ട് ബെഡ് ഫോർഡ് ‘ഷെയർ മലയാളി അസോസിയേഷൻ (BMA) ആദ്യമായി നടത്തുന്ന വെർച്വുൽ ക്രിസ്മസ് & ന്യൂഇയർ ആഘോഷങ്ങൾ ഡിസംബർ ഇരുപത്തിഅഞ്ചാം തീയതി വൈകുന്നേരം 4 മണി മുതൽ ‘ ലോകമെങ്ങും യൂട്യൂബ് ചാനൽ വഴി സംപ്രേഷണം ചെയ്യും. അസോസിയേഷനിലെ മുഴുവൻ കുടുംബാംഗങ്ങളെയും ഉൾപ്പെടുത്തിക്കൊണ്ട് വിവിധ കലാപരിപാടികൾ ആണ് അണിയറയിൽ അണിയിച്ചൊരുക്കിയിരിക്കുന്നത്.
കോവിഡ് ബാധയുടെ പശ്ചാത്തലത്തിൽ കഴിഞ്ഞ ഒരു വർഷത്തോളമായി ഒരു പ്രധാനപ്പെട്ട ആഘോഷങ്ങളിലും പങ്കെടുക്കുവാൻ സാധിക്കാത്തതിൻ്റെ എല്ലാ കുറവുകളും പരിഹരിക്കുവാൻ കൂടിയാണ് വെർച്വുൽ ആയി ക്രിസ്മസ് & ന്യൂഇയർ ആഘോഷം നടത്തുവാൻ ബിഎംഎ നേതൃത്വം തീരുമാനിച്ചത് .
ബിഎംഎ ഒരുക്കുന്ന ഈ ആഘോഷം പ്രവാസ ലോകത്തിന് വേറിട്ട ഒരു അനുഭവം ആക്കുവാനുള്ള തയ്യാറെടുപ്പിലാണ് സംഘാടകർ.
കോവിഡ് – 19 മഹാമാരി തീർത്ത വിഷാദത്തിന് സ്വാന്തനത്തിൻ്റെ കുളിരേകി ലണ്ടൻ മലയാളികൾ ആരംഭിച്ച ആഗോള അന്താക്ഷരി എന്ന സംഗീത പരിപാടിയുടെ ഫൈനൽ ഈ ഞായറാഴ്ച ( 13 ഡിസംബർ) വൈകുന്നേരം 3: 30 ന് നടക്കുന്നു. പ്രശസ്ത പിന്നണി ഗായിക പ്രീത പരിപാടി അവതരിപ്പിക്കും. ലണ്ടൻ കേന്ദ്രമായി പ്രവർത്തിക്കുന്ന സ്ട്രിംഗ് ഓർക്കസ്ട്ര ആണ് പരിപാടി നടത്തുന്നത്. വിശിഷ്ട അതിഥികളായി മലയാളത്തിൻറെ പ്രിയ ഗായിക ലതിക ടീച്ചറും ജി. പദ്മകുമാറും ഫേസ്ബുക്ക് ലൈവിൽ തൽസമയം അണിചേരും . ഇവരെ കൂടാതെ റാണി ജോയ് പീറ്ററും പ്രത്യേക ക്ഷണിതാവായി ലൈവ് പ്രോഗ്രാമിൽ ഉണ്ടാകും.
കുവൈറ്റിൽ നിന്നുള്ള സലിൽ വർമ്മ ,തിരുവനന്തപുരം കാരായ അപർണ രാജ് , അമൃത നായർ കൂടാതെ ബോംബെയിൽ നിന്നുള്ള ഉഷ വാരിയർ എന്നിവരാണ് അവസാന റൗണ്ടിൽ ഫൈനലിസ്റ്റുകളായി പങ്കെടുക്കുന്നത്. ആകർഷകമായ സമ്മാനങ്ങളും ഒപ്പം ആഗോളതലത്തിൽ ശ്രദ്ധിക്കപ്പെടുകയും ചെയ്യുന്ന ഈ സംഗീതമത്സരം, എല്ലാവർക്കും സ്ട്രിങ്സ് ഓർക്കസ്ട്രയുടെ ഫേസ്ബുക്ക് പേജിലൂടെ തൽസമയം ലൈവായി കാണാവുന്നതാണ്. പ്രേക്ഷകർക്കും ഈ ഇൻറർ ആക്റ്റീവ് പരിപാടിയിൽ പങ്കെടുക്കാനും ശ്രദ്ധിക്കപ്പെടാൻ അവസരം ഉണ്ടായിരിക്കും.
